شاعر خلف الكواليس

اسعد الله اوقاتكم بكل خير الى متذوقين الشعر الشعبي واعضاء وزوار منتداالمرقاب

مصافحه اولى اقدمها لكم واتمنى ان تنول اعجابكم



الشاعر الشاعر مرير بن عبدالمحسن الحبيل العتيبي

قليل في دول الخليج من سمع بهذا الاسم
وكثير من سمعو به فالمملكه العربيه السعوديه

القو معه قبل شهر او اكثر بقليل لقاء في برنامج الباديه المبث في قناة السعوديه والقا من خلال البرنامج هذه القصيده

واتمنى ان تنول اعجابكم كما نالت اعجابي




البارحه من لذت النوم قومت == جاني عقب ممسيت مثل الخيالي

غطيت لي ساعه وفيها تحلمت == حلمت حلمن حافضن له توالي

حلمت في راس الطويله تقدمت == وروبع الطاروق في راس عالي

اقبل علي الصبح والنوم مانت == ولاذقت حلو النوم من ما طرالي

وصبحت مدري بالقلم ويش ليمت == وبلحق القيفان قافن يحالي

مابين حلم وعلم ياقاف قسمت == وبجمع القيفان فأول وتالي

وانا على بدع الطواريق عزمت == وسبايب الطاروق شين طرالي

ولاجاز لي نضم الطواريق درهمت == درهمت معهن وسهرني ليالي

وبرمت لي قافن اليا برمته ابرمت == وفتلت فتل مفتلات الحبالي

وانا ضميري فكثر القول حكمت == وحكمت قافن مادخل به هزالي


تسمعو في كلمتي لا تكلمت == واليا زهمتج يالقوافي تعالي


نويت اعلمكم وانا الذيب علمت == وانصح صغار السن وانصح عيالي


ضربت مثل يالي لياوحيتني لمت == ماهيب مدحه يالنشاما لحالي



لاجيتلي في مجلسن يرغب الشمت == ونمايمن مابين قيلن وقالي



لامد فنجالن شربته وكرمت == وقلت اسمحولي موعدن لي ارجالي



وانا اليا ماجازلي مجلسن قمت == اببدله لو مجلس الا لحالي


وانا على شوف النشاما ليا ابرمت == نصيت عودن فالسوالف هلالي


ومجالس العقال منها تعلمت == فيها فوايد والسوالف جزالي


واليا هرجت بهرجتن ما توهمت == ولاشفت قول الشعر جاله مجالي


شاركت معهم فالسوالف وساهمت == ورديت لي ردن بقدر السوالي


وعن السوالف لرتدا حيلها شمت == وكنيت داخل خاطري ما طرالي


افهم وأفهم وان تكلمت فهمت == وهذا الزمن مابين حالن وحالي


ودون الطلايب عن حلالي تشيمت == وافتك من العيات بوصاف مالي


ادفع ولو ماني غشيمن تغيشمت == ونعيت العيات باخر حلالي


ساموه قدامي وانا مثلهم سمت == وامشي مع الحيين مشين عدالي


ولاجات من خبلن ضعيفن تلزمت == فالصمت والمردود يلقا بدالي


والله يساعدني على مسكت الصمت == لاجات عوجا من رفيقن موالي


لاشك لا فات الزعل ماتندمت == وهذا الزمن مابين حالن وحالي


واليا بدت لي حاجتن ماترحمت == الا لولين فالشدايد يسالي


والطيب احزامك اليامن تحيزمت == ولا الردي جرفن قصيرن هيالي


ياعبد لا تندم ليا نويت واقمت == انته مدبر من عزيز الجلالي


ولاينفعك ياكود ماكان قدمت == ولا ترا دنيا العنا للزوالي





تمت
للشاعر الكبير والعملاق


مرير بن عبدالمحسن الحبيل العتيبي


ودمتم مشعل عبد الله