نقوش في الذاكره

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
تذكرين العم صالح تذكري وش كان بيته = تذكرين المزرعه والطين والما والسواقي
والنخل والعذق والعصفور والاثل وحتيته = والقمر والليل والمجهول والهرج الدقاقي
والعطر نسناس ليل هب فيه وحتويته = تذكرين العطر كان العطر فعلاً شي راقي
تذكرين الصعب ياصعب الطريق اللي مشيته = تقصر الخطوه وقلبي يعطي القوه لساقي
ليل اسود في سماه غيوم لكني سريته = كنت انا والقلب والهقوه وشوقي في سباقي
مدري اللي وصل الاول مير وصلوله وجيته = مالقيت الا الطعون وخيبة اللي كان هاقي
آه ياحلم السنين اللي على جروحي بنيته = كل مابني سور يفتح لي من الصدمه رواقي
صعبه ان جيت لك قاصد شي غالي مالقيته = مثل رجالٍ كريم ويصفقونه بالطراقي
خابرٍ عز قديم وفاقدٍ ربعه وصيته = صارت ضلوعه مضيف وصارت همومه طراقي
والله ان القلب ماعمره عصاني لانخيته = لو حصل رمي العمايم لو حصل رمي الطواقي
غير في بعدك عصى كل النخاوي وقتفيته = ان عصى قلبي قفيته ويش غير القلب باقي
دام فارقته وفارق ليه قسمي مارضيته = ليه مارضى بواقع الدنيا وواقعها الفراقي
هيه ياحلم حلمته ليت ليلي ماصحيته = اتخيل صورته فالعين وايقن بالتلاقي[/poem]