(((((( يا محـــــلا الفنجــــــــــال )))))))

السلام عليكم ورحمة الله وبركاته


(((((( يا محـــــلا الفنجــــــــــال )))))))

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا محلا الفنجال مـع سيحة البال =فـي مجلسٍ ما فيه نفسٍ ثقيله
هـذا ولد عم ٍ وهذا ولـد خال =وهـذا رفيـقٍ مـا لقينا مثيله
يا ليت رجـال يبـدل برجـال =ويا ليت في بدل الرجاجيل حيله
يا بو هلا طير الهوى خبّث البـال =الطير نـزرٍ والحبـاري قليلـه
يالله ياللي طالبه مـا بعد فـال =ياللي من الضيقات ينجي دخيله
افرج لمن قلبه غدا فيـه ولـوال =والنـوم ما جـا عينه الا قليله
لا من ذكرت رموس عصرٍ لنا زال =شوف الفياض وفقد عز القبيله
يا زين شدتـهم اليا روح المـال =يتلون براقٍ حقوقٍ مـخيلـه
يسقي خصيفا والثمان ارضها سال =مرتـع معطرة السيوف الصقيله
اللي ليا ركبوا على كل مشوال =يفرح بـهم راعي النياق الهزيله
من جـو ساقان الى سيف همال =وينـوش حسنا والرديفـة هميله
ولا قادنا من يـمة القفر خيـال =يصبح شديـد البدو عجلٍ رحيله
زاع السلف واستجنبوا كل مشوال =والعصر يا مـحلا تخيبط نزيلـه
وان شرف البادي على روس الاقذال =والمال كثـر الـزول زود جفيله
وتلافحت من بينهم شهب الاذيال =ومـن ضيـع المفـتاح واعزتيلـه
ركبوا على طوعاتهم كـل عيّـال =وكـل ابلجٍ يـحري بكسب النفيله
تغانـموا المفزاع ذربيـن الافعال =مـن قبـل تسبق غارة تنثنـي لـه
يبغون طوعة روسهن قبل الادمـال =وتغانـموا خلف كثيـر هجيلـه
وحال الكمي من دون عطرات الاجهال =ومـروا ولحقـوا مقحمين الدبيله
واللي تريّض عقبهم يلبـس الشـال =مـن صنـع داوود دروعٍ ثـقيله
يلـزم عليهم علـة عقب الانـهال =ومـن غارتـه لـزمٍ يضيع دليلـه
والـدم بقطـيّ الرمك يثعل اثعـال =يـزعج علـى اوراك السبايا وشيله
هذي براعيها عـن المعرقـة مـال =وهـذي شكلهـا مطرّقٍ مـا تشيله
من وقـع كـل مجربٍ قد له افعال =وفـروخ صياد الحبـاري فـصيلـه
واليا ركبنـا فوق عجلات الازوال =وبايـماننا حـدب السيوف الصقيله
وما ظن نحسب لااشتبك عـج واقتال =نـتـرك صبـيٍ يقتنع بالفشيـله
وصـلاة ربـي عـد مـا زايلٍ زال =علـى نبـي الحـق راعي الفضيله [/POEM]

للفارس الشيخ

(((((راكان ابن حثلين)))))