ازرع احلامي على عام وتموت بشهر ؛

القهر وان جات طعنتك من كف الرفيق
لعنبوها رفقة ٍ بعدها طعنة ظهر
بيت يتيم منذ 4 سنوات .. لم يكتمل الا البارحه ..
..
..
..
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هكذا الايام والصـَــدر يرتاح ويضيق =والتجارب درس مضمون والدنيا عــُــبر
والفتن يطحن رحاها مثل طحن الدقيق =والعُمُر واحد ليا راح ماغيره عُمُر
والقبر معزول مابه رفيق ولا صديق =الصداقه والرفاقه قبل حفر القبر
اتعبتني قوْلت انه يليق او مايليق =صفر جنبه ستة اصفار .. والناتج صفر
كل يوم اشيّـد احلام ويتيه الطريق =ازرع احلامي على عام وتموت بشَهر
مابزندي ضعف بس الزمن جرحه عميق =والنجاه احيان مسبوقه بدرب ٍ وعر
طالما اني ماتحديت بالكف الرقيق =والله اني لَعبر الدرب لو شوفي شجر
قبل توقف رحلة العُمر ويموت الغريق =عن غناة الذل قبّــلت راسك يالفقر
ودّك انك نوب ترقد رقاد ولا تفيق=طالما انّ النور تال الليالي ماظهر
فاح قلبي وسط صدري مثل فوح البريق=كلما قلنا وش العلم صار ادهى وامر
والهموم اللي بصدري مولعة ٍ حريق =تجتول في وسط الاضلاع ويضيق الصدر
كلما سيّــرت مركب يضيق إبه المضيق=والصديق الليّ زهمته لاحسّ ولاخبر
اااااااه .. ياشيءٍ لهدني وانا وجهي طليق =منك ياللي كنت اشيْـد إبك وامدح وافتخر
واثْركْ اللي يدفن السم في وسط الرحيق =مادريت انك تغيّر على بطن وظهر
القهَر و ان جات طعنتك من كف الرفيق = لعنبوها رفقة ٍ بعدها طعنة ظهر [/poem]