آمـــا ل عـــمـــري

اسعد الله صباحكم بكل خير


اعتذر عن الانقطاع واحب اتواصل معكم بهذه الابيات البسيطه اللي كتبت

في ديسمبر 2007 في اورلاندو



_______

[poem=font="Simplified Arabic,5,purple,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


تموت الأجساد لكن ؟ ماتموت القلوب = ويطيح دمع الرجال ,, ولاتطيح الرجال

هبت علي من شمال ولد طرفي جنوب = وغصتني العبره ورديت طرفي شمال

الحال في دون والوجهه اعتراه الشحوب = لكني ! ادري .. ( دوام الحال شي ٍ محال )

يخنقني الخوف .. لامن شفت ( لون الغروب ) = احس ( بالموت ) قدامي .. ويدعي ( تعال )

ابحث عن الذات في شتى المدن والدروب = واحاول ايجاد نفسي في هدو وانفعال

مرات محتار مابين الفشل والرسوب = ومرات محتار بين الشك والاحتمال

الناس نوعين : والدنيا تحك النشوب = نوع ٍ يشوف الثرى .. ونوع ٍ يشوف الهلال

العيب في اللي يبي العالم .. مافيها عيوب = والنقص في اللي يحسب انه وصل للكمال

جميل ! لو نعطي الفقير خبز وشروب = واجمل لو ان الفقر من ماضي الوقت زال

احيان يكون التراجع .. افضل من الهروب = واحيان يكون الكسل .. ارحم من الأتكال


يا ( آية الحسن ) خلي العين تشبع ! يادوب = كحلتها في ( فتن لاماك ) يا ( أم الدلال )

اعشق ( كلام الجمال ) اللي حروفه تذوب = وآقدسه وآعذر ( صمتي ) في ( حرم الجمال )

قالو لي ان الخيال اجمل وينعش قلوب = وقالو لي ان الحقيقه مره بلا جدال

ومن شفتك بدنيتي ؟ .. ذليت ماعاد اتوب ! = وآمنت بأن الحقيقه .. اجمل من الخيال

خفت أسألك !! عن ( مصير الحب ) و ( قلب امعطوب ) = قلت : انسحب .. وايضا ً أوفر عليك السؤال

اللي بقالي من ( اوهام الهيام ) الكذوب = قلب ٍ شبع من فراق .. ومل جوع الوصال

لو ادري ان السهر ؟ .. بيزيد وجهي شحوب = كان اعتزلت السهر .. ولا سهرت الليال

حتى ! لو ( آمال عمري ) .. روحتها الهبوب = بيطيح دمع الرجال ولاتطيح الرجال[/poem]



وطــــولــــة عــــــــمـــــــــاركــــــم