سعد بن هتيل وصقر النصافي .. رحمهم الله

السلام عليكم ورحمة الله وبركاته



رديّه بين الشاعرين .. سعد بن هتيل الدوسري .. وصقر النصافي .. رحمهم الله


وبما أن المحاوره جازتلي وخصوصا ان جدّي سعد بن هتيل .. فيها

حبيت ان اضعها هنا .. ولا ادري وش سالفتها بالضبط قال صقر النصافي

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عيّنت لي بكرةٍ ما نيّرتها السنين=عساك من عقب هاك الوقت فطنٍ لها
أتلا عهدنا بها يوم ارزمت بالحنين=والناس قالو ترى ابن هتيل شنحٍ لها [/POEM]

فقـال سـعـد

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا صقر هي من سمار الطرش والا لوين=وايضا بعد يا وسيع العرف وش حلّها
ما شفتها جعلها لمدوّرك ما تبين=ما عندنا حل ضيعتها مداجٍ لها[/POEM]

فقال صقر ا
[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لله خابر وكل الناس بك خابرين=يوم انت تلعب لها لين اختلف دلّها
الغايه ان حجتي من غاربك يالمسين =ما نيب من حطّها ولانيب من شلّها[/POEM]

فقال سعد

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البكره اللي تقول شهودها حاضرين=مانيب ملفاً لها مانيب ملفاً لها
دوّر لها في يسار النزل والا يمين=هيجن لها من شليل النزل هيجن لها[/POEM]

فقال صقر

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]شيعتها يا سعد شعي الهجين اليدين=غديت فيها وانا امشي كان في ظلّها
يا ليتها من ضليع الثور للروضتين=مرباعها بالحتايف جاز والا اللها[/POEM]


سعد ..

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الحايل اللي بها دبدوب وقلادتين=يا اعريب دار اسمحو منها وقارٍلها
حيت انها بكرةٍ مشعاف والحل زين=ترحل مع البدو وتعيّن وليفٍ لها [/POEM]
صقر

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا واهني من يشد احبالها باليدين=ويمسي ويصبح ورى المطلاع راعٍ لها
ويفتل لها قيدها الكمبار ابو ثنوتين=وعقالها وان رحل ميّل على شلّها[/POEM]


سعد

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا صقر انا طالبك لا تعترضها بشين=يا ابو مهلّي ترى مثلك وديعٍ لها
ترى الفتاة الظهيره غدوة الطيبين=الطيّب أهلٍ لها والخايب إفداً لها [/POEM]
صقر

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لا والله الا نويت تحوفها ياللعين=يا عارفٍ وسمها وشلون تحتلّها
بيني وبينك هل المعروف والغانمين=وان كان عادك رفيقي بكرتي خلّها [/POEM]

سعد

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا صقر هي لك وانا باخذ بها ركعتين=عند الضحى واطلب اللّه جعلك إتملّها
وانا بأعيّن عوضها من هل القريتين=الديره اللي تربّي مثلها أدلّها[/POEM]




واسمحولي على الاطاله