يـا سـعـود

[align=center]قصيدة متواضعة وجهت للأخ سعود بن طراد ابن مريغه[/align]

[poem=font="MS Sans Serif,5,darkblue,bold,normal" bkcolor="transparent" bkimage="" border="double,6,darkblue" type=1 line=1 align=center use=ex num="0,black"]
ياسعود لاتشره ليا غبت ياسعود = لا الوقت وقتي ولا الزمان بزماني
احيان ماكني مع الناس موجود = لو كنت في الواقع واعيشه ثواني
يطغي على الصمت حزات ويزود = لين اني انسى كيف ينطق لساني
واحيان بالي مع طواريه مشدود = اسرح بفكري لادعا ما دعاني
اسج واغيب ليا ذعذع النود = عن كل مايلجأ بحدب المحاني
لعلي اسلى عنه لو وقت معدود = هاك الخيال اللي تعدى مكاني
اخايله براق ولا اوحي له رعود = وبله سقى غيري وانا ماسقاني
والصبر طال وكل شي له حدود = والنفس قنعت ماحداها حداني
وماقل دل وزايد الهرج مردود = والناس لو تنشد تعرف المعاني
مالي ومال الناس ناشد ومنشود = هذا يقول اقديت وهذا نهاني
ماني على شكواي للناس محدود = دعواي واعرفها وانا ابخص بشاني
وان كان حظي عيت يدينه تجود = وش عاد لو عشره تعود ثماني
ومادام سلم العود فالحال ويعود = وصبراً جميل وبالله المستعاني[/poem]


[align=center]وسلامتكم[/align]