تجربني ثياب العيد !!!!!!

[POEM="font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تجربني ثياب العيد ، تحاولني ، تناظرني =مراياها من الإحبااااااط ، مذهولة ومرتابة

وتنشر لونها الزاهي ، تحاصرني ، تذكرني= هوى اللي تذبل ألواني إلى عذبّني غيابــــه

تلد يمينها، ترجع ، يسار وخلف تســـــألني =علام العيد غادرها وصار قشـور كـــــذابة ؟

تصفّحْني عطورالعيد ، تخيَّرني، تفاوضني =على روح جنايتهـا عبيرٍ يسـكــــن ثيابــــه

إلى من بشّــــروا بالعيد ألاياعيد بشّــــرني =أبعثر عمري بلقياه .... لو تجمعني اهدابـه

بدونه ماأظنك عيد ، ولا ظنيت تفرحني =بدونه ماأظن أفهم معاني العيد واســبابه

بدونه حفلتي مأتم ، وحزن اعتاد يغمرني =وهمٍ يختلي صحراي و يغرس فيني أنيابه !

يروح العيد خلفه عيد ، أنا عيدي يعاندني =وكيف يعيّد الموجوع و المفجوع باحبابه ؟! [/POEM]