سحر البيان

السلام عليكم ورحمة الله وبركاته
الله يمسيكم بالخير جميع
إليكم هذي الأبيات الجديدة لعلها تحوز على رضاكم..

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يازمان العولمه والكمنجه والكمان=عالمك مايفهمون انهم مايفهمون
تايهين القايله والعلوم ابلا ضمان=والقلوب الميته ماتقديها العيون
مثل من يبني وساس المباني مرمهان=ما وراه الا التعب والغبينه والديون
هذي الدنيا تجارب وعبره وامتحان=بس وين اللي من التجربه يستاعضون
يكسبون المعرفه والمزاعم والرهان=يحتمون اقوالهم يهرجون ويفعلون
والهذور اللي يسوّي لروحه هيلمان=يخسر الثنتين دايم وتلقاه امغبون
يوم قيلت كلمة الحق خاب البهلوان=والرجال اصحاب الآريا عساهم يسلمون
اهل وقفه واهل نضره واهل عز ومكان=دايمٍ بعقولهم للمعالي يصعدون
تعمر الديره بهلها وشان الطيب شان=والعباد اللي تعد الحقايق يشكرون
جعلِ لي بالشعر حكمه وفي سحرالبيان=كلمةٍ تصغي لها الناس وتعمّر قرون
كل شيٍ له نهايه ونور الصبح بان=مابقى الا كلمةٍ لو تهوّن ماتهون
كان قام بلازم السيف مطرق خيزران=صار مال السيف قيمه يكون اللي يكون[/poem]

وسلمتوا...