طـريـق بـقـيـق

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
امانه ياهل الطايف ليا جيتو طريق بقيق =قبل ماتاصلون بقيق بيت امناي من دونه
عطوني علمكم لجل اخبره يعملكم تنسيق=ولحدٍ يشره اليا كان معطيته تليفونه
لاتاخذكم سواليف الخطوط ويعدم التوفيق=تزلون المكان الي موصيكم تمرونه
يبا يرسل لكم مندوب وعطوله بلا تدقيق=هديه من ضمير العاشق الي باح مكنونه
ليا مر بخياله كن من فوق الضلوع طويق=ابيح في سدودٍ من قديم الوقت مخزونه
ليا قابلت شخص تقول عن مافي الضمير مويق=يعرف الي حواة القلب من شكلي ومن لونه
انا العاشق ونا المغرم ونا الي فالهوى ماطيق=ونا لانامت عيون الخلايق تسهر عيونه
يقولون الهوى غلاب يعمل للحشى تعليق=وكنت اقول قلب المغرم الولهان مامونه
وذالحينه قنعت بما حصلي عقب زاد الضيق=ياليت اني سمعت الي عباد الله يقولونه
رعاك الله ياحي قطن جنوب شرق بقيق=عسى منشى الخليج يهل فوقه صادق مزونه[/poem]