عيدي قبل عيدين

السلام عليكم ورحمة الله وبركاته

اتصلت على الوالد الله يعافيه ويطول عمره صبح العيد ابارك له
قالوا لي انه نايم ,,وذي ماهيب عادته
فكان هذا التعبير البسيط وهو لاشك اقل بكثير من موضوعه

ياسر العتيبي ,, عفاس بن حرباش ,, خالد الحصين

طلبكم امر

اسمحوا للمتواضعه بالمرور ,, واعذروني على التقصير
وقبل كل شي ابشركم ان الوالد بخير وعافيه ولله الحمد والمنه


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هذا العيد ما يشبه لعيدي قبل عيدين = هذا باهت البسمه وهذاك راسمها
لولا ان الله اللي فارضٍ فرحته بالدِّين = ما شاركت خلق الله بضحكة مباسمها
سبب شايبٍ حلّ التّعب فيه من عامين = عسى الله يفرج كربةٍ كان قاسمها
ذبحني عليه البعد بالموس والسّكين = والاشواق له تزرع بضلعي مياسمها
فديته من اعلى الراس لين اخمص الرجلين = كثر ما تباهت به شوارب مدسّمها
من اوّل تجيني هرجته رغم فقد العين = وهالحين حتى الكلمه ابطت مواسمها
ولا قمت اشوف من الحياه العريضه زين = تدنّايها فالعين ورث لـ تجاسمها
الا ليت لي قدره ودبره واجي مابين = صدوفه وعمره لو غدت بي حواسمها
ياربي اليك الملتجى فالقسى واللين = تعافي جسده ونفسه امهل تنسّمها
وتفزع له وتفزع لي آردّ عشر الدين = رضًا لك وخوف من السنين وطلاسمها
[/poem]

وسلامتكم