فيـض مـن غيــض

السلام عليكم ورحمة الله وبركاتة ,,,


مساء الخير ,,,


كيبورديه تقبلوها كما هــي وأسمحلوا لـهــا بالمـرور


اتمنى ان ترتقي لذائقتكم ,,,

يقول

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
المعاني على فكري وقافي تمون=و المواقـف لها حسبه ونقطة نظام
اللعبي يا هجوسي بعد بدع اللحون=شاعرك في حروف الشعر يرقـى سنام
ما يجيب الهزل دام الفكر ما يخون=يحفظ حقوق شعره والأدب له مقام
ينطق الحق ,, لو كل البشر يزعلون=لا طمع بالحرام و لا سعـى للحرام
مـا شحذ في قصيده لو كوتـه الديـون=عزته تمنعه و الطـيب و الاحترام
للشكاله يداحم في متونه ,, متوون=ما رقى للمراقـب فوق ظهر الأنام
بارك الله بوقتٍ زادنـي ,, بالطعون=العزم و التحدي و الصبر و الهمام
كــل طعنه بظهــري علمتني أكون=ثابتٍ بالمواقف وإن صفي أمام
ودام فكري وجسمي باللقـى يحتمون=ما عرفت القهر و الذل و الانهزام
شفت من دنيتي وقتٍ سنونه ,, سنون=عضته للرجال ولقمتــه للنعام
منـه قومٍ على قول النعم يطمحون=ومـنه قومٍ عن دروب المراجل صيام
ومنــه قـومٍ على رد الوفا يرقدون=ومنــه قـومٍ على رد الوفا ما تنام
وأبغض الخلق ,, خلقٍ بالخوي يشذبون=حسـبي الله عليهم لين يوم القيام
لو تغطوا بـثوب الود لا تظمنون=يحترون الفرص وإن طحت مالك سلاام
والوجيه النقيـه سودتها الظـنـون=الله انه يجازي من يحد الحسام
كلمةٍ جاتني من دون طعمٍ ولون=والرجل ما يهزه غير بعض الكلام
لو سترها بضحكه ما استرتها العيون=نظرته تعكـس اللى مختفـي باللثـام
نـدمح الزله اللى ما تجي من غبـون=ومن يبين ضروسه نلجمه بالجام
والشعر موهبه وأحساس قلـب وفـنون=ما يذل الحرار ولا يعز الحمام
قدرنا خابرينه ,, و العرب يعرفون=المواقف لها حسبه ونقطة نظام
سلم الله هجوسن جعلها ما تـهـوون=فجت الضيق كله مثـل برق الغمام [/poem]
وسلامتكم