عشـــــــــنا ,,,,,,,, وشفـــــــنا

السلام عليكم ورحمة الله وبركاته

قصيده قديمه طرى موقفها فقيلت ,,,,,,, اتمنى ان تحوز على جزء من اعجابكم.......



صلو على النبي.......



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هبوب البرد في صلـف الليالـي = تبي صبرٍ مثل صبـر الجمالـي
مايقدر له ياكون شعيل لصهـب = ليامنـه ارتكـى شـل الثقالـي
وانا من دون ربعي ودون وجهي = جبل ماني مثـل جـرفٍ هيالـي
ليامـن الـردي كثـر كـلامـه = ومن هرجه زعلت وضاق بالـي
اشوّش واعتزي واقول وافعـل = واكـدر صافـي العـد الزلالـي
الين يقول حقـي فـي رقبتـي = ويـدري بالحـرام ... وبالحلالـي
وانا اتحداه كانه صدق صـادق = يعد القـول لزحـول الرجالـي
ما يقدر وان قـدر ردوا كلامـه = ويبشـر بالفشيلـه والنكـالـي
عقب ذا يامحمد يـا عضيـدي = وذخري لاطغـن سـود الليالـي
ترى مانـي مفكـر فـي كـلامٍ = يقولونـه ردييـن الخصـالـي
حداهـم لا بغـى يرفـع مقامـه = يهوز النجم لـو مالـه مجالـي
يذكرنـي بتيـسٍ جـاه حتفـه = كسر قرنه على صـم الجبالـي
حيينا فالزمـن لاقشـر وشفنـا = ظهر له صوت (.....*...... )
عقـب ماكـان جـده يامحمـد = يحلب العنز ويسـوق الحلالـي
غدى يفخـر بجـده ويتفاخـر = يبي يصبح من اصحاب المعالـي
ولكـنـي كعـامـه لاتـمــادا = لامـن ربـي نوالـه بالزوالـي
ارد الكيـد فـي نـحـره وازره = وياتي فيه مـن وقعـي جفالـي
ولامنـه تعـدى فـي حــدوده = وطيته ما دريـت ولا طرالـي
واعلم هافـي الانسـاب قـدره = وفرقه عن مروويـن السلالـي
وفرق الشيخ عن راعي حلالـه = مثـل فـرق الثريـا,,, والرمالـي
وانا من روس قـومٍ ماتطـاول = معرب من عمام ,,ومـن خوالـي
ولا قول الـردي يثـر فنفسـي = ولا فعلـه يغيـر فـي مقـالـي
انا صامل علـى قولـي وفعلـي = مثل صملة..( ابـو زيـد الهلالـي)
ليامن صار فالوضـع انتكاسـه = اعـدل الميـل واحـل الحبالـي
انا ثابت علـى مبـدا وشيمـه = ولو دارت على نفسي الدوالـي
معلمنـي (ابــوي) الله يديـمـه = على كسب الجميلـه والجزالـي
ودون الحق ماخالف ضميـري = لو اني واقـف بدربـه لحالـي
ووصاني برفيقي لا نخانـي = اسوق الحال من دونـه ومالـي
لكـن يامحمـد الدنيـا غريبـه = عرفت احسابها فيمـا مضالـي
في اخر وقتنـا عشنـا,,,,, وشفنـا = ضهر له صوت (.....*...... )[/poem]


وسلامتكم