مساجله مع لافي حمود

[poem=font="Simplified Arabic,6,black,normal,normal" bkcolor="transparent" bkimage="" border="none,8,black" type=0 line=0 align=center use=ex num="0,black"]
راكب اللي صمموها على حسب الطلب = واتقنوها لابسين الطرابيش الطغاه
صمموها حسب شرح الخبير المنتدب = فرقتن متفاهمين وبياطيرٍ دهاه

في رياسة شايبن هيلمانين حدب = لا زهمته كن سرحان ينهش في عضاه

كل عام ينافسونه ويحضا بالقب = ميزوه ورفعو رتبته فوق زملاه

يوم برمجها وكمل صناعتها كتب = المحرك ما يضاها ولايوجد سواه

وحط له خطٍ يعرفه عجم والا عرب = قود خمسين الف باوند مكتوبن علاه

يوم تقلع تحتها القاع مشتبن لهب = والعسام مغطن الارض ومغطٍ سماه

في قيادة كبتنٍ عرفته تسوى الذهب = قبل لايقلع يوادع ذويه مع اصدقاه

وركعتين لوجه ربه ليامنه ركب = ورافعٍ سبابته للولي يطلب رضاه

مهبطة دخنة منازل عريبين النسب = موقعة فالعاليات الطوال عن الوطاه

دار قومٍ تفدح الخصم وتقود السرب = عزوتٍ يامن بها خايفٍ وقته حداه

حرب لاذكرو هل الطيب طاريهم وجب = ما يغط النور غير الشياطين العصاه

انحرو هداج فكاك شرباك النشب = لافي ابن حمود رجلٍ ينومس من نصاه

بينٍ بيته به الضول وابشر بالشبب = والضيافه للطراقي وربعة وقصراه

سلموه الخط بعد المسافه والتعب = واتركو له باقي الامر مايبغى وصاه

يوم خصيتك بخطي على شان وسبب = ناقدٍ بيطار فالشعر عالٍ مستواه

حيلة اللي مركبه كل ما منه اقترب = قامت الامواج تنحاه عكس الاتجاه

فالبحور يعوم والشط روياه انحجب = وانت مامون المجاديف ودروع النجاه

خلها ماعاد تقبل مشاريه وعتب = يبدي المرقاب والا منه يطوي رشاه[/poem]