(((طـعم / الندامــــه)))

[align=center]اتمنى ان ترتقي لذائقتكم وان تلقى لها لو بعض القبول[/align]



[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ياوجود اللي من الفرقى ضيوفه=دمعة احزانه وذكرى الأبتسامه
كل ما يطرق مواويله تحوفه=شرهة الغالين / وعيون الملامه
لين ما شابت من الوحشه حروفه=وانكسر خاطره واجتاحه ظلامه
واعلن ابعاده وخلى وسط / جوفه=جمرة اشواقه ومعزوفة غرامه
وعلق الشرهه على عاتق هنوفه= وقفت الفرحه وناحت له حمامه
صوتها.. يشعل هواجيسه وخوفه=لا تكون احلام في ذروة منامه
يووه يا قلة وفاه / ويا عزوفه= وآآه من قلبي ومن كثرة هيامه
لو درى وشلون تذبحني طيوفه= ما حرمني من شعوره وأهتمامه
شاعره من كثر وجده قل شوفه=وانطوى حاله / وطاحت به عظامه
حيره شوقه / وتصفق به كفوفه= كنه اللي ذبح خاله من عمامه
والحزن سوى على موته بروفه= واندفن به نسأل الله السلامه
دام مايشتاق / ما عنده مروفه=ودامها وصلت الى حد الكرامه
الفراق / اخير من نار الحسوفه= والعذاب / اخير من طعم الندامه
لو يصب الشوق بعروقي واشوفه= كنه يصبه على راس العدامه
والله ما اجيله ولو تسمح ظروفه= خير من شوفه فراقه وانعدامه
حتى لو انه ملكني/ بمعروفه= ما يذل الرجل يا كون انهزامه[/poem]