.. آخـر البدو ,,

السلام عليكم
اسعد الله جميع اوقاتكم وكل عام وانتم بخير
الاعزاء اعضاء وزوار هذا الصرح يكفيها منكم شرف القراءه والاطلاع
ودمتم بخير



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياريم لاتجفلين ويجفل الصيد = خلّيه في مرتعه والله وكيله
الشيمه اليعربيه والاجاويد = والوجه وسلومنا العليا كفيله
من حين جينا بلا سابق مواعيد = ياريم وانتي على مثل المليله
ياريم واللي جبل طبعك على الكيد = مالله جبلني على غير الفضيله
النفس ميرادها عذب القراهيد = والعين عن غِرّة الغافل كليله
والرجل ماتدهل الا شامخ الحيد = مع طامن القاع خطوتها ثقيله
عذبتها في محادير ومسنايد = مع كور سمحه ومع سرج الكحيله
من بطن بيشه ليا حزم الجلاميد = مارجمٍ الا قدم رجلي عميله
ياما فجعت الجوازي رتّع البيد = بالمارتين القصيره والطويله
إليا ارتكى منكبي لإم العباريد = يحرم على القايده تلّ الجميله
انا آخر البدو يامنتوقة الجيد = انا وريث المواريث الاصيله
انا صبّيِ ولد صبيان توحيد = اعراب معرّبين أصل وقبيله
اهل الشيم والقيم وأهل التقاليد = وأهل المكارم والاخلاق النبيله
وش عاد لو يمتلي وجهي تجاعيد = ماهوب عيبِ علي ولا فشيله
عهدي بوقت الرخى يوم ارضع الديد = واليوم مالي واردّ الشيب حيله
اشملت واجنبت مرّات وتراديد = ومثلي دفوف البسيطه ترتخيله
ياكثر مافي مناكبها من الفيد = للي يخوض الدروب المستحيله
لوم المعالي على خطو الاواليد = اللي محاويشهم منها قليله
لو يصقلون الهمم صقل البواليد = ترضخ لهم هامة العليا ذليله
لاعاش رخو العزوم موثّق القيد = غلق المحاريف مذموم الفصيله
ما احفت سبوته عسيرات المواريد = العام وامس ومقيله هو مقيله
لو يترك الناس في دنياهم بعيد = الناس مايتركونه في سبيله
وعرض الفتى لاتعرّض للمناقيد = مثل الضريبه على متن البتيله
مركوزةٍ للنهيلي والبواريد = وبوارديّ اللسان اقوى فتيله
[/poem]