الضحك وينه .. والسعادة وين ...؟

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الايا أهل الغرام الضحك وينه والسعادة وين= عسى الله يقطع الفرقا وساعتها وطرياها

أحس بوسط قلبي جرح يشبه طعنة السكين= واحس بوسط كبدي جمرة تحرق ثناياها

وأحس بداخلي ضيقة غريبة كملت يومين= واحس أن الزمن كشر بنابه يوم فرقاها

وأنا لوني شكيت اللي بقلبي للجبال تلين = وأنا لوني شكيته للسحايب نثرت ماها

صبور ولو يبور الوقت فيني والزمان يشين = حرام أني لصون أسرار قلبي داخل أخباها

عليه نذر برقبتي ومني حلف معه يمين = لموت ولادروا من وين ديرتها ومنشاها

ولو راحت ضلوعي من سبب حمل الغرام طحين = أنا مثل الجبال الراسيه ما أهتز مرساها

ترى ما همني حمل المحبة لو غدا حملين = أنا قد الحمول الجايرات وقد بلواها

عليها اللوم من شرقي وطنا لاحدود الصين = عسى الله مايواخذها بغلطتها ويجزاها

أبصبر وأتجمل وأتحمل فالقسى واللين = واقول الله يوفقها عدد ماسارت أخطاها

أنا ليه أتبع المقفين وأشحذ رحمة المقفين = وانا من روس قوم تستر الخلة وترفاها

رجال يخدمون ويحتمون وينصرون الدين = على درب الهدى والخير والفزعات ممشاها

هم اللي يطعمون ويرحمون العاجز المسكين= لهم سيرة قديمه من جهل بالعرف يقراها

وعلى سود الليالي والمحبة والفراق الشين= دعيت الله يعين ويكشف الضيقه ويجلاها

يعين الصابرين اللي على درب الشقا ماشين = ثلاث سنين وهموم الزمان تحف ممشاها
[/poem]

للشاعر / فيصل بن خلف بن هذال


..