مصـافحـه أولـى

السلام عليكم ورحمة الله وبركاتــه /
مصافحه اولى اتمنى ان ترتقي لذائقتكـم /

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ضاقت الدنيا على أوساع العيون=وضيقتي من ضيقة الرمش الكحيل
لحظه التوديع لحظات الجنون=والفراق يشب بالخافق فتيل
ما على الدنيا ضمان ولا تمون=حالها من حال ذباح الدخيل
كل يوم تحط في صدري طعون=لين صدري للطعون أصبح وكيل
ينولد حلمي وتبراه الكفون=والسعاده عمرها ماهو طويل
يذكرك بالخير يا أحلـى السنون=يا ليالي جمعت خل وخليل
في فضاها داعب الريح المزون =وأختلط طهر الثرى و السلسبيل
وفي سما أطلال حبـك يا فتون=زاد نبض الشوق بالجسم النحيل
كم مكان ٍ قلَب اوراق الشجون=في عيون ٍ دمعها جاله مسيل
فجرت في جوف مغليكم عيون=وانبتت فوق الورق رطب النخيل
ارسمك لوحه وأغنيها لحون=و الحروف يشوقها الوقت الجميل
ما شكيت الحال لو الحال دوون=خايف العذال تعرض بالصقيل
يا حبيبي ما بقى للفرح لون=ذابت وروده على صدر العليل
اسعد الأوقات يا احبابي تجون=وأصعب اللحظات لحظات الرحيـل [/poem]
وسلامتكم