ياراحمتني .. راح متني !!

السلام عليكم ورحمة الله وبركاته
إلى جميع الأعضاء والزوار اقدم لكم هذه المتواضعه واتمنى ان تحوز على رضاكم

مدخل

[poem=font="Arial,4,purple,bold,normal" bkcolor="transparent" bkimage="" border="none,4,gray" type=1 line=1 align=right use=ex num="0,black""]
جتني تخطى تســتــتر بالليل من زيغ العيـون=وكفٍ ليا طارت حدا الخصلات وقف! وجمعه
تكــون ولا ماتكـــون؟ تكــون ولا ماتكـــون؟=رددتهـــا لين استباح الحكـي صدري وجزعه
يامرحبــا ترحيبة المحتــاج لاجاه الزبون!=ولاّ بعــد ترحيبة اهل سدير باهل المجمعه[/poem]


[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
هقواتنا من قوة الوقت ياخوك=تكسرت قدم الملا واكسرتني

الحال من صكات الايام مدكوك=انا جبل مير السنين ادهكتني

النفس حره لكـن القلب مملوك=مملوك للي بالغــلآ مالكتني

اللي مشى حافي على حِـدة الشوك=ماهوب مثل اللي على راح متني!!

ياراحمتني راح متني كما الهوك=خفي من التعذيب ياراحمتنــي

ادراك مثل اللي من الصغر داروك=انا غريب وصورتك وطنتني

صورتك في بالٍ من الهم مفتوك=لازل ثلث الليل عني لفتني

تدري! من اللي لا اقبل الليل طروك!=قلبٍ وعينٍ بالسؤال احرجتني

وانا اتعذر عنك والدمع مسفوك=شف ذا المحاجر والعيون اشتكتني

اكنْ همي لكـن الهم صعلوك=سراق ضحكة ناجدٍ فارقتني

إليا متى والهم نزال ويحكوك=هايم غلاك وصدّتك مضميتني

بدخل على الله ثم بدخل على ابوك=وبدخل عليك اليوم يامتعبتني

ياتتركين القلب واعيش مفكوك=ولا اقهري عذالتن قاهرتني[/poem]

مخرج

[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=1 line=0 align=left use=ex num="0,black""]
تخيل كل ماقلت ابتعد عنك ونويت اسيــر=احس الرجل تثقل والطريق يضيق في عيني [/poem]