مسَاحة الجوخ !!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالوا علامك ما تناديه بالشيخ ؟!= حاول تجامل مثل مسَاحة الجوخ

خلّ المبادي ياولد وامدح الذيخ !!= حتيش لو ما هوب بالفعل مطنوخ

يملك من الميلان كثر الصلاميخ = صمَ الحصا : ( مابين رابغ وصلبوخ )

له واسطة مثل الطيور المكافيخ = تحوم ولها في وزاراتنا افروخ !!

قلت انتهيتوا : مدح زايف وتنَفيخ ؟!= عانوه ابو ذربٍ من المدح منفوخ

امصعَرٍ خدّه وفالبطن بطيخ = دلخٍ يحسب ان العرب حوله دلوخ

شيخٍ مدام العصر ذا : ( عصر تشييخ )= لكنَ فيه اشيوخ تفرق عن اشيوخ !!

والمجد من حظَ الرجال المطانيخ = راياتهم بيضا على كل شاموخ

تاريخهم ماهوب مثل ايَ تاريخ = باعث فخر ماهوب بالعار ملطوخ

شمط اللَحى قوم الجهاد الشواميخ = منهم وجه عدو الآسلام ملموخ

يشناهم آعلامٍ لعب فالتَواريخ= طبق الآصل من ( Media ) الغرب منسوخ

تلقاه فالح في فنون المفاصيخ = وفي فنَ ( دافنشي ) وفي فنَ (فن جوخ) !!

واللي ما يخشى القنبلة و الصَواريخ = ولجل امَته قاتل على درب مفخوخ

لا زم توجَه له على البثَ توبَيخ = واتغرَر ابزيف الخبر كل ملبوخ

ارهابي ومتشَدد ونذل ياشيخ !!؟ = قلبه حجر والوجه بالشرَ ممشوخ

هذا عشانه نوَخ الغرب تنويخ !!= واردى ذراع امحارب الدَين مملوخ

انا اشهد ان ذا اللي ينادونه الشيخ = ما هوب شيخ المال يا ماسح الجوخ

بالمختصر مانيب من يمدح الذيخ = ما يمدحه حيٍّ وله راس مطنوخ[/poem]

هزاع الشيباني