..... مــطــعــون .....

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حدب الضلوع الي على قلب سنجار=صورة بلا مفعول مغير قامه
عيت تصون القلب من حكم الأقدار=مطعون من خلفه ومطعون امامه
تعاقبن اطعونه ايمين ويسار=وخفيت من مافي خوف الملامه
عزالله اني في هذا اليوم منهار= كني مصبح في نهار القيامه
لا عاد يوم فيه نشرات الأخبار=الي حدتني فوق ريع الندامه
عقب الخبر كني على صالي النار=والجفن عيا لايزوره منامه
مافي يدي حيله على دفع الأضرار =غير القنوت الي غشته انهزامه
ياطير يلي منزلك روس الأوكار=ولك في ثنادي كل قمري علامه
يازين لعبك في يدي كل صقار=منته مضريها بصيدة رخامه
لك في الحشا ياطير حشمه ومقدار=لو مسكنك روس الوزر والعدامه
ساموك ماوفوك حقك بالأسعار=امحق صقاقير الزمن والسوامه
تكانفتك اطيور من كل الأقطار=والكل منها ودها فيك شامه
برق ٍ بلا جنحان وبدون منقار=تنكف ليا جالك عليها جهامه
وحنا نشوفك بيننا وبينك امتار=مير البلا حنا نريد السلامه
من غير ما اجاملك ياوافي الأشبار=ماحنا كفوا لصيد والأنتقامه
ياطير فزنا في السوالف والأذكار=وابطل بطل فينا ينشي العمامه
بكره نبا نلقاك وتبين الأعذار=الي بعضها مثل صبغ البشامه
اذكرك لو مانساك في كل مضمار=لأنك كريم وتستحق الكرامه
وش فايدة سبك المعاني والأشعار=ان كان مابينت حبي لـ(.......) [/poem]