" أنا البآرحة تهت في غبة العاشقين " شآعر الوطن :)

.
قصيدة لـ / الشآعر خلف بن هذال العتيبي
.

انا البارحه تهت في غبة العاشقين آخر اللـــــــــــيل ذقت العزاير
وانا مؤمن(ن) بالقدر خيره وشـــــره
فيذا القلب والعين ملت من النوم مالوم من له مع النـاس حاجه
ولا حد(ن) ينوم وحاجته ما قضـــاها


تعديت وابطيت واخطيت يازين مــــازارنا من طـــــــــــوارفك زاير
وقلبي ليا جابوا مجالك يســــــــــره
غرست المحبه كما زرع النخل صــــــــــاحي الفكر يعرف خراجه
يعرف السلع ان باعها وان شــــراها


خبر خير ياطير كانك على نجــــــــد مع شلعت النور ياطير طاير
ابا انخاك وابا اوصيك مليون مــــــره
على من سباني بخده وخشــمه وعنقه وعينه وسكبة حجاجه
ونفس(ن) خفيفه رافع(ن) مستواها


عليه اشقر(ن) يستر الصدر والجنس ماشفت شكله بسبع الجزاير
ولا فيه من عذروب مثــــــقال ذره
عليه اسهر الليل لو الســــــــــهر خابره للعيون الشقيه سماجه
اسلي جروح(ن) وين ابلقا دواهــا


وابا اصبر على الصد والهجر والبـــــــــــعد وبجاه ربي تدور الدواير
وانا خابر(ن) فرقا الحبايب مضره
ويا كامل العقل والميز والملح واللـــــــــــطف والزين لبس بتاجه
مصابيط ربي كيف تلحق جزاها


محبتك تبني من العام الاول وزادت بوسط الظمــــــــــــاير مناير
وقلبي طواريق الهوى مـــاتغره
ياطول الايام هي والليـــــــــــالي متى ياللطيف النظيف انتواجه
تهنى العيون ويسعد الله مساها


وانا احبها حب زايد على شـــــــــــــــــانها ما بعد وقفت بالعواير
ولا جالها بالسوق سمعه وجره
وياليتني دايم الدوم وياه خلان والجرح يكـــــــــــــــــــمل علاجه
تحقق حياتي من خلاها بخلاها

.

.

حسن ذكرتني بــــــــــــ ( اسطونات نجد فون - الشاعر خلف العتيبي دندن دنن )


تصدق اني اطرب لهذا الرجل من اغانيه ولا في قصيده .



شكراً لحضورك وإيرادك

ايوهذال هرم شعري ولا راح يتكرر


شكراً لك على ايراد هذة التحفة

..


صح لسآن " هذآل " صح اختيارك يا " حسن " ..

جزيل الشكر لـ " هذا " النقل " المميز ..

تقديري واحترآمي الصآدق لك ..


..

.
سنجآر
.
ماهوب أنت لحآلك اللي يطرب له
.
كلبونا عز الله
.
شآكر مرورك ياذيبآن
.

.
حمد بن بلاش
.
الله يحييك ويبيض وجهك ع المرور
.

.
جمآنه
.
شكراً ع المرور المتحف دآئماً
.
لاهنتِ لاهنتِ
.

هلا اخوي حسن
الف شكر على هالاختيار الرائع
وصح لسان شاعر الوطن خلف بن هذال