.,. O2 .,.

لنا في نفوسنا عبر !
.
.

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لله , مدوا كفوف قلوبكم يمي = لله , جودوا قبل لا تاقف أيامي !
اسرفت فـ/ لحومكم لين انهدر دمي ! = محتاج من عفوكم ما يكسي عظامي !
كلي خطا من يْدَي لـ/قلبي لـ/فمي = غفلة جوارح تمر , وتجرح اسلامي !
ظالم ومظلوم , وديون البشر همي = هذاك يركض وراي وذاك قدامي !
طاوعت نفسي , وصيَّرت الغضب عمي = والحلم حلمي , وعمّي قاتل احلامي !!
تفضلوا واعتقوا لحلوقكم ذمّي = والكم عليْ اعتق لشوفتكم اقدامي !
الصدق فيني ورثته من حليب أمي = والطيبة الزايده ورثي من فطامي !
لو قالت اخلاقنا لـ/فعولنا تمي = ما تمت فعولنا , بالمظهر السامي !!
جبريل طهر فؤاد الصادق الأمي = وابليس بين افئدتنا نزغه الدامي !
اعوذ بالله من الشيطان واسمّي = وتفز سبابتي , ويسبح ابهامي !
واسقي عروقي ذكر , ينساب في دمي = واسهر على دمعتي خشية من ختامي !
يارب ودموعي تعانق طرف كمي = خذني وانا في سجود ولابس "احرامي"[/poem]

.
.
بصوت القلب هنا

.






سجّل متابعتي هنا يا راشد !

،

متابعتك ياطلال

تزيد المكان إشراقاً

محبتي

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] صدري بحر يا وحشة الخاطر الغلـق = روحي ندى , وعروق الايـام يبّـاس

ابَشّر الأقـدار وجـه الرضـا طلـق = ما قلَّط الاَّ الصبر , واستنكر اليـاس

وان طولت "يدها" عبث : ضيقة الخْلْق = ماخلت السبع المثانـي لهـا "راس" !

مالي مع حلوق الخنا والخـزا حلـق = اليا تعروا من جهل , صمتي لباس !

وش حدني للوحدة و عزلـة الخَلـق = الاّ كثر ما تاكـل النـاس فالنـاس ! [/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل خاطر قصيدة عـن ضميـري ينـوب = لاتباطـون صوتـي والقصيـدة ضميـر
ما ني بمالـئ الدنيـا وشاغـل شعـوب = ولا سمعني اصـم , ولا قرانـي ضريـر
بـس يكفينـي اليـا قلتـهـا للقـلـوب = عـد نبضاتهـا فالبيـت قبـل الأخـيـر
ياوطن لو تضيق امست تجافـا الجنـوب = ماتقـر العـيـون الا وبـالـك قـريـر
ياوطن لو لبس وجهك جفاف و شحـوب = نقلب الشمغ , وكفوف الضراعـة تطيـر
ياوطن لو تنوش ترابك , ادنـى هبـوب = دونـك صدورنـا , لا كثـر الله خـيـر
من تمادى عقوقه فيـك صـد و لغـوب = وانت يسمـو شعـارك بالكثيـر الكثيـر
ماوهبـك السـلام الا يديـن الـحـروب = ماعطاك المقـام الا الصـدوق البشيـر
تابـت ارواحنـا و الوقـت عيّـا يتـوب = ان ضحك لك عصر ما سر حالك عصيـر
شفت الاحلام ثلج , ولـو تعاظـم تـذوب = تحت شمس التعفف فوق رمضاء مسيـر
قطعة الليـل فصـدور الاكابـر , ذنـوب = وقطعة الخبز ف/افواه الفقارى , مصيـر
بين رحلة شـروق احلامهـم والغـروب = تنكسر خطّر الاحـلام , فـوق الحصيـر
تزهق الارض , من كثر البشر والـدروب = والسماء تبتسم , لأنسان في قلـب طيـر
يلبس الحق بشت و يلبس الصبـح ثـوب = وان لمح دمعة المحتـاج , قلبـه كبيـر
كان صوت الضمير الحي هـم الشعـوب = بس , في ه/الزمن , مقبور صوت الضمير
قال : كيف الضرير يشوف حلم القلـوب = قلت : لانامت عيونه , يشـوف الضريـر [/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] كل ماشرهت في طيب , وجيت افرح بـه = هاضت صدور النوايـا وكتبـت مرثيـة !
الجفاء من (جيمه) ليا (همزته) نْمْرْح بـه = والوفاء من (واوه) اليا (همزته) , عيدية !
لا الزمن صاحب ولا الأيام قـد الصحبـه = عزوا الاخلاق ف/الأخـلاق , والماريّـة :
الصدور الضيقـة تاخـذ مكـان الرحبـة = والوجيه الميته تسرق حضـور الحيـة ![/poem]
.
.
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] وين راحت بك دروب البعد , طمني عليـك = ما هدى لي بال في غيبتك , وشلون يهدى؟!
فوق رجم الشوق وقفت المشاوير احتريـك = كل ماخايلت صوت استبشر القلب و عدى !
لا تخلينـي مـع الأيـام , وسنينـي تبيـك = خلني لو يوم أحس ان البخت مابـه ردى !
كنت ابرسم قلب ينزف تحت رحمة راحتيـك = خفت , لايبلاني الله , وافقدك و أذهب سدا ![/poem]
.
.
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] مالي على بعض السواليف اعتراض = (غنّوا لحن لندن على نغمة جنيف)
تشكون من قو الحرارة فـ/الرياض = وانا اعتبرها مع حرارتها مصيف !
احبها من قلب كاسيه البياض = واحب معها , "تالي ايامي" عفيف !![/poem]
.
.
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مريت بالذكرى حنين الاماكن = ادور لجرح الزمن , من يداويه !
ذابت ملامحهم مع الوقت (ما كن = صدورنا ستر وغطا للمشاريه) !
اصحاب وجهي , فيهم الخير , لكن = محتاج صحبة قلب , لا طاحت وجيه !![/poem]
.
.

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] باسم الرضا و السعد و احساسي العاطر = باسم اصدق شعور من قلبي ومن دمي
مايفْرْح القلب صدق , ويشرح الخاطر = الاّ سمو ابتسامة , فـوق وجـه امـي
احس بالارض خضرا والسماء ماطـر = وانسى تحت رجلها , ماكان من همي ! [/poem]
.
.
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا ياخذك حزنك من يدينك نديم = حب الحياة , وضحكة ايامك تدوم
الحزن ما يدفن شقا صدر اليتيم = والناس ما تعطي من الأعمار يوم !
احذف لحاف الضيق والجرح القديم = خل المشاعر من مضاجعها , تقوم !
وافتح نوافذ قلبك , و شم النسيم = واكتب على صدر الهوى , كافي هموم
تعال , وافرش لك من الإحساس غيم ! = وازرع سماك ورود , واسقيها نجوم !!
جو المسا مجنون والشاعر يهيم = لا ترتبك من فرحتي (لو طرت اعوم)!!
تخيل الفرحة معي , (شايب عقيم = رجواه فـ/الواهب ولد, واهداه توم) !
[/poem]
.
.
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] روفوا بحـال ارواحكـم يالعابريـن = قـدام لا تصبـح ملاحدكـم وطـن
اهون خروج الروح شعرة من عجين = ولا خروج الروح شوكة من قطن ؟!
[/poem]
.
.

,

راشد
لا احب الكاتبه في الركن الهادي
لكن هنا انا مجبر
انت شاعر مختلف جدا جدا جدا
لايشبهك احد ..!!
اضافه الى اخلاقك الذي نلمسها من خلال قصائدك

ارجوك لا تتوقف ..!!

كلاش


تظل قامه شعريه نتعلم منها


سجل حضورى ومتابعتي

المشاركة الأصلية كتبت بواسطة محمد الشويّب

,

راشد
لا احب الكاتبه في الركن الهادي
لكن هنا انا مجبر
انت شاعر مختلف جدا جدا جدا
لايشبهك احد ..!!
اضافه الى اخلاقك الذي نلمسها من خلال قصائدك

ارجوك لا تتوقف ..!!

.
.
محمد

كل كلمة محلها الروح

ولي الحق أن افخر بقلبك الذي اغرقني حبا و كرامة

ما تلمسه من خلال قصائدي هو ما يعكسه خلقك ,,

وارجوك لا تقل ارجوك لأخيك ,,

وابشر
.
.

المشاركة الأصلية كتبت بواسطة محمد السليس

كلاش


تظل قامه شعريه نتعلم منها


سجل حضورى ومتابعتي

.
.
محمد السليس

كلنا نتعلم من بعضنا ,,

متابعتك تزيد المكان اشراقا ,,

مودتي
.
.

.
.
مشهد

في ايامنا هذه , سقطت كلمة "مستغرب" من قاموس الحياة ,
لم يعد للإستغراب قيمة تستحق ايماءة رؤسنا يمنة ويسرة تأسفاً ,
للتعبير عنه , عندما تتساقط الأقنعة عن بعض تلك الوجوه
التي أخذت مساحة من القلب لا تستحقها ,
.
.
.
.
.

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] حتى لو ان قلوبهم باب تجريـح = قلبي واعرفه ما يجي منه تقصير
بيدينهم حطوا لي الشوك فالشيح = وامشي ولا بينت فالوجه تاثيـر
كفي سحابة خير , والنية الريـح = تسوقها لكفوفهم , قصدها خيـر
احيان تلقى للحيا كف و تطيح ! = واحيان تلقى للدهر كف و تطير ![/poem]

.
.
.
.

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العمـر يمشـي والليالـي تسـابـق = والظلم فـوق متـون الايـام يطلـع
لـو اختلفنـا فالمصيـر , نتطابـق = فالخاطر (المكسور) والحظ (الاصلع) !
وش خانة الأحـلام والمـوت لابـق؟ = الناس تشبع غبـن والأرض تبلـع !
[/poem]

.
.
.

زادك الله من فضله

.
.

انعم الله عليك بما تحب يا فالح

.
.

.
.

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ما لوحت كفّـي تسايـر وداعـك ! = تكفيك عنها , كلمتي "سو معروف" !!
اللي حصل يوم اخر الشوف جاعـك = الوح لعيني , وادور عن الشوف !! [/poem]

.
.

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غيبي كذا , لو ما منعك ظروف = بعيش جو الشوق مهما صار !
لو يدفي البردان قطعة صـوف = ما حنّت كفوفه لـ/حر النار !!
[/poem]

.
.

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
متى يكسر ظلامي نور قنديلك ؟! = متى تَجبر صباحي همسة انفاسك ؟!
جفا نورك جفا صوتك وش احكي لك؟! = نشف ريق الغلا ما بلّه احساسك !
[/poem]

.
.

ومضة:

كان مريضاً "بـ/داء" الحب , إلى أن صُرف له "دواء" خيانتها !

.
.

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] في سهادي ما كسر صمت العيون الا الدموع = في رحاب الليل صوت الدمع لا يمكن يضيـع
من مذلة في سجود ومن مهابة فـي ركـوع = دمعة العود الضعيف و دمعة الطفل الرضيـع
مر نص العمر , و احساسي يقول اني قنـوع = اتحلى بالرضاء والصبـر , والبـال الوسيـع
اقرب الاحباب جافي , واصدق اصحابي قطوع = والسنين تراود محياي , يمكـن تستطيـع!!
ادري أنه لاارتفع صوت العزاوي لي ربـوع = بس مابيني وبين الـرزق , فالعـزوة شفيـع
انتظر ميلاد ضحكة , تنبت بصدري شمـوع = تبتدي بي مـن وداع الهـم للحلـم الوديـع !
ياعوار القلب لا تشكي على ضيـق الضلـوع = ماتشوف الوقت يشـري فالتواريـخ ويبيـع
كل ما سميـت للفرحـة بعـد تاريـخ جـوع = استبدوا بالكفوف السـود , واكلوهـا جميـع
صارت الايام (سبت) , من الربوع ليا الربوع = صارت الاحزان (نبت) , من الربيع اليا الربيع[/poem]

.
.

على لسان ( ......... )

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] في بلدنا "نمّل" الفقر و تدابى = والمزكي راح مع درب المرابي !!
ودنا بـ/"الجود" حنّا , يالغلابا = لكن "الموجود" , من عذر المخابي ![/poem]

.
.

فاصلة:

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ماعتقت الا المشاريه اللي بصدري ربن = بين ياقرب السماء مني , ويابعد الوطا !
ارفق بحالك , وش معنيك , تفتق وتخبن = رب قلبك قبل عقلك , والحياء ستر وغطا !
دوك نيّة من سحاب , وقلب من رغوة لبن = ماتعودت "أنهر" الجاحد , وانا راهي عطا[/poem]

.
.

اعذرني على الاقتحام يا استاذ !

[poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
هنا فصول الشعر واجواء الابداع =هنا لجايعة القرائح ولايم !
هنا اوكسجين الحزن وعلاج الاوجاع=هنا وطن ،وانا هنا فيه دايم [/poem]

.
.
اقتحامك امان لهذا المكان ,, يا عفاس

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هنا يخون الحرف شاعر وينصاع = هنا يبات الشكر عاجز و صايم
شرفتني مبطي وقبل أمس والساع : ) = والله مالي في محبتك لايم
[/poem]

: )

.
.

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يوم ارجـع لوقتـي معـك و اتفكّـر = وشلون لأخطاءك غدى القلب مرسى
تملا جروحي ملـح , واقـول سكـر = تمسي بخير , وقلب صاحبك ما امسى
اللي بقـى للوصـل بـاب و تسكّـر = مادام لك نية , على الـروح تقسـى
حاول قدر ما كنـت "ناسـي" تذكّـر = وانا بحاول قدر ما "اذكرك" وانسـى !
[/poem]

.
.

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لا تشتكي لي تعب صوتك من الكحّـة = يسعد لي حروفك اللي تشبه احساسـك
فدوتك صوتي , واذا قصدك على البحة = هذا انا , وسط صدرك واخذ انفاسـك ![/poem]

.
.

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] دخيلك بس هالليلة نكون = طفل شوق ,التقى طفلة حنين
عيوني في عيونك ما تخون ! = يديني في يدينك ما تلين
وش اصدق من سواليف العيون = وش احلى من تعابير اليدين[/poem]

.
.

.
.

(لا تحزن)

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] حتى لو أن الوقت , مجنون طايش = اغنم شبابك قبل قلبـك يشيّـب !
لا تكترث من هم , ما دمت عايش = لا تنهدم من حزن , ما دمت طيّب
افتح على وجه الحيـاة الدرايـش = واستانس , وخلك من الله قريّـب[/poem]

.
.

(اه ياوطن)

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يقولون العرب دون الحقوق حلـوق = هذا يوم الحلوق الها فعول حراب !!
لكن اليوم ما حول الحلوق حقـوق = تضيع حقوقنـا وحلوقنـا الاسبـاب
تكلم يالضمير وخل صوتـك فـوق = ابيك تـرد عنـي كلمتيـن عتـاب
تكلّم لا عدمتـك وانـت كلـك ذوق = حرام اغيّبك يوم ان غيـرك غـاب
ترد الحر عن سلوة فضـاه سبـوق = لو يدور جناحـه فزعـة المخـلاب
غدا هذا الفضاء للخرب والغرنـوق = تطاول فالسماء وتعـدي المرقـاب
صباح الخير يا بلادي صباح الشوق = صباح الخير يا ناسي صباح احبـاب
لك الله مايكـدر خاطـرك مخلـوق = عسى ايامك رضا ياطهر فضا وتراب
لك الله مانبات و حلمنـا مسـروق = نرومه لو زمت دونه جبال صعـاب
هنا السيفين دون النخله ام عـذوق = مثل ماوقفـت دون البـلاد اشنـاب
تعبنا نشرب احقاد وحسـد وعقـوق = تعبنا نفتح لسـود الوجيـه البـاب
زرعنا الطيب فيهم "والثناء" ملحوق = ولكن ما جنينا غيـر سـم الـداب
نقلطهم مـن المعلـوق للمعلـوق = وحنا في نظرهم عابريـن اغـراب
واذا الاقراب من دون التلاحم عـوق = اجل بالله وش نرجي مـن الاجنـاب
اخذنا المجد يوم ان السيوف بـروق = تطول رقابنا عز , وتطيـح رقـاب
لو ان الطيب ,طيب الطرق والطاروق = تشيب طروق لكن طرقنـا ماشـاب[/poem]

.
.

( ! )

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] بعض الكلام يعيش و يموت محبوس = هذا نصيبه , والسبب طيب رجـال !
يخاف لا قاله , على ينعة الـروس = تطيح هاك الروس, من قو ما قال ![/poem]

.
.

.
.

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياحزن وسدتـك اوجاعـي = غمض على صوتي عيونك
اسألـك بالله , لا تـاعـي = بشوف انا كيف من دونك ![/poem]

.
.

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جفني جفا جفني و عَمَّر جفا لين= شاخت عيوني بين جاني وسيّاف
يشربني التفكير شربة "ضما حين" = سقياه دمي والعرق نزف الأطراف !
في خاطري فجوة , ولبنة من الطين = لا جمّلت خاطر, ولا شالها قاف !!
الحال ياعيني مثل ما تشوفين = ماعاد لك قرّة وسلوة و ميلاف
ليه أحتري و اعشم الشوف , ياعين = هو باقي انسان , اتمنّاه , ويشاف !
[/poem]

.
.

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياما ضميت وجيت وارد على ماك = حتى سرابك ما حصل يوم جيتـك
ماكنت ابيك ترد لي بعض ماجاك = ابيك بس تقدر اللـي عطيتـك !
[/poem]

.
.
فاصلة أولى

فرق بين أن تضع شوكة على يدك , وأن تضع يدك على شوكة !

.
.

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الهم ما خـلا علـى القلـب قاصـر = وين النفَس, والضيق من دون الانفاس
والناس مافيهم على الوقـت ناصـر = من يوم ماتت رحمة "الناس للنـاس"
يـارب فيـك معلقـيـن الاواصــر = انت الرجاء لا عانق قلوبنـا يـاس ![/poem]

.
.

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] خل التقى ملبسك و الذكر من قوتـك = خل النقاء سيرتك والصدق من سمتك
خلك بخيل العطاء في غيظك و صوتك = خلك سخي العطاء في حلمك و صمتك
يا الادمي , وانت ما تدرري متى موتك = اعمل من الصالحات , ل/حسن خاتمتك[/poem]

.
.

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] لا فاضت ذنوبك وضاق بك صدرك = والخوف قدامك و ماضيك دونـك
ارفع قدر سجادة الليـل حـدرك = واسجد لوجه الله , واغرق عيونك[/poem]

.
.
مشهد

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياموت من دور مع الناس عزوه = ولا لقى غير الصبر يعتـزي بـه
لا شنت الحاجة على النفس غزوة = والقل , وقف بين كفـه و جيبـه
[/poem]

.
.
فاصلة ثانية

"حارس المرمى" , هو اللاعب الوحيد , المتحرر من قيود الإنتماء
الشكليّة المفروضة على الفريق, وهو اللاعب الوحيد , الأجدر بمسئولية
الحفاظ على مرمى فريقه , من كل شاردة و واردة تأتيه من اقدام
لاعبي الفرق المقابلة او من أقدام لاعبي فريقه بالخطأ ,
والتصدي لها في ظل الخطط الهجومية للفرق الأخرى و تخبط مدافعي فريقه ,
يشرفني ان اكون "حارس مرمى" !