وابكرتاه الي غدت بين الاذواد

وابكرتاه اللي غدت بيـن الاذواد
يوم اصطفاق الطرش من كل نيه
برقا وروق وحـرب ولاد عبـاد
وسبيـع والبقمـا هـل الاركيـه
علـى قليـبن يدهلـه كـل وراد
وكل يجيلـه مـن بعيـد النحيـة
ميه يزيد وفوقـه الـورد يـزداد
ولا ماله الغراف من كثـر ميـه
واخذت فوق الما ليا ورد منقـاد
لاعند شـي ولا مـورد ضميـه
وليا على الما واحد قـال يـالاد
وش حاجته قلت اله ويش الك فيه
قال ايه ها مالك على العد مقعـاد
قلت اله ابا آخذ مار لثـة شويـه
وليا على الما قاعد غيره اجـواد
قالوا هما لك قلـت قاعـد هنيـه
قالوا همالك حاجـة قلـت نشـاد
مذهب عسى الله مار يعقل عليـه
قالوا همالك ذاهبه قلت وش عـاد
وش عاد من مال بقي في يديـه
قالوا هما لك ويش هومالك الغـاد
اموالك اللي غادي ويـش هيـه
قلت اه مامعكم خبر مير الامـراد
بكره غدت لي بين هاذي وذيـه
عفرا عليها بين الوسـم منقـاد
ماهوب نار ولاش وسـم حليـه
هليل بيـن الحجاجيـن وعضـاد
ورقيمة فـا لخـد ماهيـب كيـه
قالوا هماهي غاديه قلـت بجمـاد
وتلى لها ذكـر نهـار الضحيـة
قالوا غدت قلت امر الله بمـاراد
قلوا همـا مـا عندنـا مخبريـة
قلت ذهنوها وانشدوا كل من راد
تجسسـوا بالبيـنـه والخفـيـة
قالوا هما هاذي بنشده فقـم نـاد
صوت وسايل كل راعـي رعيـة
قلت اه مافاد النـدى فيـه مافـاد
هذاه انادي كـل صبـح وعشـه
ومن له ذهيـب ماتهنـا بمقعـاد
ومن لا غدالـه ذاهبـه واهنيـه







عبدالمعين ابن ثعلي

والله يانياف عبد المعين الله يرحمه الرجل اللي ماأنصفوه


لااعلام --ولا قبيله --ولا شعراء --ولا قنوات فضائيه


عبد المعين شعره مدرسه تعلم منها الكثير


والمشكله ماهتمينا لا بتوثيق صوتي او ديوان مطبوع يحمل شعره


هالشاعر سرقت معانيه ومن شعراء كبار وبدون ذكر اسامي


ومايعرفه اللا قبيلته عتيبه فقط وخاصه اللي بأطراف ديرته


عبدالمعين ابن ثعلي


الله يرحمه ويغفرله


واعذرني ياخوك لو فضفضت بمتصفحك


لسبب ان هالشخص صديق لابوي الله يرحمهم كلهم وشايف قصور بحقه وبحق شعره كبير



خالص تقديري

ابد ابد ياماجد كل كلامك صدق في صدق


لاكن ابشرك ان فيه ناس من الربع بدو يسووله موقع .

. باسم ديوان عبدالمعين ابن ثعلي


وتوه جديد ...


والله يوفق وبيض الله وجهك على المرور

الله يرحمك ياعبد المعين
عزالله إن شعره يطرب ،



وسلمت على النقل
يا الأمير ،

باقي منها بيوت لافقدتك ..

وفيه أخطاء بسيطه في ما أوردت مثل :
وليا على الما قاعد غيره اجـواد ==> ماهيب قاعدٍ واردٍ
ومثل :
اموالك اللي غادي ويـش هيـه ==> غاديه

ومثل :
قالوا هماهي غاديه قلـت بجمـاد ==> متى هي

ومثل :
ومن له ذهيـب ماتهنـا بمقعـاد==> وراع الذهيب يروح في طرد وجهاد


وتكملة القصيده كما يلي :
بعد ماقلت أنت ( ومن لا غدا له ذاهبه واهنيه
إن جيت أخلي الذاهبه طالها الماد
وإن جيت أدور رحت مثل الجنيه
ولها هنيّا حروةٍ مع هل الواد
من النجيل ليا شعيب الوديه

:
:

ولها تويليٍ ضيّعته !

تحياتي لك يابن عاضي





وأزيدك
شف هالروابط يانياف

http://montada.mergab.com/showthread.php?t=56574
==
http://montada.mergab.com/showthread.php?t=18874

محمد مشوط


الله لايهينك وبيض الله وجهك .. على المرور

المشاركة الأصلية كتبت بواسطة عبدربه

باقي منها بيوت لافقدتك ..

وفيه أخطاء بسيطه في ما أوردت مثل :
وليا على الما قاعد غيره اجـواد ==> ماهيب قاعدٍ واردٍ
ومثل :
اموالك اللي غادي ويـش هيـه ==> غاديه

ومثل :
قالوا هماهي غاديه قلـت بجمـاد ==> متى هي

ومثل :
ومن له ذهيـب ماتهنـا بمقعـاد==> وراع الذهيب يروح في طرد وجهاد


وتكملة القصيده كما يلي :
بعد ماقلت أنت ( ومن لا غدا له ذاهبه واهنيه
إن جيت أخلي الذاهبه طالها الماد
وإن جيت أدور رحت مثل الجنيه
ولها هنيّا حروةٍ مع هل الواد
من النجيل ليا شعيب الوديه

:
:

ولها تويليٍ ضيّعته !

تحياتي لك يابن عاضي





وأزيدك
شف هالروابط يانياف

http://montada.mergab.com/showthread.php?t=56574
==
http://montada.mergab.com/showthread.php?t=18874

يامرحبا ومسهلا ياعبدربه

والله يبيض وجهك على التعديل ..*

وتنزيل الروابط الي فيها قصايد كنت ادورها الي مده ولقيتها موجوده هناك ..

ابيض وجه ووافي يابن روق .