صوت ( سحلي العواي ) وصدى ( محمد خلف الخس ) ..!

.

.

بسم الله

هذه قصيده سندها الشاعر المغفور له بإذن الله / سحلي العواي
على الشاعر الكبير محمد الخس . أطال الله بعمره ..!

وهي من اجمل الرديآت والمعروفه جداً لدى متذوقي الشعر

يقول سحلي العواي ..

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يازين شب النار بأرض بياحي = والزول يزميلي على مد شوفي
والبيت مبني والرعايا ضواحي= وانته تمشى مع نبات الحروفي
أخير من ذبحا بليّا سلاحي= بقبوت الحيين مثل الضعوفي
ببيوتنا مثل الدجاج المداحي= متشفقا عقب الشداد الردوفي
ياوب خلف صاحي ولاني بصاحي = بس اتلفت مثل راس الخروفي
خروفا ادلم مايعرف المتاحي = وراعيه جابرته عليه الظروفي
ابكي على وقت حضرته وراحي = اتلاه يامحمد نهار الكسوفي
ياحيف وين موردين الرماحي= اللي نهار الكون تروي السيوفي
يالخس وين مطير هكالنواحي= سلفان مثل مزبرات القنوفي
تسايروا ثم صوتوا بالفلاحي= هيهات ياما فرقوا من شفوفي
خذتهم الدنيا هجاد وصباحي= وحنّا بقينا عقب هكالصفوفي
صار العوض فيهم خطاة الضياحي= ياعنك ماكدٍ عليه مخلوفي
البطن ماتلحق عليه الشباحي= وان نام ماياعي كبير الدفوفي
يالخس يومنه تكسر جناحي = ماني على الدنيا كثير الحسوفي
اليوم موتي والحياة متواحي= يابو خلف منكف وعايف وموفي
الى تهيالي غزال البراحي= مالي بصيد مخبطات البلوفي
يابو خلف ذا منهجي واقتراحي= وانته على رد المثايل عروفي[/POEM]


ورد . محمد خلف الخس
يقول : /

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياسحلي العواي منته مباحي= ياللي تقول انك حوالي صفوفي
الفرق واسع للسنين امتراحي= قدام اجي وانته تغير وتحوفي
لاشك معي انته تحب المزاحي= وزلتك عندي يالسنافي تطوفي
وتقول انا يالخس ماني بصاحي= واقول منت بصاحيا ومهروفي
ياللي تبي وقت له اسنين ماحي= يوم القبايل بين امانٍ وخوفي
يوم يحدا الخيال قدم الطياحي= والوقت زين وبأهل الوقت نوفي
يوم اصطفاق امفصمات اللواحي= فجّ الزّغون مقولمات الخفوفي
مركوب فرسان تبوج الفياحي= دايم لوجه الله عليهن ضيوفي
دايم يتلون النضى بالمشاحي= ايضا ومعهم كل قبا شعوفي
ليا طالع السبار شعل وشقاحي= قالوا عليها ماسمعت المعوفي
مافعلهم بالهندسه والمساحي= بالسيف الاملح فعله والكشوفي
كم فارس منهم تجندل وطاحي= الى جودوا خضر النمش بالكفوفي
مايطلبون الرزق عند الشحاحي= الرزق بيدين الرحوم العطوفي
ارزاقهم حدر الدخن والصياحي= مثل السباع مدورات العلوفي
كم رفرفت راياتهم بالنجاحي= واليوم وقتا راح جعله ذلوفي
يابو فهيد اسحب ذلاق المشاحي= الجيل الاول له عيال وقوفي
امطير في ديرة طيور الفلاحي = اللي بهم عز وذرا ومعروفي
بين السعود وبين نسل الصباحي= في نعمة مامثلها في الوصوفي
شبعه وامان وراحة وانبطاحي= ومنين ماوجهت جبت الالوفي[/POEM]

وسلمتّم ..

.

.

نايف الديحاني


شكرا شكرا على هذا النقل الممتع والمفيد


لك تحيااتي وتقديري

.

.

العفو ياعبدالله

وشكراً لمرورك


كيف ينشى من سلالتنا ضعوف ؟
والولي ربي خلقنـا مـن ثبيـت

ونعم يالثبيتي

.

.

نايف الديحاني ..

الف شكر على هالطرح الجميل والمتنوّع ..

تقبل فائق ودي وتقديري ..

المشاركة الأصلية كتبت بواسطة نايف الديحاني

.

.

العفو ياعبدالله

وشكراً لمرورك


كيف ينشى من سلالتنا ضعوف ؟
والولي ربي خلقنـا مـن ثبيـت

ونعم يالثبيتي

.

.

ما عليك زود يالغاالي


تحيااتي وتقديري

رديّه أكثر من رائعه بين سحلي العواي وبستان الشعر الشاعر الكبير محمد الخس

لاهنت لاهنت يالديحاني على النقل الاكثر من رائع

وشكراً

.

.

ساري
ياهلا ومرحبا

العفو ياغالي

وشكراً لمرورك

.

.

.

.

فهيد
ياهلا وغلا

منوّر بمرورك
واتمنى إنها راقت لك

لاخلا ولاعدم

.

.