شاعر الوطن ومهرجان الجنادريه

تضامنا مع الحمله الوطنيه للارهاب يسر منتديات المرقاب الشعبيه ان تقدم لكم قصيدة شاعر الوطن الشاعر خلف بن هذال في مهرجان الجنادريه.


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
السلام ولا سهى القلب عن ذكر الإله=ربنا اللي نزّل اقرا و علّم بالقلم

جل شانه في جلاله تبارك في علاه=منفرد بالغيب يعلم ولا غيره علم

نسأله عفوه و لطفه صمد ما احدٍ سواه=صوّر الانسان وانشأ وجوده من عدم

نطلبه الجنة و نرجيه من النار النجاة=في نهارٍ فيه خصمٍ اذا خاصم خصم

فوق عرشه مطّلع يستجيب لمن دعاه=ناصر المظلوم منزل عقوبة من ظلم

القمر خمسة عشر مستهلٍ في سماه=في جماله في كماله تهلل و ابتسم

و الوطن بايدي امينة تربّت في حماه=ذخر فتّاك الركايب اليا ازبد و التطم

البطل يذكر و يشكر على سعيٍ سعاه=بالعزيمة جاب ما غاب يوم انه عزم

اعلن الوحدة بيومٍ ملى الدنيا صداه=رُسمت الخطّة على عين رسّامٍ رسم

ثبّت المبنى على ساس يرحم من بناه=صرح شامخ ما تزعزع كيان ولا انقسم

المؤسس من نشد عنه تكفيه الرواة=و اسأل التاريخ و الوسم و أسم اللي وسم

استرحنا تحت امانه و نمنا في ذراه=تو ذقنا العافية تو ما ارتد النسم

البشير يجيب بشرى و يفرح من نصاه=ابشروا بالخير و الشر ولّى و انهزم

الوطن عهدة فهد ما مشى الوالد مشاه=حارسٍ مامون دون المحارم و الحرم

له علينا مبايعة و الولاء والله ولاه=من وفى بالعهد للفهد والله ما ندم

يوم جندنا المبدا رفيعٍ مستواه=نخدم الاسلام و لخادم الكعبة خدم

مرخص الغالي لشعبه وهذا من وفاه=رافع المبنى للاوطان يبني ما هدم

مكرمٍ يعطي و نعطي العطايا من عطاه=كاسب المعروف رجل المروة و الكرم

الكريم ليا حلب في قدح فاضي ملاه=راعي الكرما فهد و الفهد حر و شهم

دين ما مثله ترعرع و حلّق في صباه=يافعيٍ ينزع الحق وان غار انتقم

طلعته طلع السعد نادرٍ يحمد ثناه=بالشجاعة و البراعة تحلّى و اتسم

داهية وله الدواهي تخضّع من دهاه=ما تردد في قراره , ليا قرّر حسم

الوطن ينخى فهد وا هني اللي نخاه=نخوته في ساعة الضيق نخوة معتصم

الوطن يندب فهد في رجا الله ثم رجاه=ينقذه من غدر قوم و عميلٍ متهم

للوطن حنا فدا و الملك حنا فداه=الزعيم اللي عن الدين فسّر و احتزم

يا ملك نِعم الملك يا ملك نخوة و جاه=بالممالك يا ملك كنك الطودة الاشم

عادتك يا ثالم السيف من روس الطغاة=يا عساه الكسر سيفٍ يعلق ما انثلم

خل شامان يعلج لا ترده في خباه=لين يروى من حجامة سقيم ما احتجم

عند باب الحكم سيّاف و الحكم اصطفاه=من تهاون و استمع شور غيره ما حكم

المواضي تنشر العدل و تعمر الحياة=يستتب الامن بالسيف و ذراعٍ عسم

حفلنا الليلة يليق بمكانة من رعاه=نايب القايد ولي العهد راعي الشيم

مرحبا باللي حضر و اسعد ( الباري ) مساه=ركن نجد و ركن من يزهمه وقت الزهم

شيخنا عدل المناكب وقاه الله وقاه=سلمه ربي لخدمة بلاده و العلم

في سبيل العز بالعز معقودٍ لواه=مجذم الهيجا ليا عودوا خلف الزخم

طيب الذمة كساه التواضع و اكتساه=ما تباهى و افتخر بالتبجّح و الفخم

ان زعل نزعل و نزعل و نرضى من رضاه=وان تألمنا تألم و شاركنا الالم

له عهود وله جنود تقدّر له غلاه=في لزومه يتبع الصف صفٍ منتظم

سيدي يزهى بك الشعر ما مثلك زهاه=شاعرٍ ينظم من الشعر و اسمع ما نظم

مخلصٍ يبعث شعوره يا عله يا عساه=يشبع المعنى و يحظى برغبة محترم

سرت بالتوفيق و يسير من سارت خطاه=في طريقك يمسح الدرب عن شوك السلم

ابو خالد كم يتيمٍ تبناه و رباه=متّعه عن والدينه و سلّي و انسجم

يرحم المحروم سلطان و يخفف عناه=سخرة الرحمن والله يرحم من رحم

طال عمره ما يسويه من خيرٍ كفاه=عن صواديف الليالي و دسعات الرمم

ما يخطط للعروبة يثير الانتباه=يا رجال ان الفرص يوم تسنح تغتنم

انظروا بالوضع و استمعنوا ويش السواة=لا يضيع الراي و نضيع و يطيح الهرم

يجري الماء من تحتنا نراه ولا نراه=العرب تسبح على امواج بحرٍ ما هضم

العليل ان طوّلت علته يصعب دواه=يسهر الممروض و يموت من طول السقم

و الورم يكبر و ظني طبيبه ما احتواه=كل ما ينزع ورم بالجسد يطلع ورم

الوطن ماهو بمرتع خراب لمن بغاه=نحتميه وقد حميناه من ( روم ) و ( عجم )

نتفانى له و نملى المقابر في ثراه=و الذوايد من نصيب الحنادي و الرخم

من توهق بمغزانا لعن غزوٍ غزاه=ارضنا ما للعدو فوقها ماطا قدم

الوطن منّا و فينا ولا نلحق جزاه=الامان و لقمة العيش من حمر النِعم

امة التوحيد حنا وحنا اهل الصلاة=و الزكاة و رمز الاسلام من بين الامم

لو طغى راعي الهوى ما مشينا في هواه=ما نطيع افكار ملحد ولا نعبد صنم

من يقابلنا بحجّه نحجّه و نعصاه=بالدليل نخاطب الناس ( لا ) ولاّ ( نعم )

ما طرقنا بالاذاني لوشوشة الوشاة=قافلين الباب عن كل كذابٍ هيم

قامت ارباب السوابق تستّر بالعباه=عن عباة الدين يخسون هافين الذمم

كيف رب البيت ما يدري الا عن عشاه=هو تعشا ! هو تغدا ! على رز و لحم

و الخطر و الموت بين الغرف يطحن رحاه=ما وعى في مرقده لو يشرّك له لغم

الابو مسؤول عن ما يدبّر من وراه=سارحٍ في غفلته لا هموم ولا همم

لو يضيّع شاه كدّر على اهله و إقصراه=و الشباب يضيع و يقول ما ضاعت غنم

الولد يطلع ولا قيل وش اسم زملاه=اجتماع الذل و العار و التفكير اهم

صنّع التخريب شين الطبوع ومن خزاه=انطلق به و انتحر بعد ما ظن و زعم

انه اقرب للنبي وانه اقرب من عصاه=من هباله في خيال الشهيد ليا هجم

الشهيد اللي عن الدار ياقف ويحماه=من يمينه في صدور العدا يرسل سهم

كان ما للجاه لحدٍ يرده عن خطاه=ما بقى عاقل ولا صار للدنيا طعم

غايب الاحساس يذهب حياته في شقاه=الشقي ما يدرك الحلم خيبة من حلم

مس سرج ابليس و اطلق عنانه و امتطاه=بالخراب الخايب اما سرى ولا جهم

منحرف مفسد مراهق موجّه من اعداه=غرّروا به و اغدروا به عساهم للوهم

امسحوا مخّه و ساقوه عكس الاتجاه=و اصبح المخدوع و امسى عمى و ابكم و اصم

العمى عمى البصيرة هذا والله عماه=العمى ماهو كفيف البصر دين و قسم

بس في فعل الردى من امره ومن نهاه=الغبا واهل الغبي لو يفهّم ما فهم

رايحٍ للهاوية سرمدة ليلٍ سراه=يسري المنجوم و يكذّب انه ما انّجم

الهدف مشبوه و المشتبه بيّن رداه=للخساسة طافي النار سلّم و استلم

خارج الملّة مرق يوم ربي ما هداه=بالمصايب و الكوارث نسف كل القيم

تاجب اللعنة على محدثٍ جانا بأذاه=نشهد انه خان بامانته و اجرم و اثم

ومن أواه ومن رضي فعلته تبّت يداه=وجهه اسـود كحـت و اسـود سواد مـن الفحـم

ما درى كبش الفدا لو يقادي للذكاه=و الكلام بخاتم الانبيا تم و ختم



خلف بن هذال العتيبي

[/poem]

يبقى الشاعر الكبير

خلف بن هذال



شاعر الوطن ..


ويبقى لـ قصائده نفس التميز والتفرّد ..



سعدت بـ مصافحة هذه الرائعة التي القيت في مهرجان الجنادرية ..

وصح لسان العلم / ابوهذال


كل الشكر للمرقاب .. ولك يابوزيد


لاهنتوا

ودمتم على الود

[align=center]لاتعليق
عل ابو هذال..

بس عندي تعليق

لك..

كل الشكر..على كتابتها [/align]

شاعر وطن




ورمز من رموز الشعر










سلمت يابو زيد على النقل الكبير






تحياتي




اخوك





مطلق القنديل

يعطيييييييييييك العافيه اخوي محمد


صح لسسسسسسسسسسسسسسسا ن ابو هذال


كعادته يبدع في هذه المواقـــــــــــف

تحياتي

صح لساااااااان ابو هذال


ولاهنت يا بوزيد على نقلها ولك كل الشكر



وتقبلوا التحايا

شكرا لشاعر الوطن الكبير خلف بن هذال على هذه القصيدة الذي لانستغربها من معدن ذهب اصيل وغيور للوطن وهو كالعادة مانستغرب منه كل كلام طيب كما اكرر الشكر لله سبحانه وتعالى ثم لك يااخينا وزميلنا الشاعر القدير محمد زيد الثبيتي على هذا التقديم
تحياتي وتقديري للجميع
اخوكم
حسين الدوسري

تسلم يمينك ..

وصح لســان شاعر الوطن ..



تحياااااااااااااتي

ومن أواه ومـن رضـي فعلتـه تبّـت يـداه
وجهه اسـود كحـت و اسـود مـن الفحـم


الف الف الف شكر اخونا محمد زيد الثبيتي على المجهود الذي هو محل تقديري الجميع لاهنت ابو ريد

يوجد خطاء مطبعي في عجز البيت الوضح اعلاه او صقوط كلمه بالاصح

ليكون بهده الصوره


(( وجهه اسـود كحـت و اسـود سواد مـن الفحـم ))
الف شكر ابو زيد


وصح لسان شاعر الوطن


تقديري

انظروا بالوضع و استمعنـوا ويـش السـواة
لا يضيع الـراي و نضيـع و يطيـح الهـرم

يجـري المـاء مـن تحتنـا نـراه ولا نـراه
العرب تسبح على امـواج بحـرٍ مـا هضـم

العليـل ان طوّلـت علـتـه يصـعـب دواه
يسهر الممروض و يموت من طـول السقـم

و الورم يكبر و ظنـي طبيبـه مـا احتـواه
كـل مـا ينـزع ورم بالجسـد يطـلـع ورم

الوطـن ماهـو بمرتـع خـراب لمـن بغـاه
نحتميه وقد حميناه من ( روم ) و ( عجـم )

نتفانـى لـه و نملـى المقابـر فـي ثــراه
و الذوايد مـن نصيـب الحنـادي و الرخـم

مـن توهـق بمغزانـا لعـن غـزوٍ غــزاه
ارضنـا مـا للعـدو فوقهـا مـاطـا قــدم

الوطـن منّـا و فينـا ولا نلـحـق جــزاه
الامان و لقمـة العيـش مـن حمـر النِعـم

امـة التوحيـد حنـا وحنـا اهـل الـصـلاة
و الزكاة و رمـز الاسـلام مـن بيـن الامـم

لو طغى راعي الهوى ما مشينـا فـي هـواه
مـا نطيـع افكـار ملحـد ولا نعبـد صنـم

خلف بن هذال

شاعرالوطن
رجل يحمل هم الأمة يتفاعل مع الأحداث


مهماقلنا عنه لا نوفيه حقه


صح لسانه وسلمت يمين الناقل

الله الله الله الله

شاعر المملكة وقصيدة ملكيه

صح لسانه وعسى عمره طويل

وبيّض الله وجهك يبو زيد على النقله الرائعه .,

تسلم الأيادي شاعرنا القدير على نقل هذه المعلقة الفريدة ..


أطال الله عمر أبي هذال فخر الشعر الوطني ورمزه الأول ..

حفظ الله مملكتنا الحبيبة وأدام عزها ونفى عنها كل خبث ..

رجل المواقف الاول مافيها كلام .. الله يبطي بعمره ومن يقرى


كل الشكر يابوزيد ولاهنت

امـة التوحيـد حنـا وحنـا اهـل الـصـلاة
و الزكاة و رمـز الاسـلام مـن بيـن الامـم

أبو زيد ..

تسلم أياااديك ...

وأبوهذااال شاعر علم ..ومعلّم للشعراء ..

قدّم في هذه القصيده دروووس في أصول الشعر ..
الحبكه الشعريه ..
وتسلسل الأحداااث ..و..و..و..,

وأكثر من ذلك ..

الله يديم أبوهذاال ذخر لنا جميعاً ..

أكررشكري لك يابوزيد ..

مودك/مستور الذويبي

شكرا يبو زيد


وحفظ الله شاعر الوطن الكبير / خلف هذال



تحيتي ،،

بيض الله وجهك يا ابو زيد وافي ولا تجيب الا الوافيه



وابو هذال فوق الوصف والكلام والله يطول عمرك وعمره على الطاعه



اخوووكـ ،

صح السان شاعر الوطن واطال الله في عمره








ولاهنت يابو زيد

شاعر الوطــن

وشاعر المناسبات

وشاعر الحماسـه


وشاعر الخليج


القاااب .. استحقه العملاق خلف بن هذال

وماهذه القصيده العصماء الا إمتداداً لتميزه وتفرده بالقمه


لاهنت يا محمد على نقل هذه الشامخه

وللجميع كل تقدير

الشكر لمن مر من هنا

اخواني المشرفين

نقلت الموضوع ونسيت الغي التثبيت ارجو تحريره


ولاهنتم