الدويش اللي على المنصب ترقا

بسم الله الرحمن الرحيم
والصلاة والسلام على أشرف الانبياء والمرسلين سيدنا محمد وعلى آله وصحبه وسلم أجمعين.
ياهل المرقاب مساكم الله بالخير والشهر عليكم مبروك واسئل الله العلي العظيم أن يجعلنا وإياكم من عتقائه وان ينصر الاسلام والمسلمين
قولوا آمين .
أهدي لكم هذه القصيده وهي في سعادة المهندس/سعود بن ماجد الدويش .
رئيس شركة الاتصلات السعوديه .
وأشكره على إطرائه .

[poem=font="Simplified Arabic,6,black,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الدويش اللي على المنصب ترقا=كل مجدٍ بينه وبينه مواعد
ماترقا واسطه غير أستحقا=طير حرٍ فاهقٍ جوه وصاعد
من قبل ياخذ خبرها ويتلقا=في سنام العز متربع وقاعد
للمعالي من المخاطر كم توقا=صافح الجوزى ولاإيده بتراعد
في المراجل ويش خلا وويش بقا=قُدم عينه ماتروغ ولا تباعد
أن لفاه الضيف ماعنه تتقا=دله وحايل ومعنازٍ بجاعد
جود كفه مثل غيثٍ يوم سقا=في سما الجزلات له برقٍ وراعد
كم فزع للي من الدنيا مشقا=في طريق الخير كم وقف وساعد
تعب ماجد في خواله يوم نقا=برج (إيفل) ثبته طيب القواعد
الردي ودك يسرح مايبقا=تقطع حقوقه ولايعطى تقاعد
والدويش إنه يرقا ثم يرقا=في المناصب كلها من ذي وصاعد

وسلامتكم
محمد بن عنّون[/poem]