قصص مختارة من التراث (الجزء الثاني)

هذا الجزء الثاني من قصص مختارة من التراث .. وهي قصة الفارس مشعان بن غنيم الذي رد القوم عن إبله المسمات ب " الغافلات " ..

هذي سالفة الفارس المشهور مشعان بن غنيم بن بكر.. من الدهامشة من عنزة.. من جماعة الشيخ بن مجلاد......

مشعان هذا كان يعتزي بقولته " أخو حجلة".. فارس ولد فارس.. أبوه من جماعة سعدون العواجي وكان (غنيم) والد فارس قصتنا هذه يسمى ب الربضا ( بتشديد الباء) لأنه كان يربض على غريمة بالكون والحرب ويذبحه ذبحة الشاة..مشعان عند حدوث السالفة هذي كان عمرة قد تجاوز السبعين عام لكنة رجال نشيط .......

كانت لمشعان ابل جميلة وأصيلة تسمى الغافلات.. مشهورة صيتها على كل لسان.. سمع فيها عبدالعزيز المتعب الرشيد ونواها بالغزو وكان معة بن شعلان شيخ الرولة من عنزة.. أقبلوا غازين على فيضة فيها الغافلات منتشره ترعى. ولا حولها الا رعيانها.. ومشعان يباريها ويرقبها من بعيد في بيت شعر هو وزوجته.. يوم أقبل بن رشيد أومى لفرسان معة أن يجمعون الغافلات وكانت إبل كثيرة وجلس هو وبن شعلان يتفرجون على الفرسان والهجانة يجمعون الأبل..وتفرقوا حوالين البل..

مشعان.. وهو يرقب أبله من بعيد.. شاف الفرسان مقبلين ويجمعون البل ويسوقونها.. صوت على زوجته (( عطيني الرمح.. )) صاحت عليه مرته (( أنت مجنون بتتقبل الفرسان هذولا وانت لحالك.. وعيالك ما هم فيه..)) قال يرد عليها (( هذا مو شغلك.. معصي كان أخلي الغافلات توخذ قدام عيني وانا اتفرج...))

فك مشعان فرسه المسماة " الطويسة " ... فرس كانت مشهورة أنذاك بسرعتها وبطيب سلالتها ... وبدون لا يسرجها طمر على ظهرها... وغار على الفرسان.. الطويسه سريعة ومشعان كان لا يبارى بالرمح .. يمر على الفارس منهم في وسط غبار الطويسة ويلكزة بالرمح.... ومن لكزة طاح ميت ولا قام بعدها... الا شاب منهم..في أخر الأبل تعدى علية مشعان وحزه بالرمح وطير رمانة خدة وطاح الفارس الشاب على الأرض والدم مغطي وجهة لكنة ما مات..

صوت مشعان لرعيانة يضفون الأبل.. أمام إبن رشيد وإبن شعلان بتحدي ..

هنا حاول بن شعلان أنه يثني بن رشيد عن إعادة الكرة بمحاولة أخذ للغافلات......... وقال له (( هذولا عشرين من ربعك راحوا.. والله ان رجعت لا يروح كثرهم واكثر.. هذا أخو حجلة.. ))) رد بن رشيد (( هذي مشوره والا حمية لولد عمك.. رد بن شعلان لا والله ..الا المشورة والنصيحة.. واقتنع بن رشيد و رجع عن الغافلات وراعيها..
أخو حجلة لما رجع.. تعدى على الفارس الشاب المضرج بدمة.. وشاله على الطويسة وأخذه لبيت الشعر.. وطلب من مرته تداوية.. ويوم انه توعى وطاب.. وفي خده حفرة من أثار رمح مشعان.. عطاه مشعان فرسه وقال له رح لأبن رشيد خله يشوف سواتي فيك علشان لا يعودها..
أنتهت السالفة..
أحب أذكر شي في أخر السالفة النعم بكل القبايل وكلهم مشهورين بشجاعتهم لكن الله خص ناس منهم بصفات وشجاعة متميزة تستحق الذكر والتميز...

أرجو أن تكون قد جازت لكم السالفة

وتقبلوا تحياتي



..





شوق

يسعد صباحك يا شوق

قصه ممتعه فعلا

احتوت على الشجاعه وهذي عادة العرب والبدو خاصه ..


مشكوره حبيتي ..

لاعدمناااك ..

تحياتي

يسعد صباحك ياشوق

وعوايدك المجئ لنا بما هو مفيد وممتع

ولاهنتى (ياراوية المرقاب )


ودمتى بخير

الغلا سراب

ياصباح الغلا وكلمه هلا

وان شالله تكون عجبتك القصه


وهذا التاريخ اللي نفتخر فيه



تحيتي لك بكل الود


...




شوق

يامليون التراحيب بمشعان البراق


يعني عشان مشعان بن غنيم رديت علي القصه


يعطيك العافيه علي مرورك العطر



تقبل مني ارق تحيه


..




شوق

[align=center]

هلااااااابو اخوي محمد السليس



تسلم ويعطيك العافيه علي مرورك وتواصلك الغالي


وتسلم علي اللقب

بس راويه المنتدي كنها كبيره علي

اعذب تحيه وتقدير لك

..







شوق[/align]