قصيدة للشاعر الكبير:عبدالله بن زويبن الحربي

أخواني في منتدى المرقاب السلام عليكم ورحمة الله وبركاته

يسرني أن أنقل لكم هذه القصيدة للشاعر الكبير عبد الله بن زويبن المعمري الحربي
شاعر ليس له مجال إعلامي
ولا يضيره ذلك فهو فحل من فحول الشعر يعجز اللسان عن وصف شاعريته الفذه مستحيل ان تجد في قصيدته بيت ضعيف أو ليس في محله

وهذه أول قصيدة له أنقلها لكم في المرقاب

علما بإنني في منتدى مجالس حرب قد شاركت له بعدة قصائد

أرجو من الله ان يوفقني لأرضاء الجميع في كلا المنتديين

والقصيدة هذي يسندها بن زويبن على الشاعر جزاء بن صالح الحربي ولا أعلم هل رد جزاء أم لاء ولكن إليكم القصيدة

أنا البارحة هيض عليه حمام ناح ـــــــــ يجر اللحون من المسرة والافراحي

نبش له جروح بالحشاء دمهن فواح ــــــــــ وأنا قبل كاميهن مبا السر ينباحي

أهوجس ومن جته الهواجيس مايرتاح ـــــــ تنام العيون المستريحه وأنا صاحي

يدقن قلبي دقة السلف بالمفتاح ـــــــــــــ ومثل مايطق الطار في قصر الأفراحي

ويتلن قلبي تل ركبٍ من المسراح ـــــــــ يقرب مساهن واللواليح طفاحي

سوات الخشوف إلى تقافن مع الصحصاح ــــــــــ وساع النحور فخوذهن مثل الألواحي
لهن عند شغموم يسد اللزوم مراح ـــــــــــ يسلي نباه وللمواجيب نطاحي

على البيت من صوب الخلا مايحط سناح ـــــــــ كريمٍ ببيته ضايق البال ينساحي

على دور ناسٍ دورهم كد مضى وانزاح ـــــــــ والأذكار تبقى والعرب رسمهم ماحي
وألا يانديبي قم تولم بدون الحاح ــــــــــ على اللي لها فوق المخايل تمرجاحي

تمروج تمروج مومي السبق والجناح ـــــــــــ على متنها توصل خبر مانت سواحي

توجه من العارض إلى ديرة الصباح ــــــــ معك ماعليها غير كبتن وملاحي

توصل وصاتي يم قرمٍ وسيع شباح ــــــــ على الخير واللي عير معنا وهو ناحي

جزاء الحنتمي عد الرواء واترك الضحضاح ـــــــ للأمجاد كساب وللقاف نقاحي

عزيز المناسب ماذكر فيه عرق شحاح ـــــــ سلايل كرام وهو للأمجاد طماحي

طموحه يصمل حرمة العفن للمطماح ــــــــــ تشوم لصبي الطيب عن راع الأرباحي

سخي يقلط بالصحون الوساع فطاح ـــــــ كريمٍ يعد بذبحة الحيل سفاحي

عليه الخسارة هينة والحياة كفاح ـــــــــــ والأموال ترجع والخسارة بالأرواحي

سلايل رجالٍ باللقاء ترخص الأرواح ــــــــــ هل الفزعة العجلة ليا صاح صياحي

ليامن ستر معسلات الشفايا طاح ـــــــــ سندهن ( سند ) مروي مذاليق الأرماحي

نهار اللقاء ينطح ولا ينطحه نطاح ـــــــــ تقطع عقايل ربع خصمه لياطاحي

عقيدٍ يعزل ليا غزى ناقة المصلاح ـــــــــ حفيدة بفعله يستحق التبجاحي

أبا أشكي عليك اللي ذبحني بغير سلاح ـــــــ وكواني مرقاع كواياه نجاحي

وحذفني بوسط البير من طفة اللولاح ــــــــــ تحملت مع جور الزمن حمله الفاحي

تشفقت شوفه ولبلا من حصاة رزاح ـــــــــ ولا أدري حصاة رزاح وشلون تنزاحي

عقب راح كن الدار سكانها الأشباح ــــــــ غريبٍ مريبٍ في مسايه ومصباحي

أراجي وصوله مثل مايرجي الفلاح ــــــــ نباتٍ شقاه ومكسبه فيه متواحي

عسى الله يرده من غيابه مثل ماراح ـــــــ لعل السنين تدور به مثل الارياحي

نظمت القصيدة مثل ماينظم المسباح ـــــــــ على ماطرى لي وأنت ماهر وسباحي

على مبتداها من نسيج الحرير وشاح ــــــ وعلى منتهاها عنبر العطر فواحي

وأصلي وأسلم عد مايثمر التفاح ـــــــــــــ على المصطفى اللي بين الحق بإيضاحي

وعلى المحبة نلتقي
وشكر ا لكم

أهوجس ومن جته الهواجيس مايرتاح ـــــــ تنام العيون المستريحه وأنا صاحي

يدقن قلبي دقة السلف بالمفتاح ـــــــــــــ ومثل مايطق الطار في قصر الأفراحي

ويتلن قلبي تل ركبٍ من المسراح ـــــــــ يقرب مساهن واللواليح طفاحي

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _



جزاء الحنتمي عد الرواء واترك الضحضاح ـــــــ للأمجاد كساب وللقاف نقاحي

عزيز المناسب ماذكر فيه عرق شحاح ـــــــ سلايل كرام وهو للأمجاد طماحي

طموحه يصمل حرمة العفن للمطماح ــــــــــ تشوم لصبي الطيب عن راع الأرباحي


_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

أبا أشكي عليك اللي ذبحني بغير سلاح ـــــــ وكواني مرقاع كواياه نجاحي

وحذفني بوسط البير من طفة اللولاح ــــــــــ تحملت مع جور الزمن حمله الفاحي

تشفقت شوفه ولبلا من حصاة رزاح ـــــــــ ولا أدري حصاة رزاح وشلون تنزاحي

عقب راح كن الدار سكانها الأشباح ــــــــ غريبٍ مريبٍ في مسايه ومصباحي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

أخوي محمد البيضاني ،،،

بيض الله وجهك على نقل هذه القصيدة ،

ولا أقول ألا :

صح لسان القايل ،

وسلمت يمين الناقل.


بس ترانا ما شبعنا من إبداعاتك أنت طال عمرك!!

نبغاك تعطينا مما عطاك الله.

ولك كل التحية والتقدير.

طموحه يصمل حرمة العفن للمطماح ــــــــــ تشوم لصبي الطيب عن راع الأرباحي

ياسلام على القصيد الصدق اللي يشرح الخاطر



عسى الله يرده من غيابه مثل ماراح ـــــــ لعل السنين تدور به مثل الارياحي

ماشاء تبارك الله ياخوي عطنا من قصايده الثانيه وان كان جزا رد عطنا رده بعد
ولاهنت يالبيضاني

محمد البيضاني



بيض الله وجهك وبارك الله فيك ..




هذا القصيد اللي عليه العلم .. صح لسان قايله وناقله ..




تقبل التحايا والتقدير ..



اخوك / رحيّم

محمد بيّض الله وجهك على إيراد هالقصيدة الجزلة



وصح لســــــــــــان شاعرها ولاتبخل علينا بقايده الباقية لاعدمتك




تحيــــــــــــاتي

قصيده عظيمه لشاعر بلا شك قدير وكبير


لاهنت يا محمد


وصح السانك ولسان شاعرها


دمت على الطيب



أخوك / سـداح

والقصيدة هذي يسندها بن زويبن على الشاعر جزاء بن صالح الحربي ولا أعلم هل رد جزاء أم لاء ولكن إليكم القصيدة
[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]

أنا البارحة هيض عليه حمام ناح = يجر اللحون من المسرة والافراحي

نبش له جروح بالحشاء دمهن فواح = وأنا قبل كاميهن مبا السر ينباحي

أهوجس ومن جته الهواجيس مايرتاح = تنام العيون المستريحه وأنا صاحي

يدقن قلبي دقة السلف بالمفتاح = ومثل مايطق الطار في قصر الأفراحي

ويتلن قلبي تل ركبٍ من المسراح = يقرب مساهن واللواليح طفاحي

سوات الخشوف إلى تقافن مع الصحصاح =وساع النحور فخوذهن مثل الألواحي
لهن عند شغموم يسد اللزوم مراح = يسلي نباه وللمواجيب نطاحي

على البيت من صوب الخلا مايحط سناح = كريمٍ ببيته ضايق البال ينساحي

على دور ناسٍ دورهم كد مضى وانزاح = والأذكار تبقى والعرب رسمهم ماحي
وألا يانديبي قم تولم بدون الحاح = على اللي لها فوق المخايل تمرجاحي

تمروج تمروج مومي السبق والجناح = على متنها توصل خبر مانت سواحي

توجه من العارض إلى ديرة الصباح = معك ماعليها غير كبتن وملاحي

توصل وصاتي يم قرمٍ وسيع شباح =على الخير واللي عير معنا وهو ناحي

جزاء الحنتمي عد الرواء واترك الضحضاح = للأمجاد كساب وللقاف نقاحي

عزيز المناسب ماذكر فيه عرق شحاح = سلايل كرام وهو للأمجاد طماحي

طموحه يصمل حرمة العفن للمطماح = تشوم لصبي الطيب عن راع الأرباحي

سخي يقلط بالصحون الوساع فطاح = كريمٍ يعد بذبحة الحيل سفاحي

عليه الخسارة هينة والحياة كفاح = والأموال ترجع والخسارة بالأرواحي

سلايل رجالٍ باللقاء ترخص الأرواح = هل الفزعة العجلة ليا صاح صياحي

ليامن ستر معسلات الشفايا طاح = سندهن ( سند ) مروي مذاليق الأرماحي

نهار اللقاء ينطح ولا ينطحه نطاح = تقطع عقايل ربع خصمه لياطاحي

عقيدٍ يعزل ليا غزى ناقة المصلاح = حفيدة بفعله يستحق التبجاحي

أبا أشكي عليك اللي ذبحني بغير سلاح = وكواني مرقاع كواياه نجاحي

وحذفني بوسط البير من طفة اللولاح = تحملت مع جور الزمن حمله الفاحي

تشفقت شوفه ولبلا من حصاة رزاح=ولا أدري حصاة رزاح وشلون تنزاحي

عقب راح كن الدار سكانها الأشباح = غريبٍ مريبٍ في مسايه ومصباحي

أراجي وصوله مثل مايرجي الفلاح = نباتٍ شقاه ومكسبه فيه متواحي

عسى الله يرده من غيابه مثل ماراح = لعل السنين تدور به مثل الارياحي

نظمت القصيدة مثل ماينظم المسباح =على ماطرى لي وأنت ماهر وسباحي

على مبتداها من نسيج الحرير وشاح =وعلى منتهاها عنبر العطر فواحي

وأصلي وأسلم عد مايثمر التفاح = على المصطفى اللي بين الحق بإيضاحي[/poem]

محمد البيضاني الله يبيض وجهك ويعطيك العافيه


على إيراد هذا النص الجزل والرائع للشاعر الكبير/ عبدالله زويبن


دمت يامحمد