مرثيّاتكم في فقيد الأمه الشيخ جابر الاحمد الصباح رحمه الله

بسم الله الرحمن الرحيم

هنا ايه الاحبه وعبر هذا المتصفح نرجوا من الجميع اضافة القصائد الخاصه بفقدنا الكبير , الشيخ جابر الاحمد الصباح امير القلوب ومنبر الانسانية والنقاء رحمه الله وغفر له .



نأمل ان توضع القصائد فقط دون الردود لتكون بمثابة صفحة من الوفاء للراحل الكبير

وهذا اقل ما نقدمه في مثل هذا المصاب الجلل

سوف تنقل جميع المشاركات الشعريه الخاصه بهذا الموضوع لهذا المتصفح

رحم الله الفقيد وموتى المسلمين اجمعين

وانا لله وانا اليه راجعون



في رثاء امير القلوب (1)
فالح الهاجري
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
الصباح اللي انزوت شمسه بحضن الغروب=والظلام اللي سبق حـلـّه وجاب الغياب
والمطر دمع السما والبكـا عصف الهـبـوب=والجهات الاربع استوطنت قلب الضباب
والوطـــن ماعاد له لا شمال ولا جـنـوب=وين ما لقــّيت وجـهك يـمـسيّك العذاب
لـيـتها فـ ابريل كذبــه نحـمـلـّها الكذوب =او دعاية مغـرض ٍ حـاد عن درب الصـواب
مـات جـابر ؟ ماتت شعوب وانهارت شعوب=ماتبي حسبه على اللي يعرفون الحساب
من بياض ايديه سار الكرم في كل صوب=من غزارة غيث جوده خجل غيث السحاب
مات جابر ؟ ماتت قلوب وانكسرت قلوب=واه يا هــول الفـجيـعــه ويا كبر المصاب
العظيم اللي عجز يحتوي مجـده اسلوب=والحكيم اللي عجز يحتوي فكره كتاب
مات جابر ؟ ماتت دروب وانقطعت دروب=ما بقى الاّ درب يبدى ويـرجع للخـراب
جابر الديـره من كسور خـلاّن الجـيوب=من شموخه ما بقـى ناب للّي فيـه ناب
يا الله انـّك ترفـعه فوق عن كل الذنوب=يا الله انـّك في جنابك تزيـّن له جـنـاب
دعوة اللي يقضي الفرض ولوجهك يتـوب=وانت تقـبل دعوة اللي دعى بامّ الكـتاب
عبدك اللي في الخفا كم قضى للدين نـوب =كم دفع للشر باب وفتح للخير باب
وان لبسنا من سواد الحزن تسعين ثوب=أو بكـينا لين من دمعنا يفيض التراب
إن رثـيـناه الدهـر ما كفيـناه الخـطوب=وان بكيـناه الدهـر ما وفـيـنـاه الثـواب[/poem]


في رثاء امير القلوب (2)
سعود الفرحان
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
اشتقت للموته وانا ادري ليا اشتقت=اصيح والمسباح بيدي فركته
عطاني اكثر من ردى حظي الوقت=وأكبر دليل آبوي راح وتركته
ياموت وقف لاتجيني ليا فقت =أبوي هذا خف عليه ان مسكته
إسمع تراني سامعك لو توهّقت=أبوي ماعمره تأذى بـ سكته
أبوي شيّب يوم بيده تلزقت=ياموت خوذ الأدعيَه لااحتبكته
حتى انت تغليه وتحبه وتعلقت=والناس تدعيله ,, وله في بركته
العطف / و الخوف / الطمانه ليا ضقت=الأب / الأبيَض / والطهاره حركته
الدمع الأبيَض / والسماحه ليا عقت=الجابر / الأحمد / ذراك إن شبكته
ياموت أبوي اللي خذيته وصدقت=مدري هو الواقع أو تقول نكته
صدقني اخواني بكو وانت عرقت=حتى البكى بأحشاي جيت وضحكته
تالله لوْ تدري انا ماتوفقت=الحزن فيني والمُصيبه ربكته
سلمت للواقع صباي وتشدقت=وعرفت إن الموت حق ودركته
إيه الخليج يعيش نكسه وانا اشتقت=آشم ثوبه بيدي اللي فركته[/poem]


في رثاء امير القلوب (3)
مهدي العرجاني
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
خمسة عشر ينايرسته ورا ألفيـن= يومِ على دسمـان من سـود الأيـام
ذاعت الأذاعه بالنبأ والنبأ شيـن=والحمد لله ديننـا ديـن الإسلام
حكم القدر وأمر الولي فيه راضين= يا الله عسا منزله جنـات الأنعـام
لونـه بنطح العـدا والمعاديـن= الشعب كلـه فـدوة لـك وخـدام
لكنهـا سنـه علينـا وماشـيـن= طرقيةِ في الوقـت محدِ بهـا دام
مرحوم ياجابرعسا الله لك إي عين= في الموقف اللي فيه صرن الأقلام
تبكيك من نجرانِ إليا فلسطين=وتبكيك من بحر الخليجي إلى الشام
وتبكيك يا جابر إشعوب وسلاطين=وتبكي عليك أرامل الشعب وأيتام
يا الله عساك بجنة الخلـد آميـن= إي قولها شعبك مع شعوب الأسلام[/poem]


في رثاء امير القلوب (4)
موسم سفر القثامي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
معوضينٍ خير يا شعب الكويت=بشيخٍ دعاه الحق يوم الأجل حان
شيخٍ حكم بالعدل وأكرم كل بيت=بينه وبين الشعب يا كثر الحنان
لو مات ذكره حي ما كنه بميت=بنى صروحٍ شامخة شوف العيان
عسى الجنان الخلد له فيها مبيت=مع صفوت الأبرار يكتب له مكان
في قلوب شعبك بالوفاء بنيت بيت=مجدٍ مخلد مانمحى طول الزمان
يبكي على فرقاك شعبٍ له فديت=ويبكي على فرقاك دسمان وبيان
يا للي بسوق الطايله بعت وشريت=رغم الظروف القاسية كل صعب لان
عشر وثمان وعشر مع شعبك وفيت=قدمت ما يرضي ضميرك بمتنان
ننبيك ياللي عن جهوده مادريت=ياقو صبره يوم وجه الوقت شان
مرحوم ياشيخٍ على الافعى وطيت=بسياستك حيث أن ألك قدرٍ وشان
يومٍ جيش الرافدين أبه ابتليت=صمدت في وجه العدو دون الكيان
دون الكويت ودون شعبه مستميت=يومٍ قصيرك بالوفاء والعهد خان
وجمعت شعبك فالبلد بعد الشتيت=وأخذت من كل الدول عهد وضمان
ورجعت له مسرور في شوفه حظيت =وصليت به ركعه شكر بعد الأمان
مرحوم يا شيخٍ على السنه مشيت=وأكرمت شعبك ما شكا جوع وهوان
معوضٍ بالخير يا شعب الكويت=فالشيخ جابر جعل مثواه الجنان[/poem]


في رثاء امير القلوب (5)
مبارك ابو ظهير
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
ياخالق الإنسان من شي ٍ عدم=ألطف بنا ياكافل أرزاق العباد
ياربنا أنت الرحيم أنت الحكم=وأنت العزيز المقتدر أنت الجواد
أنت الذي يارب (( علم بالقلم ))=يارافع ٍ سبع السموات الـشداد
يارب في هاليوم نشحذك الهمم=إنك تقدينا على د رب الرشاد
وإنك تقوينا على شي ٍ عظَم=من هوله الدنيا تغشلاهـا السواد
اليوم هذا فجّر بقلبي حمم=لاوالله إلا ثار بركان الفؤاد
مات الأمير العادل الشهم الأشم=مات الأمير اللي له الطيبه تقاد
مات الأمير اللي من اول ماحكم =أرسى العداله فـي البلد والخير زاد
مات الأمير اللي تعلا بـ القمم=وفي موتته عم الحزن كل البلاد
عم الحزن إي والله إن الحزن عم=كل ٍ لبس في غيبته ثوب الحداد
من شيمته يتْعلمون أهل الشيم=تواضعه دايم لأخلاقه مداد
حتى وهو ميت حبيبي ماظلم=أعطى الشهور حقوقها وبكل حياد
في نص ذي الحجه توفى هـ العلم=وبْمنتصف يناير إهتزت بلاد
حزن إنبنى وجْدار الأفراح إنهدم=والدار فيها مـظهر الأحزان ساد
مامات جابر لاحشى ماتت أمم=الله يصبرنا على نار الـبعاد[/poem]


في رثاء امير القلوب (6)
ولاء عواد
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
عتم سراج الليالـي وإنطفـى نـور العيـون =وإنكسر حلم الأماني وإنتكس جفـن الكويـت
هلت دموع المـوادع وإنتشـى ذاك الجنـون =وإنهدم صرح المعالي يومك لعرشـه جفيـت
جيت أنا لدسمان أنادي وحدك لأرضي تصـون =جيت أبسأل كل شارع شامخ بفخـره حييـت
وين شيخك وين عرشك وينـه الليلـه يكـون =دامـه اللـي بالمحانـي بانـيٍ عـزٍ وبيـت
ياكويت إرمي عيونك شوفي أمجاد وحصـون =شوفي شلونه تعلـى حلـمٍ أرقـى ماطويـت
شيخنا جابـر وأبونـا عالعمـر هـذا يمـون =لو يبي فدوه رقـابٍ تنكسـر لجلـه وجيـت
جيته أرمي كل شيٍ داخلي .. هم .. وشجـون =لعنبو يوم المفارق .. إبكـي إبكـي ياكويـت
شققي ثوب الأماني وإنزعي لسـان السكـون =وإذبحي كل المشاعر ... ياوطن جرحك حويت
جابـر الأحمـد أبونـا سيدنـا درعٍ وعـون =أقسم إنك بالمعالي لو على جسمـي مشيـت
يابعد راسـي وكلـي يايبـه صـدرك حنـون =من عيونك في حياتي يابعـد كلـي إستحيـت
عالمي كله حبيبـي لخاطـر عيونـك يهـون =جابـر الأحمـد حياتـي لالالالا مـا كتفيـت
شوفها كويتك حبيبي بس لقى عيونـك يبـون =كل ما هلت نسايـم داخـل أنفاسـي طريـت
والمشاعر هي مباني في شموخـك يرتقـون =يا يبـه جيتـك أدوّر حضـنٍ بـداره بديـت
قالت طيورك مسافر قلت أنـا بكـره يجـون =إيه نعم فعلا وشفتك ولغلـى عشقـك قريـت
يـا شـراعٍ للمعالـي هـادمٍ كـل الظنـون =مبحرٍ بيـن المحانـي راسـيٍ فخـرٍ جنيـت
شفتك بكـل الأماكـن عـن غلاتـك يعلنـون =شفتك بعين الطفوله وكل شـيٍ لـه حصيـت
شفتك بعين اليتامـا مـن حنانـك يرتـوون =شفتك بذيك المعالـم يـا يبـه فخـرٍ عليـت
والشواطي اللـي تحبـك للمدامـع يذرفـون =والخليج أبكى عيونه دامـك بطيبـك طغيـت
يسكب الدمع بحشاها... جونها ماهو بجـون =هذي دمعه من عيونه طاحت بصدر الكويـت
طاحت بوسط الخريطـه والحنايـا يحضنـون =طيفك اللي لو عبرها لهامـة الدنيـا وطيـت
إيه نعم لك حقٍ إنـك تاخـذ العقـل بفتـون =قلبـك اللـي بالحنايـا طفـلٍ لعـزه سقيـت
هذا ماهو قلب أبدا هـذا دنيـا وسـط كـون =لو عبر عنها خيالك في مـدى دمـي سريـت
يا أبو مبـارك نحبـك والمشاعـر يحلفـون =يا عسى رحمة سمانا تكلل اللي بـه سعيـت
قمت أحس إن البرايا بالخبـر لـك يكذبـون =ترحل وكل الليالـي دونهـا دمعـي رضيـت
زلزل العالـم رحيلـك والمحانـي يشهـدون =يا يبه كلي فديتـك ومـن بعـد كلـي فديـت
المعالي فـي غيابـك مـن عناهـم ينتهـون =يـا حبيبـي كـل شـيٍ إلا بعـدك ماهقيـت
والمدامع يـا حياتـي برقهـا لجلـك يهـون =من على فرقى خفوقك زاهرٍ صـوتٍ وصيـت
حافظ الأرض الكريمه كويتك لعـزك تصـون =مكرمٍ شعبك وكـارم دامـك بمجـدك هنيـت
ما تقصر فـي يمينـك والمشاعـر زيزفـون =عطرها ماله مثيـلٍ .. راقـيٍ وإنـت رقيـت
كل شيٍ في غيابـك منحنـي مثـل الغصـون =شوفه القلب الكويتي من على دمعـه سطيـت
دونك الديره يتيمـه .. بالمواجـع يسكنـون =شوفها أرضك حياتي .. قالت لعينـك بكيـت
وإكتسى حلم الأماني لونٍ أبـدا ماهـو لـون =شوفها كويتك عيوني ... تكتب اللي به رضيت
كل دارٍ فـي ألمهـا تنتثـر مـوت وغبـون =والعنا بين المواجع قال تكفـى لـك شكيـت
جيت أبرثي عيوني اللي للمواجـع يحصـدون =دام أنا حالي يتيمه بالحـزن دونـك صفيـت
بشتك ودربك ونورك ... دايم بذكـرك يجـون =آآآه يا حالٍ بدونك ... كم لجل أرضك شقيـت
كم تحملت الليالـي ... والمشاعـر ينزفـون =دايم لـدارك تعمّـر ... عـزٍ كويتـي بنيـت
ديرتـك تبكـي غيابـك والمحانـي يكتـوون =ودعت فيها أبوهـا آآآه يـا عشـقٍ عطيـت
ودعت كل المعالـي وإنحـدر دمـع العيـون =يدعي المولى يزيـدك رحمـةٍ دايـم وليـت
ليت روحي ياحبيبـي فـدوه لعيونـك تكـون =والقدر ماله خيارٍ .. دامـك بطيبـك سميـت
عتم القلب الكويتي ... في غيابـك ياحنـون =وإنتكس جفن الشوارع يومك لعرشك جفيـت
من على دسمان يبكي عـزٍ أعـلاه الشجـون =وأصحبت دارك يتيمه ... إيه يتيمه يا كويـت [/poem]



في رثاء امير القلوب (7)
فهد بن عبدان
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
أهل الكُويت أفواج في قصر دسمان = فعيونهم لهفه وحسره وتخمين
ذاع الخبر ياليت راعيه غلطان = رحل حبيب الأمّه سنين وسنين
غم وألم واجراح وهموم وأحزان = القلب شعلة نار .. والدّمع في العين
مات الأمير , الوالد, الحر, الانسان = يبكيه شعبه والوطن والملايين
مات الزعيم اللي له العز عنوان = شمعة وطنّا والعرب والمسلْمين
( جابر الأحمد ) شان .. من مالهم شان = أبو اليتامى والضّعوف المساكين
معروف في المعروف .. واحسانه احسان = يمناه بيرق جود في العسر واللين
عطاه غيث يحوّل الجرد ريضان = حدود خيراته من الصين للصين
من دون حق الشعب مخلب ونيبان = ومن دون حد الدار شلفا وسكّين
قايد وفي حكمته للعدل ميزان = حق المواطن كاش .. ماياخذه دين
حصان وبن حصان وربوّة حصان = عزيز مايرضى الاهانه ولايهين
لاضاق صدر الشعب يظهر كحيلان = ماينشرح صدره وشعبه حزينين
مايشرب من العد لو كان ضميان = الين يسقي اللي على العد شفقين
الله يجعل قبره جنان في جنان = قلته ودمع العين في محجر العين [/poem]



في رثاء امير القلوب (8)
عبدالله الرقيب
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
سـاد الحزن والهـمّ في شتى البقـاع=وين السعادة والفــرح مالـه نديم
الهـمّ صاحـب والفرح صايـر سباع=كشّـر بنـابه من بعـد غاب الكريم
كن الحزن مــرخي على العالم قناع=والكــون خفره تتــبع القول الحكيم
عـلمٍ لفـى زاد العنا زاد الوجـــاع=علمٍ لفـى هــدّم طموحات اليتيــم
وشــلون نبكي من بعد مات الشجاع=وكــيف هل نبكي على غير الزعيم
ياشــيخ لو كان البـلا يشرى يبـاع=كان اشْتريـته مـير ما شوفك سقيم
ماجا مثيــله أو بقــدر المستطـاع=من شـان هذا ما بكي شخـصٍ عقيم
حال المــقابر في صراع وْ في نزاع=ياودّهـا يصبـح لهـا شخصٍ مقـيم
من دون شــاره دون عزله ورْ تفاع=يعــرف ليـا زرتـه وسط ليلٍ عتيم
يالله يـاربّ السمـاوات الفضـــاع=تكتب لهـا الجـنه وغفــران وْ نعيم [/poem]



في رثاء امير القلوب (9)
تركي هاجد
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
هم وغرابيل وأسى فجرٍ كئيب ودمعتين= ضيقة خواطر والحزن طاغي على موالها
مدري بكيت البارحه ولا خشعت بركعتين= ولا أنكسرت وضيقتي طاشت عليُ أبجالها
ولا توشحني ظلام الليل في لحظة يقين=ألها البشر ماهيب شفقانه ولاهي أبفالها
بألفين وسته شئم يوم الاحد لا الاحد الحزين= في ساعةٍ ينعي بها التاريخ موت أرجالها
جاني خبر موت الشجاع الوايلي أبن الامين= الشيخ جابر جابر العثرااات شيخ أجبالها
راع الوفا والطيب وأجود يد الشيخ الرزين= مافيه خصله طيبه في ذى الزمن ما نالها
أبو اليتامى راعي الفزعات والدر الثمين= أمعرب الجدين عم الطايلات وخااالها
قاد البلاد بحكمته في وقت عسر و وقت لين= حتى رقى القمه وداره فوق كتفه شالها
وأكبر دليل أن الكويت الحين ماهي بأي حين=شفها مع العالم تصدر فعلها وأقوااالها
فيالله ترحم شيخنا جابر بعطفك يا حنين=وأنك تغمد روحه الجنه وتشرح بالها
وأنك تخلي منزله يارب ويا المرسلين=وأنك توسع قبره اليا ضك به دجالها
لأنه أتقى شخص من بين العباد المتقين=ولأنه أعدل حاكم بدنياً كثير أهوااالها
ولأنه اللي يوم ودعنا بكينا أجمعيــن= في ساعةٍ فيها الزمن ينعي فقيد أرجالها[/poem]


في رثاء امير القلوب (10)
حسن بن علي الهاجري
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
الأحــد جـانــا بـوقــت الـرابـعـه=صبـح يــوم ٍ للكويـتـي اســودي
فـي شهـر واحـد والامّـه متابـعـه=سـتّـه وألفـيـن عـــام ٍ سـرمــدي
فـي وفـاة الشـيـخ جـابـر فاجـعـه=الأمـيـر الـلّــي بـدربــه نـقـتـدي
مـن خبـر موتـه عيونـي دامـعـه=عـظّـم الله اجـرنـا فـــي سـيّــدي
يــا قـلـم ورّد بـوســط الطـابـعـه=عن مشاعر شعبي واحزان بلدي
شـعـبـه الـلــي بالمـحـبـه بـايـعـه=مانسى المعروف والكـف النـدي
هـذا جابـر كـل طـيـب ٍ جامـعـه=والكـرم فـي ذروتـه بــه يبـتـدي
مـدّتـه تـمـلا البـطـون الجـايـعـه=لخدمـة المسكـيـن دايــم يجـهـدي
حكمـتـه تـهـدي قـلـيـل الـرابـعـه=ولأجل شعبه كـل شـيء ٍ يفتـدي
بالسـيـاسـه كـــل حـاقــد قـامـعـه=وبالفـطـانـه رد كـيــد المـعـتـدي
شـامـخ ٍ مـثـل النّـجـوم اللامـعـه=مات كلـن فـي صلاحـه يشهـدي
القـلـوب ابـحـكـم ربّـــي قـانـعـه=والقـدر لازم علـى النّـاس يعـدي
ذي عقـيـدتـنـا ومــنّـــه نـابــعــه=ولـولا توفيـقـه أبــد مــا نهـتـدي
يــا إلآه ٍ كـــل شـــيء ٍ سـامـعـه=وأنت في عرشك ولا لك مسندي
جـل شانـك عــن ايــاد ٍ طامـعـه=من على المكروه غيرك يُحمـدي
نطلـبـك وقلـوبـنـا لـــك خـانـعـه=ولا حـد ٍ غيـرك إلاهـي نعـبـدي
روح ابو مبارك لوجهك راجعـه=جعـلـه بجـنّـات عــدن ٍ يسـعـدي [/poem]


في رثاء امير القلوب (11)
خالد بن سكران
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
أكبر مصيبه تفقـد أنسـان غالـي=له في صميم القلب حشمة وتقديـر
وموت(الأمير الشيخ جابر) هوالـي=تهتز في موتـه قلـوب الجماهيـر
من هول فرقا الشيخ راع الجزالـي=الشعب يعجز عن وصوف التعابيـر
يبكيه شعبه مـن حريـم ورجالـي=وتبكيه ضيفان (الوطن) عود وصغير
الـدار عقبـه كنـهـا بأحتـلالـي=الصمت عم الـدار عقـب التباشيـر
شيخٍ حكم بالعـدل طـول الليالـي=في عصر حكمه ماحصل منه تقصير
وافي لشبعه فـي سـلام وقتالـي=من أجل داره ماقصـر بالمشاويـر
سـم المعـادي محتمـى للتوالـي=سيـفٍ مجـرّب بالليـال المعاسيـر
كريـم سبـلا بالعـطـا مايبـالـي= من طق بابه ماترده معاذير
أبو اليتاما بالعطايا جلالـي = لأجـل الكويتي ماحسب للمخاسيـر
مرحوم ياشيخٍ على الطيـب والـي= مرحوم يانسل الرجال المناعير
مرحوم ياعـون الرفيـق الموالـي=مرحوم ياستـر الوطـن والغناديـر
مرحوم يا ريف الضعيـف الهزالي= مرحوم يارمز الوفا منبع الخير
ياعـل مسكانـك جنـانٍ طـوالـي=في جنّة الفردوس ضمن المشاهيـر [/poem]


في رثاء امير القلوب (12)
محمد صالح العتيبي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
سبحان من بأمـره يصـرّن الاقـلام =فالهيّنـه ولاّ الضـروف الجسيمـه
ربٍ علـى كـل المخاليـق عــلاّم =محيي .. مميت وكل شـيٍ عليمـه
مافيه مثل المـوت حاجـاتٍ إعظـام =الله اكبر .. يـوم عظّـم عظيمـه
مع صلاه الصبـح والطيـر ماحـام =ضربه على صدر الكويتـي أليمـه
الموت مانكّـس مـن العالـم أعـلام =نكّـس دمـوع الارملـه واليتيمـه
ودموعنـا شـبّ وشيّـاب وأيتـام =كلٍ دعته الفاجعـه فـي صميمـه
وشلون مانبكـي ونحـزن وننضـام =وأميرنـا فـارق شعـوبٍ مقيمـه
كفّ الندى .. ماكفّ مع طول الايّـام =يمناه فـي بـذل العطايـا كريمـه
جابر علـى جبـر المعاثيـر جـزّام =عزّام في فعلـه وماضـي قديمـه
عشرين عام وزادها تسعـة أعـوام =نعم الحكم ..نسل السلاله الحكيمـه
عاصر ضروفٍ مالها قيـد وخطـام =وطوّع رسنها يوم شـدّ الشكيمـه
شيخٍ علـى شيـل الثقيـلات فصّـام =ماتجهله رووس الرجـال الفهيمـه
يوم النظام وميّـت النـار .. صـدّام =هاموا على أرضه بالجيوش المهيمه
قام وتحيزم .. والفهـد درع وحـزام =وزادت عزايمهم .. عزيمه عزيمـه
وقال الوعد قدّام .. والشيـخ قـدّام =مثل النديم .. اللي حزامـه نديمـه
حررّ بـلاده ماثنـى قـدم الاخصـام =دايم نصير الحق يفـدح خصيمـه
سيرة شجاع وبالكرم فـاق الارقـام =مايجحده غير النـذل .. والبهيمـه
يالله يامنـزل تبـارك .. والانـعـام =تنشي على قبره من الغيـم غيمـه
وتجزيه عنّا خيـر .. ياخيـر عـلاّم =بالهينّـه ولاّ الضـروف الجسيمـه
والموت مانكسّ مـن العالـم أعـلام =نكـسّ دمـوع الارملـه واليتيمـه
ودموعنـا شـبّ وشيّـاب وأيتـام =كلٍ دعته الفاجعه فـي صميمـه .! [/poem]


في رثاء امير القلوب (13)
ســدّاح
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
على الله عزيز الملك وحسابنا محسـوب=بسط سنّـة الدنيـا بحكمـه وسلطانـه
إله ما عطا وأحيـا ولا نعلـم المكتـوب=وله ما خذا وأفنى بمـا سـنّ سبحانـه
مصيبه عصيبه تتعب الشاعر الموهـوب=مصـاب ٍ يهـدّ الشعـر ويشـلّ قيفانـه
لو أنه معه حس ومشاعر وأدب وأسلوب=يبى يبطي لسانه مـا صـحّ الله لسانـه
وأنا فاتح ضلوعي على شاشة الحاسوب=وقلبـي علـى لوحـة مفاتيـح بيبانـه
أغنّي وصدري يلتهب والحشـا مشبـوب=وأكوسر لحونـي بيـن نـاره ودخانـه
يا كبر المصاب اللي لفانـا بـلا منـدوب=ركز مع صلاة الصبح فـالـدار نيشانـه
خذا شيخنا اللي ما خذا شيخته مغصـوب=أمير .. الأمـاره مـن مواريـث جدانـه
نعزّي بعضنا فيك يـا القايـد المحبـوب=صـدور الكويتييـن بالحـزن مليـانـه
زعيم النزاهه والوفا راعـي الماجـوب=كريم الجناب اللـي سما واعتـلا شانـه
تقـّي الضمير الصادق الراغب المرغوب=رغبنـا ورغبّنـا بـجـوده وعرفـانـه
كفيل اليتامى والأرامـل نظيـف الثـوب=أبونا الكبير اللـي حملنـا علـى أمتانـه
يشيل النقا فوق النقـا والشقـا مذهـوب=حضنّنا بحبـه وأثمـر الحـب بأحضانـه
صناديق بإحسانه تنادي علـى المنكـوب=عسى الله يجازي جابر الخيـر بإحسانـه
ويا كم جراله من مصاب وخطب وكروب=ثبت جابر العثـرات مـن قـوّة إيمانـه
تحمّل وشال الحمل والبيـرق المنصـوب=حفظ حـق ضيفانـه ولا خـان جيرانـه
صبر وأصبح الغالب بعد خانه المغلـوب=وشيّـد بنـاه وطـاول المجـد بنيانـه
تفيض العيون دموع لين العيون تـروب=عدانـا المـلام إليـا بكينـا علشـانـه
حشى ما نقول أنّه منزّه بـدون عيـوب=لكنّـه مـن الأخيـار والخيـر عنوانـه
مسيرة أمير بلاد وافـي وأميـر قلـوب=على الخير مذكوره ويا صعـب نسيانـه
عليه التعازي جات من كل حدب وصـوب=ولو بعض حكـام العـرب مالهـم خانـه
على كثر ما شفنا وعفنـا دول وشعـوب=ما شفنا كثـر حـب الكويتـي لشيخانـه
فقدنا عقيد الحكـم والحاكـم المنصـوب=شكا من رحيله قصـر سيفـه لدسمانـه
له الحب دايم ماهو بحب نـوب ونـوب=محبّـه طبيعيّـه مــن الله سبحـانـه
جهنم لها معتوق عـن نارهـا محجـوب=عسى جابر الأحمد ما يآخذ بهـا خانـه
لعلّه في يوم الحشر يبعث بـدون ذنـوب=بجـاه الغفـور اللـي طلبنـاه غفرانـه
يحطّه ولي العرش في المنزل المطلـوب=مع خلقـه الأبـرار فـي عالـي جنانـه
ويدوم البقاء فـاللي مكانه يسـد النـوب=من أطيب بني عمّه ومن خيـرة أخوانـه
ويحفظ البلد من ردّ يوسف على يعقـوب=ويجبر عـزاه بعطفـه ويجلـي أحزانـه [/poem]



في رثاء امير القلوب (14)
عقاب الرّبع
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
كئيب لا تنشد علوم المحابر = بعض الحزن طلاسمٍ مااقدر اقراه
يعني قبل هالعلم ويش انت خابر؟ = كل مايهب اية حزن جيت وياه
واليوم كـَـمـًلها .. ولا راح عابر = بقى دليل قلوبنا للمعاناه
ياكويت من صجك تحسبين جابر = مات؟ وْهـُـوَ اللي تاركٍ بك مزاياه
واللي خْـلقه ياكويت ماني مكابر = ان قلت تبقى للقيامه بقاياه
الروح لله .. و ..الجسد للمقابر = والصيت يهدي اجيالنا من سجاياه :
صبر ..و..دها.. هذا الشديد المثابر= حلمه .. و..عطفه .. والحنان .. و..عطاياه
هدوء صوته في ضجيج المنابر = دنو سمعه لو شكى كويتي الاه
قولي انا بي شعب مبلي وصابر = مسلم ولا يجزع لياشاف بلواه
يدعي لابونا .. الغالي .. الشيخ جابر = ربي اغسله بالماء .. واغفر خطاياه [/poem]



في رثاء امير القلوب (15)
احمد بن غالب
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
بسم الله الرحمان والأمرُ مصابٌ وجلل=والأمر لله واستعيني به على أمرك يالكويت
ياعين لاتبكين وصبر يالساني لاتزل=الحكم لله وبحكم ربي وماجابه رضيت
لاوالله الا راح حاكم يعقد الأمر ويحل=حاكم وحكمه ماهو ابشريا ولا هاص وسبيت
حكمه يطير روس ويذل العزيز الياجهل=والمخطي اليا اخطى الطريق وجيب له عدوه ميت
عادل وحاكم والفخر والطيب ميراث ونسل=والجود من يمناه ياكم جدت للشعب وعطيت
والشعب بعد الله على جابر وعضده متكل=ويهنى بعد ربي بخيره بالنهار وبالمبيت
ياجابر العثرات لاثقل الحمل يبرك جمل=ومن خلقتك ماقد على جارك بغيت ولاعديت
جابر وصل بالمجد للمريخ ولكوكب زحل=وعن دولته دافع وعن دينه دفاع المستميت
وفي خاطري شي(ن)بقوله لو انا راعي محل=ودي اعزي فيه شعبه بيت بيت بيت بيت
وحبيت اعبر عن مشاعر في حروف وفي جمل=ولو قلت في جابر محد بيقول كفيت وفيت
لوقلت في جابر قصايد كثر حبات الرمل=والله محد بيقول وفيت ابقصايدك وكفيت
ويالله تقبل دعوة اللي في ركوعه مبتهل=وانا من البارح بنومي والله إني ماهتنيت
ويالله تغفرله وتجعله ابفردوسك محل=ويالله تلطف بالسعوديه وتلطف بالكويت [/poem]



في رثاء امير القلوب (16)
عايض مبارك
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
لو البكـا بيـرد غالـي بكينـاه = والله لهل الدمـع ستيـن مـره
لاشك هذا حكم ربـي ومقـواه = بصبر على حكمه بخيره وشـره
ياكويت مالومس على اللي فقدناه = شيخن حوا الماجوب في كل مره
يسجل التاريخ طيبـه ومجنـاه = طيـب وكـرم واخـلاق لله دره
حكيم رأي وبالسياسه بخصنـاه= سياسته تمشي بعـدل ومسـره
والشيخ جابر..راعي الخير شفناه =قاد المسيـره خـلا لكويـت دره
ويفك عسرات الدعاوي بيمنـاه = أبشر بخير ومايجيـك المضـره
واليوم جانا علم ياشيـن مبـداه = عم الحزن بحر الخليجي وبـره
علم ٍ على بث الأذاعه سمعنـاه =دالوب فكري فره الحـزن فـره
قالو توفى وأعلنو كـل ماجـاه =وأصبر وحزني داخل القلب اجره
وتبكيه كل الناس ياصعب فرقـاه = ويفقده منهو فالمواقـف يسـره
وبشته وكرسيه وقصره ومبناه= وشعبه..وكل العالم اللي تمـره
يالله عزه فوق وأغفـر خطايـاه = في جنة الفردوس ثبـت مقـره [/poem]


في رثاء امير القلوب (17)
عبداللطيف الغامدي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
ياربي ياوالي الخلق ياكاتب الآجال= لحكمك خضع قلبي وانا رافع ايديّه
نهار الاحد من فجره اقبل كما الزلزال = يشق الصدور ويلحق الكيه الكيه
فقدنا فهد والحزن من ساعته لازال = وعلى جابر العثرات الاحزان مثنيه
سهوم المنايا لو عن المكرمين تحال= ما تلحق نفوسٍ سِخرت للمحنيه
لكنه قضاك تنصّب رجال بعد رجال= ومن راح روحه ما ورى روحته جيه
وانا لي نهار ان قلت ياشعر كيف الحال= يقول البحور احزان والهم قافيه
فقيده يبوراكان لا تفضح الغربال = قضا الله وتدبيره وذي صحف مطويه
وحلفت اله لو ما اسعفتني في ثلاث ليال = لاطفّي بكفّي جمرك ونارك الحيه
وجتني موافاته مع دمعه اللي سال = على الطيبين الحزن مافيه جنسيه
وهذا جابر اللي في نقاه النقا يختال= وسود النوايا ينكسر لابيض النيه
بطيبته حطّم مكر سيف العدا الختال= وفي بسمته تكشيرة الحقد ملغيه
عريب الجدود من الطريقين عمّ وخال = سليل النجابه والذكا والحياديه
كفيل اليتيم مكمرّم الطرقي الرحال = رفيق الظّفر والجود شيخ النداويه
امير القلوب الوافي الموفي المدهال= نهار الشكاوي زندها ساعة الهيه
عسى الله يهب له في رغد جنته مدخال = وقصورٍ بعد دسمان بالللول مبنيه
وترضى عليه بحق قدرتك يامتعال = وتغفر له الزله وتمحي له السّيه
وتخلف دياره من يطمن بعده البال= من اللي فخرهم ملك ما هوب عاريه
خلاص انتهينا .. قلت ما تنشرى بالمال = يانورٍ سرى بين النجوم السماويه
نعم صح يا قافي كذا تنكتب وتقال = عزا للكويت هنا الفقيده السعوديه[/poem]


في رثاء امير القلوب (18)
سعود بن مهدي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
ياليتني فجر ( الاحد ) ماتوعيت = ولاشفت في ( دسمان ) حزن المنابر

قالو توفى ! قلت : انا اللي توفيت = القلب يبكي والمحاجر .. تكابر

مدري عقب جابر ؟ اعزيـك ياكويت= ولا اعزي طفل .. ماشاف جابر

ابو اليتاما .. راعي الجود والصيت = مقدم رجال العز .. مجد الاكابر

الطيـٌـب اللي في كل قلب ٍ بنى بيت = وقت ٍ ماعاده فيه ! ذا وقت غابر

ماتنسي يابومبارك لاطريت = في سيرتك جابر وللكسر جابر

ياشعب يومك في وجوده تهنيت = اليوم ؟ عقب الشيخ ! وشلون صابر ؟

جابر بيبقى حي .. حتى ! وهو ميت = مدام مشهد ضحكته له مخابر

يالوالد اللي من حنانك تقهويت = محال يرثيك الشعر والمحابر

ليتك قبل مامت شفت وتحريت = ناس ٍ بكت دفنك .. جموع وطوابر

ياقبر لو انك تعرفه تمنيت = ما ينهري طاهر مثل جسم جابر

لو العمر يهدى يابومبارك اهديت = عمري وعمر اخواني اللي تثابر

الموت عابر ان رضيته وعييت = الا انت موتك شي .. ماهو بعابر

من اول ٍ ! ياحظنا بقربك ان جيت = والحين في قربك .. ياحظ المقابر

مـابـه مـحـال بـذا الـزمـن شـي يـاكـويـت = الا انــه ؟ يـنـجـب واحـد ٍ مـثـل جـابـر
[/poem]






في رثاء امير القلوب (19)
ولاء عواد
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
(( الشعب الحزين ))

يا فجيعه كيف أبوصف حالك المر اللعــــيــــــــــــن=كيف أبين جرحك اللي يسكن كويت الســـــــــــــلام
كيف أبرر في غيابه حالة الشعب الحزيـــــــــــــــن=إسئلي الديره بربك ... كيف ... عقبه هي تنــــــــام
إسئلي قلب الطفوله وإقري إقري كل عيــــــــــــــن=وإسئلي كل البريه وإسئلي كل اليتــــــــــــــــــــــام
شامخٍ وحده وباقي للألم فينا يعـــــــــيـــــــــــــــــن=والوطن دونه حزينٍ خاليٍ عقبه يظــــــــــــــــــــام
لو نعدد بالمكارم ماتكفي هالــــــســــــــــنـــيـــــــن=من ملك عهد الإماره شامخٍ لين الختـــــــــــــــــــام
راسم العهد الكويتي مجده اللي مايلـــيـــــــــــــــــن=باسطٍ يده وعاطي فاتحٍ بـــابــــــــه مـــــــــــــــــدام
إيه مدامه بالمعالي يرفعك فوق الـــجـــــبـــــيــــــن=ثم يطبب في يمينه عالمٍ فيه السقـــــــــــــــــــــــــام
لو نخيته ما يقصر .. فاتح أبواب العريـــــــــــــــن=معطيٍ شعبه وغيره مالكٍ كل الهيــــــــــــــــــــــــام
ما تأخر بالعطايا دايمٍ خيره يـــــــــــــــــبـــيـــــــــن=لو وصفنا ما نصفنا مانفع كل الكـــــــــــــــــــــــلام
شيخنا شيخ المشايخ دونه الدنيا تشيـــــــــــــــــــن=جابر اللي بالمعالي بارقٍ مثل الحســـــــــــــــــــــام
يا خسارتنا الكبيره غادر الكنز الثميــــــــــــــــــــن=وظلت عيون الشواهد بالجنازه له تقـــــــــــــــــــام
طالع الديره تأمل من يسار ومن يميــــــــــــــــــــن=كلها تشهد معانا ... تنطق أشواق وغـــــــــــــــرام
تسأل القصر وطريقه وين شيخك وين ويـــــــــــن=وينه اللي في قبوله قادة الدنيا قيــــــــــــــــــــــــام
كانت الدنيا في عينه دايم تهل وتزيـــــــــــــــــــــن=شامخٍ بين البيارق شيخها فارس همــــــــــــــــــام
لو يميل الحظ فيها ... ما يجي غيره يعيــــــــــــــن=علم الدنيا ترتب حالها ... بكل إنتظـــــــــــــــــــــام
يا كويت المجد دايم عزته لا ماتهـيــــــــــــــــــــــن=إستمري يا كويته إستمري للأمــــــــــــــــــــــــــام
إحفظي درس الكرامه وإحفظي عهدٍ رزيــــــــــــن=وإن بكيتي في وداعه دمعك أبدا مايــــــــــــــــــلام
والبقا براس العروبه حزنها لجله رهيــــــــــــــــن=تنزف الأرض برحيله دمعها حلق وحــــــــــــــــام
في غياب الوالد أرثي صورةٍ فيها حنيــــــــــــــــن=صورته يوم الشوارع تضرب لعينه ســـــــــــــلام
في دفاتر مجده أبدا ما تجي نقطه تديـــــــــــــــــن=قلبه وعهده وطيبه مالكين الإحتكــــــــــــــــــــــام
لو صخر أرضه تكلم ناحت حروف الأنيـــــــــــــن=ثم لوت بين الحنايا سيرة أسياد الكـــــــــــــــــرام
جابر اللي في رحيله للعداله تجهضيــــــــــــــــــن=وإن لمحنا شعبه اللي باكيه قلنا حــــــــــــــــــرام
يا فجيعه يا مصيبه والحزن قاسي لعيـــــــــــــــن=كيف أبكتب طعنك اللي يسكن كويت الســـــــــلام
كيف أبرر في غيابه حالة القصر الحزيــــــــــــن=كيف أبرثي والد اللي أصبحوا كلهم يتـــــــــــام ؟[/poem]


في رثاء امير القلوب (20)
فيصل العتيبي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
صدمة عظيمة هزت شعوب وبـلاد=فرقا حبيب الشعب عشق الملاييـن
دمعات عيني سالت جموع وافـراد=ابكي وتبكي مـن وراي المياميـن
كل البلد تبكي على سيـد الاسيـاد=بالعاصمة والا من يسـار ويميـن
صفحة من المجد انتهت صعب تنعاد=ياصفحة التاريـخ مابـه عناويـن
راح الزعيم ولا ترك غير الامجـاد=هذي حقيقـة والحقايـق براهيـن
كان الابو والشعب كانـو لـه اولاد=يالله تصبرنا علـى الدمـع وتعيـن
كان الحنون وكان بالحـب يـزداد=كان الغـلا ويعدّنـا حيـل غاليـن
كانت له البسمه من وجيهنا أعيـاد=وده يشوف الناس دايـم سعيديـن
يشهد على خيراته اقراب واضـداد=بياض كفه فـي جميـع المياديـن
ياما عطى غيره من المال والـزاد=دول مجاعـة أو تشتـت براكيـن
صيته تعدى بالفخر روس الاشهـاد=وأسمه يبي يبقى لنا سنين وسنيـن
لو نحسب أفعاله يضيعّـن الأعـداد=الزاهد اللي كان يحرص على الدين
أمير واختار السياسة لـه أسنـاد=من حكمته جاب اعتدال الموازيـن
مافيه منّه والأمـاره مـن أجـداد=آل الصباح وصيتهم عاش من حين
تاريخهم معروف هجـري وميـلاد=كانو على حب الكرامـة حريصيـن
يوم البلد هذي على اترابها جهـاد=قالـو لهـا ياكويت في قرة العين
كان الطمع من ناس للخير حسّـاد=بس أحتمـو حكامهـا للحسوديـن
دايـم علـى درب البطـولات ورّاد=عاشو سلاطين وتوفـو سلاطيـن
وجابر بكته عيون والدمـع مافـاد=بكت عليـه الأرملـه والمساكيـن
بكو عليه الشعـب لا .. والله بـلاد=تبكي على فرقاه وتقـول ياشيـن
ياشين فرقا الشيخ والموت لاعـاد=ماله مع أهل الطيب عرف وقوانين
ياتي على غفله ومن غيـر ميعـاد=ليته تركد ماحضر لـو بعـد حيـن
ماكان جمره داخـل القلـب وقّـاد=الموت كنّه ياخـذ القلـب تثميـن
مايعترف بالطيـب للـروح جـلاّد=مافيه حيٍ عـاش حتـى النبييـن
حتى حبيب الأندلس طـارق زيـاد=واللي شهر بالسيف في حرب حطين
لو أنها بالغصـب تهديـد وعنـاد=والله ماياخذ مـن الخلـق حييـن
واللي سوات شيوخنا درع وسنـاد=لشعوبهم من فضل ربي عطوفيـن
لله ما يفعل ولله ما راد =هذا القضاء ياعين لاعاد تبكين
ويارب يا من ثبّت الأرض باوتـاد=أجعل مقر الشيخ مع حورك العيـن
اللي عطاك الروح والناس بأعيـاد=اقبل دعانا يالولي قولو آآآآآميـن [/poem]



في رثاء امير القلوب (21)
محمد الحلفي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
ياكويت حزنك حزن ومصابك جلل والدمع سيل=والفجر نوره غايـب وكـل الأماكـن مظلمـه
لبستي ثياب الحداد .. وصابك الجـرح العليـل=وقلبك وقف .. والشعب دمعه ماهو قادر يكتمـه
سنه جديده في شهر ينايـر وكـان الحصيـل =صدمـه .. تمنّينـا نمـوت ولاتكـون مقدمـه
يوم الأحد على الكويتييـن فـي حزنـه ثقيـل=غشاهم الضيق .. وقصر دسمان مـارف علمـه
الفاجعه حلّت .. وصبـح الهـم مايتبعـه ليـل=والحزن عم أهل الجزيره والشعـوب المسلمـه
(جابر) رحل .. والجرح ياكبره ووصفه مستحيل=وضاقت صدور اللي غمرها .. والقلوب محطمه
كلٍ يقول بحـزن : ( ماقبلـه ولابعـده جزيـل=سمات أميـر القلـب ماظنّـي تشابههـا سمـه
ماوراى حبّه للوطن والشعب .. والطبع الأصيل=حتى ولو تحت الثرى وارت عظامـه ولحمـه )
وكلٍ من الضيقه يحس ويونس الجمـر المليـل=ويدوّر اللي بالصبـر يجلـي الهمـوم ويلهمـه
يالله يالقيـوم يالرحـمـن يـالـرب الجلـيـل=يالحـي ياللـي علّـم الإنسـان مالـم يعلـمـه
بإسمك عساه بجنّـة الخلـد وشرابـه سلسبيـل=وجعله من أهل الميمنه ماهو من أهل المشئمـه
يارب وسّع مدخله فـي دار لـه خيـر البديـل=وسبحانـك اللهمّ إغفـر لـه وعافـه وارحمـه
مات الأمير العادل الوافي .. وياصعب الرحيـل=اللي بعده الطيـب والنومـاس طاحـت أسهمـه
اللي بنى مجد الكويت ووثّـق المجـد الطويـل=واللي جعلنـا فـي صفـوف العالـم المتقدّمـه
واللي حبانا بالكـرم والطيـب والطبـع النبيـل=وصـار الأبـو للـي بهالدنيـا زمانـه يتّمـه
واللي رعانـا فـي جمالاتـه ولايذخـر جميـل=وخيره وصل للـي مربّـع عنـد ذوده وغنمـه
واللي على شعبه سحايب خيره تخيـل وتسيـل=واللي جعلنـا فـي رفاهيّـه وخيـر ومكرمـه
من غيره اللي يشعـم النيـران ويشـب الفتيـل=لاضاق شعبه يكرب حبالـه ويكـرب محزمـه
ومن غيره اللي يعشق العليا ولايرضـى قليـل=ولايحب الظلم .. وبحسـن التصـرّف يردمـه
ومن غيره اللي يرفع البيرق وله سيفٍ صقيـل=باب المراجل والظفـر كلّـه .. بمتنـه يدحمـه
ومن غيره اللي يكرم اللافي .. ومزبان الدخيـل=اللي من الضيق اعتزابه وإلتجـا لـه وازهمـه
لا مايطبّق قول : ( مايُخـدم بهالدنيـا بخيـل )=لاشك كل من جـاه محتاجـه يجـود ويكرمـه
شال المراجل والمكارم والوفـا والطيـب شيـل=وأمورنـا مـن وقفتـه .. مرتّبـه ومنظّـمـه
سكن غلاه صدورنا .. ولاشـك مامثلـه مثيـل=ورسم على وجه الطفل ضحكه تعلّـت مبسمـه
فعله كبير .. ودون حصر الطيب به .. ينهد حيل=وشـيٍ أشوفـه بـس والله ماقـدرت أترجمـه
يالله عسـاه بجنّـة الخلـد وشرابـه سلسبيـل=اللي بعده الطيـب والنومـاس طاحـت أسهمـه
يالله يالقيـوم يالرحـمـن يـالـرب الجلـيـل=سبحانـك اللهمّ إغفـر لـه وعافـه وارحـمـه [/poem]


في رثاء امير القلوب (22)
محمد القثامي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
جنّبت لكن ماعـن الحـزن مجنـاب=كنّ الحزن منسـوج داخـل مَعَمّـي
وانا من اول ماحسب لحزني حسـاب=لو كان مابـه هـم ويفـوق همّـي
وياجفن عيني شرّع لدمعـي البـاب=يمكن يخفّف بعـض همّـي وغمّـي
ولاتنحرج لامن غدا الدمـع سكّـاب=وشافك بعيد الحيّ والا ابـن عمّـي
واليا نشدك اشرح له وقلّـه اسبـاب=همّك ومااسْـرع مابكـا واستهمّـي
لَنّ الفقيده غير من غُـرْب واقـراب=ومحبتـه فـي كـل قلـبٍ تعـمّـي
ولو آصفه بكتـاب وكتـاب وكتـاب=جفّ القلـم واحتـار تعبيـر فمّـي
هذاك جابر شوق تلعـات الارقـاب=حاكـم حكيـم وبالسياسـه ملِـمّـي
رمزالوفا و الطيب فكـاك الانشـاب=سقم الحريـب اللـي يدينـه تخمّـي
لاجـا نهـارٍ فيـه تحتـار الالبـاب=يسقي عـدوّه كـاس علقـم وسِمّـي
لبّس كويتـه بالفخـر كـل جلبـاب=وامّن بها مواطـن وسايـح وذمّـي
عنّا رحَل ووالموت مَضْرِبْه لاصاب=ماهـوب لايخطـي ولاهـو يِزِمّـي
امقدّره منـزل تبـارك والاحـزاب=ربٍّ بإسْمـه كـلّ خلقـه تسَـمّـي
آمنت به وبماقضـى رب الاربـاب=وادعيـه يكشـف همّـي المدلهمّـي
وياشعر في ماقفك لاصار غصّـاب=تعـال يـاراع المواجـيـب يَـمّـي
وعزّ الكويت ديار عربين الانسـاب=دارٍ غلاهـا فـي شراييـن دمّــي
وعزّ الثلاث ابراج مع عالي اطنـاب=قصـرٍ بدسمـان الشمـوخ متسَمّـي
وعزّ العروبه فيه في كـلّ الاقطـار=وعزّ الملوك وكـل شخـصٍ مهمّـي
وعزّ الشعوب المسلمه حضر واعراب=وعزّ الخليج ومـوج بحـرٍ مطِمّـي
وعزّ الخيول الصفر وسيوف وحراب=اللـي بـدمّ المعـتـدي تِسْتحـمّـي
وانا عزايه فيه من عقـب ماغـاب=حـبٍّ تبعثـره الضلـوع وتلـمّـي
يبقى بصدري عالي اركان واطنـاب=ويكفي غلاه وشعبـه بجـوف دمّـي [/poem]



في رثاء امير القلوب (23)
سعود الفرحان
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
شاعر على قد حاله .. يحسب اتعابه =لامرّ ذكر النُوادي وانتهى الدوري
تسمح لي آقول شِعري لاإتغنّابه =العشق إحساسي والجمهور جمهوري
تحوّلت هالمُدن للحزن ولْغآبه =كلّ الشّوارِع تسيل ودَمعِتي نوري
ياموت أنا مؤمن ومسلم ومِن لابه =تعرف حقوق الغريب وتنكر شْعوري
ياموت انا شمّري لاضاقت رْكابه =يْطيح مِن خاطره ويجدد بْحوري
ياموت عجل علي الموت واحبابه =مادآم أبوي انتهى وقته بمقدوري ,,
كمْ مرّة ٍ يِجمع السّكان لأعشابه =وكم مِن يِتيم ٍ يشيله (عطره الجوري)
كمْ مِن غياث المساكين ومن انسابه =وكم دخّل بنفسي أجمل بسمة عْطوري ,,
وكم بدل الشؤم مِتفائل بما صابه =كَم ورّق الحبر وآشوفه رفع سُوري
الضاهر الله يحبه يوم ماجابه =والجيش آميري ولاهو جيش جمهوري
له مِن (ولا) الشّعب شي أكبر من اعجابه =وأكبر من الشعْر لاشفت انّه غْروري
الجابر الأحمد اللي الكل يزهابه =مِن موْلده لين حكمه ,, جيت بحضُوري
ياآخوي سمعني اصل الشعر وكْتابه =الأرض تبكيني ,, والأنفاس بقبوري
ياآخوي شب الحطب ,, لاهاض مخلابه =ياآخوي أبونا توفّى ,, وانتهى دوري
ياآخوي يطغى الغياب اللي تحلاّبه =القول قولي ,, ومنْكِ الشوف محظوري
يآآخوي سمّعتني شكواك وعتابه =تجمّد جداري ,, والأبواب مِن زوري
يآآخوي عطني الكُتب / تاريخي أقرابه =بآشوف بعيوني واقرى منبع جذوري
بآشوف شيخي / أبوي / ان لذ ماطابه =آل الصباح الفخر ,, لافاحت جدوري
من يوم حطوك وسْط القبر تتشابه =طيحتك بالقومَه ,, وقاوَمت انا طوري
الله يَرحمْك ياعز ٍ ذبح دابه =تبقى على طول وسط القلب منظوري
لبّست حقك طمان النفس ترحابه =وضاعو زُمر من ردى الصحّاف والدوري
من كل فج الدعاء يهل بأطيابه =من الساحل الغربي لين الشرقي والسوري[/poem]


في رثاء امير القلوب (24)
بدر ناصر العجمي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
الله وأكبر يا قدر لو تماديت=مؤمن بربي والمقادير قشرا
فجعة كبيرة وقعها ما تمنيت=لا شك حكم الله مخطط ويقرا
يوم الخبر جاني نهضت وتعزويت=أكابد الأوجاع والنفس طفرا
وأخذت لي ساعات ما عاد أنا أوحيت=من كان حولي فيه ما عدت أنا أدرا
عودت أكبر ثم أهلل وصليت=سجدت للرحمن وأدعيه جهرا
مرحوم يا شيخٍ من الحب خطيت=في قلوبنا ما خذ مكان ومقرا
تحت الثرى لو ودعوك وتواريت=بأفكارنا تبقى لك اليوم ذكرا
محبتك من كل شعبك تلقيت=طفلٍ صغير وشيخ بسمك تهذرا
غرست فينا حبك وغصب صبيت=وسط الصدور محبتك ما تعرا
منزلك من فوق السحابة تعليت=طوعتنا بالحب من دون عسرا
رمز التواضع طيب الذكر والصيت=والسيرة العطرة لمثلك تحرى
أميرنا اللي بالمحبة توليت=ولايتك ما جات غصبٍ وجبرا
كل البلد تنعيك يا من تسميت=بالخير يا جابر على طول تطرى
مرثيتك ما يحتويها ولا بيت=لو بكتب من الشعر مليون سطرا
لا شك من ضيقة بصدري أنا أدنيت=المحبرة وأبا أنثر الشعر نثرا
بكتب قصيدة فيك يا رمز الكويت=بكتب ودمع العين ينهل عبرا
شيخٍ على شعبك من الجود مديت=بحرٍ وفيك المد من دون جزرا
فيك التواضع هال كل الطواغيت=اللي محبتهم على الزيف تضرى
فالذاكرة تبقى صباحي ولمسيت=أمعطره ذكراك مليون ذكرا
في سيدي من لامني لا تباكيت=جعل المرض يفت كبده ما يبرا
يا الله يا اللي فوق عرشك تساويت=تحط له في جنة الخلد قصرا[/poem]





في رثاء امير القلوب (25)
ضيف الله حمدان الدلبحي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
مرحوم ياجابر نفوسٍ كسيرات = واليوم كم نفسٍ رحيلك كسرها
قدت السفينه فالظروف العسيرات= وسيرتها لوهو تلاطم بحرها
زعيم من خيرة ملوك وزعامات = شجرة وفا للشعب يقطف ثمرها
بقلوب شعبه باقيٍ حي مامات = حبه ملك كل القلوب وأسرها
شفت الكويت من الحزن جرت آهات= ودموعها سالت وملت نحرها
عذراً لها جفنٍ من الهم مابات = على رحيل الشيخ قرة نظرها
وشلون تنسى لحظة النصر بالذات = يومه دحر عدوها ثم سترها
وسجد شكر لله رب السماوات = عقب انتهى التحرير واقفى خطرها
وشيّد كويت المجد وارض البطولات = بالعزم والإيمان جابر عمرها
ياالله ياللي عالمٍ بالخفيات = يا خالق الدنيا ومحصٍ بشرها
إجعل مقره بالجنان العذيات = نسألك عفوك والذنوب تغفرها
واجبر عزانا فيه ، شيخ الصعيبات = عز العرب ، تاج الخليج وفخرها
سالت دموع الشعر وانهلت ابيات = ومالوم عينٍ تشتكي من سهرها
دام الفقيده من خيار الزعامات = من اسرةٍ بالخير طابت سيرها[/poem]




في رثاء امير القلوب (26)
خالد بن سعود العصيمي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
مات الزعيم ولابقى غير ذكراه=خسارته والله علينا عظيمه
مات ورحل عنا عسى الخلد مثواه=في جنة الفردوس تنعم نعيمه
والله يعوضنا الصبر عقب فرقاه=ويعوض اقلوبن بحبه سقيمه
كم من ضعيفن مد اله كف يمناه=وكم من مريضن فرجه عقب ضيمه
وكم من شعوبن عايشه من عطاياه=يعطي االي وجه الله يبا الغنيمه
ومنه تعلمنا العدل والمساواه=حاكم بعدل ولايحب الظليمه
عادل بحكمه ماتعدد مزاياه=ارضي جميع الشعب حكمه وشيمه
استغفر الله وش يبى الموت ينصاه=وراه مادور بداله خصيمه
والي عشان إنا نحبه ونبغاه=خلا سماء لكويت في وسط غيمه
ياموت لاتفكر بجابرنسيناه=وشلون ننسا ابو اليدين الكريمه
كانك خذيت النفس ذكره حفظناه=بقلوبنا ذكراها تبقى مقيمه
ياالله ياربي عسا الخلد مثواها=في جنة الفردوس تنعم نعيم
والله يعوضنا الصبر عقب فرقاه=ويعوض اقلوبن بحبه سقيمه
[/poem]


في رثاء امير القلوب (27)
غالب الظاهري
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
يا كويت جابر جميع المدن مفجوعه=علـى فراقـه ويبكونـه محبيـنـه
الحزن صحا هذاك اليـوم مجموعـه=مجموعة أقطار واغلبها على دينـه
الله كتب له يموت ويتـرك ربوعـه=لا تنشدين الجهـات الأربعـه وينـه
اللي سجد فوق الأرض وهلت دموعه=لحق المليك العظيـم اللـي تعرفينـه
هاذي سنة حزن .. بالتاريخ مطبوعه=فهد وجابـر ولاهـي بينـه وبينـه
الشيخ مكتوم تـوه كمَـل سبوعـه=وابن خليفه حمد يـا ربـي تعينـه
العام نبكي على زايـد مـن اللوعـه=واليوم نبكي على اللي قد بكت عينه
جابر وجابر من اللي يجهل طبوعـه=عاشت شعوب ٍ كثيره مـدة ايدينـه
خلى الكويتي يقول كويتنـا روعـه=من كل شارع تشوف الصوره الزينه
واللي سكنها ينام ولا شكى جوعـه=حتى وهم في ظروف الغزوه الشينه
الفضل لله ثـم اللـي نـادر ٍ نوعـه=يالله عسى الجنه الخضراء بساتينـه
قلته وأنا اشوف كل المدن مفجوعـه=علـى فراقـه ويبكونـه محبيـنـه [/poem]

في رثاء امير القلوب (28)
خالد الحصين
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
هو كذا حضرة جناب الموت لامن جانـا=يلتفت فينا .. ولا ياخـذ ياكـود اطيبنـا
وانت موتك يا حبيب الشعب جاب اقصانا=قدّر الله ما حصـل لـوّ الفـراق اتعبنـا
كيف نكتب سيرتك ياللي حميـت حمانـا=كيف ؟ والا ليـه ؟ دام امجادنـا تكتبنـا
يكفي انك (ف) اصعب الاوقات ما تنسانـا=ويكفي انّا من ترعرعنـا وحتـى شبنـا
وانت حبك والله انـه مثـل حـب آبانـا=لين صرت ابو الجميع وكل شعبك .. أبنا
الأهم انك قبـل موتتـك شفـت اعدانـا=وشفت ربي كيـف صغّرهـم ولا خيّبنـا
بالسلاسـل قِيّـدوا .. والله لا يبـلانـا=الشموخ انهار فيهـم .. والمذلّـه تبنـا
قِيّدوا يا سيّـديّ بنفـس قيـد اسرانـا=لين طابت نفسك الله يرحمـك ثـم طبنـا
ارقد آمن .. دام ربـي يالاميـر احيانـا=الدما دون الوطن .. والموت ما يرهبنـا
حافظين العز باسمك .. مثل حفظ اسمانـا=بالوفا نزداد وان جا الحرب .. قلْ ادبنـا
يا كثر من يضحك بسنّـه وهـو يشنانـا=والبلا ان حنّا على شانه .. نعصر قربنا!
واثر لو ندفع من اعلى الصين لاسفل غانا=الوفي يسوق شكره .. والردي يشجبنـا
سوّد الله وجه منكرنـا .. ولـو عزّانـا=وبيض الله وجه منصفنا ومـن يحسبنـا
المهم ان العـوض فـي نايبـك نسّانـا=دمعةٍ لا جفّـت عيـون الزمـن تسكبنـا [/poem]




في رثاء امير القلوب (29)
عوض ابو فقايا

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
الاتقياء على الاصابع يعدون=في وقتنا الحالي وفي وقت غابر
واذا قضى الله الامر بالكاف والنون=نرضى بحكم المقتدر مانكابر
حتى ولو ان الحدث يحزن الكون=نصبر وعون الله معا كل صابر
والله وعد بالأجر والغير ممنون=للصابرين وكل مومن مثابر
والموت ماخلا محمد وهرون=والانبياء والاغنياء والاكابر
موتٍ على كل المخاليق مسنون=ولاجدانا الا العزاء والمجابر
فجر الاحد فجر تناهيد وغبون=والحزن ثوّر في سمانا معابر
مرحوم يا شيخٍ بكينا ويبكون=عليه شتى الناس حاضر وعابر
مرحوم ياللي كم قضى دين مديون=كلن بمدات ابيض الوجه خابر
شيخ بوقفاته هل العرف يدرون=تشهد قنواتٍ وتشهد منابر
ولو بغوا يحصونها كيف يحصون=كم بادت اوراقٍ وجفت محابر
جوّاد مايرضى على شعبه الهون=شبره شبر مايشبره كل شابر
حتى وهو في باطن الارض مدفون=شمل بعفوه ساكنين العنابر
الله عساه بجنة الخلد مصيون=امين وامره عند مولاه سابر
والله يديم اللي على العهد يوفون=ويجبر عزانا من بعد فقد جابر
ياشيخنا لو بت بالقبر مدفون=عيونا وقلوبنا لك مقابر [/poem]










في رثاء امير القلوب (30)
عبد الرزاق الذيابي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
نصف الـ(يناير)..نصف(ذيْ الحِجَّه)! دَريَت..أيَّت دريَت؟!=ألاّ فُجَعْت..وزُلزِلَت أرضي..وبرق الهَمّ لاح

في عام ستّه بعد الالفيَن! إنطفى بالكون ليَت!= نَجمٍ ذبَل...وَجه الظلام ارخى لثامه ثُمّ شاح

وبالستّه وعشرين والأربع ميه والألف..(ليَت)=مع (لوّ)..! ماتنفع بَعَد نَشْبَت أظافرها..وطاح

ظلعٍ..سجَد بالأرض وإحظنته وله سمعه وصيِت= وتزيَّنَت به واَخضَرَت به كَنّ كاسيها وشاح


يـ الزاير اللي بالخبر صبح الأحد يَمّي لفيَت= ياخي(صباح الخير) كيف إتقولها؟! أيَّت صباح!

وشهي صباح الخير!..ياللي بـ اسوأ الأخبار جيِت= أستَغفر الله...راح كل الخير مع موت الصباح

غلطان..ياخي قل(معَوَّض خير)..ليتك ماحكيَت=ماتدري إن الصمت بعض احيان مرغوب ومُباح!

يارب لاتكتب عليّ الذنْب..بحماك إلتجيت= إغفر ذنوبٍ خافيه,والبيّنه..منك السماح

اللهُ أكبر..لا إله الاّْ انت يامُحيي,مُميِت= ياحيّ,ياقيّوم,ياعالي..ولادونك سناح

ياواحدٍ تعطي من افضالك..وتاخذ ماعطيَت= وإتبَدّل العُسرى بيُسرى,والكَدَر بالإنشراح

لَك ماعطيَته يارَفيع المنزله..لَك ماخذيَت= لَك كُلّ مانملك..لَنا لطفك,وهديَك,والصلاح


ويامَن تقول(إطلب ياعبدي,واَستمع لك لادعيَت)= ندعيك وايدينا رفعناها..وكلّ الدمع ساح

بقلوب كلّ المُسلمين اللي لبلواهم رضيَت= نطلبك تخفيف الألم..وإتزيح هَمٍّ مايُزاح

ياجابر المكسور,يامَن للمخاليِق إبتليَت= ولازادت البلوى!..تفرّجها وكل الهَمّ راح

إجبر مُصيبتنا بـ (جابر كلّ عثرات الكويت)= الشيخ,والإنسان,والمحبوب,والوَجه السماح

حَبيب شعبه,والخليج,..وبالعرب..حبّه رأيَت= بوجيههم,بـ اصواتهم,بقلوبهم..والسَدّ باح

والمُسلمين بحزنهم! توَحَّدوَ بيَتٍ وبيَت= أعظم تكاتُف,وإتحادٍ للعرب,واقوى سلاح!!!

في موت جابر! عادت الوحده..وفي حزني!..بغيَت!= افرح بوحدَتهُم.. واثَر طعم الحزن سمٍّ ذحاح

موته! رسوب إبـ مدرَسَة كلّ العرب..لكن لقيَت!= إنه..قِدَر حتى بموته..للعرب يصنع نجاح!

نَعَم..وهاذا يَتَّضِح من بعد ماشفت وقريَت!=توَحَّدوَ كلّ العرب..(حزن,وتشابُه بالجِراح)

لله درّك من بَطَل..حتى بموتك إمتطيَت=صهوَة جواد..إتلمّ شملٍ منتثر عبر الرياح


مرحوم يابادي بنخوَه..وإنتهيَت بما بديَت=نخوَه,وطيب,ومجد للبادين من بعْدِك مُتاح

للمُسلمين,ووللعرب جمعاء, وإلـ شعبك بنيَت= أمجاد مشهودَه,ومعهم للفخر تبني صِراح

معْك! إعتلى دَسمان..وانته! فوق دَسمان إعتليَت= ياروح شعبك,قلبه النابض, وياستر الملاح

يالعاهل اللي بالإراده,والسياسه..إحتميَت= محبوبة الشعب الخليجي..من عَميلٍ إستَباح

لحدودها..وانته وقفت إلها بعزم..ولاثنيَت= ساقك..ولا طاب إلك زاد ولاطعام ولامراح

وللمعظله شَمَّرت عن ساعِدْك..للحمل إرتكيَت= وكافحْت وانته صامل الزنديَن..يانعم الكِفاح

ينظر لك العالم بعين إعجاب..وشلون إحتويَت= للموقف المُذهِل؟!.. ومن فعلك كسبت الإمتداح

ولاخاب ظنّك في رجالٍ جيت ناصي وإنتخيت= بعروقهم دمّ الحمَيَّا ضَخّ بالفزعه وفاح

معك معك..ياللي (نخيَتك فـ القدايم)..وإعتزيَت=ابشر يـ اخو مريَم..بـ اخو نوره وبقلوبٍ صحاح

دارٍ قديمٍ فضلها..ينساني الله..لونسيَت= (الفزعه البيضا)..وترديد العزاوي,والصياح

ولَجَّوَ بعزوة(جارنا ياعياااال) كلٍّ مستميِت= جار,وفضل سابق.. ولا نجزاه بكفوفٍ شحاح

لين إستقرّت وإستوت لك,وانت للعلم إستويَت= وإعن الوَعر ساويَت هيبتها على الأرض البراح


ويهل الكويت أشعر بتقصيري..ولوّ إني بقي=اكتب سنَه..عَن ما بداخل مهجتي حزن ونياح

الموقف! اكبر منك يافكري وياهَجسٍ طريَت= مهما تجلَّت صورة التعبير!..مـ اشعر بـ إرتياح

وياشعر..لايمكن توفيِّ لومشيَت ولو عديَت= ترقى جبل شاهِق..ومن عاليِه تُرمى بالرماح


والواجب! انصى الواحد المعبود وإلـ فضله رجيَت=عَدَاد مانودي بـ (حيّا للصلاه,وللفلاح)

إنه يكرِّم جابر الأحمد ويجعل له مبيِت= في جَنَّة الفردوس..ويدلّه على الحوض القراح

ومع المياميِن,الكِرام اهْل البَخَت! يصبح بخيِت= ومع كلّ راعي خيَر فـ الجَنَّه تهنّا وإستراح

ندعي ياجابر كلّنا: جعلك تلاقي مـ اشتهيَت= ويظلّك اللْه تحت ظِلِّه في نهار الإجتياح

آمين رَدّدها معي ياللي لوَجه الله نصيَت= يرحم,ويغفر..للفقيد اللي عليه القلب ناح

وتبقى الكويَت بعزّها ياللي بَعَد جابر وَليَت= أكفأ خَلَف,لـ اعظم سَلَف.. يبدا مسيره وإفتتاح

وإكمال منهَج عزّ..يامَن سِرت بالركب ومشيَت=نعم القياده,والوَطَن,والشعب..رفرف ياجناح


وإختامها! ظلعٍ سجَد بالأرض له هيَبه وصيِت= وتزيَّنَت بالقبر..يَكسي صدرها مثل الوشاح

وشعب السعوديه! يعزّي بالحزن شعب الكويت=وكلمة(صباح الخير)!..اعزّيها بعد مات الصباح [/poem]





في رثاء امير القلوب(31)
عبد الله الدوسري
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
هيه يا من يفقدك جارك و دارك=حاضرٍ بقلوبنا يا ابو مبارك

وصّلوا مني رساله للكويت=شب يا قلبي من الأضلاع نارك

لعنبوا ساس القوافي و القصيد=كان ما شاركت في مأساة جارك

يا حبيب الشعب يا عز الخليج=يا نظيف القلب و البسمه شعارك

لو تغيب سنين تذكرك السنين=كل نجم لاح ما يلحق مدارك

في قلوب اهل الجزيره و الخليج=كل دار صابها ما صاب دارك

لاعنا ما لاع ابو متعب و اخوه= ابو فيصل ماخذ ثاره و ثارك

نشتكي لله علام الغيوب=كيف لا جاء العيد نفرح او نبارك

كيف فبراير يجي ألفين و سته=كيف لامن طال وقته بإنتظارك

كيف لامن هلت دموع اليتامى=كيف لامن ما لقينا من نشارك

ما نوفي قيمتك يا ابن الشيوخ=يا عسى الفردوس يا جابر قرارك

و الله ان تبقى الكويت(كويت حرّه) =لو تقوم ام المعارك والمعارك [/poem]



في رثاء امير القلوب (23)
ولاء عواد

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
يا عسى الله يرحم الشيخ الأمير =جابر اللي طيب المولـى ثـراه
شعبه اللي في حماتك يستجيـر =يا إلهي ما يقصّر فـي عطـاه
شعبٍ أتعبه الحزن يومه يديـر =وجهه وكل الألـم ينـزف وراه
ودع اللي بالمحاني لـه عبيـر =ينتثر في ديرةٍ عاشـت معـاه
ديرته يوم الوجع فيهـا يغيـر =في كفوفـه مالقـت إلا حمـاه
شيخها شيخٍ سرى دايم كبيـر =وإنبنى في داخل الديـره غـلاه
جابر اللي زلزل حدود الشطيـر =ثم تعلى ولا بقى سيفٍ سـواه
من بعد دسمانه الدنيـا تطيـر =بالألم يم المـوادع فـي لقـاه
يا كويت عيونك اللي به تنيـر =نوحها في دوحها عالي سمـاه
ليلها يـا ليلهـا ليـلٍ عسيـر =ودعت نيشانها اللي في رجـاه
ضاقت صدور المقابر بالمسيـر =والشوارع صدرها الباكي حواه
والعيون دموعها نـار السعيـر =تحترق وإحساسها مـرٍ سقـاه
كم تزلزل في مواجعـه الكثيـر =ثم تنكس هالعلـم باللـي دراه
ثم ذرف دمعٍ على خدٍ صغيـر =في عيون أطفاله اللي في هواه
قالت حروف الألم راح السفيـر =وإنكسر حلم السلام اللي بنـاه
والحمام الأبيض اللي له عمير =حلمنا بنصر القضيه هو عـلاه
شيخنا في ذمة المولى يصيـر =كل شـيٍ داخـل الدنيـا رثـاه
والبكى لقلوبنا صـار المصيـر =وحده اللي هالحزن دايم طـواه
يا عسى الله يرحم الشيخ الأمير =جابر اللي طيب المولـى ثـراه [/poem]




في رثاء امير القلوب (33)
غالب الشريف

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
قمت انوّي و نوّ الحزن قام يتزبّـر
=وانتظر وارقب البارق بعرض المخيلـه
و القلم لا رحم مجناه عيـّا يعبّـر
=والله الظاهر انه جاه ما هد حيـــله
مالي الاّ اتحلاّ بالصبر وآتصـّبـر
=تحسبون ان فرقى الشيخ جابر قليله؟!
مات قبله عرب ما عنهم الطير خبّر
=نحسبه من هل الإصلاح وأهل الفضيله
لا اصبح الصبح صام ولا اقبل الليل كبّر
=بين تكبيرته الأولى والاخرى تهليلـه
تحسب انه ليا جاه الفقير يكتبـّـر ؟
=والله اللي مهوب مقصـّر في الجميله
يبتسم له ولا قام يتعبـّر تعبـّــر
=يدفعه للغنى وان طاح عوّد يشيلــه
البسيطه بسيطه والصعيبه تدبــّر
=حلهن في يديه بقوّة الله و حيـــله
جابر اليا كسر له عظم ما ينتجبـّر
=والله ان يغدي العظم المصمصم هليله
عان جاره عزيز ٍ لين جار وتجبّـر
=رح وشف وش لقى بعدين يا عزتيله
ابك هذا سليل المجد سقم المثبـّـر
=شخص واحد لكنه واحد وعن قبيلـه
والله ان الصحيح ان البنادم مدبـّر
=شي مكتوب والمكتوب ما فيه حيـله
مير اشوف ان زمان الخير والعز دبّر
=والزمن ذالله اعلم عن بركات جيـله

[/poem]




في رثاء امير القلوب (34)
ذيب الشمري

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]

قالوا رثيته قلت وشلون ابرثيــه=بالدمع وإلا في حروف الكتابه
ماشوف تعبيرٍ بلاغي يكفيـّه=اكبر من الدنيا مـساحـة غيابه
يـدر فكري واكتب البيت وألغيـه=مافيه بيت القلب يجبر صوابه
فعلاً وجدت الفكر شحّـت معانيه=وحجم الحدث ماكنت حاسب حسابه
تشوف بين الشخص والشخص تشبيه=بالوجه..مير افعالهم ما تشابـه
والشيخ جابر عندنا من يساويـه=خـلاّ المواطن والوطن له مهابـه
يوم الوطن حل الخطر في ضواحيه=بالليل واستولت عليه العصابه
من طيب فعله..واستقامه مباديه=في كل دوله..رغبته مستجابــــه
في حكمته..في حنكته..في مساعيه=اقنع قيادات الدول بالحرابـــه
وصفّق له العالم وهو رافع ايديـه=تصفيق حامي يوم يلغي خطابــه
وعـوّد وقادات الجحافل تباريــه=وتحقق التحرير والنصر جابه
وعلى الصعيد الداخلي من يجاريه=للشعب غيثٍ ماتوقــّف سحابه
شيخٍ حكم بالعدل والشعب مرضيـه=يفصـّلون اثيابهم من ثيابه
الشعب في حسبة بنيه وبني خيــه =حتى الذي ما هو قرابه قرابه
داخل وخارج ما تعدد حسانيه=عنها عسى ربي يضاعف ثوابه
يالله بالفردوس الاعلى تجازيـه=مع الرسول المصطفى والصحابه [/poem]




في رثاء امير القلوب (35)
خالد الهطلاني

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
أعظم حدث في هالزمن موت جابر=سوا على الامه وشعبه سوايا
تقطعت عقبه قلوب وحناجر=ووجيه من هول الفجيعه عرايا
صبح الاحد يومٍ على الشعب غابر=ساد الحزن فيها بكل الزوايا
صكت على قبره جموع وعساكر=وأنا علي صكت ضلوع الحنايا
أمليت صدري دمع عقب المحاجر=لو سقتها بلت كبودٍ ضمايا
لو في يدينا جبر كسر الخواطر=رحنا نتداحم عند حوض المنايا
نرد عنه الموت ويعيش جابر=يبقى ولو رحنا عشانه ضحايا [/poem]




في رثاء امير القلوب (36)
أمواج

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]

اعظم حزن ماتعتقه روس الاقلام "=" وش تعني حروف القلم بالقصيده
لاصار من نبكي على غيبته نام "=" نومه ولا يمكن وراها نعيده
يوم الاحد في حسبته غير الايام "=" اخطى علينا بأختيار الفقيده
ليته وقف ماكمل الدرب قدام "=" أو ليت ليته طاف الايام سيده
مرحوم يامن نكست لأجله اعلام "=" شيخ المكارم والخصال الحميده
مرحوم والدنيا لها شرع واحكام "=" حكم القدر فرّق عضيد وعضيده
والله لو نبكيك ياجابر اعوام "=" مافيه عينٍ بالبكاء مستفيده
لكن عزانا نذرف الدمع مادام "=" بقلوبنا نار وحطبها وقيده [/poem]






في رثاء امير القلوب (37)
محمد بن هندي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
سبحان من بامره تقرّ الموازين=اللي امر عبده بنشر الرساله
يعز من يطلبه فالعسر واللين=ويذل من سار في درب الظلاله
يقبل دعاو العباد المستجيرين=ويفرّج كروب عبده لا لجاله
يجبر عزانا بفقيد الشعب والدين=جابر لعلّ الجنان الخضر فاله
من يوم ذاع المذيع بعلمه الشين=والحزن خيّم على الديره اخياله
والهم يجري مع دم الشرايين=والونس غايب عن العالم هلاله
يا عين جودي بدمع الحزن يا عين=لا تذخرينه ليا من جا مجاله
لو تذرفين الدموع الزرق عامين=في ذمتي ما تردّين الجماله
للي ليا ثقلت حمول البعارين=جاته وطش الحمل عنها وشاله
يمسح دموع الارامل والمساكين=ويسقي جميع النحايا من زلاله
تنعم بفضله من العالم ملايين=كم دولتن عمّرت من صرف ماله
اديار وشعوب عقب الفقر والدين=عاشوا بخير وتطوّر من حلاله
زال الفقر لين خلاّهم غنيّين=الله يقبل دعاة اللي دعاله
نسل الرجال الكريمين العزيزين=ترهي على بارد الجمّه حباله
اليا نخوه الرياجيل المسمين=ان ما نطل مشلحه ينطل عقاله
لو الكرم جايز بذبح المسلْمين=يمكن يضحي لـ ضيفه من عياله
للديره اتعب تفاكيره من سنين=يبذل جهوده وبرزت من خلاله
تسعه وعشرين عام يمدّها لين=اخذت وسام الجمال بكل حاله
يسعى لـ تعميرها بالمظهر الزين=يالين صارت من رموز الاصاله
اسس معاهد ودارن للمسنين=ونماذج التوعيّه وقصر العداله
ساد الامن بالسياسه والقوانين=وخلاّ المواطن يعيش العمر داله
تحت ظلال الحكومه والسلاطين=ينام ليله وهو مرتاح باله
فيها الفكر ما يدور ايسار ويمين=بأمر الذي لا ظلال الا ظلاله
مدات جوده ما تحصيها الدواوين=تفتر يمين المؤلف مع شماله
والموت دربٍ عليه الناس ماشين=حتى ولو ما يجيه العبد .. جاله
مهما تطول الدروب اخذ البراهين=العمر يطوى مثل طوي المحاله
واليوم يوم السعد يالله يامعين=تمهل له العمر وتطوّل لياله
وحنا على عهدنا باقين باقين=ونجدده للزعيم اللي بداله
يقولها شاعرن خاض الميادين=يعطي على هرجة السانه كفاله [/poem]




في رثاء امير القلوب (38)
ذعار الديري

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
الموقف اللي هزني موقفن غـير=وفات امير الطيب من طيب ذاتـه
وفات ابونا وشيخنا جابر الخـير=وفات شيخ تهز الانفس وفاتـه
والموت حق ولالنا فيه تاثيـر=لكن ليته مر جابر وفاتـــه
وخلاه لكويت الرجال المناعير=وعمارنا تقصر وتبقا حياتـه
لكنها حكمة ولي التدابيــــر=والموت من قبله سلم من رحاته
ابكوه ياشعب الوفا والحزن بير=عقب وفاة الشيخ حافظ صلاته
القايد اللي سطر الحق تسطير=واللي تحمل هالزمان وغثاته
من شان تبقا كويتنا عز وتصير=للمجد عنوان الطموح وسناتـه
كنه الحاله بالكرم رجله تسيـر=من كثر ماخذه الكرم من صفاته
ماخلا شعبه يوم يحتاج للغـير=وبهالزمن منهو يسوي سواته
ياكثر ماعنده لهالشعب تقديـر=وياكثر مايعطي ولا يقول هاته
سخي ويبقا امير وامير وامير=كل القلوب اللي تعدد صفاتـه
والعالم اجمع ينعى هالشيخ ويثير=خبر وفاته ويتذكر سمـــاتـه
وعبرت تعبير وبقا الف تعبير=والشيخ ما والله نلحق جزاته
الله يرحم شيخنا جابر الخير=ويجبر عزانا كلنا في مماته [/poem]




في رثاء امير القلوب (39)
سالم شيهان

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]

لاغفى جفني بليل ولا غفيت = من جروحٍ بالصدر ببرالها
وإن بقى صبري تراني ما بقيت = دام عوجات الزمن ببقالها
وما أهتنى فيني قصيد ولا أهتنيت = كيف عقبه .؟ يا عرب بهنالها
أسـتَغفْرك يامجيري لا خطيت = المدينه.!! ليه مال عقالها.؟؟
أمس من ضيقي على المرقب رقيت = يوم جتني دنيتي بهوالها
ثم أخذت أبكي إلين إني حديت = فكرة الهاجس على موالها
يا ولي العرش يا المحيّ المميت = يا مبدل ميلها بعدالها
يا الكريم اللي ليا مني رجيت = رجوتي يمه يظل ظلالها
ربي أغفر زلتي لامن غديت = ضايق وعيني كثر همّالها
يوم طوّلت فـمنامي ولا وعيت = ألا وهمومي تفوح دلالها
قلت أنا ويش الخبر .!! كني دريت = ثم سكت .؟ وحالتي يرثالها
قالو جابرنا توفى ولا نسيت = بـأن هالدنيا كذا منوالها
يالله إتجيب الدعاوي لا دعيت = يا خبيرٍ في خفايا إليالها
يا ءالهي طالبك شفني بكيت = أغفر إلـ جابر زعيم رجالها
يا المليك اللي على الملك إستويت = وسّـع إلـ روحه ثم أشرح بالها
والله إلا غيّبت شمس الكويت = والقلوب إهمومها منزالها
والحزن خيّم ومر فـكل بيت = والليال السود بان هلالها
والعيون ,؟ الدمع حرمها المبيت = والحمول إتصيح تبغى جمالها
والخواطر لا قـوتـْه ولا قويت = والمراجل فاقده رجّـالها
ليت يا ربي تركته ثم خذيت = بعض ناسٍ موتها أشوالها
الزعيم اللي جمع ذكرٍ وصيت = من جنوب الارض لين شمالها
سيّدي لامن مدحته ما وفيت = لأنثنت عقده يحل حبالها
وإن تعنّى هاجسي وإلا عنيت = خاتـمَـتْه الله يطيّب فالها
ودام أبـدّي كلمةٍ منها إستحيت = جابر أطيّب واحدٍ قد نالها
وقبل لا أختم ما ذكرت وما بديت = وزبدة المعنى على عقـّالها
عظـّم الله أجركم يا أهل الكويت = وعظم الله أجر منهو قالها
فالامير اللي ولـوّه صار ميت = سمعته تبقى بطيب أفعالها [/poem]




في رثاء امير القلوب (40)
ثامر شبيب الدقباسي

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]


يالله يامثبت هل الدين بالدين=الشعب في رجواك يالله صابر

عشنا الغزو في باس ماحنا ضعيفين=لكن عرفنا الضعف في موت جابر

ابو اليتاما والضعوف المساكين=صحيح من قال المراجل مخابر

اليا تيامن كلنا نوقف يمين=خلفه اليامن الزمن صار غابر

وشلون ننسى موقفه عام تسعين=يوم انحنت قدمه كبار المنابر

وقف ووقف له شعوب وسلاطين=الشعب خابر واغبر الوقت خابر

وشلون ماتبكي على جابر العين=من يقدر اليا شاف قبره يكابر

حكم قلوب الشعب سبعه وسبعين=والفين وسته راح ماهو بعابر

باقي بقلب الشعب مثل الشرايين=صارت لقبره قلوب شعبه مقابر

الفين وسته .. ليتها سته الفين=استغفر الله وش تقول المحابر

مايرجع اللي راح لو نبكي سنين=بس ندعي الله وللعزا الله جابر

نسجد لوجه الله عبيد ٍ مصلين=يالله ترحم عبدك الشيخ جابر
[/poem]




في رثاء امير القلوب (41)
تركي السلات

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
اشارك الشعب الكويتي واعزيه=واعزي الأسلام في موت جابر
فلي شراعك ياهجوسي ورزيه=رثا لنكس اعلام روس المنابر
ومن اطمن اضلوع الحشا لا نوازيه=تشابرنه ياهجوسي مشابر
وليا نشف غصنك من الحزن هزيه= وليا انكسر ماله سوا الله جابر
و الخط فوق السطر بالحبر قزيه = قبل تجف من القصيد المحابر
هذا القدر والموت هذي مغازيه=مافيه احد مؤمن ولاهوب خابر
واللي صبر بالحزن ما الله بمخزيه=ما الله يخيب صبر مسلم وصابر
الشيخ جابر قل من هو يوازيه=شيخٍ لشعبه ثم للأمه مثابر
تعزه الأمه محد قال عزيه= من كيفها وبزود حبك تكابر
كسّاب طيب وخير والله يجازيه = بالمغفره .. والذنب في قطع دابر
واشارك الشعب الكويتي واعزيه = في موت قايدهم كبير الأكابر [/poem]



في رثاء امير القلوب (42)
فهيد بن عصيدان
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
من يوم شفت الصبح كشّر نابه وحـام الغـراب=قلت المصايـب فِتّحـت ف اوجيهنـا ابوابهـا
اصبح علينا الصّبح موحش واصطبحنا بالمصاب=ياكبـر مفقـود الكويت..وياعظيـم امصابهـا
اهل الكويت ال كل حسبه حسّبوهـا بالحسـاب=الا ان موتـه حسبـةٍ ماحسّـبـوا لحسابـهـا
مات الكريم..اللّي يمينه جادت وفكّـت ارقـاب=كمٍ عجوزٍ مـن يمينـه جـف دمـع اهدابهـا
أب اليتامـا والارامـل والمشيّـب والشّـبـاب=كافل حقوق الشعـب مكـرم ديرتـه واجنابهـا
مات الشّجاع..اللّي يهيّـب لـه دُوَل..ولايهـاب=من دون داره مايهـاب أطلـق شنب..بأشنابهـا
يوم العراقي شبّ ناره..نار جابـر بـأشتبـاب=علـى العراقـي شبّها..والنـار مـن شبّابـهـا
خلاّه يدبر غصب عنّه..دون يعلـن الانسحـاب=كبّ الطلابه..يوم جابـر قـال: انـا طلاّبهـا
مات الحكيم..اللّي ليامنّه حكم..حكمـه صـواب=حلحيـل حـلال العقـد لاعقّـدت بأنشابـهـا
عقبه غشا جوّ الكويت العـجّ وأتـلاه الضبـاب=الله يِرجّـع جوهـا صافي..كـمـا عشنابـهـا
ان دلّ ربّـان السفينه..ترتسـي فـوق الغبـاب=وان ضـاع ربّـان السفينه..ضيّعـوا ركّابهـا
كن القصور الفاخره في غيبته صارت خَـراب=وعمّ الحزِن كـل البلـد حضرانها..وأعرابهـا
حتى القصايد عقب موته بالحزن لِبسَـت ثيـاب=تبكي على شيـخ الكويت..وسترها..وحجابهـا
لوكـان يرثـى بالمراثي..مايجمّعهـا كِـتـاب=والله ماتكفيـه لـو هـي جِمّعـت ب اكتابهـا
انا اشهد انّـه عايشٍ..لوكـان يفـدا بالرّقـاب=لتشوف صبيـان الكويـت املوّحـات ارقابهـا
الله يجيره من صدوف القبر وصنوف العـذاب=في ساعةٍ من هولَها تنسا الصحاب..أصحابهـا
العين شيّب دمعها من حزنها..والقـاف شـاب=شابت حروف القـاف وأتعـب قافها..كتّابهـا
ياسِعد حظّ القبر فـي جابر..وياحـظّ التـراب=شـرّف جنـاب المقبره..وأعـزّ قـدر ترابهـا[/poem]









في رثاء امير القلوب (43)
حسن الوطري
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]

لا اله الا انت يا محي العشب الهميد = مجري الافلاك فالكون رب الكاينات

هكذا الدنيا بها راحل ونازل جديد = ما يخلد شخص والباقيات الصالحات

البقا لله والله ويفعل مايريد = والفنا للعبد لو طالت سنين الحيات

ما جزع من حكمتك كود رجالٍ بليد = لا اعتراض وكل نفسٍ يوافيها الممات

المصيبه حجمها اكبر من حروف القصيد = الاجل محتوم يالله تلهمنا الثبات

المصيبه جابر الخير والراي السديد = جابر العثرات رمز الوفا والمعجزات

جابر اللي كل ما زادت الشده يزيد = لين بامر الله تهون الامور الكايدات

يوم سلبت دارنا ردها برايٍ رشيد = ردها بحكمه وقوه من ايدين الطغات

ما تخاذل عنها والله لفعل شهيد = ما استراح ولا اهتنا لين شتتهم شتات

ما ذخر بالمال حطه لنا كله رصيد = لجل ما نحتاج للغير في كل الجهات

سيف عدل وراس حكمٍ مع حصنٍ مجيد = وساس مجدٍ ما تزعزعه كبر المعظلات

قاد نهضتنا بحكمه و بالباس الشديد = لين ما رسا السفينه على شاطي النجات

حط عينه من وراها كما السد الجويد = وعينه الاخرى على الشعب محمود الصفات

كل همه يشوف شعبه بالدنيا سعيد = لا هتنا شعبه اهتنا جفن عينه بالمبات

احتوا شعبه بحبه من قريب وبعيد = وبادله شعبه وحقق جميع الامنيات

منهو اللي مثل جابر بالدنيا زهيد = زاهدٍ عابد وناسك وحافظ للصلات

يالله اني طالبك تشمله يوم الوعيد = رحمتك يوم الخلايق تحت امرك عرات

عظم الله اجرنا ما بعد جابر فقيد = ويالله انك ترزقه بالجنان الباردات [/poem]




في رثاء امير القلوب (44)
الجافل
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]

اكبر مصيبه تفقد انسان غالي
=واللي بعدها موت كل الاحاسيس
من مات جابر بالحزن مانبالي
=لان حبه فوق كل المقاييس
تبكي كويت العز شيخ مثالي
=الدمع في عيون الاوادم محابيس
ياسيدي من بعدك الدار خالي
=يامن عليك البال صاغ الهواجيس
ياشيخنا يارمز كل المعالي
=مثلك قليل من الرجال النواميس
صيتك سرى من فوق روس الجبالي
=وفعلك تراه اموثقن في قواميس
ياطيب الافعال أول وتالي
=ماينكره ياكود نسل الجواسيس
ياربي يامعبود ياذا الجلالي
=تجعل امير قلوبنا قربك أنيس
في جنتك من صبغة الذنب خالي
=وتبعده عن لاهب النار وابليس
[/poem]




في رثاء امير القلوب (45)
عبدالعزيز هليل
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
عليه حـدن يالبنـي الرعابيـب=اللي ترك فقده علينـا ذريعـه
شيخٍ ولدِشيخٍ وذيبٍ ولد ذيـب=دموع اليتامى والارامل تذيعـه
انا اشهد انه راح خير المعازيب=فجيعةٍ يا كبرها من فجيعه
اونستها بين الضلوع المحاديب=ومن ما اونسه ضاقت علي الوسيعه
سنة حياه ولا دخل قلبي الريب=ماقّدر المولى علينا .. نطيعه
الشمس تشرق .. مير لابدها تغيب=وعسى العوض فاليوم بكره تبيعه
مرحوم يا شيخٍ برّته المكاتيـب=عسى النبي فاليوم الآخر شفيعه [/poem]







في رثاء امير القلوب (46)
مشعـان البرّاق
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
من يقول ان جابر مات .. عقله سقيم = مانصدق مماته لو يشيب الغراب
لا .. واعوذ بالله من ابليس الرجيم = قدّر الله والامر اللي من الله مجاب
مانعارض مايكتبه العزيز الحكيم = مالنا الا الرضا والصبر والاحتساب
وش عزا آهل الكويت بمثل هذا الزعيم = عطّر الله ثرى قبر الامام المهاب
موته امر ٍ عظيم .. وفقده امر ٍ جسيم = وغيبته شرّعت لأوجاعنا كل باب
بعد مامات جابر رملّن الحريم = والله اللي اندفن رجال تحت التراب
حرمة ٍ مارزقها الله بمثله عقيم = غاب لكن ماكنه بعد غاب .. غاب
حي بقلوبنا والحب الاول مقيم = والغلا بأمر من بأمره يدير السحاب
جعل قبره رياض ٍ من رياض النعيم = والله يروف به ولايذوق العذاب
مانسيناه لو ينسى الغريم الغريم = لو رحيله عن الدنيا واهلها مصاب
يالله اغفر ذنوبه وارحمه ياكريم = واعتقه من جهنم في نهار الحساب [/poem]


في رثاء امير القلوب (47)
ثاني الدهمشي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
من دار ابو متــــعب الى الكـــويت=ودمــــوعنا تسبـــــق تعـــــــــازينا
يـوم الاحـد يالــــيت بـس ماجـــيت=أو ليـــت يوم الســبت مفــنــــــــينا
مـــرّيت ؟ لا والله مــــــــا مـــرّيت=تبـــقى ألم لآخـــــــر ليـــــــــــالينا
ما ينـّــــــسي مـا فيك وش ســوّيت=أخــذت ابو مبـــــــــارك من ايدينا
يا فـــــجر فــينا ليه مـــا حسّــيت؟=يوم انك بـ(جـــــــــــــــابر) تبكـّينا
لابد تبــــــــكي مثـــل مـــا بكـــّيت=ونبغــى نقــــول ان كان يـوحــينا :
يا جـــابر الاحمـــــد ورب البــيت=إنـك على وصـــــــلك مـربّــــــينا
ماهيب لحـــية لـجـنة وتصــــويت=كل الخـــــــليــــج يحبـّك وجــــينا
نْــــواسي شعبــك فيك بــيتٍ بـيت=من أول الجـــــهرا الى المـــــــينا
يا ابـــو اليتـــامى والارامـل لـيت:=بإيـــدننا انــّك ما تــخـــــــــــــلـّينا
"دسمـــــان" قـــال لطلـّـتك حنــّيت=وحنـّــا كثــر "دسمــــان" حنــــّينا
الطـــيب حبِّــــك وانت له حـبــّيت=يـاللي على نفــــــــــسك تـبـــــدّينا
حنـّا نفــــاخربك مـادام الصـــــيت=به تعــترف لك غــصب اعــــادينا
خيرك بوجـــهك ويــن ما حلـــّيت=وبـــــــــدربـنا نــــورك يقــــــدّينا
تبكي ونــــدريــبك ليــــا صلـــّيت=خــايف تكــون انْ منـْت مرضــينا
كفــــّيت.. ارقـــد وآمــن ووفــّيت=شــفْ حـــــبّنا لك بك يوصــــــّينا
ويا شعر لك عذرك لو انْك ازريت=تحصي خصـــــال اسمى معــانينا
بقـــــــلوبنا هو حـــي مـاهـو ميت=روحـــه نـحـــس فيـــها حوالــينا
في ذمّـــة الله يا غـــلا الكــــويت=ويــارب نرفــــع لك أيــــــــادينا
أسكــنـْه بالفـردوس الاعـلى بيت=وعـــــطنا صبر في فـقـد غــالينا[/poem]


في رثاء امير القلوب (48)
خليف الوهيداني
[poem=font="Simplified Arabic,5,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
اليوم جابر رحل وقفى عـن الدنيـا=جعل رحيله من الدينا الـى الجنـه
ياكويت حزنك معـاه قلوبنـا مليـا=في فقد شيخ(ن)مايلحق مدته منـه
مافيـه مثـل مـداتـه ولا حلـيـا=ليت المنايا عريب السـاس عدنـه
داره لكل العـرب بيت(ن)ومدهليـا=مافيه مسلم فعـول الشيـخ ماجنـه
وشعبه منه دايم(ن)بالعـز والعليـا=مدات يمناه كـل الشعـب وصلنـه
مافيه خطه يجـي فيهـا وتفشليـا=كم من علوم(ن)جميله سولف(ن)عنه
وكم من يتام(ن) جلا ضيقاتهـم جليـا=امير وقلـوب كـل النـاس حبنـه
من فعل يمناه محد(ن)فيه يجهليـا=وفعولـه الطيبـه للـعـز علـنـه
بغيابك اليـوم كـن ديارنـا خليـا=عليك كـل الخليـج يجرهـا ونـه
نبكيك والموت حـق وكلنـا بليـا=والحمـد لله هـذا الحـق والسنـه [/poem]


في رثاء امير القلوب (49)
وليد العمودي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
مع دخول الفجر والناس غافيين=حلت على الشعب الكويتي فجيعه
نبأ وفاته رددوه المذيعيين=اسوأ خبر نسمع مذيعٍ يذيعه
مثل الصواعق في قلوب المحبين=هذا الخبر جاب الهموم الوجيعه
فقده مثل فقد البصر خارج العين=يضيع في فقده جمال الطبيعه
شيخٍ حكم من عام ( سبعه وسبعين )=يمر صيف العام يشبه ربيعه
اعوام حكمه ظبط ( سبعه وعشرين )=مرت بنا مثل الدقايق سريعه
في ظل حكمه كلنا مستريحيين=بالعدل والانصاف.. سنه وشيعــه
حافل سجله في جميع الميادين=بالتنميه والتضحيات الفضيعه
جميع فكره ناجحه بين قوسين=من ناتج افكاره وناتج صنيعه
هو راعي النهضه وهو راعي الدين=في طاعة الله كل شئِ يطيعه
رجلٍ حكم واعدل بكل القوانين=واوصى على استكمال حكم الشريعه
تبكي عليه اهل الوطن والمقيمين=بدموعٍ اصدق من دموع الرضيعه
وتبيكه قادات الدول والسلاطين=احتل بالعالم مكانه رفيعه
يالله ياقابل صلاة المصلين=تجعل مقره بالنعيم الوسيعه
وداعتك....يلي لحكمك مطيعين=يلي بامانك..ماتضيع..الوديعه[/poem]

في رثاء امير القلوب (50)
مرزوق العتيبي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
يا دمع مالك ورى عيني فْراش ومبيت=هيّا وجِبْ ما ورى عيني وما دونها
ماني بذاخرْك يا دمعي علـى مـا اشتهيـت=ذاخرْك لللحظـه اللـي ضـاق بـي كونهـا
حبْسك خطا وانهمارك صح ويـش احتريـت =بلّـلْ جيـوب الثـيـاب وبـلّـلْ رْدونـهـا
مالـك مناديـل حتـى أكمّمّـك لا حكـيـت=خـلْ السوالـف بكـا وشْجونـك شْجونـهـا
ما انته لْحالـك بكـت ويّـاك كـل الكويـت=لا تسـأل شْلونهـا مـا يعجـبـك لونـهـا
ما فيه بيتٍ فرح والحـزن فـي كـل بيـت=يـا قـلْ بهجاتهـا .. يامـا اكثـر شْطونهـا
من غاب عنها سمـو الطيـب والكـل ميـت=النـاس والــدور والابــراج ورْكونـهـا
ولا حيـا ألاّ المقابـر والـدعـا مانشـيـت=وآيـات ربـي نرتلـهـا عـلـى هونـهـا
يا رب رحْمَتْكْ في ( جابر ) و ( جابر ) بْخيت=بِمْحًبّـة النـاس لـنّـه سـاكـن بنونـهـا
عليـه منـا السـلام ودمـعـةٍ تستمـيـت=ممّـا ورى العيـن ليـن يجـف مخزونهـا
وان جف مخزونهـا يالحـزن تـو ابتديـت=عشـان سكـب الدمـوع يْخفّـف حْزونهـا
والشيخ مـا يحتـوي حزنـه قصيـدٍ بنيـت=اكبـر مـن الشعـر والشـعـار وفنونـهـا
وافضل طريقه رفعت إلْـه اليديـن ودعيـت=يـا رب جتْـك الامانـه وانـت مامونـهـا
رحْمَتْكْ في ابـو الكويتييـن وابـو الكويـت=واجبر عزانـا فـي ابونـا والبلـد صونهـا[/poem]


في رثاء امير القلوب (51)
ولاء عواد
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
في صميم الجرح جتنا طعنة الأيام لكــــــــــــــن=مادرينا وش بلايا غيبته يومه يغيـــــــــــــــــب
والحزن بين الحنايا صامتٍ لونه وداكــــــــــــن=ماعرف كيف الليالي دونه القلب الحبيــــــــــب
والألم يوم الموادع في عيون الكل ساكــــــــــن=جابر الأحمد معانا دايمٍ دايم قريـــــــــــــــــــــب
في غلاته من غرامه في حشاش الجوف ساكن=لو تعبنا بالليالي وحده الطب الطبيـــــــــــــــــب
في مكارم مجده اللي سطره جالس وماكـــــــن=ماعرف غيره سيوفٍ حالها عقبه صعيـــــــــب
فخره اللي في معالي عزه .. إغتال الأماكــــــن=وإنثنى داخل حنايا ديرته جرحٍ عجيـــــــــــــب
تدمع عيون الليالي ... مابه عيونٍ تباكـــــــــن=في محاجر دربه اللي كلله خيرٍ وطيـــــــــــــب
تحترق لجله عيوني تنهدم كل المساكـــــــــــن=في وداعه يا وداعه منظر العالم رهيـــــــــــب
والضلوع اللي تضمه من عنا بعده تشاكــــــن=وإغرقت كل الليالي وإعتلى صوت النحيــــــب
في صميم الجرح جتنا .. ذبحة الأيام لكــــــــن=تو درينا وش بلايا غيبته يومه يغيــــــــــــــب[/poem]


في رثاء امير القلوب (52)
محمد معرفي
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
الحمد لك يا اله الكون حمدا جزيل=حمدا يفوق الخلايق يا الهي عدد

العمر يمضي....والبنادم يحط ويشيل=والفالح اللي لاّخرته عمل واستعد

يا رب ترحم فقيد الامتين النبيل=العدل منهاج حكم...وفي الصلاح اجتهد

جابر/ويبكي وطنا والمدامع تسيل=يا عل غسل الجسد بالثلج بعد البرد

حان انكسار الاوادم وانكسار النخيل=عظم لك الله اجرك يا ولي العهد

جابر/وتجبر خواطر ويتشافى عليل=جابر/وتضحك وجيه ويتفاخر بلد

جابر/ولا عاد يشفى من بعاده غليل=جابر/وتدوي بلادي مثل دوي الرعد

جابر/لحاله كثير..ما يعرف القليل=جابر/وتبكي عليه اطفالنا بالمهد

جابر/وكل المكارم واحتراما تميل=جابر/وكل اعتزاز قام له ما قعد

جابر/وكن الكرم مختار جابر خليل=جابر/وكن الفخر يسجد ليا من سجد

جابر/ولا عاد باقي في بلادي ذليل=جابر/وش اذكر بعد ولا وش اكتب بعد؟

جابر وجابر وجابر...يا قصيد بخيل=مانت بكفو ترثي اللي كل مابه صعد

يصعد ويرقى باذنه في جنان الجليل=بعد التعب في الحياة الفانية والكبد

جابر/ولو هان فقد الغير فقده ثقيل=جابر/ويبقى شموخ رغم عين الحسد

جابر/ويبقى رحيله ما يفوقه رحيل=ياليت يوم الاحد ما كان يوم الاحد

حتى لو انه رحل...في كل قلب نزيل=في القلب؟ لا والله الا في جميع الجسد

مرثية الشعر ما هي رد بعض الجميل=دام الجمايل من كفوف الصباحي مدد

قد قالها فهد عافت..واقتباسي دليل:=(يا مكرمه والد...يا بخل بخلي ولد)
[/poem]

رحمه الله



ولاهنت ياعبداللطيف