اشوف العرب ماترحم اللي وقع وانعاق

[poem=font="Simplified Arabic,6,white,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black""]

الا واهـني اللـي قـضـى لـيـلـتـه ماضـاق=واذا ضاق يـلـقـى بـيـن الاجواد مزبانه
جروح الحشى بانت وهي بالضمير عتاق=وغـيـــره يـغــــنــي لـيــــلــــتـــه دان وادانــه
اشوف العرب ماترحم اللي وقـع وانعـاق=حـزيـنٍ يـعـانـي ظـلــم سـجـنــه وسـجـانه
مع انه قضى عـمـره لـطـبـع الـفــزع تواق=ومن جــاه مايـلـقــى هــوانــه وخـــذلانـه
ومـمـشــاه بـدروب المراجل وفـى مابـاق=ولا بــار بـعـــهــود الـشــريـعه ولا خـــانه
وصار السعد حـظ الـذي ينقض الميثاق=ولاادري متى يـمشي على الــعـدل مـيزانه
يـبـون الـذي لاشاد بـيـتـه بـنـى منطـاق=ولا يـرغـبـون اللي ظـهــر درب بـيــبــــانـه
والاجواد ماله عن هبوب الشمال رواق=ذراهــم لـمــن يـفـتـــح لـهــم بــاب دكـــانه
واذا شف وقتي مع عفون العرب ما راق=وشـفت الذي يـنـثـر على الناس بـهــتـانه
طفح ضامري واحضر بجزل القصيد ارناق=وكـل العرب تـشـفـق عـلـى بـدع قيفانه
يـهـيـض الخـفـوق اللي لجـزل المثل سبـاق=واذا عاضبت يرسل على القاف شيطانه
واذا هـاض مايحـتـاج قـافـه قـلـم واوراق=لأن الـقــوافــي تـنـطـبــع وسـط وجدانه
حلات القـوافي يـوم تـنـبــع من الاعـمـاق=بـهــا راحـــة الخــافــق وطـيـبــه وسـلـوانه
الا لـيـتـنـي طـيـرٍ بكـبـد الـسـمـاء خفاق=واذا ضــاق تلـفـح بالـنـسـانـيـس جنحانه
اذا بـان حـس الرمي من بـنـدق الـتـفاق=وشــر الـعـــرب داهـــم مـواكـيــر جـيرانه
كفخ عن ديار الهون من عالي الشوهاق=ولا ديــرةٍ فـيـــهــا الاجــــاويــــد مـنـــهـــانه
ولا يـنـتـظـر فـتـرة اجـازه وخـتـم اوراق=ولا الصيف حـتى يـنـتـهـي درس وغـدانه
ولا الـمـال والجـمـرك ولا رخـصة السواق=ولا عـسـكـرٍ تـنـثــر قـشـوشـه وشرطـانه
ولاارضى هوان الـنـفـس في لـذة المشراق=وابـي عــزتــي لـو تـمـرح الكـبـد جـيـعـانه
والازواد تحت كفوف الانذال ماتـنـذاق=والارزاق من رب الـسـمـوات سـبـحـانه
انـا ضـمـن خـلـق الله ورزقي على الخلاق=هـو اللي رزق دابٍ عـمـى فـوق ظـلـعانه
ولاارجي من كفوف البشر بالحياة ارزاق=وطـبـع الـبـشـر نـجـهــل مواقـيـت بـركـانه
الا واوجـودي وجـد رجـلٍ كـسير الساق=وقـع عـقــب صــولات الحـرايـب وفـرسانه
جـتــه من بـواريــد الـمـغـيره ثلاث اطـلاق=من كفوف من يضبط ضحى الكون نيشانه
عـقـب طـلـعـة الجوزاء تحت قيظها الحراق=تـقـول الـرضـم يـقـدح عـلـى جـال وديـانه
دهـورٍ ولا شـعـــشــع بـوديـــانـــهـــا الـبــراق=ولا داجـهــا الــرعــيــــان تـســـرح بـذيـــدانه
ولا غـيـر حـس الذيب يقـنب على المطباق=سـبـايــب عـنــــاه وجـور وقــــتـــه وحـقـرانـه
وسـود الافـاعـي من جحور الشقى تنـساق=وهـو يـدري ان الـمـوت بـاطـراف نـيـبـانه
وجـمـر الـعـطـش وسـط المـعاليق ماينطـاق=واذا عــاش مايـــامـن حـنـيــشــه وسـرحـانه
مثل حـالـتـي يـوم الـقــدم عــدت الـمـفـراق=وخـلـيـت من شادت على الـقـلب مسكانه
حـلا الـهـرج والـمـبـسـم وريـقه هو الترياق=مـذاق الـعــســل لا خـــالــطـــه حــب رمــانـه
وردفٍ قـبـس بـيــنـــه وبـيـن الـثـيـاب خناق=لانــــه طــــوى ثـوبــــه وفــضـح بـســيـقـانـه
وهـذا الــذي خــلا الـضـمـايـر تـقـع بـشـهاق=ورمـشٍ عـلـى عـيــنٍ مـع الـغــنـج نـعـسـانه
وعــطــرٍ يـفــوح بـفــيــضــــةٍ مـاوطــــاه نـيــــاق=يـخـلــط الـخــزامـى والـبـخـتــري وريـحـانه
لك الـلـه فـلا احسب الهـوى للحـشى سراق=لـمـا شـفــت قـلـبــي ضــايــعٍ وسـط مـيـدانه
حــدانــي زمــانــي والــزمــن لـلـعـــرب بــواق=رمـانـــي عـــلـــى كـــاوي غــرامـه ونــيـرانــه
تـرك خـافـقــي بالـصــدر يـومـي تـقـل معلاق=ايـا شـيـب عـين الـلـي شـكـى قـلــة اعـوانه
قطع درب مـحـبـوبـي عــوايـق غـثـى وانفـاق=وظـــلـــمٍ تـعـــرف الـنــــاس رقـــمـه وعــنــوانه
زمــانٍ قـلــب ورد الـمـواصــل جـحــيــم فـراق=وخــلا عـيــونــي تـقــضـــي الـلـيــل ســهــرانه
ايـا طـول لـيــل الخـافـق الـضـايـق الـمـشتاق=وفــي حــــالـــتــي صـــدق الــــدلايــل وبـرهــانـه
سـقــى الله لـيــال الوصل من مـزنــه الـدفـاق=هـمـيـلـه يـغــيـــث بـدخــلـــة الـوسـم ريـضــانـه
[/poem]

فواز الغسلان,,,

شاعر قدير,,صح لسانك ملايين يابو فهد...

ونعم ونعم بإسمك وشعرك...

تحياتي وإعجابي..

الله الله
الله الله

صح الله اللسانك يافواز
وبيض الله وجهك على القصيده الطيبه والجزله والتى تنمّ عن مقدرتك الشعريه
ومخزونك الثقافي الذي لاينضب بإذن الله


اعجابي وتقديري اخي فواز

فواز


صح لسانك

ابيات راقيه وانت بالفعل راقي

لا هنت

صح لسانك على هذه المعلقه

تحيتي

حلات القوافي يوم تنبـع مـن الاعمـاق
بها راحـة الخافـق وطيبـه وسلوانـه


وحلاة القوافي مثل هاذي

اخي الجميل فواز الغسلان

صح لسانك مدد بلا عدد ،

..

سقى الله ليال الوصل من مزنـه الدفـاق
هميله يغيـث بدخلـة الوسـم ريضانـه



فواز الغسلان


أبدعت وأمتعت .. وتمكنت
صح لسانك مدد


تحيااااااااتي


..

انا ضمن خلق الله ورزقي على الخـلاق
هو اللي رزق دابٍ عمى فـوق ظلعانـه
ولاارجي من كفوف البشر بالحياة ارزاق
وطبع البشـر نجهـل مواقيـت بركانـه

وما خاب من وكل امره لله

يا سلام على هالحضور الكايف من جميع النواحي يا فواز

صح الله لسانك مدد وسلمت