 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: مرقاب الأمير/ مُحمّدالأحمدالسّديري - رحمه الله :.. عيون الشعر - شعراء من الماضي - قصص شعبية - حكم وأمثال |
 |
|
|
أدوات الموضوع | ابحث في الموضوع | انواع عرض الموضوع |
|
#1
22-11-2005, 06:48 AM
|
|||||||||
|
|||||||||
|
الغــــائــب الحــــاضـــر متعـــب التـركــــي
الغــــائــب الحــــاضـــر متعـــب التـركــــي
مقدمه الشاعر متعب التركي هو متعب فهد خضير تركي "من العبيات من مطير مدرس مقيم في حفر الباطن شاعر كبير من اكثر الاسماء الشعريه قرباً الى ذائقتنا اختفى عن الساحة حيث انه ترك فراغا لايستطيع احد ان يسده سوا متعب التركي الشاعر المبدع / متعب التركي... شخص حاضر بقلب كل متابع ومحب للشعر لانه كان يمثل حاله خاصه بشعر لا يمثل الا متعب التركي عرف شاعرنا بمقدرته المتميزه على اختيار المفردات النافذه الى القلوب والتي تتصف بالرقي والسلاسه وعذوبت الطرح في قصائده حيث اتسم بالعذوبه وإحساس متقارب مع القارئ وكأنّه يكتب الشخص نفسه ..مبدع بأبتكاراته ..متجدد ..صوت يشدو للقلوب فيروضها فكيف ننسى هذا المبدع ... الذي اصبح غيابه خساره لنا كمتابعين له.. أتمنى من الله انّ يثبتنا وأياه على طاعته .. فعزيزي القارئ من اراد الشعر والحضور ليقراء هنا من اراد ان يشبع ذائقة بالشعر يحضر هنا من اراد ان يتعلم يحضر هنا من اراد ان ينثر اعجابه بعيداً عن المجامله ينثره هنا وسوف استهل البعض من كلماته العذبه [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] الجدايل ليل هاك الجدايل طـال مسـراه = بين تفسير حلـم وبيـن امانـي يوم حد الغلا قلبي على أقصـاه = شرع القلـب بيبـان المحانـي مارماني ولكـن قلبـي أدمـاه = عـاد وشلـون لامنـه رمانـي لانقض ليـل مجدولـه وخـلاه = قلت وش هالظلام اللي غشانـي لو يمر البحر شاطـي شفايـاه = صار بحر الخليج فـرات ثانـي وين ابلقاه مدري ويـن ابلقـاه = دامـه بكـل ذره فـي كيـانـي ادري انه نسى الموعد ولاجـاه = بـس ليتـه نسـاه ولانسانـي لو عيونه بحرهن ماركـد مـاه = شط الاهداب صار اجمل موانـي يكفي انه حفظ شعـري وغنـاه = وابتسملي وقـال ادري عشانـي كل ماترتسم بسمه على شفـاه = اشعـر انـه يجاملنـي زمانـي ليه احبه واحب اسمـه وطريـاه = يوم اخذ دم قلبـي وش عطانـي غاب وان شفت نفسي قادر انساه = قلت ربي كتب لي عمـر ثانـي .... ... .... ... هاك ذكراك هاك ذكراك من ذكراك ويش أستفيـد = كافي أن المشاعـر هايمـه كلهـا ودي انساك والنسيان ماهـو اكيـد = كيف ابنسى عيون(ن) رمشها ظلهـا من هك اليوم وانت اللي بعيني وحيد = ماخبرت العيـون تمـل مـن خلهـا مير نفسي عزيزه وانت رايك عنيـد = والنفـوس العزيـزه ماتبـي ذلهـا ليه تعطيني الدافـع واقـول القصيـد = ليه صفحه غرامـي ترجـع تفلهـا ليه ترجع على الماضي تزيد وتعيـد = وانت من عام الاول عاجـز تحلهـا مابرى الجرح الاول كيف يبرى الجديد = شوف حالي نزيف جروحهـا سلهـا كل ماشفت لك ذكرى وربـي شهيـد = كـن نـزاع روحـي بالحفـا تلهـا اندفعـت لغرامـك يالغـزال الفريـد = والغـلا لـه دروب خاطـري دلهـا فرحتي بالقـا رغـم انهـا ماتفيـد = فرحه القـاع لامـن المطـر بلهـا وش بقى يالسراب اللي قريب(ن) بعيد = المحبـه وراحـت وانتهـى حلـهـا لو كـل بكيفـه ياخـذ اللـي يريـد = كان ماشفت ناس تموت فـي غلهـا هاك فرقاك خذها خل قلبـك شديـد = خلهـا ماشيـه بحمولهـا خلـهـا كـل مـازاد تعذيبـك ذنوبـك تزيـد = الله اعلـم صلاتـك باطلـه كلـهـا ..... .... ...... نهار الوداع اخر اللي سمعته فـي نهـار الـوداع = دقت القلب مدري صوت عجل الخطاوي نايف الطول وش سوابـي الانقطـاع = صار بين الضلوع القلب كنـه فـداوي بيني وبين ضحكـات السعـاده نـزاع = كني اللي قضى عمره طريدن جـلاوي لا تلوم الذي سـوى لـك المستطـاع = خف من الله وخل جروحنا بالتسـاوي عن هذيك النواعس ليه شلت القنـاع = الحيا وين يلي طول عمـرك حيـاوي كن خـدك الطاهـر بـروق وشعـاع = اثرها رحمة(ن) للناس بعض الغشاوي وش يفيدك عذابي ياغريـب الطبـاع = ليه دايم على الملتاع سيلـك نحـاوي امتلي غيض وازعل يوم وارجع بساع = راعي الجرح يستحمل عذاب المـداوي غالطوني وقالـوا ليـش هالاندفـاع = ادوخوني عليـك مكثريـن الحكـاوي عذربوك بوجـودي بالجفـا والخـداع = فيك حلو الوصايف صوروها مسـاوي التزمت السكوت ورأيهم فيـك ضيـاع = لين قالوا متعب علـى البعـد نـاوي ميت القلب عرضـت الغـلا للضيـاع = والله اني على قطع الرجا بك مـراوي ماتغيرت ليـن انـك لويـت الـذراع = تحسب اني على الهجران ماني بقاوي لوتقول انت ماعقب الفـراق اجتمـاع = عندي اليوم كل اللي تقـول متسـاوي او يقولون صار يخاف قلب الشجـاع = من هك الليله وبيت القصيد امتهـاوي بين شقر الجدايل والعيـون الوسـاع = اذكر اني فقدت القلب في هالحـراوي ...... ...... ......, العوج عوج ليـه وطيـت عـن خيـل السـروج = ليه مديـت عقـب القـراح الهمـاج لا تجمل لي الغلطات والعـوج عـوج = يضحك احجاج او ينعقد لـي حجـاج اصبر اشوي وش علمك تهوج وتموج = ميت القلب مثلـك مايعـرف الهيـاج ماتعودت اجامـل معتليـن البـروج = الزم العلم قبل يصير هرجك سمـاج المشاعر تحي مثل المعاصير هـوج = ونت مالك على هوج الرياح احتجاج جيت وقلوب حسادي تميـل وتـروج = لا صفى جوهم ساعه قفـاه العجـاح ابتسم لك وهمي فـوج يقفـاه فـوج = من يحبك لزوم ايصر مثلـك هجـاج بس قلي ونا غلطان لـك ومحجـوج = وين يلقون لجروح النواعس عـلاج القمر غاب وانت اطفيت نور السروج = قلت يكفيك نور الوجه الاصبح سراج كن بين الضلوع العوج صفقات موج = يوم فاض الغلا والشوق والقلب هاج ضيقة الصدر لو بين المحاني تلـوج = كل ضيقة لها عنـد الكريـم انفـراج ماهو الغيض سبت كل ابو هالهـروج = بس مالي على بعض السوالف مزاج .... ..... ..... مايطيب الجرح ماني اعمى بصير بس وش عاد اسوي = مايطيب الجريح ان كـان ماينتـداوى كن حبه على حدب الضلوع امتطـوي = كيف ابقوى وانا بيباني قلبي تهـاوى شوف قلبي من جروح البعاد متكـوي = عقب ماقلت جرح الاعم طاب وتشاوى يوم ساقوا ركايبهم وشبيـت ضـوي = ماتخوفت وسباع الخلا لـي تعـاوى اشهد انه تعكر عقـب مـاراح جـوي = مانسيتـه وزولـه للعيـون يتـراوى زل وقت الوعد ماعـاد فيهـا تـروى = بس انا وانت ياحرف القصيد انتخـاوى قلهـم ياقصيـد لايروحـون تــوي = ماني الي حضوره مع غيابه تسـاوى رد عنـي علومـن ماتونـي عـدوي = قلهم متعب التركـي عليـل وتـداوى ....... ....... ....... لاتنشغل فيني لاتنشغـل فينـي أنابحالـي ادرى = قلبٍ تعلّق فيك ينسى مع الوقـت اكثرمن اللي صارلي ويش يجـرى = بين الرجاوالياس فكـري تعلّقـت مثلي ولوشفته عن همومه ازرى = ماقال ليتك في جروحـه ترافقـت هاك القصايد لاتضايقـت واقـرى = شف وشكثرفيها لبسماتك اشتقـت أثرالوفا ينبـاع عنـدك ويشـرى = ماكنت اصدق فيك واليوم صدّقـت يامشتهي فرقا المواليـف حـذرى = تبعد وأنا من سكرة الحب مافقـت لاطافت الفرصه تحريت الاخـرى = وتروح ماكنـي عليهـا تشوقـت ساري لو إن الليل مافيه قمـرى = اشيل من حمل الهوى فوق ماطقت لاصارحـظ أقشروالايـام قشـرى = مافيه احد عاقل يلومك إلياضقـت صحيح بعض الناس فرقاه بشـرى = وبعض البشرلاغاب ليله تضايقـت ليتك خذيت بليل الاحباب مسـرى = غربت من كثر الطواري وشرّقـت السيل يبقاله على القـاع مجـرى = ويبقالـك التذكارلوكنـت فارقـت اشوف لك من وين مارحت ذكرى = ولاشفتها صديـت عنهـا ودنقـت ماكل جـرحٍ لاخـذا أيـام يبـرى = بعض الجروح يزيد شره مع الوقت ..... ...... ....... جرحي الدامي ماقلت لي شـي وش خليـت ماقلتـه = اسكت وخل الكـلام لجرحـي الدامـى لوغيـرك اللـي يسولـف ماتحمّلتـه = لكن على شان عينـك هانـت ألامـى للحـب مفهـوم عمـرك ماتخيلـتـه = ماأظن يستوعبـه تفكيـرك السامـى هذا الفراق الطويـل وهـذي أسئلتـه = هذا حصـاد السنيـن وهـذي أيامـى يامـا ويامـا عليـك البـال طولتـه = والعمرعدى وأنا عايش على أوهامـي حتى طريق الفـراق اللـي تساهلتـه = لقيته أصعب على نفسي مـن أقدامـى اصبرلـي شـوي لودمـي تثاقلـتـه = بحاول أستوعب اللـي صـار قدامـي الحب ضحكـة بعينـك بـس ماطلتـه = عمرك بهالكون شفت أبسط من احلامي القلب لوماخفـق لـك كـان ماشلتـه = ولوماأنت ملهم قصيدي جفت أقلامـي هـذا قصيـدي بعينـك لـو تجاهلتـه = يزف على شأن يروي قلبك الضامـى العـام طـاري غيـابـك ماتقبلـتـه = واليوم حرماني أصبح مصدر إلهامـى لاتعتذرلـي وابنسـى كـل ماقلـتـه = وش ينفع العذر لامن ضاعت أيامـى ؟ ..... ..... ..... القصيدة التالية قيلت بعد ان منََََََ اللة عليه بالهداية وعسى الله يثبتة ويهدينا. غموض وكأبه ماهـو خطاعشـان ادور معاذيـر = ولاهوغلط عشـان ادور صوابـه اليوم تـوه عـود لوكـره الطيـر = واصبح يشوف العالم اكثر رحابـه مستغربين انه ملى قلبـي الخيـر = ليه الغرابة! وين وجـه الغرابـة؟ تعبـت ادور للخطـاوي مشاويـر = ليـن التعـب زاد الليالـي رتابـة يبكي فرح من شاف بعض التباشير = معذور لـو دمعـه يبلـل ثيابـة من كنت بأول خامسة طفل صغيـر = كنت امتلي حزن وغموض وكأبـه كنت أشعر اني غير والمدرسه غير = هيمان في جو النبـي والصحابـة كنت المح بوجه الليالـي تعابيـر = وأقراء همومي قبل أعرف الكتابة والشعر غاااب وله محبة وتقديـر = اول غيابـه شلـت هـم لغيابـه بالنفس كان لبعض هالأمر تأثيـ = روالليلة اهون من جنـاح الذبابـه ...... ..... ...... ياحادي الركب مفتوح باب الرجى لو هب مليون ريـح = والريح ماتاخذ الغرسه مـن عروقهـا القوس مكسور والرامي يقوم ويطيـح = والسهـم منعـاج والايـام خازوقهـا لو لبسو ساقط الهرجه ثيـاب المديـح = قلنـا سحابـة وبلـة يابـس حلوقهـا ياحادي الركب لا توده عليـه وتصيـح = ماعاد هي سالفـة ليلـى ومعشوقهـا مديت شوفي وشفت الكون رحب وفسيح = والارض حدر المواطي والسماء فوقها مادام عين الرضا ماها هماج وشحيـح = ابتبـع الغيمـة اللـي رفـة بروقهـا مدري عن المقبلة لكن عسى الله يبيـح = اللي تهـز القلـوب وهزنـي شوقهـا غنيت للحب ولسـان المحبـة فصيـح = والبدو سبـة غناهـا ضيقـة خلوقهـا باكر يروح الشتاء والثلج قصره يسيـح = مايفضح الثلج غير الشمس وشروقهـا ........... ......... .......... ماني مجيب يا سعود لا تنشد ترى مانـي مجيـب = خل الذي خافي لـه شهـور.. خافـي إن شفتني مغتاظ.. لي حق و مصيـب = يا سعـود مزعلنـي جديـد اكتشافـي الغالي اللي كـان مـن قلبـي قريـب = بيني و بينـه.. صـار مثـل التجافـي إن قلت زلـه.. مثلنـا زلتـه عيـب = من قال لك شمس الضحى ما تشافـي إن قلت هقوه.. يمكن تصيب و تخيـب = كم لي سنه .. ما شفت فيه اختلافـي! و إن صار في نفسه بعض شكة و ريب = حتى البحر ما هو على طـول صافـي صرنا من الصده .. سوات المصاويـب = كلن نقل جرحـه و قـال: امتعافـي! ((أصعب فراق.. فراق عكف الأشانيب = ما هو مفـارق لابسـات الغدافـي )) و الذيب لا منه عوى.. جاوبـه ذيـب = و العلم حامض.. بس وين الأشافـي؟ دامه لقى لـه غيـر قلبـي معازيـب = الله يسمـح درب هــاك السنـافـي يروح.. لا يرجي رسـول و مكاتيـب = هو خابر إنـي.. مـا اتلفـت خلافـي واللي تعلـى فـوق روس المراقيـب = أكيـد مـا تسقـى عليـه السوافـي رح بشر اللي _شال شلفـا_ تريحيـب = قلـه: تـراهـا كلبـوهـا عـوافـي اليوم نفسي طابـت.. و باكـر يطيـب = جرحي.. لو انه من يديـن المشافـي خلصت.. و الدنيـا دروس و تجاريـب = سجل يـا بـو عبدالعزيـز اعترافـي .......... ........ ......... قالوا حبيبك قالوا حبيبك يسمع الشعر قلت أيه = يقـراه بعيونـي قبـل تسمعونـه لولاه حتى طاري الشعر ما ابيـه = مير أكتبه من شان خاطر عيونـه هو روح شعري وأمنياته وماضيه = جذع الشجر وش كان لولا غصونه اكتب لغيره والقصايد تجـي فيـه = كن القصايد حالفـه مـا تخونـه هذاك لا منه زعل قمـت أهاديـه = حتى وهو مخطي تعـذرت دونـه يمكن لو أنه يلمس الجرح بيديـه = يستغرب ان اللي لمسهـا طعونـه ابطى وهو غايب وزلـت حراويـ = هوأنا من العـام آتحـرى مزونـه هو مادرى اني في غيابه محاتيـه = ليته نشد عن حالي اللـي يجونـه واقلبي اللي تـوه أفلـت عراويـه = كيف انسرق وضلوع قلبي حصونه عجزت أرده كان مانـي براعيـه = يوم انتثر شوقه وهاضت شجونـه يبسن عروقي لكن اللـي يعزيـه = ان اكثـر العالـم تـردد لحونـه خافو من الله لا تجيبـون طاريـه = لا صرت أنا موجـود لا تذكرونـه لو كل غالـي جابـه الله لغاليـه = ما شفت لك مخلوق تبكي عيونـه .......... ........ ......... طاب السهر يوم طاب السهر عيـت تطيـب النفـوس = جت من الله وانـا كـم كنـت محتاجهـا كنها مـن حلاهـا كـل ليلـه عـروس = خايفه مـن عيـون النـاس واحراجهـا حي هالطول يـا زولٍ عسـاه محـروس = مـن عبـث لوعـة الايـام وازعاجهـا تزعل نفوس ولا تمتلـي غيـض روس = مـن يقـرب لهـا وضلوعـي سياجهـا لي متى وانت يا شوق القلوب محبـوس = طالـت السالفـه وابطـيـت بعلاجـهـا جعل قلبن على نـار الغيـاب محمـوس = يحتـرق بيـن صاليـهـا ووهاجـهـا من خبر له غلا بين الضلـوع مغـروس = غرسةٍ كل ابـو شعـري مـن انتاجهـا لا تقرب لـك الفرقـا هذيـك الهجـوس = من متـى والبحـور تفـارق امواجهـا لازم اصبر على وجه الزمـان العبـوس = لين سـود الليالـي يضحـك احجاجهـا من بغى يقطع الفرجه يعـاف الجلـوس = ليـن ياصـل نهايتـهـا ومخراجـهـا كان شعري قصر ما طال شمس الشموس = تستريـح القصايـد داخــل ادراجـهـا ........ ........ ........ توديع الاحباب توديع الأحباب مثل الموت له سكره = ادمى جروحي وشق الصدر منيّـا والقلب طير ضلوع الآدمي وكـره = لأشاقـه الطلـع لاسلـم ولاحيّـا مصير الأحزان تنسانـي وتفتكـره = ماكل الأيام بيض وسمحـة محيّـا قل غيرها ماأنت لامجبر ولامكـره = لاصار ماهي غلا ماأبي لك حميّـا لو في يدي شي ماقلت الوعد بكره = حزمت حدب الضلوع وقلت لك هيّا لو كل غالي يجي دايم على ذكـره = ماصرت اشوفك هناك وحبك هنيّـا ياليتني لابغيت اكره قـدرت اكـره = ماكان قلبي ليا جيت اكرهك عيّـا مادامك معيف رح لكن على فكره = ماقلت لي ليه دمعك سـال منيّـا ......... ........ ......... البارحه البارحة مدري وش اللـي خذانـي = يوم اجنبوا عني من الضيقة اشملت جيـت أتكلـم بـس عيـا لسانـي = ماكني إلا مرتكب ذنـب واخملـت الله يسامح مـن ذكـرت ونسانـي = وأنا أدري إنـي لاذكرتـه تجملـت عانيت وأدري كـل طيـب يعانـي = وعلى حساب طعوني الخضر جاملت ياماخذوا منـي ولا احـدأ عطانـي = من طيبتي في حق نفسي تساهلـت عـزاي لامنـه تجهـم زمـانـي = يممت وجهـي للكريـم وتوسلـت واللي يبي قربـي وبعـدي لقانـي = أمشي على وضح النقاء ما تختلت يامن سكنت اجمـل زوايـا كيانـي = ياما على نفسي عشانك تحاملـت) مرات احس انك معي شخص ثانـي = ومرات احس انك حبيبي وما زلـت لاتفرح انك دجـت بيـن المحانـي = لو ماتخون الذاكـره مـا تسللـت (( عشان ماضيك الجميل وعشان = يحاول تشيل من الوفا ربع ماشلت)) ((( ماني على خبرك حبيبي ترانـي = حتى عن اصغار الاماني تنازلت))) ......... ......... ......... الوداع قبل اسافر وتنسى جيت اسلـم عليـك = جيت ابي عمري اللي من يديني غـدى ضاعت اجمل سنيني من عمايل يديـك = اكذب ان قلت راحت لاجل عينك فـدى فرصة العمر قالوا لا غدت مـا تجيـك = جتني اكثر فرص عمري وضاعت سدى جرب الخوف مره حـس بـه يعتليـك = وارفع الصوت ماتسمع لصوتك صـدى تدري اللي ذبحني قولتـك مـا ابيـك = مابقالـي لثـاري لـو بغيتـه مـدى ما هقيـت المشاعـر كلهـا ترتجيـك = قل لها بالمفارق منهـو اللـي بـدى هاك دمعة عيون(ن) باكيـه تشتكيـك = هاك ريح ضمير(ن)ما استراح وهـدى ما تناظر عيونـي زول هـذي وذيـك = ما يهز المسامع اسـم ريـم وهـدى قلت ماعادلي رغبـة وشوفـات فيـك = قلت يا نفس طيبـي يفرحـون العـدى قلت عايف ونفسي بالخفـا تشتهيـك = عزة النفس تدري طيب مـا هـي ردى خل عينك تهل دموعهـا وش عليـك = انت خدك ورود ودمـع عينـك نـدى .......... ....... ......... ضايق البال ضايق البال مايستانس الحالـه = وانت لاغبت عني كني الحالـي جتك الاشواق رجليـه وخيالـه = غير الاول تحمل شوقي التالـي ليت من قال متعب خابت امالـه = شاف بعيونك الخدرات منزالـي واحدأ فيك ماهو منشغـل بالـه = اشهد انه بها الدنيا هو السالـي راوي العود يزهالـك وتزهالـه = عاد من يقدر ايلومه إليا مالـي صاحبي والقصايد فيك مختالـه = وأنت لك حق فيهن يوم تختالـي دام نفسك لحب الشعـر ميالـه = ليه ماصير شاعر وانت في بالي من تمناك لاتنشد عـن احوالـه = كيف عقب العسل يستطعم الحالي عقبك النفس مذعوره ومهتالـه = سود الايام هزت برجي العالـي لكن القلب من يمك على حالـه = في تناسيك ليه اكذب على حالي قلت لك نعمة النسيان00 زواله = ذكرياتك بعضهـا قـام يبرالـي كل مامرني طيفك علـى فالـه = قلت يامرحبا في ريحة الغالـي شلت همك وهمي ماحدأ شالـه = كن قلبك غدى ياصاحبي خالـي إبتعدنا وكلـن راح فـي حالـه = بين هالناس لكن كنـي الحالـي وش طرالك بعثت اليوم برسالـه = وانت لك عام ماعبرت مرسالي أصـل الايـام رحالـه ونزالـه = ومن شرب مرها يشتاق للحالي ضايق البال مايستانس الحالـه = وانت لاغبت عني ضايق(ن)بالي قبل أعوذمن الشيطان وعيالـه = والله انك على أغلا من أعيالـي .......... ........ ....... ياوسيع البال يا وسيع البـال .. ضيقـت الصـدور = رحت ما علمتني وين انـت سـاري؟ في غيابك.. ما لخلـق الله حضـور = وفي حضورك.. ما لهم بالبال طـاري ليـه مـا تختـال يـا بـدر البـدور = و القصايد لك وصيفـات و جـواري لـك بنـات الفكـر ربـات الخـدور = يكشفن الثامهن.. و الجـرح عـاري جعل قلب مـا مـلاه الصـدق نـور = عند وجه اريح.. ما يلقـى مـزاري التغاضـي عجـز لا طـال القصـور = ليه أداري؟.. و انت عني منت داري؟؟ الزمـان قصيـر .. والدنيـا تـدور = كل يوم يضيق فـي عينـي مـداري صاحبي محتاج لك شعـر و شعـور = وإحتياجي شي.. ما كـان إختيـاري من متى و الغصـن يختـار الطيـور = من متى و البال يختـار الطـواري؟ لا تسمي صمتي البـارح .. غـرور = إنكساري خلف هالصمـت امتـواري في غياب الشمس وش ذنب الزهـور = و المطر لا شح وش ذنب الصحاري؟ اللقـا لحظـات و الغيبـه شـهـور = تقصر الخطوات و يطـول انتظـاري لو قريـت المنكتـب بيـن السطـور = ما كتبـت لغلطـة العمـر اعتـذاري صمت هالمينا.. مثل صمـت القبـور = ما رسى مركب.. ولا لاحت صـواري ......... .......... ........ نور الشمعدان كل حاجه طعمها مر فـي هـذا الزمـان = هـم هالدنيـا و حنٌـا نعيـش لهمـهـا المكان اللي عرفنـاه مـا عـاد المكـان = و القلوب.. أحـداث الأيـام زادت غمهـا صاحبي حتى أنت ما عاد تستاهـل حنـان = أنت بعثـرت المشاويـر و انـت تلمهـا البكا في مثل هالحال نـوع مـن الهـوان = و المهونـه كـل رجـال حـر يذمـهـا صاحبي.. لو كان للناس و الدنيـا أمـان = ما تمـوت ورود الأحـلام قبـل نشمهـا خل عنك علوم الأحبـاب .. واللـي كـان = انتهت..وسيـرة الأشـواق مانـي يمهـا كلما تظما لياليـك قمـت اكتـب عشـان = تنزف جروحـي و الأيـام تشـرب دمهـا الكلام الموحش يخـاف نـور الشمعـدان = تحتـرق أسمـى معانيـه قبـل يضمهـا من زمان أكتب على شان تقرا.. من زمان = بس ما شفـت المكاتيـب جابـت همهـا .......... ........ ......... عطرها صلف ذكراك لاهبت يجـي عطرهـا صلـف = واستنشقـه بالصـدر مثـل الخزامـى إي والله إن غيابهامكـلـف كـلــف = إي والله ان عـروق قلبـي تـوامـى رمش النواعس والحجاجيـن والزلـف = ياماخـذن قبلـي قلـوب النشـامـى أمضى من المصقول واسبق من الشلف = سهم الهـوى لوكنـت عنـه اتعامـى لا يخدعك صبري على الجرح ماخلـف = هالشعر غيـر جـروح قلبـي تدامـى لي خاطر بينـه وبيـن الشقـا حلـف = ياماعثـت فيـه المقـاديـر يـامـا من عاش هالدنيا بلا صاحـب وولـف = عزالله إنـه عـاش عيشـت يتامـى خل السوالـف والمشاريـه والحلـف = مبطي وأنا علـى الجـروح اتسامـى قلب(ن)يضيق بذكريات الهـوى جلـف = وقلبـي مثـل جـرد القفـار يترامـى ......... ......... ....... الموت هين الموت هيـن البـلا وش ورا المـوت = عند الحسـاب يهـون سهـم المنايـا باكر نمـوت وتصبـح قبورنـا بيـوت = وعقـب القصـور بضيقـات الزوايـا في جوف الارض وكل من حولك سكوت = وتعاقبـن بالقبـر عــوج الحنـايـا يـارب يامنجـي نبيـك مـن المـوت = سترك وعفوك يـوم كشـف الخفايـا باكر اليا جينا علـى داعـي الصـوت = شيبـان واطفـال وشبـاب وصبـايـا ندعـي وحنـا بيـن باكـي ومبهـوت = ورحنـا لهـا ننقـاد مثـل السبـايـا يـارب تهدينـي قبـل لحظـة الفـوت = وتغفـر ذنوبـي ياكـريـم العطـايـا اشكيك هـم داخـل الصـدر مكبـوت = وأيامـي الــي بالخطـايـا مـلايـا أن لاذ بك من كـان طايـع ومبخـوت = فـي مـن يلـوذ المرتكـب للخطايـا يـارب ياقـادر علـى كـل طاغـوت = لا ياقـف اللـي وحـدوبـك خـزايـا رحماك لامنـا صحينـا مـن المـوت = واليـا وقفنـا عنـد بـابـك عـرايـا ......... ......... ....... شلون بنساك نسيتني علمنـي شلـون ابنسـاك = في هالزمن نسيان الاحباب عـادي وشلون لامرت على البال ذكـراك = وطيفك سرق مني لذيـذ الرقـادي وشلون لا قالوا لي الناس وش جاك = من كنت في لـذة منامـك تنـادي وشلون اعيش اللي بقالـي بليـاك = لا من غدينا كـل واحـد.. بـوادي لو قلت اداوي جرحي اللي تباطـاك = ماكل جرح يفيـد فيه...الضمـادي اعلنت حبك ليـن كـل .. تمنـاك = غلطه وغيري من خطاي استفـادي لو لي..مثل قلبـك تمنيت..فرقـاك = واكيد قبلك بالجفا.. صـرت بـادي حلـوه عذاريبـك وحلوه..مزايـاك = حتى بيوم فراقنـا.. كنـت هـادي كن الليالي ودها تكسـب رضـاك = وآنا يطول مع الليالـي .. جهـادي في ذمتي.. ماهي غريبة خطايـاك = مبطي وقلبك لو تنبهـت.. غـادي سهله على من كان مثلك..وشرواك = مثل الثياب.. يغيـرون .. المبـادي علمنـي اكره..ذكرياتك..وطريـاك = وانسى من الليلة.. صدوق الودادي ولاني بقايل عقبها ..وين ابالقـاك = راضي لو ان جروح قلبي .. جدادي ولا القصايد.. جعلها مـن فدايـاك = لبستها..مبطـي ثيـاب ..الحـدادي باكر على المخطى يدورن الافـلاك = ونشوف.. من يصعب عليه البعادي ....... ........ ........ هذى قصيده فى الامير عبدالله بن عبدالعزيز السيف هذاك عبدالله ليـا طـوّح السيـف = وقام يتلامع بيـن اصابـع سمـوّه برقٍ مـن عاليـة نجـد للسيـف = كـلٍ يخيلـه ويتبـاشـر بـنـوّه ولى عهد المملكه سمـح ومخيـف = سمحٍ على شعبـه مخيـف لعـدوّه يشوف من عاداه له شى ماشيـف = ونشوف بـه حنّـا حنـان الابـوّه مثل الجبل ماشال هـم العواصيـفم = ثل البحـر حتـى هـدوءه يتـوّه نسل الزعيم اللى نصل سيفه رهيف = اللى قبس من مشعل الشرع ضـوّه عبدالعزيز اللى على امتـه ريـف = مامات لين احيـا شعـور الاخـوّه لولاه ماصرنـا ربـوع ومواليـف = ولولاه حاضـر هالجزيـره مشـوّه من غير عبدالله يغيث الملاهيـف ؟ = يلقون فيه ضعوف الاسـلام قـوّه أدناه فى عرف النشامى مشاريـف = ويطـاول نجـوم الثريـا بـجـوّه نايف على روس الشواهيق ومشيف = عنـده لشعبـه والعروبـه حمـوّه ياسيدى تسلم لنـا ظـل ومريـف = بينك وبين الشعـب عهـدٍ وخـوه اى والله أعشق سيدى مابها زيـف = ومـن لايحبـه مابقلبـه مــروّه والله لو إن الله خلق روح للسيـف = مايركـد الا بيـن اصابـع سمـوّة ........ ........ ...... دليل المحبه دليل المحبه شوف عيني عليك تغـار = ولا ودي الحاسـد عيونـك يطالعهـا مع إنك رحلت بعيد لكن بقى التذكـار = ليا شافته عينـي تسابـق مدامعهـا دفنت الغرام بخافقي والقلوب أسـرار = مشاعر هقيت إن الليالـي تضيعهـا فرحت برجوعك ماطلبت لخطاك اعذار = ونفسي نست ماجرى من تواضعهـا تهادت مشاعر خاطري لك بلا معيـار = تجاهلتها لو كنـت خابـر دوافعهـا يقولون جنّب درب مالك معه معبـار = يلومون نفسٍ بعد الاحبـاب موجعهـا يقولونها قبلي يخـون البحـر بحّـار = والأمواج لاهاجت خذت ماتبي معهـا تكاثرت منك الصد وأثر العلوم كبـار = لقيتك على نفسـي تقلّـب مواجعهـا أقوله وأنا اللي شفت ذاك الغلا ينهار = يشوف الندم رجّال نفسـه يطاوعهـا مثل ماضرب جّوٍ خلا غـادي محتـار = يدّوج ورجله مادرى ويـن موقعهـا تعرض سموم القيض والدار مامن دار = هليك وشعر بالموت روحه ينازعهـا جحدت الغلا لين امتلا بالخفوق وثـار = قصايد عساها اليوم تطرق مسامعهـا غرامك مثل نارٍ حطبها الغـلا النـار = تموت وغلاك اللـي بقلبـي يولعهـا غلاك بضميري واضحٍ ماعليه غبـار = تشيل الغلا نفسي وأنا عاجز امنعهـا يقولون ماودعّك : قلت الفراق وصار = والإنسان روحه تنسلب مايودعهـا ! هذيك الليالي وين أثـر الزمـن دوار = خذاهـا ولاظنـي زمانـي يرجّعهـا طوتها السنين ولا بقالي سوى التذكار = ليا شافته عينـي تسابـق مدامعهـا غرامك مثل نارٍ حطبها الغـلا النـار = تموت وغلاك اللـي بقلبـي يولعهـا غلاك بضميري واضحٍ ماعليه غبـار = تشيل الغلا نفسي وأنا عاجز امنعهـا ....... ....... ....... هذي قصيده بالشهد والمجاهد في سبيل الله حطاب ترجل الفارس هذا الخبر صدمه وحزن وعلامـه = على محبّة كـل الامـه لخطـاب هذا الخبر والهـم هـذى خيامـه = شرّع للأحزان النوافـذ والابـواب ألحقت من جاب الخبر لى ملامـه = صعبه على الانسان توديع الاحباب البارحه غابت عن العيـن قامـه = قامة رجل زلزل قناعات واحـزاب ترجّـل الفـارس وذب العمـامـه = واستقبل الموت بحفاوه وترحـاب ترجّل بصمـت ووقـار وصرامـه = حتى وفاته شى يدعـو للأعجـاب من يعتبر فقـدان كفـه وسامـه = أكيد ماهو لحظة المـوت مرتـاب وجه واهو مسجى بدر فى تمامـه = ميت ولكنه واهـو ميّـت مهـاب أومت له كفـوفٍ تمنّـت سلامـه = بكته الامه قبـل تبكيـه الاقـراب خطاب ماهو بس رمـز الشهامـه = خطاب نجمٍ فى سما الامه وغـاب حر شهـر والطلـع دار الكرامـه = والحر مايعنيه تحليـق الاسـراب فعله فرض على الجميع إحترامـه = واسمه ملا الدنيا بطوله واهو شاب ماكانـت الدنيـا مثـار اهتمامـه = بالعكس كان لنصرة الدين وثـاب لو كان يبحث عن نفوذ وزعامـه = كان امتلا صدره نياشين والقـاب الاخره كانت علـى طـول امامـه = فى هالزمن خطاب واشباهه اغراب اختـار بديـار الجهـاد الاقامـه = ومن كان هذى رغبته لازم يثـاب واختـار بالاسـلام ذروة سنامـه = الصبح ساحة حرب والليل محراب يكفيه فخـر ان الشهـاده ختامـه = ماحسّب لدنياه ولعمـره احسـاب يارب تغفر لـه وترفـع مقامـه = وتعظّم أجر إمـة محمـد بخطـاب ...... ........ ..... هب الهوى هب الهوى غرب واجتاح الضلوع وشعرت = إن الليالـي الجميلـة هـب نسناسـهـا مـدري كبـر حلمنـا ولابعينـي كبـرت = والاهي اوهـام ودي يصـدق إحساسهـا تنساني أيـام وتجينـي متـى ماذكـرت = اليا متى وانت روحـي حابـس انفاسهـا كنت أجمل احلام عمري بس ليه انكسرت = يازيـن الاحـلام iiلوماينكسـر باسهـا بيديك مديت لي كـاس المحبـه وصـرت = أنا اول اللي يـذوق المـر مـن كاسهـا من يومها وانت قدام عيني و لو ما ظهرت = دايـم وعينـي تشوفـك بيـن جلاسهـا قدرت ولا على نفسـي معـك ماقـدرت = لازاد عنهـا غيـابـك زاد وسواسـهـا لوشفت حال الورق والشعرعقبك عـذرت = اللي حرق صفحـة الماضـي وكراسهـا ماكنت اصدق يجي يوم ابتسـم لانظـرت = أطلال ركـب الليالـي مـر ..ماداسهـا والاأنت لوقلت لي نادم وجيـت اعتـذرت = كان اجمل ابيات شعري ينحنـي راسهـا مافيه داعـي توصينـي تـراي اعتبـرت = فرقاك ذكرى وشعـري علـق اجراسهـا يكفيني البارح إني فـي عيونـك سهـرت = وقفت بيـن العيـون السـود وانعاسهـا إن رحت ماأنت اول اللي راح وان حضرت = قلـت الليـال الجميلـه هـب نسناسهـا ........ ....... ...... لا ياعلي لا يا علي الوضع هذا ما يناسبني = قله يفارق ترى لي بـان تزييفـه يروح يبعد..وثم يرجـع يقربنـي = يبيني اتبع هواه واخضـع لكيفـه يخطي..ويزعل ويرجع لي يؤنبنـي = اسكت وانا اسمع تفاهاته وتخريفه ماني بتمثال وقت الضيق ينصبنـي = عنه اتلقى خطا غيـره وتهديفـه عذروبي اللي يعرفه مـا يعيبنـي = كتاب مكشوف واضح فيه تحريفه الموقف اللي حصل بالحيل متعبني = ولا يحاول بثوب الكـذب تلحيفـه قله فراقه ترى ما عـاد يرعبنـي = ما عاد يسوى بعيني(ربع تعريفه) انغام عزفه ترى ما عاد تطربنـي = عندي تساوى برود شتاه مع صيفه ماني معاتـب وقلـه لا يعاتبنـي = جوي تعكر ولا اطلب منه تلطيفـه نهر العطا جف قلـه لا يحاسبنـي = القلب مما علق به صعب تنظيفـه ...... ..... ...... ماهى أول غلا هذى اللى غلاها مايبى قـول قايـل = هذى اسباب غيضى والرضا والهيام لك بقلبي غلا واعجاب ماهو بزايـل = لو عن الارض زال طويق والا سنام كن دمع العيون اللي على الخد سايل = صافي الما وهو يسقى ورود الخزام راوي العود لاقاصر ولاهـو بطايـل = ينعرف زولها لو هي بوسط الزحام هذى رسومها بين الضلوع النحايـل = هذى اللى على صدر القصيده وسام الاصايل يجنّك مثل أهلهـن أصايـل = والوكاد إنّهـا منهـن بليّـا كـلام يوم فلّت على الخصر النحيل الجدايل = وإستدارت خجل مدرى تصنّع غـرام عودها مال لو هى ماتبيـه يتمايـل = ماهو بكيفها من ليـن ذاك القـوام واقف وكن رجلى فوق جرف متهايل = للجمال بعيـون العاشقيـن إحتـرام قلت فى خاطرى مانى عليها بعايـل = لكن القلب سابقنـى بـرد السـلام مانى اللى حذف عند الزناد الفتايـل = يومها ولّعـت نـاره تغطّـى ونـام واجد الزين عند الحاضره والقبايـل = شفت واجد ومرّنى مـرور الكـرام بس هذى وصايفها علوم وهوايـل = كنّها قطعةٍ من نـور بـدر التمـام ياكثر ملحها والا الحلا لـه دلايـل = حورٍ عيونها والخشم سلّـة حسـام كن ذيك الخدود بـروق ماتنتخايـل = لا كساهن شعرها شفت برق وظلام تعسف الخيل ونفوس البشر تنتحايل = مير خيل القصايد مايطيـق اللجـام إنتحيت ولقيت القلب مامن صمايـل = كل ماذعذع الغربى من الشوق هام ياكثر مانى من الشوق والحب شايل = من عشق مثلها وشلون بالله يـلام هذى اللى حلاها مايبى قـول قايـل = ماهى أول غلا لاشك مسك الختـام ........ ....... ......... قلوب الرجال مدرى البارحه ويش إفتكرت وسرحت = هى طوارى والا ان هموم قلبى ثقـال هى طرتلى قديم الذكريـات ولمحـت = زول والا الحكايـه كلبوهـا خـيـال هجّن ركاب فكرى بالمشاعر وصحت = منهو اللـى تغافلنـى وفـك العقـال ضقت والبال عمس ومنقلب فوق تحت = هى من شوى يوم تفوح صفر الدلال ودى افرح ومن مبطى انا مافرحـت = ودى القا عن شموس الحبايب ظـلال كم سنه عقب مركوز النهد مافتحـت = قلبى ولا عيونـى للغـلا والجمـال لو بغيت انتهز فرصات واجد ربحـت = كانت اجمل فرص عمرى تنادى تعال ماهـو بعيـب لازلّيـت والا جنحـت = منهو اللى بلغ فينـا حـدود الكمـال وانت ياللى عن حدود المحبه نزحـت = كل ماشد لك حيلـى تشـد الرحـال ماشكيتك لو انى من جفـاك انذبحـت = وانت شف حكمة الخالق ذبحك الدلال لا تقول انك بذاك التصـرف مزحـت = يوم سويت فى هاك النهـار احتفـال ماهجيتـك ولا كنـى ابـد مامدحـت = كلبوهن عقب هالعشره اكبـر محـال صاحبى دام انا منك وعليك انجرحـت = لاتجينى على درب الخطـا والخمـال تدرى انى تحمّلت الكثيـر وسمحـت = خابر ان التسامح من كريم الخصـال ليه تفهم غلط وشفيك لبعيـد رحـت = ماطلبتك تشيل الهـم يابـن الحـلال ماشغل بالى الا يـوم افكـر بنحـت = القصايد واحفّظهـا قلـوب الرجـال قالوا انى بترويض القوافـى نجحـت = قلت اجل كيف لو بزعل وامس الحبال لو تخوّفت من درب الخطر مافلحـت = مايهـاب الصعـاب الا ردى العيـال عكس تيارهم شفنى جزمت وسبحـت = ماحرصت انى اترك للتراجـع مجـال لو طموحى قريّب من زمااان استرحت = مير خابر محلى فوق روس الجبـال ....... ....... ....... منزلك عالي رغم التعب والتناقض منزلك عالي = لو كنت في خطوتك تكثر تعاريجك عنيد لكن عنادك حيـل ..يحلالـي = ولو كان للعند تاج اعلنت تتويجـك لكن ترفق وشوف وجيه..عذااالـي = تفرح..تايد صدودك لي وتحجيجـك يكفي تشوف بعيونك ثوبي البالـي = اللي تمزق تحت قسـوة كرابيجـك حزيـن رددت للاحـزان موالـي = وانت إتغنى فرح واسمع اهازيجك لا زلت احبك..ولكن وعد..يالغالي = لابد..اوقف دعاباتـك وتهريجـك وإن كنت مهر ..ولا روضك خيالي = جيت وعلى جثتي عسفك وتسريجك ...... ........ ....... مرفوض مرفوض ياللى بعت غيره عشانه = أزريت عن رد الجزا أو تهاونـت مابي لك أكثر سد بـاب الميانـه = بانت مع الوقت الخفايـا وبينـت مادام مالى وسـط قلبـك مكانـه = أنا بعد مثلك عن الحـب هونـت أنا مثـل خيـال خانـه حصانـه = عذره يقول من الرسن ماتمكنـت غرّه مع المركاض وارخى عنانه = مخطى وانا غلطان يوم انى امنت لو كنت وافى ماتخـون الامانـه = ياللى تقول تشيب روحك ولا خنت ذاك الهوى لو ماشعـرت بحنانـه = ماكنت فى حلو القصايـد تفنّنـت شاعر تزلزل من فراقـك كيانـه = لك يعترف مايسكن القلب غير انت لو كان قلبك صافى الـود خانـه = فى ذمّتى ماهان حبّـك ولا هنـت أحدٍ يخون وواحد الوقـت خانـه = أنا ترى الثانى وألاوّل تراه أنـت ؟ ..... ..... ....... الليالي والاحزان حسي بلوعـات الليالـي والاحـزان = بعديـن حسـي بالهـوى لا بغيتـي وش به يهمك لو يقولـون زعـلان = لو فيك ذره مـن الغـلا ماجفيتـي يالي تقوليـن الخطـأ زلـت لسـان = في زحمـة الايـام ليـه اختفيتـي خطاي وان جه مدري الذنب وش كان = ليـه انتهـى ذاك الغـلا وانتهيتـي وقفت في وجه الزمن قدر الامكـان = وانتي جنح فيـك الخيـال وغفيتـي غلطان انا في كل الاحـوال غلطـان = اسرجتلك خيـل القصيـد وسريتـي جيتي وقلت الجرح يوم اقبلت هـان = وانتي على الجرح القديـم ارتكيتـي قلتي لـي الحـب ان لابـد ينصـان = واليـوم ماكنـك دقايـق هويـتـي شافوك حساد الهوى شوف الاعيـان = يومك على رجـم القصيـد رقيتـي ما بان لك شي ولا بقا شي ما بـان = بس انتي اللي غافلـه مـا دريتـي العام لك طاري بقلبـي ولـك شـان = واليوم احـس بغلطتـي لا طريتـي وان قدر المولى وعشتـي بحرمـان = ومن حر لوعـات التجافـي بكيتـي تذكري قلب(ن) له سنيـن شفقـان = شوفي بحقـه ياكثـر مـا خطيتـي كل القصيد اللي اقوله علـى شـان = تهزك الذكـرى عقـب مـا نسيتـي ........ ........ ....... الذكريات زى لون الطيف وألوان الفـراش = الهنـوف اللـى شغلنـى صدّهـا إن بكت جا دمعها مثل الرشـاش = وإن تبسّـم ثغرهـا مـن قدّهـا وإن حكت كن بشفايفهـا رعـاش = الخجـل عـن سالفتهـا لـدّهـا والطيور اللى جفت حضن العشاش = ليتهـا خـلّـت بقـايـا ودّهــا عقبها كل الغصون أمست نشـاش = خاليـه عقـب الوناسـه خدّهـا كل قلبٍ فـى ذراه الحـب عـاش = فيه طيبـه زايـده عـن حدّهـا والقلوب إن فارقت صارت هشاش = موحشـه والذكريـات تشـدّهـا رفرف البرق وزِمَت بيض الدشاش = وامتلا من صافـى المـا عِدّهـا مابنيت بيوت شعرى من قشـاش = ليـه أخـاف إن الريـاح تهدّهـا والهجوس اللى من الفرقا عطاش = ترقـب نجـوم السمـا وتعدّهـا يوم شق النور من ليـل القمـاش = شفت حبّـة خالهـا فـى خدّهـا القصيـد لمثلـهـا ولأّ بــلاش = لو تبى عمـرى حشـى ماردّهـا ......... ...... ....... دنيا العجايب يانفس هيـدي لاتزيديـن الاوجـاع = كافي من الدنيا نشـوف العجايـب ماني على من صد ضايق ومرتـاع = لاهو مـن الغاليـن والا القرايـب لاصارمابينـي ولابيـنـه نــزاع = ولاجيتـه بزلـه ولا علـم خايـب حق الرفيق انـي نهيتـه ولا طـاع = والراي مابه فـرض والا غصايـب يومه غدى بينت له كـل الاوضـاع = ماقلت اخلي سايب الوضـع سايـب ناديت له لكـن تجاهلنـي وضـاع = صد وعلى عمياه سـاق الركايـب اقفاعلـى رايـه ولافيـه مرجـاع = مثل السحاب اللـي قفتـه الهبايـب للعلم بين الناس مدخـل ومطـلاع = واللي يجّود حامض العلـم صايـب من ينطح المويه ولاعنـده شـراع = ان عاش يرجع من هك الموج هايب والعاقل اللـي لاخطايرجـع بسـاع = يسترجع ولاياخـذ الـراي عايـب واللي يصير لرغبة النفس مطـواع = لابـد مايلقـا العنـا والمصـايـب والناس مختلفه لها اشكال واطبـاع = بعض المعارف عرفهم لك نشايـب بالناس من يلبس على وجهه قنـاع = حسود لكـن فـي ثيـاب الحبايـب هذاك مانـي فـي مخـاواه طمـاع = من قبل اجيه وخاطري منه طايـب والا الرجال اللي لهم بالوفـا بـاع = وقفاتهم تبـري الجـروح العطايـب واللي لفاك بحـزة الضيـق فـزاع = مادار وجهه عن سمـوم ولهايـب ماصد يوم انك من الوقـت ملتـاع = ماغاب يوم ان اكثرالنـاس غايـب هذاك تشرى خوتـه كيـف تنبـاع = هذاك من شانه تهـون الصعايـب قلته وانا مالي ورى هرجي اطمـاع = علـى افراقـه لاتصيـر السبايـب اسمع مادام الصوت ياصل للاسماع = ان تبت ولا ياعسـى منـت تايـب مادامها صـارت حـزازات واتبـاع = مالـي ومـال مدوريـن الطلايـب واعرف تراها لو شكت ثقلك القـاع = مصيرها تركـز عليـك النصايـب ........ ....... ........ ان بغيت فراقنا وين هالغيبه عسى ماهي إفـراق = ليـه تبخـل بالمجـي خلّـك كريـم خابر ان الجرح لا صابه حـراق = مـا يفيـده طــبّ والله العظـيـم ينشدوني وين من رمشه دقـاق؟ = قلت مدري ذاك خبـري بـه قديـم الغلا راعيـه لـه قلبـن رقـاق = لو جفيته صارت ضلوعـه هشيـم لو زعل لو شال غيضه واستضاق = مـا يخرّبهـا وجرحـه بالصمـيـم ادمـح الـزلاّت زلاّت الـرفـاق = خصّ لا من صار راعيهـا حشيـم واكره الخـوّان كرهـي للعـراق = واعشق الوافيـن عشقـي للقصيـم عند اهلها غاليه وضـح النيـاق = وانت عندي يمكن اغلا يـا وسيـم ان بغيت افراقنـا هـاك الفـراق = وش نبي بالحب دام الحـب ضيـم؟ ... .... مقتطفات من روائع متعب التركى ******************* يا ابو محمد افطـن وانتبـه للكـلام = كيف ميت منه,, واليوم جرحك كبير؟! ********************* ........ ..... لا تتعب اركابك شف اللـي يريحيـك = ما تاقف الدنيا على فـراق عشـاق حتى بوداعك ما قدرت اني اجرحـك = رمح القوافي ماجرح بيـض الاوراق ********************* ....... ........ بالهون عطني لـو دقايـق بوادعـك = خـل الـوداع برغبتـي واختيـاري مبطي وانا شايف جفـاك وتسرعـك = يا طول بالي يوم اشـوف انتظـاري اتبع هـواك وروح مانـي بمانعـك = دام انت عبـد لكـل نـزوه وطـاري ******************** ...... ....... ضحيت بالواقع على شـان الاحـلام = وضحيت بالغالي على شـان غالـي حتى الغرام اللي كسر قلبـي العـام = ماني بحالـه كـان ماهـو بحالـي ماينحسب عمـر البنـادم بالاعـوام = بعض السنين نعيـش فيهـا ليالـي وجه التشابه بيـن وجهـك والايـام = القلـب خالـي والليالـي خـوالـي ******************** ...... ....... ياليت مجروح الهوي جرحه يشـاف = لقول قرب مـن جروحـك وشفهـا ******************* ....... ....... متى ذكرتيني علـى شـان تنسيـن = خليـك مـره صادقـه وانصفيـنـي في وقت واحـد تكرهيـن وتحبيـن = انـا تعبـت استحملـك واعذرينـي حبٍ سرق من عمري ايـام وسنيـن = مثـل الهـوا مايمسكنـه يديـنـي ****************** ..... ..... احلى سنيـن العمـر راحـت هدايـا = لك يامجازي بالردى راعـي الطيـب لي فـي حياتـك ذكريـات وخفايـا = تبقى ولو باكر غزا راسـك الشيـب ولا الوفـا مالـه بقلـبـك بقـايـا = عند الذي مثلك اظـن الوفـا عيـب ***************** ....... .... اليا نشدوك العرب وش بينك وبينـي = قولي حياتي قصيده كـان شاعرهـا ***************** ....... ....... علمتنـي وشلـون اصيـر انعزالـي = واخذت مني راحـة النفـس والبـال ******************** ......... ....... اتعب وغيري يجي ياخذ على الراحـه = من حظ غيري وانا اللي زارع وساقي ******************** ....... ........ البسي لك ثوب غيـر اللـي عليـك = من لبس ثوب الغـرور اكبـر غبـي تحسبين النـاس خاتـم فـي يديـك = من متـى والعاطفـه توخـذ سبـي فز لك قلبـي وانـا قمـت احتريـك = والكريـم يصيـر لضيوفـه صبـي ****************** ....... ....... قصـيـده لـــم تكـتـمـل استحمليني لو زعـل منـي الكـل = بحر يدفـن موجتـه فـي ضفافـه ********************* [/poem] اتمنى ان اكون قد اوفيت الشاعر حقه ولكم تحياتي 
اللـي يخونـك ويعلّـم كـل ماخانـك = ابرك من اللي يخـــونك وانت ماتدري ؟!!
الاميل الجديد tr.kuw-@hotmail.com
آخر تعديل عبدالله الرقيب يوم
20-04-2006 في 03:25 AM.
|
|
22-11-2005, 08:29 AM
|
#2 | |
|
(*( عضو )*)
|
.
الغالي على قلبي / تركي : يالبى قلبك والله .. الشاعر .. متعب التركي هو اكبر من تعليقي وتعليق غيري .. !! فعلا ً كان من هدايا الشعر والآن اصبح من خسائر الشعر .. الف شكر يابو لفى وكلك خير وبركه . . |
|
آخر تعديل بواسطة سلطان النواف ، 22-11-2005 الساعة 08:32 AM
|
|
22-11-2005, 05:42 PM
|
#3 | |
|
(*(عضو)*)
|
الله يبيض وجهك يا تركي
اعتبره شخصيا من اغلى واحلى المواضيع المنقوله هنا من جميع الابواب والمواضيع متعب التركي .. حي هالاسم ونعم الرجل والشاعر مبدع كبير في عالم الشعر ونجم لم يحتاج للتلميع ابدا فهو مضيء لقصائده روح تقراء له وتقول كلامه عادي لكن لا تستطيع ان تكتب كما يكتب أبدا في الرومانسية والحب بكل طقوسه لم اقراء لشاعر يجيد ايصال صورة العاشق كما يجيدها متعب التركي .. كل عاشق يتعبه متعب وكل متذوق يشبعه متعب وكل شاعر يعجبه متعب حاول الكثير السير على نهجه .. فشل من فشل ونجح من نجح وبقي الاصل مرجعا للجميع ! رمز من رموز الشعر المعاصر ... ولن تفيه عبارات الثناء التي اجزم انه لا يسعى لها ولم ينتظر شهادتي هنا تركي الديحاني .. اكرر (( الله يبيض وجهك )) وانا شخصيا اطمع منك بأكثر .. أن استطعت ان تحضر لنا هذا الرجل العزيز والشاعر المغاير بلقاء في المرقاب اكون ممتن لهذا الانجاز الكبير .. فوالله اننا نتشرف به ونعتز بذلك .. وياليت تتاكد من ختمة المقتطفات ( اخر بيت في الموضوع ) لم اقراه صح .. هديتك غاليه ونفيسه .. السلام والتحيه ، |
|
|
|
|
22-11-2005, 07:09 PM
|
#4 | |
|
(*(عضو)*)
|
بيض الله وجهك يا تركي
على هذه الوقفه المنصفه لشاعرنا الكبير / متعب التركي ابداعه وعفويّته وعذوبته فالشعر لا ينكرها احد احدث نقله نوعيّه لشعر الغزل حسب نظرتي ونظرة المتابعين ما اقول الا الله يثبته على طاعته .. ولا هنت اخوووك |
|
|
|
|
23-11-2005, 01:13 AM
|
#5 | |
|
(*( عضو )*)
|
( بيض الله وجهك ياتركي )
ولاهنت طال عمرك ومتعب التركي أسم كبير في الساحه الشعبيه والله يثبته على الطاعه لاهنت |
|
|
|
23-11-2005, 01:58 AM
|
#6 | |
|
الإدارة
|
متعب التركي
رمز من رموز الشعر العذب والمتميز شكرا يا تركي على هذا الاهدأ القيم الذي سيكون في المفضله حتماً لإن متعب التركي .. احد افضل الشعراء . نسأل الله له التوفيق والثبات .. وبيض الله وجهك يا تركي |
|
 
|
|
23-11-2005, 08:02 AM
|
#8 | |
|
(*( عضو )*)
|
الدكتور سداح
الجميل والمميز هو مرورك طال عمرك ومتعب التركي في قلوبنا ينما ذهب انا ماسويت شي طال عمرك اقل ماقدمه الشاعر علم مثل ابو فهد متعب التركي وبالسنبه للبيت انا ماكتبته عدل البيت يقول استحمليني لو زعل من الكل = = البحر يدفن موجته في ضفافه وبالنسبه لدعوة متعب التركي فوربي ساحاول قد مااقدر لو اني اعرف رده بالنهايه لانه مقاطع الاعلام بس لي روحه الى حفر الباطن واخذ العلم منه من الراس للراس وانشالله يلبي الدعوه |
|
|
|
|
23-11-2005, 08:57 AM
|
#9 | |
|
(*( عضو )*)
|
:
تركي الديحاني والله انك معودنا على كل شي جميل وبالنسبه لهالحاله هذي .. فوالله غير . هذا  ( متعب التركي ))هذا متعبنا كلنا والله لو أقدر أوفيه حقه في الكتابه لكتبت بس متعب التركي .. الكتابه نفسها تقف عاجزه امامه . .. ولكن عسى الله سبحانه وتعالى يوفقه .. ويعطيك ألف ألف عافيه يا تركي . . تحيتي ومحبتي . . أخوك : ثاني الدهمشي . . |
|
|
|
|
23-11-2005, 11:04 AM
|
#10 | |
|
(*( عضو )*)
|
الجميل
تركي الديحاني أشكرك شكراً جزيلاً على هذا التدوين الضخم لشاعر رائع وذلك إن دل فإنما يدل على رقي ذائقتك وتعاهدك الجمال هذا الشاعر ليس متعب الـ(تركي) فقط بل متعب الكثير من متابعي الشعر الشعبي شكراً لك مرة أخرى وتقبل خالص تحياتي وتقديري أخوك فيصل |
|
|
|
|
24-11-2005, 01:10 AM
|
#11 | |
|
(*(عضو)*)
|
كلما وددت قوله بإتجاه هذا المبدع ..(( ثبته الله على طاعته إن شاء الله ) ..
أتى به سداح .. ياتركي .. ولكن بقي ان اقول لك بيض الله وجهك .. فـ متعب التركي .. نقش اسمه على وجه الشعر بالذهب .. سلمت ياتركي وبيض الله وجهك .. سلامي عليكـ ..
|
|
|
.
ss15s1@hotmail.com 
|
|
24-11-2005, 01:34 AM
|
#12 | |
|
(*( عضو )*)
|
تركى
هل تعلم انك سويت فينى خير دخلت لهنا وجلست حتى انهيت هذه الروائع واعتقد بأن ذائقتى قد تشبعت بكل معنى نفيس هنا درر وجواهر والله ياخى ودك اللى مثل هذا ما ينقطع عن الشعر ولكن الله يهديه ويثبته لاهنت يا تركى أبك أنتم يا لمطران سلطه مير الله يكافينا شركم تحياتى |
|
|
الشهره اللي ساسهـا متخـرث
ما ترضي العاقل ولا أهل الذوقي أضرب على الاعلام صفر مكعب دامه يعـز الهـزل والمطفوقـي ولاعاد تستغرب بوسط الساحـه لو لمعـوا برويـده المحروقـي :: khh511@hotmail.com أقلط لقصائد ملغمه
|
|
01-12-2005, 09:11 PM
|
#14 | |
|
(*(عضو)*)
|
بيض الله وجهك ياتركي
الشاعر / متعب التركي من الشعراء القلائل في الشعر الاصيل رغم بعده عن الصحافه وبعد قصائده الزمنيه الاّ انّه حاضر في كل من يعرف الشعر ويتذوقه لاهنت لاهنت ياتركي ., |
|
|
،
|
|
03-12-2005, 01:23 AM
|
#15 | |
|
(*( عضو )*)
|
والله ياتركي ان أختيارك هذا .. على الجرح
الله يبيض وجهك .. الله يبيض وجهك الله يبيض وجهك الله يبيض وجهك الله يبيض وجهك الله يبيض وجهك الله يبيض وجهك الله يبيض وجهك |
|
|
مبطي .. وأنا لا أشتقت له .. بالخفا قلت ليته يجي .. ويشوفني في غيابه Nasr_q8y@hotmail.com
|
|
05-12-2005, 01:22 AM
|
#16 | |
|
(*( عضو )*)
|
تركي
لاهنت يالغالي على هالموضوع الجميل وشاعرنا الكبير / متعب التركي .. مكانه القلب والله يثبته على الطاعه كل الشكر لك ولك محبتي |
|
|
(( ألوان العشق السبعه ))
 اللهم اغفر لي ولوالدي ووالدي والدي وجميع المسلمين والمسلمات الاحياء منهم والاموات
|
|
20-04-2006, 03:29 AM
|
#17 | |
|
(*( مشرف )*)
|
تركي الديحاني
شكرا جزيلا على هذا النقل الرائع متعـب التركي بالفعل شاعر من اعلام الشعر المعاصر تركي الديحاني شكرا مرة اخرى |
|
|
طواري :-
 لك العهد والعشق والانتماء ... وخلفك نمضي صباح مساء ... لتبقى مجيدا ... وفخرا وعيدا .... وصرحا فريدا .... ...يطال السماء..! أيا قلعة المجد .....والمجد أهلي ... أيا منبع الفن ...والفن أهلي ... سفير الوطن .. شموخ وفن .. وعبر الزماااان ...سنمضي معا ...! وعبر الزماااان ...سنمضي معا ...! وعبر الزماااان ...سنمضي معا ...! aann1985@hotmail.com لـــ نعيش ... أحلى
|
|
06-11-2006, 10:52 AM
|
#19 | |
|
(*( عضو )*)
|
--
- - - شاعر السهل الممتنع والعذوبه باصولها متعب فهد التركي كتب مشاعرنا قبل ان نكتبها لانه لم يتصنع كتبة الشعر بل هو ينزف الشعر صدقا لقد كانت اول كتابه عن متعب التركي وقبل شهرته كانت بقلمي عام 89 في جريدة الوطن ولم اعرف انه قريب لاحد الاصدقاء وصادفته بعدها باشهر في حفلة زواج وهذي المعلومه لا يعرفها الكثيرين ويمكنهم العوده لارشيف الوطن ولا اقول الا كما قال سداح حاول الكثير تقليد ولكن كيف يصبح النحاس ذهبا مشكور يا بو لفا على نافذة الجمال الشعري التي تنسينا شعر هاليومين والله يثبته على طريق الثبات |
|
|
وين اودي حبها..والحشا فيه امتلا؟=ووين اودي وجههاعن حراوي مرقدي ليت يوم اقفت..مشت والغلا ذاك انجلا=والرسن__يوم اصهل الدمع_ليته في يدي خلف الاسلمي
|
|
17-11-2006, 01:17 AM
|
#20 | |
|
(*( عضو )*)
|
تركي الديحـاني
لاهنت على جهوودك ومتعب التركي شاعر كبير شاعر وضع له وصدقت الحاضر الغائب وتقبل اجمل التحاايا |
|
|
تغيب..واذكرلك معي خاطرن سمح = وارضـا عليك ويـزعلن المحانـي
واشتاق لبذورك على شانك القمح = وترفـض طلب قـلبي عليك السواني وانا ما غير ادمح خطا زلتك دمح = من شان ذكرى اللي مضى من زماني يفداك من خبا ورى ضحكتي رمح = وراح وتركنـي بيـن ليت وعسانـي
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
