عز الدار - درة جديدة للامير السامر

عز الدار

سيدي ووالدي صاحب السمو الملكي الأمير سلطان بن عبد العزيز باسمه يجزل الشعر..
لكن أفعاله يعجز عن حصرها أجزل الكلام شعره ونثره ..وما هذه القصيدة إلا جزء من التعبير عن عظمه كأمير و مسؤول وإنسان ..


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ما يطيب القصيد إلا بمن طاب رأسه = مثل ما لدار يشهر صيتها طيب أهلها
يا قصيدي دعاك الفكر هيض وحماسه= سيرة العدل صافح بالمدايح بطلها
راس صعب الأمور وهو صعيب مراسه= شيخنا اللي إلى منه نوها فعلها
فايض الجود عنوان الدهاء والفراسه = قمة المجد في جزل الفعايل نزلها
منزلٍ لاق للي طاب راسه وساسه = هو سليل الملوك الصيد وارث خصلها
الندا نبع كفه والشهامه لباسه= والشوايب عن الصافي بعدله عزلها
والتطور خذا لوله ودره وماسه = للدفاع وكساها منه ضافي حللها
شاد صرح من القوه تعاظم قياسه= لين غطا متون الفرقدين وزحلها
أبو خالد قويٍ بالملمات باسه = الصعايب يذللها نطح ما ختلها
عز داره وملجا من تزايد عماسه= فعل سلطان كم عوجٍ عصيّه عدلها
عم فضله على ناسه ومن غير ناسه= كم حمولٍ عن متونٍ شكتها حملها
جعل يسلم قوي الباس ويدوم راسه= عز دار ودوا المستعصيه من عللها[/POEM]

ابنكم
عبد العزيز بن سعود بن محمد آل سعود

الشاعر المبدع محمد المالكي

شكرا لك على هذا الاختيار الرائع الذي يدل ذوقك العالي


وصح لسان شاعرنا الكبير السامر

راس صعب الأمور وهو صعيب مراسه
شيخنا اللي إلـى منـه نوهـا فعلهـا!!!

صح لسان الأمير السامر .. ولاهنت على نقلها


تقديري لك
اخوك
ابو نايف

اختيار موفق يامحمد

وصح لسان الأمير مليون مرة

والله يحفظ ولي عهدنا

الف شكر ولك كل الود

محمد حمدان المالكي


شكرا شكرا على هذا النقل المميز



تحياتي

المراسل الخاص للأمير عبدالعزيز بن سعود
الأخ محمد المالكي.. و الذي دائماً يتحف المرقاب بمشاركاته حول الأمير عبدالعزيز

فشكراً على ايراد هذه القصيده في الأمير سلطان بن عبدالعزيز
و هو بلا شك رجل يستحق المدح و الثناء لما لأياديه البيضاء
من حضور في جميع المجالات الإنسانيه و الرجوليه والبطوليه