كسبت الملايين ......يامحمد الحويماني

مساكم الله بالخير رواد هذا المنتدى الشامخ..إليكم البسيطه..عسى ان ترتقي للذائقه
.
.
وبعد البسمله
.
.

الصدر وكر الشعر يـوم الشعرحـر ولا يطيـر
ألا ليا شـاف الفريـده ينتهـض يبـى الهـداد

يكفخ بجنحانه بصدري ياعسـى فالامـر خيـر
احيـان يكفـخ غـلّ واحيانـاً يسويهاعـنـاد

مدربه يرقـى سنـود ولايهـاب مـن العسيـر
مخالبـه فيهـا معاشـه كـل مايحـتـاج زاد

واليوم ياشعري مشاعر غير وابغى الشعر غيـر
مشاعري فيها بياضٍ خالطـه بعـض السـواد

من عقب شفت زياد وجهه ممتلئ حزنٍ مريـر
ويقـول لا تأبـه ولا تهتـم لـي يابـو زيـاد

الأمر كله ظلم وأثر الظلـم فـي وقعْـه كبيـر
وأنا على بالي اشوف العدل فوق الظلـم سـاد

قلت له يابوك أنت تدري وش جبر كسر الكسير؟
ان الحقايق ثابته والجـرح يلقـى لـه ضمـاد

يوم ان ظلـم المفتـرئ نـار يزودهـا زفيـر
تحرق ولكن شعر عمك طيب عود ان زِيِْـد زاد

الصقر شعره يازياد خيوط تنسـل مـن حريـر
يوم ان غيره ينشر بيوته مثـل نشـر الجـراد

والصقر شعره مفخـره للعـز يقتـاد الضريـر
يوم ان غيره مايهـوم بشعـره الا انـه يقـاد

الصقر شعره بادعه من نـور وسـراجٍ مُنيـر
يفتح به لنا نافذة من نـور فـي ليـل الهجـاد

الصقر شعره مثلمـا مـاءً تحـدّر لـه خريـر
يبّل به كبد الشعر....ثـم يتكثـف بـه سنـاد

الصقر شعره ينتصـر للحـق لاجـاءه النذيـر
ماعـزّ لـه نـوم المقيّـل لا ولا همّـه رقْـاد

الصقر وانا ابوك يكفيـه الفخـر حـاز الكثيـر
زرع لهم شعره بذر وقلوبهـم جَنْـي الحصـاد

واليوم ياشعري مشاعر غير وابغى الشعر غيـر
مشاعري فيها بياضٍ خالطـه بعـض السـواد

لكن عسى أن تكرهوا شيئا ويصبح فيـه خيـر
هذا كلام الحق سبحانه ....وأذكّـر بـه زيـاد