ديوان القدس

كل مسلم تهفو نفسه للقدس ويتمنى خلاصها وتحريرها ، القدس قضية كل المسلمين وحقهم المغصوب والذي لابد أن يعود وسيعود

والشاعر ماهو إلا فرد من هذه الأمة فلابد أن يحمل همها ويبث همهما بشعره لنشر ثقافة هذا الحق المغصوب وحفظه على مر الأجيال والشاعر لسان أمته حينما يتصدر لقضاياها وهمومها ومشاكلها فيسجل كل ذلك في شعره

طرحنا على الإدارة الكريمة فكرة ( ديوان القدس ) والحمد لله وجدنا التجاوب من الإدارة الكريمة والحماس الغير مستغرب فهمهم الرقي بهذا الصرح الشامخ وخدمته واعتقد أن هذه فكرة حصرية للمرقاب وحينما يخرج ديوان القدس في منتديات المرقاب ليحوي كل ماقاله شعراء المرقاب الكرام ربما يطرح كديوان شعري يطرح في الأسواق بعنوان ( ديوان القدس )

فنرجوا من الشعراء الكرام الذين سبق لهم وطرحوا أي قصيدة تخص القدس أو القضية الفلسطينية بشكل ٍ عام أن يعيدوا نسخها هنا في هذا الموضوع ونرجوا أيضاً من الشعراء الذين لم يسبق لهم أن طرحوا قصائداً في هذا الشأن أن يطرحوا في هذا الموضوع ماتجود به قرائحهم ونحن على ثقة بأن شعراء المرقاب لن ينسوا قدس الأقداس وسيعطونه مايملكون


نسأل الله أن يتكلل هذا العمل بالنجاح المنشود

نايف السلطان

بيض الله وجهك على الفكرة الرائعة .. لشحذ قرائح الإخوان لـ .. الشعر الإسلامي ..

خطوة رائعة .. وهادفة ..

جعل الله هذا في موازين حسناتك .. وحسنات كل من ساهم في إنجاح الموضوع ..

وفي إنتظار إبداعات إخواننا المرقابيين .
.
.
.
تحيتي .. لك .. وللإدارة

ياصلاح الدين وينك ياصلاح امتلى القدس الشريف من اليهود

اللهم حرر القدس من براثن احفاد القردة والخنازير
يا سميع الدعاء
ودمتم بخير

نايف السلطان



بيض الله وجهك


وبادرة طيبة تشكر عليها

موفق خير !!

نايف ..

بيّض الله وجهك ..

على عجاله أقدر افيدك بهذا الرابط

http://montada.mergab.com/showthread.php?t=9787

بيض الله وجيهكم ولاقصرتوا

والأمر يحتاج لتظافر الجهود والعمل بجد لإخراج هذا الديوان بالشكل اللائق بالمرقاب


أخي عبد ربه
الرابط يحتوي على روابط لو تتبعناها نحن مشرفي القسم سنتعب كثيراً

بينما العملية سهلة جداً على الشاعر صاحب المشاركة فماعليه إلا أن يأتي بقصيدته ويكتبها في هذا الموضوع بالتنسيق الذي يلائمه وربما أجرى بعض التعديلات عليها أو زادها أو أنقصها

.

السلام عليكم ورحمة الله وبركاته


بالنسبة للقصائد الموجودة على الرابط .. اللذي تكرم به أخونا عبدربه .. سأضعها هنا







[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لابوك لابو بووش .. يا أأريل شارون= لابو بلير .. ونعنبوها سياسه




لابو كولن باول وزيني وشيموون=واللي على تخطيطهم هزّ رااسه




خنزير وقرد وبس واسلالة عفون=شلة خنازيز وقروود وبساااااسه (كرمتوا)




تذبح وتصلخ والعرب وش يسوّن=اطيبهم اللي قام يرفع حساااسه





الى متى والحال من دون في دون=وحنا نضيّع وقتنا بـ الوناااسه





تاريخنا من ماضي العهد مصيون= فريسّ .. لكن فارقتنا الفرااسه




الله عطانا انحور واظهور وابطون= واليا شبعنا ما نكبّ اللحاااسه




وحكّامنا .. مابين صاحي ومجنون=والملتمس يفرض علينا التمااسه




والمسجد الأقصى تحت ذلّ صهيون=وغصبن على روس المناعير داسه




يا أمة الأسلاام تكفوون تكفوون= الوضع ما يحتاج بحث ودراسه




قوموا على الملعون وابليس ملعون=لا ننثني من قوّ عزمه وباااسه




نبغاا من حساب المشاكيل مليون=والعسكر اللي حول قصر الرياسه




امّا نموت بعزّ من خالق الكوون = ولا تلبسّنااا ثياب الدناااااااااسه ؟



ولا بوك لا بو بوش يا أأريل شارون=لا بو بلير ونعنبوهاا سياااسه [/POEM]






[MOVE="right"]الشاعر سداح [/MOVE]

السلام عليكم ورحمة الله وبركاته





[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]متى تمخض ياظلام الليل عن نور الصباح=اللي مضى خمسين عام وزود واحنا في رجاه


متى ينادى بالجهاد ويبتدي حمل السلاح=متى نسوق جيوشنا للقدس ونلبي نداه


متى براس الكفر والطاغوت واعوانه يطاح= متى ببيت القدس عقب النصر يدعى للصلاه


صوت المؤذن بـ الله اكبر عقب حياعالفلاح=متى يجلجل بين جدرانه ويصدح في سماه


متى نحطم هيكلة صلبانهم بالاجتياح=ومتى نهد الهيكل المزعوم فوق اللي بناه


متى سيوف النصر تلمع كلما البراق لاح= متى يرفرف بيرق العزه على كل اتجاه


ياامة الاسلام لا رجوى ولا حل متاح=دام السلام اقصر جدار يقفزه كل الجناه


تلاقحت لفكار عند الغرب وامحق من لقاح=وتمخضت طفل معاق بشكل كامل في قواه


طفل القرارات السقيمه ولد من رحم سفاح=ممسوخ من كل القيم من مبتداه لمنتهاه


ياامة الاسلام لن نبلغ مقاييس النجاح= الا بسل سيوفنا لمعانقة روس الطغاه


دام الضمير العالمي يرقد تحت لحد الجراح= لن يوقضه غير الجهاد الحق لادارت رحاه


هبي علينا يارياح الشوق هبي يارياح=شوق الشهاده في سبيل الله نسنس ياهواه


الى متى نشرب سؤال الذل كالسم الذحاح= الى متى هذا السؤال يحير في كل الشفاه


هل عجزت الارحام لاتنجب بطل يشبه صلاح=وهل عجزت الايام لاتوجد صدى يشبه صداه[/POEM]





الشاعر ناصر علي الحارثي ( هداج

السلام عليكم ورحمة الله وبركاته



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أثرها حقيقه لعبة الداب بالحلقوم "="أخذ منه شوف العين و أعطاه رجلينه
غبي باع حلمه للأماني برخص السوم "="فقدعزته واسمه بعد مافقدعينه
صحت نامت العالم وهو كل وقته نوم"="تشوفه علىأحلامه يعيش أجمل سنينه
رغم صغره وضعفه وعجزه كثير حلوم"="ولو أحتك بالواقع تغير مضامينه
حلم يدخل الأقصى ويهزم جيوش الروم"="صحا في سلام(ن) ما لقا الاعناوينه
حلم تكتسي طفله من البردبعض هدوم"="صحا في صليب(ن) يدعمونه ملاعينه
حلم تصبح الشيشان ديرة صلاه وصوم"="صحا في سوفيتيٍ يحرض شياطينه
حلم وسط كوسوفا يشوف الأمان غيوم"="صحا بإنتهاك وسلب لشعوب مسكينه
حلم يصبح الصقرالمراوغ قوي الحوم"="صحافي سياسات(ن)تقصقص جناحينه
حلم يقتل(الأفعى)ويعمي عيون البوم"="صحاباتفاقيات لويفعل اتدينه
حلم يرجع لماضيه يذكر هذاك اليوم"="سقا الله صلاح الدين وأيام حطينه
نهار(ن) به أقفى قايد الشرذمه مهزوم "="وكل(ن) يقول النصر للي نصر دينه
متى يرجع الماضي؟متى نستحي ونقوم؟"="متى يغلي الدم الغيوربشرايينه؟
متىنتحدفكر وعقيده وقوم وقوم؟"="متىمجدنا يرجع وحنا سلاطينه؟
لوانا خذينا(قو) من كلمة الحلقوم"="وقايد قدرنا ندخل القدس ذلحينه [/POEM]


الشاعر مستور الذويبي

السلام عليكم ورحمة الله وبركاته



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياأمتي لاتسدلين الستاره "="باقي نقول آخر فصول الروايه
ممكن شوي تخففين الاناره "="المشهد بحاجه لبعض العنايه
مشهد يصور جهد طفل الحجاره "=" اللي ركز لمشرد الشعب رايه
طفل(ن)يقول النار تبدى شراره "="الى متى هذا التقزم كفايه ؟؟؟
الى متى بنصير رهن الاشاره "="وكلن يبي ياخذ علينا الوصايه ؟؟؟
الى متى حنا عبيد الاثاره ؟؟"="ولكل منا ألف غايه وغايه ؟؟؟؟
الى متى والظلم ننشق غباره ؟؟؟"=" وكنا قبل نفرض عليه الجبايه
كنا قبل نتعب ونبني حضاره "=" كنا قبل نحمل مشاعل هدايه
كنا قبل عز(ن)رفعنا شعاره "=" كنا حماية طالبين الحمايه
وصرنا جثث واللي قتلناعياره "="تلميذ علمناه فن الرمايه
ياأمتي مات البطل بانتحاره "="ماهو كذا دايم تكون النهايه ؟؟؟
مات وكتب دمه بجنبه عباره "="(طبيعي تكون النهايه بدايه )
ممكن علينا تسدلين الستاره "=" نحلم سوى بآخر فصول الروايه [/POEM]


الشاعر مستور الذويبي

السلام عليكم ورحمة الله وبركاته



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الـموقف الـغصاب مـوقف فلسطين = مـاهوب مـوقف مـيت النار صدام
الـى متى يقصر مدى الشوف بالعين؟=الـى مـتى والـفكر يرضخ للاعلام؟
الـى مـتى الاطـفال تـنحر قرابين؟=الـى مـتى والـحق يوطى بالاقدام؟
مـا احـدٍ سأل نفسه ورانا ضعيفين؟=وليش انقسم صف العرب خمسة اقسام؟
رغـم إمـتداد الاسـئله بـيننا بـين =إلا ان كـل الـوضع فـي حالة اعدام
وعـلى امتداد احروف صدق البراهين =مـانلتقي غـير ابـمحطات الاوهـام
وامـواصلين الـسير لـكن على وين؟=فـالاتجاه الـلي ذبـح كـل الاحـلام
هـذي حـقيقة واقـع الـعرب والدين=هــذي حـقـيقة واقــعٍ كـله الآم
الآم عـشـناها مــن ايـام وسـنين =وانـا اعـتقد بـاقي لـها سنين وايام
ومـادام حـنا بـاقشر الوضع راضين =ونـعيش واقـعنا عـلى هـيئة اصنام
مـا اظـن يـرحمنا فصيل الملاعين= ومـا اظـن نقدر نمسح ادموع الايتام
ومـن شـان نـنصب للعداله موازين=يـاأمة الأسـلام ..الاسـلام..الاسلام
والـجـمله الـلي رددوهـا مـلايين =ويـاما سـمعناها عـلى مـر الاعوام
(الـمشكله مـاهي قـضية فـلسطين) =الـمـشكله صـدام واشـباه صـدام[/POEM]

(( سيف السيف))



الشاعر عكاشه

السلام عليكم ورحمة الله وبركاته



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]نــادى المـنـادي واتبـعـوه الملبـيـن=وصاحو بصوت اللي تفججججر ضميـره

بين القبـور بصـوت واحـد مناااااااديـن=الصـوت عااااااالـي والمقابـر كثـيـره

وحاطـو بقبـر{ن} فيـه للعـز توطـيـن=وللنصـر والامجـاد شمـسـه منـيـره

ونادووووه يااااارمز الفخـر يـوم حطيـن= تكفـى تقـوم اجبـر قلـوب{ن} كسيـره

قم{ياصـلاح الديـن} يانـاصـر الـديـن= شف كيف حـال القـدس بعـدك مريـره

تنخى صلاح الديـن وتقول0هـو ويـن؟؟=يشـوف كيـف اصبحـت عقبـه اسيـره؟

قـم ياصـلاح الديـن وتشـوف بالعـيـن=حـال العـرب فـي كـل دولـه وديـره

وقل ويش رايك في الوضع0{ذل؟}0داااارين= عـار{ن} عليـنـا بالعـلـن والسـريـره

وقل للعرب سـؤال واحـد0 وبعديـن؟؟؟=الـى متـى والقـدس هـاذا مصـيـره؟

وقل للعـرب لـن كـان للقـدس ناسيـن= لــه رب مايـنـسـاه والله نـصـيـره

وقـل للعـرب فيكـم مثـل للمساكـيـن=عيـن{ن} تشـوف بعيـد واليـد قصيـره

وقـل للعـرب مـادام بالوضـع راضيـن=عيشـو بـذل وسيفكـم فــي جفـيـره

وقـل للعـرب أيـام واشهـور واسنيـن= وانتـم تـرون القـدس واهلـه حشـيـره

وقل للعـرب لازال مـن عـام خمسيـن=تحت{وعـد بلـفـور} نــاره سعـيـره

وقـل للعـرب بكـره وبعـده وذلحـيـن= أحوالهـا سـاءت وصــارت خطـيـره

وقل للعـرب تفرجـوووو فـي فلسطيـن=وشوفو شبـاب القـدس محـد{ن} يجيـره

اقرو0وشوفو0واسـمـعـو للمذيـعـيـن= وابكـووووو عليهـا فـي {قنـاة الجزيـره}

ابكـو علـى اول قبـلـة{ن} للمصلـيـن=المسجـد اللـي للنـبـي فـيـه سـيـره

فـي القـدس صلـى بالرسـل والنبييـن=فـي ليلـة المـعـراج ليـلـه شهـيـره

وابكوعلـى اللـي مـات مالـه معزيـن=وابكو مصاب{ن} طايـح{ن} فـي سريـره

وابكـو علـى الأطفـال مـادام باكـيـن=اللـي تمـوت بحقـد نــار الذخـيـره

وابكو علـى عـرض البنـات المزاييـن=المغتصـب عـنـد الوجـيـه الحقـيـره

وابكـو علـى حـال الشيـوخ المسنيـن=حـدب الظهـور اهـل الوجيـه السفيـره

وابكو على اللي فـي المعاقـل مساجيـن=اذنوبهـم وشهـي؟؟وويـش الجـريـره؟

وابكـو علـى غـزه واهلهـا وجينـيـن= ورفــح ورام الله وكــل العـشـيـره

واقــول انـا0مـادام بـالـذل غافـيـن=فعـل{ن} غفينـا ليـن صـارت كبـيـره

يابـنـت لاتبكـيـن لاعــاد تبـكـيـن= وش عـاد لوتبكيـن وانـتـي صغـيـره؟

امـك ينـاهـز عمـرهـا الآن سبعـيـن= وهـي بيـن ذل وخـوف طفلـه غريـره

وياطفـل لاتبكـي وترسـم علىالطيـن= ابـوك مـات ومـات جــدك وغـيـره

نشـوف مايحصـل ونسمـع وعاصـيـن=عـن نصركم0والكسـر مـالـه جبـيـره

واختامهـا نـاديـت ظـمـن المنـاديـن=وانخـى وانـادي كـل مـن فيـه غيـره

ياسامعين الصوت هـل مـن مجيبيـن؟؟؟=ولـن ماسمعنـا الحي0مـن نستجـيـره؟


قـم ياصـلاح الديـن حـرر فلسطـيـن=دام العـرب فيـهـم تـخـاذل وحـيـره[/POEM]


الشاعر عبدالرزاق الذيابي .. سابك ذهب

السلام عليكم ورحمة الله وبركاته



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تصيح القدس وتلج الصياحي= ولا مخلوق في هالكون ياحي
دموع اطفال وارامل وكهل= هذا زود على نزف الجراحي
تضيق الارض من نطل الجنايز= وخمس اضعاف يدفن بالمساحي
وحنا بس نشجب ونتفرج= ونصر الحق مكسور الجناحي
على هالحال ما جبنا نتيجه= تصافقنا عواصيف الرياحي
ولا ياناس وشلون الحجاره= تقابل بالمدافع والسلاحي
ماحد يقدر يصدق مستحيله= ومن صدق حشى ماهوب صاحي[/POEM]



الشاعر فهد العازمي

السلام عليكم ورحمة الله وبركاته


[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حـي العلـوم اللـي تجـي عــن عقيـــده=اللـي تجـي مـامـن وراهـا مقاصيــد

اللـي مـصـادرهـا العقـــول الرشيــده=عــز الله إنــه مــا لحـقهــا منـاقـيـــد

الـراي راشــد والمـصــادر جـويـــده=إن كان جاء في العلم نشده وترديــد

هــذا الطـلـب هــذاه بيــت القصيـــده= هــذا الـذي تشهــد عليــه الاجاويــد

تــرى السعـــادة والحيـــاة السعيــــده=في طاعـة اللـي يبدي الخلق ويعيــد

سـامـع دبيــب النــمـل مفـن البديـــده=سبحانــه اللي ينقـص العمـر ويزيــد

مــن يمهــله ربــي ليــالــي عـديـــده= لايحسب ان العمـر مـن دون تحديــد

عمــر الفتـى تـراه فـرصــه فـريــــده= مـاكنـها الا فرصـةالقنـص والصيـد

يحــط مـن زيـن العمل في رصيـــده=قــدّام لايـلفـــي صـدوق المـواعيــــد

قــدّام لايثـني علـى الرِجــل قـيـــــده=ونصيــر لـه مثـل الجمال المقايـيـــــد

في يــوم مـا ينفـع عضيـدٍ عضيـــده=كـلٍ يدقــق لـه حســـابه علـى حيـــــد

إمـــا شــقـــا والا حـيــاة جـديــــــده= مــا بيـن وديــان العســل والعنـاقيــــد

فـي جنــة مـن حـظ صفــوة عبيـــده=مـا هيـب مـن حـظ العصاة المقاريـــد

لكـن أبــا اطلـب واحــدٍ مـا يـكـيــــده=بـامـره يجـردنـي مـن الذنـب تجريـــد

أطــلـع ولا عـلـي سـيـــّه وحـيــــــده= أخيــر مـا حصلـت وأخيــر مـا أفيـــد[/POEM]



الشاعر فراج الكرشمي

السلام عليكم ورحمة الله وبركاته


[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقدس ماعندنا عذر نتعذربه=ياكود ضعف كسا الامة وعراها
يابعد صوت ينادينا وياقربه=ياقدسنا والمذلة مارضيناها
صوت الطفل والكهل والغيم والتربة=صوت الصبية والام وحزن ابكاها
نكبة (مخيم جنين) اللي يسيربه=صوت الثكالى وعين سبلت ماها
ياعزنا اللي سرقه الغدر بالضربة=في ليل موت الضمير وظلم انهاها
ياهمنا والسفرماهمنا دربه=وارضك يهون التعب لامن وطيناها
يامسج كلنا صدق نتفاخربه=ونهيم في قبة الصخرة ونهواها
متى..متى الفتح وانصر نتباشربه=حتى مهازلك ياصهيون ننساها

لو مالنا عذر ياقدس نتعذربه=ياكود ضعف كسا الامة وعراها[/POEM]



الشاعر معيض العتيبي

السلام عليكم ورحمة الله وبركاته


[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وين العرب والمروه ما توحد جميع= للعز يا ساحةٌ صلاح صلابها


ذبح النسا والارامل والوليد الرضيع= أقسم غبينة قهر وشلون نرضابها


فى كل يومٌ يموت إلنا فقيد وصريع = وأعظم مجازر شنيعه ما درينابها


أن جيت أوضح جميع الهرج منى يضيع = خسارةُ فى اللحا ما تحشم أشنابها


يارب عجل بردٌ من عذابك سريع = يدك شارون والانذال وأذنابها


يارب منا الدعاء وأنت العظيم السميع=طهر فلسطين من تدنيسة ترابها [/POEM]



الشاعر خالد الذيابي

السلام عليكم ورحمة الله وبركاته



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله انـا طالبينـك فالـسـوال = ياالاهـي يامجيـب السائلـيـن
ان تضرع بالدعـاء والابتهـال = ونلتجي لك كل ساع وكل حيـن
لـن توكلنـا عليـك الاتـكـال = متكلنـا الا بــرب العالمـيـن
من تمسك فالعرى الوثقى ينـال = طاعتـك والعاقـبـه للمتقـيـن
ياكريم الوجـه يـارب الجـلال = انصر الاسـلام بالفتـح المبيـن
واحم بيت المقدس من الاحتـلال = وادحر اجيوش الطغاه المعتديـن
ندري ان الحرب لو طالت سجال = مايضيع الحق ولـه امطالبيـن
فاقت الخمسين عام وفي نضـال = العـرب والمسلميـن مناضليـن
لامتي تصبر بضيـم الاحتيـال = صدق مادون الحلوق الا اليديـن
يالله ابنصـر مـؤزر فالقـتـال = مثل نصرك في بـدر للمومنيـن
وظلنا في ظل عرشك ثم ظـلال = خادم البيتيـن امـام المسلميـن
الفهد لاصارت الدعـوه جـدال = بالسياسه ضلـع قاسـي مايليـن
قايـد يسعـى لتحقيـق الامـال = حقق امـال الثكـالا البائسيـن
كم عطى ونفق وكم صرح وقال = احسنـوا لاخوانكـم يامحسنيـن
ضم شعبـه باليميـن وبالشمـال = الفهـد للملكـه حـرز مكـيـن
عاشوا القيـاد ماضيـن الفعـال = هم ذرانا ذخرنا الحصن الحصين
يستتب الامن بجهـود الرجـال = الصناديـد الثقـاة المخلصـيـن [/POEM]



الشاعر سرحان الوذيناني

السلام عليكم ورحمة الله وبركاته




[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله يارب الملا يالله =ياللي سجد من يعبده لرضاه

افرج لمن مثلي بلته الدنيا=وقته على مالا يطيق اركاه

وقته فتل قيده وقصر قيده= ومسّه ومن تحت الزنود ارخاه

ان جا يبا الممشا القيود اتله=ماطاه مربوطٍ على ماطاه

ون جا يبا الهوشه فلا له حيله=مربوطةٍ يمناه في يسراه

كل الحقوق الواجبه قام ابها=من خوف هراج القفا يقفاه

من خوف هرج اللي مايقرب هوشه=خبلٍ مايقرب غيرمن مركاه

سقت الولد للمعركه قدامي =ماقلت ياويلي عنه ويلاه

لين الرصاص الخلج طار بروحه=يالله عساني فالجنان القاه

الد عيني فالعرب وانخاهم=وصوتي مامنهم واحدٍ مااوحاه

لكن دخلهم شي ماهو ذلّه=صمتٍ طويلٍ ماعرف معناه

ياحيف يالطامة العياله=صرتوا كما الصفريه ام غطاه

يلحفكم الهرج الخفيف لحافه =وعقب السيوف اخذتوا المحلاه

الله ينصرني وانا ابو محمد =محمد الدره مهوب سواه

الله ينصرني وينصر شعبي= واللا العرب ياطيبهم طيباه

وختامها يامير ياابو متعب=تال الزمن ياقدسنا قدساه

عبدالله وحنا عبيد ٍٍ لله=نسل الملوك اهل الوفا والجاه

الحبل متعقد وحله عندك =واللي يصير اكيد ماترضاه

حنا جنودك كلنا تحت امرك=ودك تخوض ابنا البحر خضناه

راياتنا بامر الولي منصوره=وعلم الوفا من قدمه يلقاه

والطيب اللي يفتخر بجدوده= ماتنربط يمنا في يسراه[/POEM]



الشاعر محمد الدهيمي

السلام عليكم ورحمة الله وبركاته



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يشيب راسي من كثر سمع الأخبار=اللي علينا كل يومٍ تهلي

ومن الإذاعة نستمع للذي صار=ونشوف بالتلفاز شي يشلي

نشوف كثر الظلم والنفس تحتار=إلى متى أمسلمين ونذلي

يا أمةٍ ما تأخذ الدين والثار=عيبٍ علينا ما نحس ونملي

شفت العجايب أمة الدين تنهار=عن قبلة الإسلام شفة التخلي

أمه تعيش الذل وأصبح لها دار=بين الأمم ما عاد تلقى محلي

ما عاد به يا كود تاريخ وأذكار=اللي مضى نبكيه دوم ونغلي

نشجب ونستنكر ونضرب على الطار=والصبح ننسى ما مضى بالتسلي

أطفال مدمي كفها حمل الأحجار=تنطح رصاص الظلم ما هي تكلي

طاحون يطحن وسطه إكبار وصغار=ينهش بكبد المسلم اللي يهلي

شهيد واستشهاد بندق وبسطار=شي بعد عادي ولا شفت حلي

زعيم خايب محتمي وسط الأسوار=ما همه ألا صورته والتعلي

متزعمٍ جملة هياكل وثرثار=ما يكتفي لو بالرمل يستظلي

متبسمٍ لا من ظهر عبر الأقمار=يبوس كتف أعداه ثورٍ يطلي

ليته يغيب ويختفي عفن الأشبار=يجي بعد غيره شجاعٍ يحلي

الشرق الأوسط عاف ترديد الأعذار=مع اليهود نشوف زيفٍ وظلي

الحل بالبارود والعج لا ثار=يكفيك عن ترديد قولٍ يعلي

عشنا سنين طوال مع كل سمسار=أمن الوعود اليوم كلٍ يفلي

لا ثارت العجه وبين لها غبار=قالوا حرام العنف جارٍ وخلي

القدس يزهم كل شهمٍ وبيطار=مثل الفاروق اللي وطابه يصلي

ليت الرجال تهب وتعاف الأعمار=لا عاش عمر الذل ما به تحلي

الله وأكبر ما حلى شوف الإعصار=والروح بكفوف البياطر تشلي

تبذل لها الأرواح ر من كل الأقطار=لأجل الكرامة نورها يستجلي

والختم يا رحمن يا رب الأبرار =تحفظ لنا القدس الشريف وتخلي[/POEM]




الشاعر بدر ناصر العجمي

السلام عليكم ورحمة الله وبركاته





[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا منشّدني وش آخر ماطلع بـ أنتاجي=لا تنشّدني ترا فكري غرز منتوجه
اقنع اقنع والقناعة كنز ما يحتاجي=لا يهقويك البحر منته بويّا موجه
ما دريت إنّك لا زدت العلم .. زدت أحراجي=بس أجامل والهموم بضيقتي ممزوجة
يشهد الله ما لقيت اللي يفل حجاجي=متعبٍ فكري وعنّيت القدم بالدوجة
ما بغيت أزعجك لو إنّك بغيت أزعاجي=السعة زانة وربّي ما تضيق فجوجه
طبعي الثابت لزوم ايثبّته منهاجي=ما تركته لو أمير الفوج يترك فوجه!
قبل مدخالي لزوم أعْرف سنع مخراجي=لجل ما ألقا الحجة اللي دايماً مفلوجة
مار خذ هرجٍ قراح ينومس الهرّاجي=قبل ما أبدابه وأشيّد عاليات بروجه
استعنت بخالقي وأشعلت ضو سراجي=وعن مجال أهل الهوى فرّيت سير الموجة
واختصرته وصط قافٍ للكبود علاجي=الكبود اللي من أحداث الزمن مرهوجة
وفي ثنايا القاف لا ما دح ولا ني هاجي=يستريح الخبل .. والتاجر يصك دروجه
والصراحة نور وألاّ الكذب ليلٍ داجي=والرجل تكشف عن اللي في حشاه هروجه
الله الله والحقيقة صبحها ما انباجي=لفّها ثوب الظلام بحلّةٍ منسوجة
حالةٍ تشكا على اللي يرتجيه الراجي=يا عرب في تالي الأيام شفنا عوجة
وش فعلتوا غير كنز المال فـ الأدراجي=والغزل فـ الخفرة اللي عينها مدعوجة
ما استفدتوا حرف ممّا قاله الحجّاجي=كذبة الصحّاف ما هزّت قلوب علوجه
ليه الأقصى من دنس شارون ماهو .. ناجي=والرّمادي يشكي أحواله على الفلّوجة
والعرب مقتول .. ومشرّد .. وأسير .. ولاجي=واقعٍ خلاّ العقول الصاحية مرجوجة
صار دمّ المسلم أرخص من مرقة الماجي=كربةٍ ما أظنّها " ياعريبيا " مفروجة
لو لبستوا مع ثلاث نجوم سيف وتاجي=بكره وبعده وصارت كلمةٍ ممجوجه !
زال مشهاب الحسد بقلوبكم وهّاجي=والمعاصي والكباير في جميع الأوجه
مار أفيقوا من سباتٍ طايلٍ منعاجي=وأخْلِصُوا لله .. وخلّونا لدينه .. نوْجِه
رجّعوا ذكرى صلاح الدين والمعراجي=وابشروا بالنصْر من ربٍّ ماشئ ايحوجه
لين يهزم واحدٍ قلبه سوات الصاجي=شرط .. مايرجع ولد عمهوج .. مع عمهوجة
هاذي آخر مانظمته من صميم انتاجي=يالله اجعل ما زرعته .. يثمر بمنتوجه [/POEM]



الشاعر عبدربه ..

السلام عليكم ورحمة الله وبركاته


[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا الله يا منزل تبارك والانـــفال=يا مدبرٍ كونه على كيف كيفه
يا رب يا رحمن يا عالم الحــــــال=ندعوك باسماك الحسان الشريفه
تلجأ لك اليا مسنا بعض الاهوال=ونلوذ بك من كل حاجه مخيفه
والحمد لله دين الاســـــــلام لازال=بخير رغم اهل النفوس الضعيفه
مزروع دين الحق في قلوب الاطفال=مزروع ما بين الضلوع النضيفه
يا صورة بثت وتبقى للاجــــيال=الطفل مسلم ما انحنى للقذيفه
من دون ابوه يحط صدره للانذال= اعزل ...ولا همه اعداه ونزيفه
بأي ذنب فرحة الطفل تغـــــــــتال=ورى العيون عن الجريمه كفيفه
القدس كيف تعود با القيل والقال=ومعاهداتٍ ماتعدى الصحيفه
حنا العرب منا صناديد الابطال=ونبينا منا ......ومنا الخليفه
ابنا ابو بكر وعمر وعلي وبلال=اهل الوفا واهل السيوف الرهيفه
ابنا العرب ليه التخاذل والاذلال=ومنكم صلاح الدين وابو حذيفه
الله وعدنا النصر في كل منزال=ولا الشهاده بأي حاله ..وصيفه
ما همنا صهيون لو دعم ب المال=لو راح في حرب اللعين النصيفه
صهيون قوّم حرب في القدس وقتال=بالغطرسه من كبر ظلمه وزيفه
يا الله بنصرٍ يشرح القلب والــبال=وترجع فلسطين الابيه ...عفيفه[/POEM]



الشاعر سطام سرور

السلام عليكم ورحمة الله وبركاته




[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]نادت هواجيسي بعد حزن واضراب =وأنا عليّ أسمع وألبي نداها
مليت من عض الشفايا بالأنياب =ومليت من لعلها وعساها
ياأمة الأسلام ياعرب يا اعراب =يامن بدين اخر رساله تباها
يامن لكم حق التفاخر بالأنساب =دارالزمن والحرب دارت رحاها
حرب مالوم الطفل فيها لياشاب =والاّ الهنوف ليا اذهلت عن ظناها
ماهوب طعن سيوف وارماح وحراب =صم الحديد اللي بعيد مداها
تحالفوا في حربهم ضد الارهاب =وحنا تبعنا الحلف على عماها
وأن كان حنا اللي فتحنا لهم باب =واجب على الأمه تصحح خطاها
نوجّه المخطي وناخذ بالأسباب =بأحكام من نزل تبارك وطاه
ياأمة الأسلام في وقت الاحزاب =نارالقهر والغبن يحرق سناها
اليا متى نخشى خنازير وكلاب =وليا متى ترمي علينا بلاها
اليا متى نصبر على حرق الأعصاب =وإلى متى فينا تنفذ هواها
اليا متى نرضى ونخضع بالأرقاب =نطلب رضاها ماكسبنا رضاها
ياأمة الأسلام والعمرلوطاب =تموت الأنفس ماتحقق مناها
للخلق يوم البعث ميزان وحساب =وأرواحنا تبي تلاقي جزاها
حنا خلقنا الله بعقول وألباب =والفرق في نور القلوب وعماها
هم يعبدون أوثان وأزلام وأنصاب = وحنا نعبد الله وحده إلاها
ياأمة الأسلام للظلم مخلاب =منه القلوب المؤمنه زاد داها
دنياً تخاذل مال الأسلام محراب =وماعاد نعرف صبحها من مساها
القدس يسمع صوتها من فالأصلاب =خمسين عام وشربها من دماها
تنخا بصوت الحق والحق ماجاب =وتون يوم الحق خيّب رجاها
ونة قهر دارت على كل الاقطاب =يلج فأركان البسيطه صداها
واليوم يابغداد يادار الأحباب =صرتي ضحية كذبة اللي رواها
على عراق المجد غارات وأسراب =يحرق ثراها لين غيم سماها
تحت الظما والجوع وسلاح الأغراب =تبسط يدين الذل للي سباها
ياأمة الأسلام للرمح مضراب =والنصر للي باعها ماشراها
وللأرض باب وللسماء سبعة ابواب =ولا تعدا أجالنا منتهاها
وأن كان ما نفعل مثل فعل خطاب =عار على الأمه تربي لحاها[/POEM]




الشاعر علي سالم