قصيده مسنده لشاعر لافي الغيداني

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""] راكب اللي فالولايه من تصاميم الخواجه=عنه ورعان العجايز عجزو مايركبونه
جيب لكزز لامشى ثور مع البيدا عجاجه=وان وقف ميقاف شبلٍ مارضى عيش المهونه
كن خشمه خشم ذيبٍ مايجي فيه انعواجه=وكن لونه لون غرنوقٍ يشوق العين لونه
مالمس بديه شريطيٍ يحرج في حراجه=ولاشراه الي يحسب المال ويحسب ديونه
سرحه ياسايقه والراس ماعكر مزاجه=وعقبه دار الصباح الي لهم قدر ومصونه
ولادخلت اديار اخوه نوره يعرف الفخر تاجه=المليك ابن الرجال الي وطنهم يحتمونه
وانتبه لاجيت دخنه معك يالسواق حاجه=حطها في كف لافي راع الطيب وزبونه
حاجةٍ تشرح له الاوضاع قدام انتواجه=تدفن السر الغميق وغيرها مايدفنونه
والهبوب الي تهب الشرق مافيها اندماجه=مع هبوب الغرب لو صار الشبه نفس النمونه
وعد تيماء لو قراحه ماتبدل مع هماجه=كان شفت الناس فوقه كل ليله ياردونه
والعليل الي يذوق المر مايلقى علاجه=في زمانٍ يوجع المعلول ويبين طعونه
والزمان اقفى على الشاوي بعد بيع نعاجه=والبشر مايرحمون المسلم الي مايبونه
وان بغيت العلم نور سراج في وسط الزجاجه=ولايضيع الي يشوف النور ويفتح عيونه
والحذر`تقفل على المزلاج ويصير انزلاجه=وانت شاعر لابدعت القاف ماتجهل لحونه
شاعرِ سندتها يمك ومن ناجاك ناجه=والعوارف من نجح فالمعرفه مايجهلونه[/poem]

كفو يا سعود
صح لسانك
صح لسانك
اسناد شاعر جميل لشاعر جميل
لاعدم

الله الله الله

صحّ لسااانك يا السّمي

إسنتدتها على شاعر كبير ,, وانت كفو ولاهنت

يعطيك العافيه

تحياتي وتقديري

ماعليك زود

وصح بدنك ياسلطان

.
صح لسانك يالدماسي
.
عزّ الله سنّدتها على ضلع
.
قصيدة جزلة من راسٍ جزل
.
إحترآآمي
.

.

صح لسانك يا سعود على هـ القصيده المميزه
ولا تنسى تجيب لنا الرّد

تقديري

سعود بن مشعل

صح بدنك