جرح ومدينةحزن!!

حكاية أمنا حوا وابونا ادم مع الشيطان..
حكايةجنتين وغلطتين وغصن تفاحة!

هنا.. فصل الحكاية واصلها من سالف الازمان
خلل يصعب على الانسان مهما كان اصلاحه!

متى تصحى شعوب وينتصر حلم وتعيش اوطان
متى حقل السنابل يرتمي باحضان فلاحه!!

تئن الريح فا البحر الغزير ويفزع الربان
اذا مال الشراع وضيع المجداف ملاحه

ترجل فارس وطاحت سروج وضاع صوت حصان
عبس وجه الحياه وجـرد الفـارس مـن سلاحـه

اذا صارلك يالعصفور ريش وصار لـك جنحـان
تبي تسخر من الصقر الجريـح وكسـرة جناحـه

عبث حب الخـرز بالمسبحـه والشاعـر الفنـان
تساقط مثل حبـات الخـرز مـن خيـط مسباحـه

فرح وين الفرح والأرض لاصاحـب ولا خـلان
فـرح ويـن الفـرح والنـاس سراقـه ومزاحـه

فـرح علـق مواعيـده علـى شماعـة النسيـان
وأنا المنسـي وراى شماعـة النسيـان وافراحـه

انا من وين ابلقى في زمان الزود والنقصان
صديق يشتري مني تعب ويبيعني راحه