( * رسائل من والى جوالك !! * )

بسم الله الرحمن الرحيم

الاحبه أعضاء ( المرقاب ) هذه فكره جديده
من أحد أعضاءنا المميزين الاخ / محمد البيضاني
وهي عبارة عن متصفح جديد
يحمل من خلاله الابيات او النثريات التي تصلكم على الجوال والتي هي من بدع
من تعرفون او من بدعكم أنتم الى جوالات أخرى ،

محاوره
أبيات تهنئه
أبيات منوعه

ونكرر الاتي : هي من ابداعاتكم او ردودكم على الرسائل
ولايمنع من طرح النثر شريطة وجود الفائده!







ملاحظه : الابيات التي تخالف مسار الموضوع سوف يتم حذفها دون الرجوع الى كاتبها !

حلو حلو

ابيض وجه يابو منصور و ابيض وجه يا محمد
ايه هذي المواضيع اللي تضخ الإبداع ضخ
و تخلي الواحد يلعلع

خذ عندك المناوشه هذي
صارت بيني وبين ابو سعيد " محمد بن شباب القحطاني " حفظه الله و رعاه


المرسل " أنا " :


سلامي على محمد بن سعيد ابن شبّاب ..
ـــــــــ سلام على قدّه و ياصل مواصيله ..
منوّل يكلمني و أعينه فالمرقــــاب ..
ـــــــــ لا منه تباطاني تجيني مراسيـله ..
و هالحين غايب له غياب بدون أسباب ..
ـــــــــ لعل و عسى ماهوب متنيّل بنيله ..


الرد " محمد بن شباب " :


هلا مرحبا ترحيبة ٍ تخطف الألــباب ..
ـــــــــ تنصّى الشريف اللي فرق طيبه بجيله
ابي اجيك و اواصلك لكن يا غـــلاب ..
ـــــــــ ظروف الزمان امعقده كل حلــحيله
و انا في رجا جيّتك و العين صوب الباب ..
ـــــــــ على موعدك لكن ما جا محاصـيله


و سلامتكم

.

جيت لبرنامج شاعر المليون بسجل معهم
وكان رقمي صافق الـ 500 و مدري وش وراها ولا امداني اسجل
المهم إني كنت جالس انا و مطلق بن شويه فالفندق و خلصت ( بطارية ) جوالي
طبعا بطاريتي خربانه يعني الشحن ما يكفيها ثلاث او اربع ساعات
طفى جوالي و ابو عبيد خذته الحميه و قال و الله ان تاخذ بطاريتي

خذيت بطاريته و سافرت و يوم نزلت من الطياره
الا و الرساله تطنطن


المرسل " مطلق بن شوية " :


بطاريتك يا غالب ..
ــــــ الكهرب ما ينفعها ..
آبشتكي وآطالب ..
ــــــ بطاريتي رجعهـا ..



الرد " أنا " :


حط الموجب فالسالب ..
ــــــ وقل للكهربجي بعها ..
وش ترجي لك من طالب ..
ــــــ فاتورته ما يدفعـها ..

و السلام

ياسلامي عليك يامنحنح


بكلم الشباب يرسلون شي مناسب واجيبه لكم


لي عوده يامدير

تسلم يا مديرنا ويسلم محمد على الفكره


ولي عوده ان شاء الله


دمتم

الله عليك يامدير ولا هان (( فكر )) محمد البيضاني و(( تفكيره ))

عاد العلم ومافيه إن جوالي انفصل مؤقتا
واعطاني واحد من العيال شريحة ثانيه
فصار عندي (( جوالين )) فأرسلت لأخوي (( ابوراكان ))
من الرقم الجديد :
[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تلاعب بنا سود الليالي يمين ..شمال=علينا مراكضها مراكيض عجْماني
يجي فالقلوب ارجافٍ وفالعقول هْبال=وتبقى ((يابوراكان)) واحد من اخواني
أخوك (( المسرّي ))كل يومين له جوال=وذا ياعزيزي يعتبر رقمي الثاني
ولا ادري مسرّة حال والا مضرّة حال=ولكن تريد الصدق(مانيب أنا إيّاني))[/poem]

[grade="FF4500 4B0082 0000FF 000000 F4A460"]فأهداني هذا التكريم , يقول :[/grade][poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يدور الزمان ولا يؤثر على الرجال=ولا انت الغشيم اللي بعازه لبرهاني
وفالمعركه مضمون يالفارس الخيّال=يمينك تندّ ايمان طلقين الايماني
ومن لا يشوش لبدعتك جعله السلال=أنا ششت مع طرقك وغنيّت هذاني
هلا مرحبا حيّاك والصدر صف دلال=تقهو الظفر والطيب ياطير حوراني
مكانك مكانك ماتناقص ولا مثقال=برغم الليالي السود وكروب الازماني[/poem]

ياسلاااااااااام يامناحي



ياويش من الرسايل اللي ماودك انه تروح هدر



لكن المكان هذا ان شاءالله انه المكان الاجدر بحفظها




لي عوده


تقبل خالص تحيتي

فكره جيّدة يا بو منصور __ وإن لم تكن مبتكره إلاّ أنها تواكب ( التقدّم التكنولوجي ) في النت !
شكرا للبيضاني محمّد أيضاً ___

باشوف ان لقيت مشاركة تصلح لكم جبتها معي المرة الجايّه

___________ خالص التقدير

_

-مناحي
- البيضاني

شكراً على الفكره الرائعه..
~~~~

هذا صديقي الشاعر/سعيد الحفيتي(بتشوفونه يتألق في شاعر المليون) تذكروا أسمه

المهم سعيد يداوم في (العين) وكان كل اسبوعين تقريباً يطير للبحرين..
ووصلني منه الـ (مسج) التالي:-



[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يـ حسين بن سوده..ابي منك بيتين=بيتين شـــعر افراق/ولا/خيانه

تكفا على الثنتين جر التلاحين=اما خيـــانه او مفــارق/لعانه

يوم أتحزم فيك يـ حسين يـ حسين=لاتكســر الخاطـــر أمانه..أمانه[/poem]

ـــــــــــــــــــ
[align=center]***
الرد/إعادة ارسال[/align]
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حاشاك من عادات بعض المحبين=يستقبل افلانـــه...يودع فــلانه
وأنته في البحرين ولا في العين=لك في قلوب الناس قدر ومكانه
وتصدق أن احسين ماحب للحين=هذا الزمن يسعيد ماهو زمانه
نقط ...نقط....فراغ__مابين(قوسين)=أكمل فطانه صح ولا شطانه..!
وش فايدة (سردال) ماهر وحبلين=لو مالقى الغواص في البحر دانه[/poem]

***

السلام عليكم ورحمة الله

شكرا اخي مناحي على تثبيت الموضوع،

كما اشكر كل من تفاعل مع الموضوع، وهذه مشاركتي الأولى ارجو أن تكون مناسبة

وهذه أيضا أبيات أرسلتها للأخ المرقابي فهد بن خميس النفيعي العتيبي (غشام* اقول فيها

الظاهر انك يافهد صرت وبال
وأول علامات التوبل مغيبك
تتبع هواك بصحصحِ ما به ارسال
نساك اصاحيبك ويمكن حبيبك
محبة البل مشغلة قلبك اشغال
ياعنك حب يافهد ما يعيبك

فرد علي بهذه الأبيات:

البل طرب ياللي تبى راحة البال
يطرب لها قلبك ومالك وجيبك
وان يسر الله قنوها زانت الحال
ومكسبك منها لا عنى لك صحيبك
وانا عليها عاقد آمال وآمال
أضنها عقب القطاعة تجيبك


تحياتي للجميع

فكره حلووه
ولاهنتوا عليها ياحباني ..


دائماً الاجازات اقضيها عند والدتي واخواني الله يحفظهم بالطائف ، والعام الفائت قام أحد العزيزين عليّ
بإرسال هذه الرساله والتى نصهااا :

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
انته علامك يامحمد تغيبت=مدري ظروف الوقت ولا تغلي
ولا من هموم المقادير شيبت=ولا بعيد وعن عفيف متسلي
ولا انت مرمي بأسهم الحب وانصبت=وروحت مع ركب الغرام المولي
خلك تذوق اللي من العام جربت=ويصير لك ياصاحبي ما حصلي
وأنا بعدها عن هوى البيض جنبت= لو إن دلوي بالغرام متدلي
انا تراني عن علومك ترقبت=بالله يامحمد عن الوضع قلي[/poem]


ورديت أنا عليه بهذا النص :

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وافـي عسى مريودك السيل والنبت = يا نسل من هو للخصال متحلي
حالي يسّر وما تمنيت وأحببت =من مسجدي للبيت صائم وأصلي
لا شغل شاغلني ولا عشق واكبت= مقفي ولو جاء للغنادير تلي
من شان فعلٍ يرضي الرب غربّت= لأم القرى عمره وسندّت كلي
للوالدين حقوق ويداي تبّت= لاصرت عنهم دالهٍن ومتخلي
والا انت ياشوق الخراعيب ماتبت= ودّك ولا ودّك بنجمٍ مطلي[/poem]
وسلامتكم ،،،

فكره اكثر من رائعه واخذو عندكم المشاركه هاذي

في يوم من الايام وانا مداوم قال لي احد الزملاء فيه شخص مريض مصاب بسرطان الدم يحتاج للتبرع
ورحت معه وكان هذا الشخص يماني الجنسيه ويتعالج في مسشفى حكومي ولانه اجنبي يتعالج على حسابه المهم قالو لنا فالمستشفى ان فاتورة علاجه وصلت ل120000 ريال و ليني ماذكر الا واحد من الربع قلت اذنه يجيب له امر علاج

ارسلت عليه البويتات هذي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامدورين الخير فضل الله كبير = الحسنه الوحده بعشر امثالها
احدن سلم واحدن مرقد فالسرير = هاذي هي الدنيا وهاذى حالها
وبعد انفتح لك ياربيع باب خير = النار من شبابها والخيل من خيالها[/poem]

ورد على يقول



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابواب فضل الله فالدنيا كثر = وناسن تحب الخير ترخص مالها
وهاذي هي الدنيا فلكها يستدير = احدن وقع فالبير واحدن جالها
وللخير نبذل والله الوالي قدير = يسهل الصعبه ويمشي حالها[/poem]

وفالختام اسئل الله ان يجعل ماقدم في موازين حسناته ويشفي اخونا المريض

وسلمتو

شكرا للجميع على التفاعل الرائع


وهذه أبيات أرسلتها لأخي العزيز الشاعر الاستاذ بندر بن سعود الشمري: (فصيح)

ألا أيها القاسي علينا وما تدري
كأنك تغتال السعادة في صدري
كأنك لا تعلـم مقامـك عندنـا
ستقتلني إن قلت : والله لا أدري
ألا إنني من فرط حبي لصاحبي
دعوت بأن القاه ، في ليلة القدر
لحا الله أقواما يلوموننـي بـه
وما يعلم العذال عنه وما يدري


فرد بندر بقوله :


أيا بث جوالي أحيطك من أمري
نسائم أيام يحـن لهـا صـدري
تولت كأن لم نحتسي فرحا بهـا
سويا ، ولم نحسب لحادثة الدهر
على إنني باقٍ على ما عهدتنـي
كأن فراق يا صديقي لـم يجـر

[align=center]حلو حلو


قبل ثلاث سنين الله المستعان ارسلت لحبيبي الدب الداشر محمد السبيعي ابيات ورد علي :
اقول :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامحمد... لاتطنشني ....! تراني=من طنشك ازريت والكبد معلولة
ذا جزايه ... يوم اعدك من اخواني=ماتقول الصد هذا... ويش هو له؟
يامحمد...طبعي اشري من شراني=و لا اطرد المقفي ليا قفت ذلوله
اشهد ان صدتك ذي هزت كياني=وانت لك كل الغلا عرضه وطوله
كان صدك ذا...زعل حقي وجاني=وكان غيره...كل عقدة ومحلوله[/poem]
رد علي :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابن صامل ماطنشتك لا ولاني=كارهٍ خوتك والله لايقوله
ان منعني عنك ظرفي او حداني=اعلم ان لك في حنايا القلب دولة
واتصالك يوم ياناصر لفاني=جاء بوقته مير انا ماكنت حوله
هذا عذري وانت يا سهيل اليماني=حقك انك ترفض وحقك قبوله
مير والله مانسيتك لو ثواني=لان مثلك صعب انساه بسهوله[/poem][/align]

اما عمي غالب فياكثر ماصار بيني وبينه ودايم يهاوشني


ارسلت له :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
محبوبتي دكتورة=في مستشفى الودياني
مصريه اسمها نورة=فعيادة الاسناني[/poem]

ورد علي :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
جاهد في تورا بورة=والا رح للشيشاني
والمصرية المذكورة=بتروح لواحد ثاني[/poem]


وهدم في داخلي قصة حب كانت في بدايتها وابشركم مالعب في اسناني الا هالمصرية كنت كل يوم مسنتر عندها وفاق كشرتي وانا مافي الا العافية

رساله عزيزه من الاخ مذكر فلاح العصيمي
وقتها كنت في مكه المكرمه ،


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياخوك يا مشخص طوى الحال طاوي=طي الرشا من مبعدات المجاذيب
قلبي على بعض الدروب انتحاوي=ويردني سلم القبايل عن العيب
لاتلومني يا اخوك قلبي هواوي=وراع الهوى يحضربه الفكر ويغيب
العين فيها من عيون النداوي=حر تعلا بعاليات المراقيب
فزعتك يا مشكاي خلها عزاوي=معاد ينفع مع ابوها مطاليب
ابيك يا مشخص بجنبي فداوي=في ليلة يعوي بها عاوي الذيب
ابنهبه وازبن ديار الملاوي=ويحلها الحلال لا وردّ الشيب
وان كان عندك حل هات الفتاوي=في حرب والا سلم ماعنك تجنيب
واقولك مشكور راعي نخاوي=والكم مثلها يا عطيب المضاريب
وان كانها ضاعت جميع الهقاوي=ياسليم ماضني تضيع المواجيب[/poem]



فجاء الرد بهذه الابيات :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حيّ الكتاب اللي من الشرق ضاوي=حيه وحي اللي يدز المكاتيب
مرسال من حرٍ على الصيد قاوي=كساب طيب ومن رجالٍ كواسيب
يشكي غرام اللي تحط الغطاوي=رعبوبةٍ ماهي بمثل الرعابيب
والحب ماعيب بخيت العطاوي=ولاعاب ابوشلفى المسمى تراحيب
لكن مدام انك شفوقٍ مهاوي=عليك باللي يقطع الشك والريب
خذني معك طلاب خير ولفاوي=أمّا على بي ام والا على جيب
أضن ابوها عاد يرحم وياوي=يامر بها كانه ومر عالم الغيب
بالصبر يا مذكر تحوش المناوي=ما تنوخذ بالعفرته والمشاعيب
وأبشر ليا وافق ببشتٍ حساوي=ماعنه لاصده ولاعنه تجنيب
يختاره اللي خبرته فالعباوي=حيث ان تفصيله على خير ترتيب[/poem]





وعفاكم

ماشاء الله علاااااكم يامناحي أنت وأبوسعود !


وعز الله موضوع فل ابشن ..


همار اصبروا عليّ لان أوريكم فعائل ناسٍ واجد فيّ عبر الرسائل الهاتفيه ، على سبيل المثال ابن يحيى الأحمري ، الله لايوريكــم !




انتظروووووا

مناحي .. مشكور على هالموضوع المتميز وعلى هالفكرة يا ابو الافكار .

المشاركة هي عباره عن بيتين طريفه جداً وصلتني من اخوي ( بن معروف السبيعي ) على اثر موضوع كان بيننا في الليلة اللي قبلها .. ويقول فيها ..

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مخزن عزومك ما يفضيه الكريك = وانا عزومي ما تجي ربع تنكه
تمسك هواك إليا انفلت مسك البريك = وانا هواي إليا تفلّت ما امسكه[/poem]


ورديت اقول ..

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لن عودت للعزم ابيعك واشتريك = وانت التتن ماأنته بقادر تتركه
وان عودت للطيب ما القى لك شريك = احسن سبيعي عندنا فالمملكة[/poem]
هذا ما اردت المشاركة به في هذا الموضوع الجميل .

تحياتي للجميع

فكره طيبه وهذي مشاركتي معكم



ياعيد بن محماس ماجاك عساس=يجيب علم السيل بيات ديره
جاع الحلال وحده الله على الناس=وخاف يقضي من اركون الجزيره
راح النصي ولحمض ولرمث يباس=وللعرفجه معاد تاجد بذيره


(رد عيديقول)

ابشربذكر السيل يطيب الساس =قبل ثلاث ايام مسقي سميره
ماعاد للبدوان في نجد مجلاس=كل يبا يمشي وياطالزبيره
لوطالت الفرجه وطال الارماس=يمشون في شف البكار النظيره

هذي مره ارسلت لعمي الشاعر المرقابي : هادي بن شنيف هذا اللغز :-



أو قلت ..

ألا يالشيخ أبوسلمان هاك اللغز هات الحل

========وش اللي منسدح في حيد بيتك حالته سيه


أشوفك ماسكه بذنه وبيدينك تتله تل
============ياما قدّمته شويه ياما وخّرته شويه



رد أبوسلمان :-

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ألا ياعبدربه هاك حل اللغز واخذ وخل=وأنا ممنون دام إنه على الروحات والجيه
ليا حانت صلاة الفجر قمت وقلت له قم صل=على نارٍ توقّد مايجيه البرد في فيه
تحضنها قوي الحيل لايضحك ولا يزعل=مثل مجنون ليلى مجلدٍ له فوق جنيّه ![/poem]


..

هاثم ماعاد أبرمت بالجابه !

أبكـم أنتم وراكم موّتوا المااااضوع


يعني محد يرسـل على أحــد ؟

آجالي! عطونا من الماسنجر ..





هذي من ضمن اللكمات التي اتلقاها بين حين وآخر من ابن يحيى الأحمري

ارسلت علااااه بعد ما خذ له عني مـــــــــده وكتبت :


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الأحمري في تالي الوقت مدري وش بلاه=لابعث يمي رساله ولاسولف معي
وإن نساني صاحبي واغتنى ويش السواه=وهو لاناقص ثقافه ولاناقص وعي![/poem]


ورد :

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الأحمري في تالي الوقت ماينسى اخوياه=عارف أصحاب الزراعه من أصحاب الرعي
وأنت ركنٍ مالنا عنه في الدنيا غناه=منت تبلش لانشدتك عن أشواط السعي ! [/poem]

فكره رائعة جدا

وصراحة مشاركات الاخوان غاية في الروعة




شكرا على الفكرة



وشكرا للمشاركين


سلام