الكنس

[align=center]السلام عليكم ورحمة الله وبركاته.
الحقيقه اني اشتقت للمرقاب واهله لاكن كانت الضروف تمنعني من التواصل
وفرضت علي الانقطاع الطويل وليس الدائم .
اصافح اياديكم بعد طول الغياب بهذه الابيات وهي من ضمن القصائد اللتي قيلت
في سيدي صاحب السمو الملكي الامير مشعل بن سعود بن عبدالعزيز ال سعود
امير منطقة نجران اطال الله في عمره.
وذالك عندما رعى سموه حفل سباق الهجن بمحافظة شروره.
لا اطيل اليكم الابيات.


يامرحبا ياسـيدي مـنبع الجود
ياراعي النـخوه وراع الحميه

يامرحبا ياسيدي مشعل سـعود
ياللي عـلاوي عزوتك وايليـه

ياللي شذى سمعتك مثل ازرق العود
والعود ريحه ماش فالطيب زيـه

وخذ الكلام اللي على ساس وبنود
الصدق اقوله عادتي لـو عـليه

احكي بشياً صار لنقص ولا ازود
الزود نقص ليا دخل فـي قضيه

انـا ليا شـفتك وناظرك مشدود
اخـاف اطـاوع منطق الشاعريه

اركـد الكـلـمه ليـا قلت بركود
تـركـيد كيفاً صـب من شاذليه

من شان ماتلقى على الهرج منقود
ويصير مـنطوقي علـى الفك كيه

يـامير يـاطيار يـاقايد احشود
ياللـي بذلت الروح لرضك هديه

بـوقـفتك مثلت فريس ال اسعود
في هيتاً مـامـثلها صـار هـيه

لاكـن مهو من فوق فباً ولا كود
مـن فـوق مـيراجاً لها حندويه

اليا هـوت منها صواريخ الاسكود
يصـبح عــدو الدين في مهمهيه

للمـوت حاضاً مير ماهوب مارود
وانتـه وردت وشـعلت النار حيه

امـير وقـت السـلم ونثار بـارود
كـمـلت رسـمي ولتحقت بسريه

تـقول حـكام الوطـن دونه جنود
وتسـمع طبول المـعتدي سامريه

من الشجاعه والصطر زدت وتزود
والله يـزيـدك يـازبـون الونيه

يـاسـيدي لشعر واصحابه احشود
وكـلـن يـريد لمـنطقه قـابليه

هـذا لـه الـقـابل وهذاك مردود
وهـذاك لا هـذي ولا نـال ذيـه

وانـا ليـا ماصرت فالسبر موجود
انـزل اشـدادي وهـج المـطـيه

لابـوه شـعراً مايـرد فوق قرهود
ويـداعب اســموع الرجال برويه

يـامير مـاض اجدادنا شبه مفقود
ولـولا جـهدكـم مـابقالـه بقيه

يسفي على الموروث سافاً مع النود
يـخأفـي مـراسـيم الليال الخليه

وانـتم تـلاحـقتوه بـدراك وجهود
ولـه صـنـعـتو سـمعتاً عالميه

يـاسـيدي شف بالنظر كنس الكود
ال الـوسـط منـهن تجي مذايريه

سـوات سـرحياً عن الفرز مردود
تـاكلـه الشـاوي بـربع اعـدنيه

لـن قـلت ريميه ولـن قلت فدفود
هـذي عـمـانيه وذي صــيعريه

لـوهـن حكن كلن تقل عندي الزود
مـتنفرق هـاذي عن اوصاف ذيـه

انـحـورهـن فجاً وهن فتل اعضود
وامـا القـطي مـتفـاهـقاتاً شويه

يقسـم قرى الوحده على ثنين وتزود
تصـبر علـى حـلو الزمـان ورديه

فـاطرهـن الهجفى تجي مثل مفرود
فـالسـبق مــاهو فالحلا الخارجيه

عـيرات بطبوع اجمل البيض فالخود
مـال الـعصـاء بـخروجهنه لويه

وفالوصف غيري قال حـماد وحمود
وانـا وصــفت بعد فــكر ورويه

وارجـع وقـول لسيدي مشعل سعود
الـلـي عـلاوي عـزوتـه وايليه

يـامـرحبـا يـاسيدي منبع الجود
يـاراعـي النـخوه وراع الحـميه[/align]
كلمات/غانم القاضي

الله الله

صح لسااااااااانك



لاهنت

تحيااااااااتي

صح لسانك

يالقاضي


والامير مشعل يستاهل المدح وكثر

قلت واجدت في من يستحق



تقبل سلامي
:

صح لسانك يالقاضي

قصيده وافيه

وصاحب السمو الملكي الامير مشعل بن سعود بن عبدالعزيز ال سعود يستاهل

لك مني فائق الاحترام والتقدير تحياتي

صح لسانك يا غانم

ويستاهل الامير مشعل بن سعود

تقبل ودي

مرحبا بعودتك

وصح لسانك ياغانم

صح لسانك وبيض الله وجهك



انت كفو ولا قصرت




سجل اجابي الشديد

لاهنت ياغانم

قصيده ولااروع

شكرا على هذه الجزاله
وعلى الشاعريه المتدفقه

والامير/ مشعل بن سعود
يستاهل

كفو يالقاضي

وصح لسانك ملايين

مرحبا والله ومسهلا يا غانم

والله يحييك

منوّر المرقاب


قصيدة في من يستحقونها

صح لسانك وسلمت ،


..