ديوان الشاعر الكبير / (......)

إليكم ديوان الشاعر الكبير / سعد الحريّص

وهو من تجميع وتنسيق اخي / عبدالله الرخيمي

فله الشكر على مجهوده







مقدمه :






هو من قال في لقاء صحفي اخير له بعد طول الغياب :

* أحيانا ينجح الشاعر لأنه أهبل

* الاعلام والزمن وذائقة الجمهور السيئه غيروا مزاج الشعر !!

* الساحه الشعريه تغير جلدها كالافعى

* في زمننا لم تكن هناك فلوس.. بل كانت هناك احاسيس






هو الشاعر الاقرب لاحساس وقلوب الناس شعراًً ( سعد الحريص )
الشاعر الذي كلما اشتقنا للشعر الاصيل عدنا لقصائده وكأننا نعود الى ذواتنا
ونصالح أحاسيسنا ونعيش أحلى ليالينا , بشهقة شعريه منه , بهمسه ابداعيه منه سرت بأجسادنا ونحن نقراله ..







قيل للامير بدر بن عبدالمحسن لو طلب منـك أن تحـيي أمسيـه في دولة الكويت ..

من تخـتار معـك من الشعـراء .. ومـن المعـروف عن الشـاعر :: الأميـر بدر بن عبـد المحسـن لا يحيي أمسيـه إلا لوحده ..

فقـال : الشـاعر الأمير بدر بن عبدالمحسن أحيي الأمسيـه لوحـدي ..

و إذا كـان لابـد من وجـود شـاعر معـي في نفـس الأمسيـه فلن يكـون إلا (( سعـد الحريـّص )) ..

*
*

شاعرنا :
هو سعد الحريص شاعر شغل الساحه الشعبيه من دخوله لها حتى
ابتعاده عنها شاعر متمكن من المفرده
صادق في تعبيره
كلماته يصورها لترى وضوح موقفه
لله دره فيما ترك لنا من قصائد
اذهل الشعراء قبل الجمهور
فهو شاعر شعراء
وشاعر جمهور

*
*

صحيح اني لم اقدمه ولن اقدمه كما ينبغي
لكن ساجعل ابياته تقدمه
لكم ولي انا
عند حضوره لساحه أكد انه غير كل الشعراء
عندما قال :

انا ما جيت اعدل منعوج جيت اعوج المعدول ؟؟
.............. واشب النار بطراف القصايد .. واشهر سيـوفي

وبلغ في قمة صدقه وطيب نيته في بيته الذي قال :

ومن راح مني قـلت يا عله مصيب
.............دورت له عذر(ن) كريم وعذرته
وعند العزه يرتفع شاعرنا الي قمتها ويقول :

و لوهي عليه عزيز النفس مـن صغـري
ماشاور القلب في كرهـي لعدواني


لم يبقى لي الا كلمة لله دره من شاعر
لكم قصائده

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]على حد الكلام وممتلي صدري مطر وسيـــول= وقفت ولا معي غير الورق في صدقي وخوفي

وقفت وقلت اقول ؟ وكل ما فيني صرخ بي قـــول=وانا وإن جيت اقول اللي ابقوله بحرث حتوفي

ابكتب لي قصيدة لا ظلال ولا لها جرة ولا مدلول=واخاف من الكلام يخونني واخاف لو يوفي

ابرسم في الرمال الناعمه خطوه بدون إرجول=تسولف للهبايب عن ذهاب العمر ونكوفي

زماني يزرع في عيني دموع ولا جنى المحصول=أحسبنّي بكيته والحصى والرمل مذروفي

ضميت ومد لي بعض السراب بكفه المشلـــول=ورويت من العطش وأثر الجفاف يبلل طروفي

ندهني في عيوني من مهف الشمس صوت وزول=على حد النظر خيايلتهم لين انحنى شوفي

وهبّت من شمال وقلت هذا بردها مرســـول=وحطبت من الضلوع وقمت اشب النار لضيوفي

هلا باللي لفاني من ورى دربي من المجهول= ابغنّي واطرد النسيان الأسود واضرب دفوفي

في قلبي صمت ليل وخوف خطوة وارتعاش حجول=في قلبي ضحكها وأنفاسها ودموع معروفي

في قلبي دبك خيل وهمهمة فرسانها وطبـــول=في قلبي برد ليلة وصفها ما يمدي وصوفي

بدا (.....) على اطراف الليالي والحديث يطول=وهي في عمرها ليله قمرها يوجع حروفي

هي من خوفها ذاب الكلام في ريقها المعسول=وانا اجمّع كلامي وارفع اللي طاح بكفوفي

ومرّينا على البيت القديم وبابها مقفــــول=انا والليل وجروح السنين وطوّل وقوفي

روت عيني من غيوم الظلام ونورها المقتول=وانا وإن قمت ابسند شمسها طاحت بها كتوفي

رقيت اطول همومي لين شفته بالحشا مذلول=وابرقا لا دريت ان السما تتشوّق لنوفي

وفي ارض المحال الممحله ما ينبت المعقول=وانا راعي مشاعر والهموم تنام في جوفي

انا ما جيت ابعدل منعوج جيت اعوج المعدول=واشب النار بأطراف القصايد واشهر سيوفي

الا يا جرح يا جرح القصيدة والظما مبلول=عجز فيك الكلام وكذبتي ما تستر حلوفي[/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وينك نحل صوتي من الحزن والصمت=يا ضحكـة الدنيـا وضحـك الليالـي

باسمك بكى صوتي وباسمك تبسّمـت=للي بقـى للحـب منـك وبقـى لـي

شفني على كثر الجفـا مـا تعلّمـت=لـو مـا ورا فرقـاك هـذا وصالـي

شفني ذكرتك همت بك كثر ما همـت=ما ضاق بك قلبـي ولا ضـاق بالـي

عن كل عين ما لها دمعتـك صمـت=ياعيد قلبـي حاجبـك هـو هلالـي

انا حرمنـي منـك وقتـي وحرّمـت=عقبك اعشق عيونهـن يـا حلالـي [/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنادي لك وأنا لو تاقف جروحي علـى الأبـواب=أبسهـر مـع سوالفنـا وابنسـى بالسهـر ليلـك

أنا مليت عذري واعـذري يـا أجمـل الأحبـاب=تعـب دمعـي ينـادي للبكـا ويــرد منديـلـك

ذكرتك والحشا نصفه عرب ساحل ونصف أعراب=تماكنت المراكب قلـت أببحـر وامكنـت خيلـك

هنيّك يا الصحاري وإن ضميتي ما يموت تـراب=هنيّك لو يموت الطيـن مـا هـد الظمـا حيلـك

هنيّك يا السحايب وإن بكيتي ما لحقـك عتـاب=وأنا للدمـع فينـي مثـل لـلأرض فـي سيلـك

أحبك والسما تمطر أحبـك والجـروح أعشـاب=أحبك يا سحابـة روّحـت والأرض تبكـي لـك[/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا حلو صوتك يجي دايم حزين وصدوق=يسكن به البرد ويبلل ثيابه بكاك

مليان بالود واحساس الحبيب الشفوق=حنون من أول عيونك لآخر مداك

مليت ظلما الفراق وكان صوتك شروق=يا شين بعدك ويا كثر الجفا في جفاك

بيني وبينك تعب بيني وبينك فروق=دونك مشاويري البيضا وحزني وراك

إن طوّلت في عيوني ممحلات البروق=والله لأضحك رضا لو ما اضحكت لي سماك

ظماي يترك على صدر الليالي حروق=وإلا انت تظما ويا برد الظما في ظماك

شحيح انا فيك لو جفت في دمي عروق=اشح في ماك وزروعك واشح بحصاك

اقول ابشرب وشحي فيك عيا يذوق=مرارة النفس فيني ما غواها غلاك

هذا قصيدي بكف الريح ما له حقوق=يا ما ويا ما اخذ مني ويا ما عطاك

والله لو هو بكره النفس لألحق لحوق=لكنه أنهى حياة الحزن حين ابتداك[/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بعد عامين جيـت وصوتـك حطـام=كنـك اللـي يذكـرنـي بـروحـي

شدّ عنك البحر يـا شـط الأوهـام=وألف ساحل يرحـب فـي نزوحـي

إنكسر حلـم!! لكـن تجبـر أحـلام=لا أنت موتي ولا أنت أقصى طموحي

كنت للقلب.. صرت لحبـر الأقـلام=صرت للناس, وأوراقي , وبوحـي

سكـر الليـل كنـت وملـح الأيـام=صرت حزني, وتنهيـدي, ونوحـي

سافر الورد.. من صيف أول العـام=مثل مـا سافـرت منـك جروحـي

مـال صوتـي إذا راودنـي لجـام=مـال هـذا الفضـا.. إلا جموحـي

يا النـوارس وصوتـك ملـح وألام=البحر راح عـن شاطيـه روحـي [/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حزين مثلي وأنا مثلك حزين وغريـب=لاياعسى شمس من مثلك ماهي غاربه

الدرب واحد وأحس انك بعيد وقريـب=بعيد قلبـك لـو الخطـوات متقاربـه

ما قلت لي شي لكن كان صمتك رهيب=وكان بعيونك كلام أقـراه وأحتاربـه

لوقلت لي والله ليعثرردي النفس طيب=تركت لك هاالجمل حبله على غاربـه

ياذيـب يـا بـارز النابيـن يـاذيـب=الطير حول على صيدك وثـم طاربـه

ماهوب ذنب الليالي والزمن ياعريـب=هذا زمـان بـه المستعربـه عاربـه

هذا زمان به الهقـوات دايـم تخيـب=وشلون لاصارت الهقوات متضاربـه

من لانفعته وهو عندك كريم وحبيـب=كرهك إذا دارت الدنيا ماهو ضاربـه

شيقول مثلي ليا ضاق الكلام الرحيـب=في لحيته لاسكت وإن قال في شاربـه [/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هبت جنوب وطاح برد المكاتيب=ويا كثر ما هب الجنوب وذكرته

يملا حضوره من حضوري وانا اغيب=وياما غيابي في غيابه حضرته

انا جا مطر صارت له اضلوعي اشعيب=وان راح ريح(ن) طير اللي بذرته

طال السكوت ومال صمتي مطاليب=غير الكلام اللي وقف وانتظرته

جنبت لو مالي عن الدمع تجنيب=من وين ما صديت فيني شعرته

واصمتي اللي صار فعيونهم عيب=واجرحي اللي لو فضحني سترته

لي صاحب(ن) يملا كفوفه تراحيب=لولا الحيا من ضحكته ما اعتبرته

يا صاحبي ماهي عليا مقاضيب=عذروبي انك ذخري اللي ذخرته

عذروبك انك شوهتك الاكاذيب=عذروبك انك جاك طيب ونكرته

ان جيتني بفراق زود العذاريب=لاجيك انا من زود صبر صبرتــه

للطير جنحان وريش ومخاليب=لكن يضيع صيدته في غبرته

ومن جزم نفسي يوم صار الردى طيب=حلمي قبل لا يكسرونه كسرته

ومن راح مني قـلت يا عله مصيب=دورت له عذر(ن) كريم وعذرته

للي يبي بعدي انا ماني قريب =اما ربحني ولاانا مـاخسـرتـه

قلبي خويي مالقلبي معازيب=واللي حقرني من رداه احتقرته

رغم الجروح اللي بقلبي معاطيب=حبيت كفين الزمــان وشكــرته [/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مريت فينا ليلة مالها وصف =في وصفها ضاقت علي العبارة

رحبه جميله ناعمه جوها ترف =مثلك حبيبي واسعدتني الزياره

فعيونك التحنان وفقلبك العطف =رغم السنين وفي سلامك حراره

نظرتك حب وبسمتك كلها لطف =يلوق لك ثوب البها والطهاره

من جرحك الأول إلى جرحك الألف =قصيدتي بين الألم والمراره

واللي كتب فرقاك ما جاز لي حرف =عقبك ولا قلت افدحي يا خساره

اقول في نفسي ورجلي على جرف =إما عمار القلب والا دماره

لا طاب لك جرح ولا منقطع نزف =والوقت مر وحان رفع الستاره [/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]غابت الشمس وإلا الحزن له مغربه =وين أبغرب وأنا حزني غروبه ثقيل

مجدبه ياجروحي والسماء معشبه =ساكنه والهوى ميل جريد النخيل

بارده ياحروفي والدفاء موهبه =بارده مثل برد الخوف والمستحيل

صوتٍ أبعيد في قلبي ياليت أقربه=وبين قلبي ومابيني طريقٍ طويل

ليت حزني مثل حزن البشر وأكتبه =وليت دمعي مثل دمع العيون ويسيل

أشهد أني ردي حظ وردي تجربه =وأشهد أني على بعض المشاعر بخيل

أيه مذنب في هالدنيا وهي مذنبه =من دفا حلمي الطيب لبرد الرحيل

عذري اللي متعبنّي وأنا متعبه =مال قلبي على بعض الهقاوي دليل

كل طيرٍ له اللي بالسماء يجذبه =وكل غصنٍ تجوز له الهبايب يميل

صرت أقول الكلام المر وأستعذبه =صرت أخاف الدفاء لوني وحيدٍ نحيل

كم صبرت وليال الصبر مستغربه =لين قلة حلاة الصبر لو هو جميل

الزمن صعب والنسيان يامصعبه =والدفاتر نشيّلها الهموم وتشيل [/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياحادي الركب لا تنطح هجير الشموس=و أحجب ظما البيد عن ماها و عن عيسها

كل ٍ على قد فهمه و الليالي دروس =و هل الحجا تفهم الدنيا و تدريسها

و الشجره اللي علت في جذعها نخر سوس=لو تصبر الريح عنها كان ما جيسها

ابقطع الصمت في صوت ٍ كما حد موس=و أقرع طبول الوفا و أضرب مراويسها

ما كانت الحرب إلا حرب روم و مجوس=و إلا أرضها يعربيها في تضاريسها

في قدومها تفتن الأنظار مثل العروس=و عجوز شمطى إذا أقفت في هداريسها

ليا قبست قل طالبها و طاب الجلوس=لو قلت يا كثرهم فينا معاريسها

ماهي بداحس و غبراهم و حرب البسوس =جحافل الروم تزمي في كراديسها

أقول وجه الزمن باكر علينا عبوس=والله يكذب فزع نفسي و أحاسيسها [/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]العذر مكتوب لاصـار الخطـاء مقـري =آسف على ضحكتي وآسف على احزاني

خطـاي معـذور والا غلطتـي عـذري =و مرارة العذر فـي قلبـي وفـي لسانـي

مدري وش اللي ذكرت وضاق به صدري=مـدري وش اللـي نسيـت ولاتنسانـي

لبست انا ثـوب لاطولـي ولا قصـري =ياطيبـه القلـب ويـن القلـب ودانــي

سنتين من عمرها مـرت ومـن عمـري =سنتيـن احـس الزمـن فيهـا تعـدانـي

سنتين مرت حياتـي مـن ورا ظهـري =والحب سجنـي ومسجونـي وسجانـي

والشعر مطرود من قلبي ومـن فكـري =سنتين ماني ب انـا مانـي باحـد ثانـي

غنيـت للنـاس والدنيـاء علـى خبـري =والشعر في دفتـري مغـرور وانسانـي

غنيـت للحـب يـوم عيونهـا تـغـري =يوم الوفـاء والكـلام الطيـب الحانـي

غنيـت للدمـع يوم(ن) البكـى كـبـري =واليوم انا اكبر من دموعـي وحرمانـي

اليوم ماعاد يمـدي اللـي جـرح يبـري =مليـت كثـرت خطاياهـم وغفـرانـي

مليت انا الشعر مل الشعر مـن شعـري =مليت انا الحـب مـل الحـب وجدانـي

و لو هي عليه عزيز النفس مـن صغـري =ما اشاور القلـب فـي كرهـي لعدوانـي

ان رحت ياكثرهـم وان جيـت ياكثـري =ضاقت بي عيونهم لـو كنـت وحدانـي

تعبت وازريـت مامليـت مـن صبـري =ليـت الـذي راح منـي كثـر ماجانـي

احيان ودي اطيـح مـن التعـب وازري =و تشيلنـي عـزتـي وسـلـوم جـدانـي [/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]صحيح أحبك وأنت والله تنحب=لكن هذاك احرق فؤادي وأذابه

وش غيّر الدنيا وهي جدّها لعب=وبدّل بشمس الضحك ليل الكآبه ؟

لا اقبل عليّ بضحكةٍ تسرق اللب=فتحت له قلبي وشرّعت بابه

مشي السحابه لا تريّث ولا خب=سبحان من خلّى النقيض يتشابه

لا والذي غيره حشا ما لنا رب=كنها مشى والأرض تحته سحابه

لو ما تثنــّى ما دريت الهوى هب=ترفٍ يميّله الغنج والذرابه

تفاح فتنه في محيّاه وعنب=أجوع له واضما ضماه وشرابه

لي عضّ عنّابه وجمر الغضى شبّ=في شفّته قلب البعيد اكتوى به

عين اشقرٍ ما طار صيده ولا طب=ضاقت عليه من الرعاب الرحابه

حرٍ يذبّ الصيد من مخلبه ذب=في نظرته عز وجمال ومهابه

إليا شلع كنّه حجر والسما جب=يهوي بها كن الصعود انجذابه

والليل كنّ الليل في شعر يصبّ=شلال من فوق المتون انسكابه

والكلمه اللي بالهوى ما لها طب=لا انت بسما حبه ولا في ترابه [/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هذا طريقي واعرف انه طريقك وجيت=وانتي بعيدة وانا عوّدت قبل السلام

لو التعب في طريقك كثر ماني مشيت=ما رحت راجيك لو جيتك ومالي مرام

لو ما دريتي انا يكفيني اني دريت=احيان ما يشعر القايل بطعم الكلام

لك مني انساك وانهيها وانا ما بديت=ما احد يشيل بعيونه نور يم الظلام

كان الجفا جرح بيشيب الزمن ما شفيت=ما طاب جرحي ولو مني يطيب الغرام

كان الجفا صح ما اخطيتي وانا ما خطيت=ما هو بسلم العرب عيبه ولا هو حرام

كاني لقيت بعيون الليل دمع وبكيت=مصيري ألقى ورى حبك عيوني وانام
[/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]في طريقك تحريت المواعيد =من يقول الهوى مابه كلافه ؟

كم لشوقي وانا انادي واعيد =انت عفت الوعد .. ولاَ تخافه ؟

لا تــلحق عتب عيني مناقيد =ولا تلحق ندم قلبي حسافه

حس بي .. منت عن تنهيدي بعيد =من متى وانت تحسب هالمسافه ؟

من بعادك امتلى صوتي تجاعيد =وزاد قلبي من الفرقا نحافه

زف صوتك على سمعي تراديد =من يحبك يخاف إنك تعافه[/POEM].

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وحيد أنا في الطريق اللي يغربنـي=وحيد حتي من النسيـان وظلالـي

يابنت وش لي بقـرب ٍ مايقربنـي=القرب قرب القلوب وبعدي اشوالـي

الصمت موحش وأنا شاعر ويرعبني=والصمت مثل الوطا ماهو بمنزالـي

أنا ابتدعت الكـلام اللـي يعذبنـي=ولونت ضحك القلوب بلون غربالي

وأنا لبست السكوت اللـي يناسبنـي=وجها الكلام وسكت في عيون عذالي

دام الغيـاب أفـغيابـي مايغربنـي=عنك وأنا أزريت لاغيبك عن بالـي

تركت خلفي قلوب النـاس ترقبنـي=تركت أنا كل شي وجيتـك لحالـي [/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بالله ياراعي المناقيد .. دعني=مانيب تاجر والقصايد بضاعه

حرام اعوَد واتبع اللي.. تبعني =وحرام اقول ازريت عقب استطاعه

سكت لين اونست صمتي وجعني=جمال شعري زاد صمتي بشاعه

والشر سيف(ن) ماقطعته .. قطعني =والخير في قلبي شعور وقناعه

والطيش ياما للمكاسب .. دفعني =والصبر في بعض المواقف دناعه

وان قلت..انا باقول ..واقول واعني =بالقول طلت اللي يعسر الشجاعه

انا نفعت الشعر لو.. مانفعني =ماخلف هذا الجوع غير المجاعه

شعري شعوري صانعه ماصنعني =الشعر عندي روح قبل الصناعه

عندي تساوى مدحهم لي ولعني =جمع(ن) عسى مايجتمع له جماعه

كان النسب عن الردا .. مارفعني =ساويت في طيب النسب والوضاعه

وان كان قلب اللي احبه.. وسعني =ماهمني ضيق الزمن واتساعه[/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حبيبي لا تعاتبني كفى ليل الجروح عتاب = كفاني منك دمعٍ لو بكيته طاحت عيوني

أحبك صدق وإن كذّبتني يا مكذبي كذّاب=وألا يا ما اصدقه كذب ٍ حملته وأثقل متوني

حبيبي أنت عمري يا حبيبي والهوى غلاب=أنا هبّت هبايب لا وراي ولا بعد دوني

حبيبي كانت الفرقا بحر قلت السنين أخشاب=تجوّدت بطرفها قلت أبنسى العقل وجنوني

حبيبي كنت رجمٍ في حشاي وصرت لي مرقاب=أغني بك حروفي وأنت وحروفي تغنّوني[/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جيت هارب تطاردني الهجوس.=وكل شيٍّ جميل ٍ كبّـني

يا حبيبي وانا خوفي ضروس=أطو رمشك علي وخبّـني

ريح عينك ملت عيني طعوس=والبكا في حشاك يصبّـني

كم تعذبت في فهم النفوس=من كرهني يقول يحبّـني

وكم حلمٍ تغربله الهجوس=وانت حلمٍ طفى ثم شبّـني[/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مااقول انا غير لكني اقول ان ذهبت =يتذكر الحب في النسيان من غاب له

تفرق الغيم عن راسي وانا ماشربت =مابل قلبي بماه ولاارتوى وابله

قد شدني لمع برقه بالسما وانجذبت =ظميان والروح من كثر الظما ذابله

ياحارس التيه انت بصفحتي وش كتبت ؟ =اللي قضيت العمر كله وانا اعابله

لو مايقولون عليت البكا وانتحبت =بس بيقولون مجنون الهوى هابله

البارحه كنت احس اني كثير اقتربت =واليوم ابعد وياخوفي من القابله

ابطلب العذر سامحني حبيبي تعبت =واببتعد عنك لو نفسي مهي قابله

عاشرت انا الصدق في دربي واظني كذبت =مره وطاح القمر فالليله الحابله [/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحه غنيت ياحــادي العيـس=واليوم صمتك عن عيوني حـداني

اليوم تلعب بـي رياح الهواجيس=ولادري عشانك ضيقتي أو عشاني

مابين لوعات الجفا والوسـاويس=البرد ساكن فـ ارتعاش المــحاني

وانا حبيس الصمت سجن الاحاسيس=ضاق الزمان ولا وسعنـي مكاني

والنور طعمه في عيون المحابـيس=مرٍ مثل طعم الكلام بلـسـاني

متى بشعري يزهرنّ الكراريــس=ومتى بقلبي يمطــرن الأغــاني

بيت الشعر ماهو كلام بـقراطيس=ليت القصايد بالدفاتر مبــاني

والله ليفرق شعر من يرجي الكيـس=عن شعر من ينحت صخور المعاني

ويبان فرقي باختلاف المقايـيـس=حتى تحس بصدق وش كثر اعاني

والا الأماني راس مال المفاليـــس=عزي لمن كانت جداه الأمــاني [/POEM]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هذا الكلام جروح واوجاع واشواك=كنّي على طول السكوت مغصوبي

ازعلت ذولا..لجل يرضون ذولاك=لا مرضيٍ نفسي ولاهم رضوبي

تعبت اقلب في يديني هداياك=وتعبت اشاور توبتي في ذنوبي

لولا الزمن لولا الليالي ولولاك=ماصار طيبي دوب حبك ودوبي

هب الهوى يمك وبانت خفاياك=ولاعاد لك قلب يميل للهبوبي

اول عيوبك في عيوني مزاياك=واليوم ميزاتي بعينك عيوبي

وكانك تشوح اليوم منا ومناك=والله لا ارجع كل الانظار صوبي

وان قلت انا بنساك ياسرع مانساك=من قبل ينشف عطرك اللي بثوبي

الشمس باكر فيك وإلا بلياك=ماهيب لاموتي ولاهي غروبي

وإذا انقطع درب يجيبني بذكراك=كل الدروب اللي تودي دروبي [/POEM]