حَـلام الـغـلابـة !

#1 06-04-2008, 02:16 PM

[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="outset,2,black" type=1 line=1 align=center use=sp num="1,black"]
شفني على حد الزمن شاهرٍ سَيف = يركض جوادي في مطارد سحابة

قدني أصوغ "الكم" في كفّة "الكيف" = حتى لونها عند عرفك غرابة

عاشت مباديي على لمحة الطيف = شف كيف مبسطها حَلام الغلابة !

الجرح غايروالزمن نقمة حيف = أبارز جروح الزمن بالكتابة

حتى متى وأيامنا كلها صيف = الحلم مابلل قنيفك ترابه

يابحر ؛ ترمي بي على ضفة السِف = والسِيف كفه شاهرٍ لي نصابه

جزرك يطوقني يدينٍ خطاطيف = مدك شهر في وجه حلمي حِرابه

رضيت قانونك كذا دون تصريف = تملي عليّ ؛ جملة قوانين غابة

إذا شكيت الظلم من دون تعنيف = تقول بأني قد خرقت المهابة

أشيل جرحك في المحاني المهاديف = معَ جرأة حضرتك (فـ) رتكابه

شبّعتني أعذار وآمال تسويف = لوّ انها بوجيهها ما تشابه

مضمون واحد واختلافة تصانيف = لوهو يغيّر نبرته في خطابه

عذرًا ورى عذرًا تبرر تخاريف = معَ أن عذرك مايكرم جنابه

وجهٍ رضي تنضح معه بسمة الزيف = لكن خافيّه غموض وكأبة

أحس منّك موقفٍ ما بعد شيف = أحس غدرك ناضحٍ ليّ بنابه

مواصلٍ دربي كذا دون تعريف = يمكن تعوّد ؛ أو "أنا" غير أبه

شام الأمل من خافقي وانكف معيف = وأنا مساريي مساري ذيابة

روض الأمل ماعاد ينبت به الريف = اقفى الربيع اللي تلاشىَ شبابه

لوّ جيت أحسّب مربحي والتكاليف = غديت مذن مالطا والخرابة

أعيش حلمٍ لاضحك سنه مخيف = ماعاد لي في حق جرحي طلابة

ماتت لأماني وانقلب حلمها هيف = الله يجبر كسركم يالغلابة[/poem]

[align=center]
0

0

0

تــمّــت[/align]