محاورات الحلقه الثانيه من برنامج( قلطة الوطن ) ..كتابيه

رغبةٍ من قبل بعض الزوار والاعضاء اني اكتب الطواريق كتابيه
( مع ان الحلقه انتهت وفاز فيها الشاعرين شاهر العنزي وفلاح البرازي وحظ اوفر للشعراء بدر العتيبي ومعجب القحطاني )


صورة الشعراء الاربع:


[grade="00008B FF6347 008000 4B0082 A0522D"]استمتع الجمهور بالقلطات مساء الجمعة قبل الماضية بقلطة »الوطن« الثانية من مسرح القلطة في نادي النصر الرياضي.. وقد نشرنا الطاروق الأول للشعراء المشاركين.. الذين أمتعوا جماهير الشعر التي حضرت واستمعت عبر الشاشات بكل شغف.. وكما يلاحظ المتابعون ان الجمهور يساند ويشجع الشعراء المشاركين وتعايشوا معهم بكل جوارحهم وما قالوه من مفردات جميلة..
وننشر اليوم الطاروق الثاني للشعراء الذين شاركوا وهم: شاهر دالش العنزي، ومعجب جلعود القحطاني، وفلاح البرازي المطيري، وبدر المقاطي العتيبي.

و.. هذه القلطة بين كل من الشاعر شاهر دالش العنزي والشاعر معجب جلعود القحطاني.


شاهر:
الأوله سلام تسليم وافي يقضي النوب
والثانيه لله لله درك يا خليفة
ترى الكلام اللي يشرف يا ابن جلعود مطلوب
بالله عجل بالعلوم الثمينة والطريفه

معجب:
الأوله حيا اللي حضر حقي وما جوب
والثانيه حيوا خليفه راعي اليمنى الشريفه
يا ضيفنا ما قدمك الا العشا والبيت منصوب
وان كان قمت الصبح لك عندنا ضيفه وضيفه

شاهر:
ماني مجامل ودي اقول حظك حظ منكوب
ما هو ردى لكن قحطان تنظر لابن ريفه
مطلق وسياف السحيمي لهم منهاج واسلوب
يااللي تميز بالبيوت القوية والضعيفه

معجب:
انت تشوف الدرب واحد وانا قدامي دروب
وانا بسيفي وابن ريفه على دربك بسيفه
حنا تعلمنا بعلمي ما هو في الكتب مكتوب
والكحل الاسود ما نبيعه على العين الكفيفه

شاهر:
ترى الوعد قدام يا صاحبي والوقت محسوب
ريمان يشتال الحمول الثقيله والخفيفه
من خلقة الدنيا وحال البشر غالب ومغلوب
بكره تشوف العلم مكتوب في عرض الصحيفه

معجب:
شفت الوجيه أَثنين وجهي كريه وجه محبوب
والله لا يخلف نواياك يا النفس الضعيفه
عينك على الفنجال ابوهيل والفنجال مشروب
البحر له مد وجزر وان سقا سقوه لسيفه

شاهر:
نبغى ندرجها على الهون والا النفس يا دوب
الله يفكك من شقا الوقت والدنيا المخيفه
فنجالها في صوب والا انت يا رجال في صوب
تحمد الله كان حصلت لك قطعة رغيفه

معجب:
يا قو باسك تبتسم للعرب والصدر مشبوب
صدر الشمالى صار عقب السعه ناري وليفه
بكره يجيك العلم بالراس والا بيد مندوب
والخاتمه يطوى كتابك مثل طوي القطيفه





وهذه المحاورة بين الشاعرين معجب جلعود القحطاني وشاهر دالش العنزي

معجب:
تعال ياشاهر ولا أدري وش ورى قولة تعال
تبرق وترعد وان ومرها الله تسيل سيولها
اللي بصدره علم يبرز كل ما طال الجدال
واللي وصاته من عصر يمكن يسج يقولها

شاهر:
جيتك وتدري ما يوقف للرجال أَلا الرجال
عقلي معي والناس اخاطبها بقدر عقولها
حاسب نتايجها واشوف الشمس واشوف الظلال
ياما مشينا في البسيطه عرضها مع طولها

معجب:
يا فارس الزرقا سيوفك في العمام وفي الخوال
واللي تدورها ماهي حولك ولا انت بحولها
هذي سنه معها سنه دلوك تميح من الزلال
مليت بطنك والجمال ازهبتها بحمولها

شاهر:
يامعجب الله يرحم اللي خلفك ياابن الحلال
كلمتك هذي يا وسيع العرف وش مدلولها
عينك تشوف البرق يبرق في الجنوب والشمال
مالك ومال الخزنه اللي محكمات قفولها

معجب:
العاقل اللي يعرف النعمه تهدد بالزوال
تراك ياشاهر ما بين يدينها ورجولها
ماعاد تزعل من زعل ربعك كريمين السبال
اللي معك كل الحروب تصولها وتجولها

شاهر:
تحمد الله اشكره لابس لك شماغ وعقال
ولا انت يامعجب ما بين طلوعها ونزولها
الظاهر انه ياعرب ما هو خلي من الهبال
يبغي يطبل مع ريجاجيل تدق طبولها

معجب:
فرصة عمر جت بك معي مدري شهر والا ليال
وانا خبيري في البلاد جبالها وسهولها
تدري ياابن دالش دوام الحال في الدنيا محال
احوال خلق الله تحوّل قبل يمضي حولها

شاهر:
انا مع الله واطلب الخيره ولله الكمال
واللي زرع له زرعةي يصبر على محصولها
البنك تصرف فيه بالدينار والا بالريال
هذي حقيقه والحقيقه جتك حسب اوصولها

وهذه المحاورة بين الشاعرين فلاح البرازي المطيري وبدر المقاطي العتيبي

فلاح:

عاش شعب الكويت وعاش شيخ الكويت
دولة يشهد التاريخ بأفعالها
يا العتيبي بدر في خاطرك وش نويت
تعرف مطير عن تسعين خيالها

بدر:

أنت شاعر تمثل دار سمعة وصيت
ديرة تنصر اللي كل من جالها
يا البرازي توقع يمكم ما بغيت
دلتك من قبل مشروب فنجالها

فلاح:

ودي أَزوركم يا اصحابنا بيت بيت
لكن الناس مدري وش هي أحوالها
يوم شيخ العبادل يعتزي واعتزيت
بنت ابو زيد ليّه جابوا احبالها

بدر:

انت شاعر على نفسك وروحك جنيت
روح دور رجالي أشكالك اشكالها
في الزمان الموليّ كم بعت وشريت
شجرتك يا صحيبي قاصر أظلالها

فلاح:

مارضيت ان زعلت ولا زعلت ان رضيت
والرجال النشاما فالها فالها
قول لي وش هدمت وقول لي وش بنيت
يستر الله على العتبان وعيالها

بدر:

طحت قدم المقاطي يا البرازي عليت
مانبا غترة الرجال وعقالها
قول لي يا صحيبي كم خذيت وعطيت
عزوتي فـ المواقف تعرف أبطالها

فلاح:

انكّب راعي الحملة وعدم الونيت
مير حملتك يا المقرود تشتالها
ماش ما تنجح الشركة على ما بغيت
شركة الزيت نكبتها اعمالها

بدر:

يا جمل لو تمشي يا جمل لو عديت
جيت عكس الجمال وعكس جمالها
علمنا كيت كيت وعلمكم كيت كيت
نعرف اقصارها ما نجهل طوالها

فلاح:

يا بعير البدو ياللي صدرت ورغيت
ضامته حملته والارض وجبالها
ودي اعطيك نبذة كان شفتك نسيت
اعرف مطير مثل الجدي منزالها

بدر:

الجمل شال حملة وانت عنه حديت
البعارين ريحّ مالك ومالها


وهذه القلطة ما بين الشاعر بدر المقاطي العتيبي والشاعر فلاح البرازي المطيري.

بدر:
بأَسم الكويت الغالية والشعب وشيوخ الصباح
يا مرحبا بالمحفل اللي شاق عيني موقعه
ان كان ودك تكسب المليون وقّف يا فلاح
وأَحسب حسابك للذيابه دون وادي السبعه

فلاح:
دام البقا من دار أَخو نوره مروية الرماح
والحفل وافي يالعتيبي والدعاوي مقنعه
أثبت وجودي ما طلبت المد.. من ناس شحاح
صفق الهوى لاهب يصفق بالجبال الأَربعه

بدر:
طيور تشهر بالسما وتسابق أَنسام الرياح
وطيور دون القور ولها كم عام موقعه
الحرب له زرق وطعن وعزوم وجهود وسلاح
وأنته على بدر المقاطي مثل خاتم باصبعه

فلاح:
يا الطير أَبو ريشي عطر يالطير خفاق الجناح
طيري ليا منه كفخ يحجب عيونه برقعه
بدر المقاطي ما يعرف الحرب لو لبس الوشاح
والناقصه يا صاحبي فيها الصدور بوسعه

بدر:
يا اللي تدور للشهاده وأَنت ما حولك نجاح
ان كان تبغي مطمعه ما انته محصل مطمعه
بدر المقاطي من عتيبه للعدا سمي ذحاح
السم محدن يبلعه وشلون تبغى تبلعه

فلاح:
عتيبه الهيلا بعصر العولمه والأَنفتاح
اللي يطول مشلحه واللي يقصر مقطعه
ما ذمكم يا أصحابنا لكن ابعطيك اقتراح
اجمع عتيبه يا عتيبي والأمور مسنعه

بدر:
الله يدلك للهدى والله يدلك الصلاح
ما فيه داعي نكشف الأوراق خلك في السعه
ترى المعاني حرب ياللي لاهماج ولا قراح
ان كان يبغي المعركه يهرج معي واهرج معه

فلاح:
عسى السحاب اللي ركد نوه وفيه البرق لاح
يسقي البلاد اللي مصادير الذهب من مصنعه
العود سنه كبر واقضى عن مواقيفه وطاح
لكن يا واد الرمه تزَّي لوادي المجمعه[/grade]

تسلم ياوليد


لاهنت

ضيف العفو
وشكرا للحضور

تسلم ياوليد ولاهنت


ودّي وتقديري

سلمت ودمت يابو ذيب


تحياتي لك

كلهم مبدعين


لا هنت يا وليد

ناصر
لاهنت

غانم
لاهنـــــــت