* أشرف بلاد العرب فالكون واطهر ثرى *

[poem=font="Simplified Arabic,5,purple,bold,normal" bkcolor="transparent" bkimage="backgrounds/29.gif" border="ridge,9,silver" type=1 line=1 align=center use=ex num="0,black"]
ماحرك الشعر غير اللي له اسمع وارى=منظر جموعٍ تلبي وسط جوٍ طليق
في أشرف بلاد العرب مكان واطهر ثرى=في مهبط الوحي لبو حول بيتٍ عتيق
حلت وفود الحجيج تجول بأم القرى=تعانق الأفئدة من كل فجٍ عميق
مع سنة المصطفى ترجي وثيق العُرى=يا لله تسهل لهم وعثا السفر والطريق
بين المشاعر وبيت الله وقمة حُرى=أهدافهم واحده يرجون ربٍ شفيق
في خدمة ضيوف بيت الله ملك و وزرى=وأبطال من مرتبة جندي لرتبة فريق
يا مرحبا عد براقٍ تكاشف سرى=وعداد ماتكسي الأشجار خضر الوريق
وعداد من يستلذ بعد التعب بالكرى=ومن بعد حلو الكرى من نومتله يفيق
في دولةٍ شامخة للي نصاها ذرى=عمى لعين العدو وتسر عين الصديق
دولة عظام الرجال اللي ترد البرى=تثبت نهار الوغى ثبتت رواسي طويق
تشهد لموقف هل التوحيد كل الورى=بالمنجزات الجسام وفزعةٍ ماتبيق
من ما درى عن بلاد الخير من ما درى=إلها مكانه تشرفها ومجدٍ عريق
الم ترى الله مبين فضلها الم ترى=بمكة وطيبه حشا من زارها ما يضيق
دولة سلام وذرى للمضطهد وفقرى=وللمنهك اللي بحمله باركٍ ما يطيق
يعيش فيها بعز وخير بعد العَرى=وسكانها يحسبونه في مكان الصديق
تشكر مساعي بلدنا الأصدقاء وقصرى=أهدافنا واضحة والعهد عهدٍ وثيق
عبرت عن منظراً شفته وشيءٍ طرى=منظر جموعٍ تلبي حول بيتٍ عتيق[/poem]




[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وسلامتكم[/poem]