ماهوب يعنيك!!!!

[poem=font="Times New Roman,5,black,bold,normal" bkcolor="transparent" bkimage="" border="double,4,black" type=0 line=0 align=center use=ex num="0,black""]
تدخلك في شئ ماهوب يعنيك=هذا دليل أن الادب منك مسلوب
وان اللقافه فيك وابيلس مغويك=وان الذي مايستحي يعتبر طوب
اقرا الحديث اللي عن الهرج يكفيك=لاتتركه في صوب وتروح في صوب
عن حد حدك لاتعدى مواطيك=قدّام لاتنشب بطالب ومطلوب
خلك بشانك والعرب ما تنشانيك=وترى الحيا يلبسك ثوبٍ على ثوب
وليا انسلخت من الحيا برقوا فيك=وكل عطاك من اقشر الزاد ماجوب
وتزود سيئاتك وقلت حسانيك=وتصير مبغوضٍ ولوكنت محبوب
فيما يخص الناس جنب طواريك=على الذي مايشغلك منته بمغصوب
ترى التطفل مايثبت هقاويك=وليا لبسته تلبس الثوب مقلوب
وان كان احد عليها يوصيك=تراه مثل اللي يسمم لك الكوب
في حفرة المنقود وده يدربيك=وليا وقعت اقفى وخلاك منكوب
لاثانيٍ دونك ولاهو بحاميك=وانته على مايجرح الكبد مغلوب
علق كلاليب العرب في علابيك=وان جا مجالك قال مبلي ومذنوب
هاذي نصيحه وانت شوفك يقديك=ورد ودل رشاك والعد مشروب
لولا الادب والدين والله لسميك=واطلاك طلي الجرب بالاسم والتوب
لايدخلك ريب ويدخلك تشكيك=لنته بلا يوسف ولانيب يعقوب
[/poem]

ابو فالح مرحبا


صح لسانك طال عمرك



ولآهنت



أخوك /

الله عليكـ

درر يامحسن

صح الله لسااانكـ .. وسلم فكركـ

تحياتي لكـ

الله الله

صح لسانك مدد مهوب عدد
وافيه من وافي لاعدم ولاخلا

تدخـلـك فــي شــئ مـاهـوب يعنـيـكهـذا دليـل أن الادب مـنـك مسـلـوب

يا سلام عليك


صح لسااانك ولا هنت عليها كلها

الله الله

تدخـلـك فــي شــئ مـاهـوب يعنـيـك هـذا دليـل أن الادب مـنـك مسـلـوب

صح لسانك ولاهنت