ياجماعه حسبي الله على الجنس اللطيف

[align=center]السلام عليكم ورحمة الله وبركاته
هذه الابيات الثلاثه قلتها وجاراها شاعرين الاول حمد بن جميله المري وردي على مجاراته
والثاني شايع العيافي ورديي على مجاراته أمل أن تحوز على رضاكم وللتواصل معكم .
صلو على النبي [/align]
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله انه حطني بين جنبه والضليف=في زمان ثقل حمل الجمل في غاربه
ان قدمت يجرّ قلبي على الحد الرهيف= وان رجعت فرجعت الكفو تطبع شاربه
ياجماعه حسبي الله على الجنس اللطيف=مايقدر عارضٍ شاب من تجاربه[/poem]

[align=center] مجاراة حمد بن جميله المري [/align]
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]يابن شايع وشبلا صاحب الجسم الصخيف=كهرب فوادك وخلا الضفاير ضاربه؟
دام خلك منكر الملح مع حلو الرغيف=وشتبي بالحب والسم وبعقاربه
عادتن فيهم يحبون تعذيب الوليف=بنصحك من صد عنك فصد وحاربه[/poem]

[align=center]ردي على مجاراة حمد [/align]
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]ياحمد يشعاني البارق اللي له رفيف=كلما لاحت بعرض السماء كهاربه
أتقي وأصد وأقول من قلبٍ نظيف=جزت من لذة نباته ومن مشاربه
عقب ماهبّت رياحه علي ذاك الخريف=وعصفت بي تحت جنح الظلام الخاربه
حلم ليلٍ ضاع والعلم من راس العفيف =وأنتهى بالظلم وأحكم علي مكاربه[/poem]

[align=center]مجاراة شايع العيافي [/align]
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]والله اني شايف فيك ضيقات الحسيف=وانت من خلا حبال الذلول الداربه
لو عقلت ايد المطيه تحت بيت الشريف=كان مامست راس مالك وراحت هاربه
لكن الدنيا تجارب وابن شايع عسيف=وين مايمم تلقى نوايا خاربه
وان سرا مسرا الذيابه يدور له رديف=أشرقت شمسه وهو ماقضى مئاربه
اقطع العرق الموالي ويصبح له نزيف=اكثر العالم وحش نفس ماله قاربه[/poem]

[align=center]ردي على مجاراة العيافي [/align]
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]الليالي السود والحظ والحال الكسيف= كلّبوها في حياة الشقى متقاربه
والفتى مايعلم الغيب والعقل الخفيف=طاع فينا هرجة أهل الوجيه التاربه
والقضيه حلّها كلها فنجال كيف=عند عرّاف العرب والسلوم العاربه
لكن إن الشك لعمى عمى قلب الحصيف =ولاّ أنا .. ضحية أفكاره المتضاربه
ضعت مادري هو من اعداي ولا هو حليف =الوكاااااد أني من أجله حزامي كاربه[/poem]


[align=center]حفظكم الله[/align]