إلتهام (10) سعد الموقي × فهيد بن عصيدان

بالأحمر : سعد الموقي
بالأزرق : فهيد بن عصيدان


وش يطري على بالك .. أول ما تذكر :

الدَوام : اتذكرك
البحر : الهدوء والازعاج احيان
عيادة الاسنان : كنت امرها كل شهرين من باب الحرص والحين كل فتره وفتره
غــَـنـوه : غنوه مسقط رأسي وعلى قولة اهلها ( غنوه تستاهل العنوه )

مرّت عليك فتره ، كنت شعله من النشاط الاعلامي ، على مستوى الأماسي الشعرية واللقاءات المطوله في الشبكة العنكبوتيه ، إلا أنك دخلت في مرحلة فتور تام وهدوء ، ما السبب ؟

أوّل شيّ .. انا رجل لاابحث عن الاعلام كثر ماابحث عن توصيل مشاعري بطريق راقيه .. وبصراحة يابو مناحي انا فيّ كسل وفوق ذا انشغلت بين دراسه ودوام وسفر .. والسالفه اولا واخيرا مزاج واحيانا الهدوء يسبق العاصفه

اذا تبنّى شخص موهبتك ، ودعمك اعلامياً ، لكن ليس بالمستوى المتوّقع ، ووجدت ان هذا الشخص .. ذكر في أكثر من مجلس وأكثر من مطبوعة إعلاميّه بأنّه سبب ظهورك وأنّه هو الذي
اكتشفك وتبنّى موهبتك وأنّه وأنّه .. ما هي ردّة فعلك ؟

انا بطبعي .. اذكر طيب راعي الطّيب في الشعر وغير الشعر , اما اذا كان راعي منّه احاول ابتعد عن معرفته قبل كلّ شي والله لايحدني عليه


أ- كم قصيدة موجوده في جوّالك .. وما نشرتها ، انترتياً وغير انترتياً ؟

أكثر من 30 قصيده في المسودّات وخايف لااحطها ويصير لي ماصار بمحمد المسعري

ب- أجمل بيتين من آخر قصيدة كتبتها وما نشرتها ، اكتبها هنا


بجيب لك بيتين من قصيدتين مختلفات

ياعنك بعض الروس خوْيه من الطيب × لو كان تسترها الغتر والطواقي

ترى رفيق الجنب ماهوب غالي × ان مارخص : ماله ، ووجهه ، وجاهه !


اعتمادك في اغلب قصايدك على القوافي الصعبة , وش مقصدك فيها ؟ .. تظهر عضلاتك الشعريه ؟ وهل تعتقد ان اللي يكتب على القوافي الصعبة مُبدع ؟

والله مالي مقصد , لكن اغلب الاحيان لابدعت لي بيت الا هو على قافيّه صعبه فأبني عليه القصيده ولافيها لافرد عضلات ولاجري


الشعر ..موهبه او وراثة او تعليم واحتكاك ؟ وما تختار الا وحده .. وتشرح لنا سبب اختيارك

[ موهبه ] [ وراثه ] [ تعليم ] [ احتكاك ]
يعني لازم اختار وحده بس ؟ تدري كيف ؟
بختار الاجابه اللي بالنص

شاعر تحرص على جديده :
اكثر من واحد ماتحضرني اسمائهم

شاعره تحرص على جديدها :
الغائبه الحاضره نيّافه

صفحة شعبية تتابعها بشكل دايم :
والله ماتابع صفحه بحد ذاتها

مُعد صفحة شعبيه تحس انه مجتهد وراح ينجح :
نايف بندر ولكن للاسف ماكمل

بيت شعري لن تنساه :
ترديت لكني ترديت في رجال = اذا طبت علم وان ترديت ماعلم


انا ادري ان الشهره تغريك .. لكن ليه تغريك ؟ .. يعني تبي الناس لا شافوك في مكان عام .. قالو هذا بن عصيدان الشاعر المشهور ؟

مافيه احد ماتغريه الشهره حتى اللي يقول ان الشهره ماتغريه .. تغريه ، واذا خيروني من ينتشر وينعرف انا ولا قصيدي بختار قصيدي ومهو بحلمي ينقال عني الشاعر المشهور ، حلمي فالشعر ارضاء نفسي شعرياً

هل تؤيد ان يلتزم الشاعر المشهور ببرستيج خاص وشغلات معيّنه .. كونه شاعر مشهور ؟ او تؤيد انه يتصرف بشكل طبيعي .؟ بطلعاته بـ لبسه بـ شكلة ؟ فبعض الشعراء يستحي يطلع برا البيت بدون غتره وعقال .. ولا قلت له المسأله عادية .. قال لك لا وش يقولون لا شافوني الناس ؟

الرجّال الرجّال ماتغيّره شهره ولابرستيج , تلقى برستيجه واحد الشهره يمكن تخلّيك تخلّيك اتحشّد شوي , اما سالفة تطلع بدون غتره , مافيه احد يطلع بدون غتره شاعر والا ماهوب شاعر .,

هذا طبعاً توضيح لطبيعة السؤال



1- العالم تعرف فهيد بن عصيدان .. نبي الأسم الخماسي كامل !

الا ماودّك اعدّه لين اتعدّا يام ؟

فهـيد بن محمّـد بن حـمد آل عـصــيدان العجمي

2- عمرك ؟

24 وقابل للزياده

ولماذا لم تُشارك في شاعر المليون السنة هذي رغم انك مشارك العام .. ولو شاركت هالسنه كان فرصتك كبيره .. لكن ليه ما شاركت ؟؟ واتمنى التووضيح بشكل كامل

العام شاركت , وتأهلت لماقبل لـ 48 بإجماع وإشاده , والزمان ذا عندي اشغال مايعلم بها الا الله تعالى ودق علي ناصر مناحي وقال انا فالفندق وخذيت لك رقم للجنه ( سافط لي جعله يحيا ) وجيت لبوناحي وسلمت على الربع وتقهويت وعوّدت مثل ماجيت لاشاركت ولاهم يحزنون .. مثل ماقلت لك اشغال وبلا وجلا .. وماتدري يمكن تشوفني هالسنه في شاطي الراحه .!


.....

يعطيك العافية

لا خلا ولا عدم