بدر الحويفي .. في رائعتين

[align=center](1)[/align]

[align=center]ماأخطي ومن ميّل عليّه خزمته[/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يارجل ياللي في غيابي تكلمت=علمك علي بالي ورزمك فهمته
ياللي بحجه مستحيله توهمت=حولت حظك وسط بير وهدمته
سيلك تدفق من شفاك وتخرمت=ليتك عن اللي ما استحقه ردمته
وأن كان هادف لك هدف يوم هاجمت=العقل شوري والتزامك بصمته
وكان الجهل سيطر عليك وتقدمت=ماظن يثبت قولك اللي زعمته
وأن ضعت مع طيش الطواري وهايمت=بركت للحق المصيب وغرمته
غادي وخيّل لك خيالك ورهمت=وسم الحنيش لو تلحسه ماجغمته
غروك ناسٍ من نسمهم تسممت=واللي عطى الله لو تبي ماحرمته
انصحك وإلا ماعلي لوتقحمت=دام أحتمل زلت رفيقي حشمته
ونصيحتي وجهة نظر ما تغيشمت=شبحي بعيد ومن غدا ماغشمته
شبحي بعيد ولاأستعديت نظمت=والشوك لاجاء في طريقي دقمته
وليا بغيت أهدي هديه وقسمت=ماهس بالميزان قسمٍ قسمته
أنا ليا مني بالأوضاع ساهمت=أصوّر الواقع نظر لارسمته
ماني غشيم من التجارب تعلمت=وأن مال ميزان القريحه حكمته
لامعنت بأسلوب المعاني وخاصمت=خصمي بجزلات المعاني خصمته
بلحام سكرت الملاحم ولحمت=وعلي منافيذ الملاحم برمته
لاسقت طاروق القريحه وصممت=حذفي علي اللي يستحقه رجمته
وبعض الكلام أخيرمن رده الصمت=وأن جاء من الجاهل غلط ماجرمته
وعن بعض مانسمع ويهرج تشيمت=وسلم الرجال أهل السلوم احترمته
ولوكل ماثارت عجاجه تحيزمت=تهت الطريق وكل عاير صدمته
مهما حصل بأسلوب عقلي تحكمت=ورأي الحكيم المعتدل مالطمته
لوكان به ناسٍ توجه لي الشمت=مهما يقال بغيبتي ماحلمته
بعض الكلام اليا سمعته تلطمت=وفيض المجالس ماأزعجتني نغمته
طبعي علي تأديب الأخلاق داومت=ومن ضاع عن درب السنع مادعمته
لابس حرامي من شفا السيل وأحرمت=والعلم بالقلب المفتح حزمته
وحقيقة الواقع بها ماتحلمت=من مصدرٍ ماثوق سر وكتمته
ان شافها وإلا نصيته وسلمت=وحددت له مرسام حد ووسمته
ودليته اليمّه وبالله تعصمت=الا أن تراجع صاحبي عن وهمته
ظنه ظنين اليا قريته وترجمت=بالحق وأسناد الوثايق هزمته
وأن ضاق صدره من كلامي تبسمت=وأن مد لي كف الرضا ماشتمته
ماني سفيه اليا أحترك عود برعمت=واللي مجنب سيرتي ماعزمته
وان دار دولاب الهواجيس وأبرمت=معناي عن نقد العوارف عصمته
مابعت في سوق الضغاين ولاسمت=ماأخطي ومن ميّل عليّه خزمته
ماأفطر علي تشويه الأوضاع لاصمت=وراس الصديع اليا أعترضني حجمته
وبسلوم لزمات الرجاجيل لازمت=أسيرمع سلم الرجال ولزمته
وليا سفهت التافهه ماتندمت=وماعون خلاق المشاكل خدمته
وأنا مع اللي يفتهمها تفاهمت=ومن لاتطرق منهجي مازهمته
وأن حدني حادي قوامه وقاومت=سبحت مع موج البحر وأقتحمته
جهزت نفسي للعبوروتولمت=عمق البحر لوهاج موجه دحمته
وجهتها بيضا صريحه وحكمت=أحكمت مضمون الجواب ونظمته
تم الجواب اللي نضمته وتممت=والوصل من راع البريد استلمته
وصدرتها بأسلوب هادي وترجمت=ومن لاظلم نفسه حشا ما ظلمته
أدخل علي الله بالخطا ماتذممت=وحق العباد وقدرهم ماهضمته
وجو الصداقه ماسجته ولغمت=معرض عن الغايب ولا أكل لحمته
ودام أمتلك نفسي عن الظلم حرمت=لوكان تجذبني لشخص أتهمته
لبستها ثوب المناعه وسجمت=وأرجي عسى الجاهل يوطي رضمته[/poem]


[align=center](2)[/align]

[align=center]مـرارة الدنيـا تخـرب طعمـهـا [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قـال الـذي نفسـه بعقلـه حكمهـا =عن كلمة (ن) مضمونها يجـرح شعـور
مـا ذم نـاس ولا تخطـرا شيمهـا =وليا خصـم يفلـج علـى شاهـد الـزور
وناس(ن) تكافي شرها مـا شتمهـا =يرعى الحقوق ولا كشف ستـر مستـور
والقافيـه لا لاوحـت مـا غشمهـا =ماهـو علـى البهتـان والظلـم مجبـور
لو هو ليا مـس الحبـال وحزمهـا =يبـلى بهـا محـدود الأفكـار ويـخـور
ما هو عمـى عينـه تقـدي قدمهـا =جـرب ومـن كثـر التجاريـب دكتـور
والطيبـه لاوافقـت مــا لطمـهـا =يفتح لهـا المصـراع والبـال مسـرور
مـا غرتـه دنيـا النهايـة عدمهـا =مصيـر اهلهـا تحـت الألحـاد بقبـور
الدايـم اللـي بيـن خلقـه قسمـهـا =اللي دعاء موسى علـى جانـب الطـور
مـرارة الدنيـا تخـرب طعمـهـا =ابا انصـح الجاهـل بهـا يقبـل الشـور
قـدام تـردم فـوق راسـه اردمهـا =في ماقف(ن) عن شوف الاحباب مهجـور
من لاعرف مقـدار نفسـه ظلمهـا =بالكـذب والبهتـان مغـراء وممـهـور
اما شـرع بالنـاس ياكـل لحمهـا =والا ورى دنيـا الفنـى تقـل مسـعـور
يخطي على نفسـه ويتبـع وهمهـا =والنفس ماتحمـل وزن ريـش عصفـور
وش حيلها كان ان مـا الله رحمهـا =في ساعة(ن) فيهـا معـذب ومـا جـور
في ما قف(ن) شمسه شديد (ن) وحمها =تشخص بـه الأبصـار والكبـر مكبـور
مـا ينفـع النفـس الذميمـه ندمهـا =خص النفوس اللي بهـا كبـر وغـرور
كـل جـزاه بصفحتـه لاستلمـهـا =يبـي يشـوف اللـي بالاحكـام مذكـور
تفقد بـه النفـس الرهينـه كرمهـا =لـو كـان بالدنيـا لهـا ذنـب مغفـور
حسيبهـا الخـلاق مجـري نسمهـا =اللي علـى ظلـم الجهـل سلـط النـور
ومن صان نفسه با حترام وعصمهـا =يخشى الكريـم ويجتنـب كـل محـذور
ويسايـر العالـم ويقـرق قيمـهـا =النفـس مثـل النفـس مـا تقبـل الجـور
واللي عرف للنفـس قـدر وحشمهـا =يجعل لها من حسـن الاخـلاق ميسـور
واللي من اخـلاق المكـارم حرمهـا =يعـيـش بالدنـيـا معـقـد ومقـهـور
اخـص نـاس(ن) ماتبـري ذممهـا =حديثهـم بالنـاس غيـبـات وفـجـور
اللـي بنفسـه شـك هـو متهمهـا =واللـي يحقـر النـاس بالعيـن محقـور
مـن دق بحقـوق العبـاد وهظمهـا =اقرب حراه اردى العرب بـاع وشبـور
ان حب يبـدي حجتـه وان كتمهـا =قيـده ثـلاث اقفـال والحبـل مقصـور
وان العقـول التايهـه مـا عزمهـا =وان سيرت تقلـط علـى غيـر مخسـور
تقلط على اللي سمهـا فـي دسمهـا =للقـلـب جنبـيـه وللكـبـد دافـــور
هـذا دواء القلـوب .... وشممـهـا =وباق الدواء لأمراض الاعصاب مصرور
ودرعـي ليا مـس الذريبـه دمقهـا =يوم البراء مكشـوف والـدرع لـه دور
لاعشرت عـوب النفـوس نخزمهـا =ايـام وضـع النـاس ظافـر ومظفـور
نوفـي ونافـي للرجـال بلزمـهـا =يوم العرب مـن بينهـم خـوف ونـذور
على النقاء دهـم الجمـوع نهزمهـا =يـوم السبايـا عجهـا يركـب الـقـور[/poem]

.


النرجسيه


هذي انت قلتيها ( بدر الحويفي )
إسمه يتحدث , ألف شكر لك ولاهنتي .,



..,

ياسلام يالنرجسيه


اختيار موفق


بدر الحويفي الحربي


من أجمل وأبدع شعراء الجزيره العربيه


ويطربني دايم



تمنيت جايبه قصيدة الطير سلمان


ولا قصيدة بالطير اللي يقول


أنا غرامي وانبساطـي وعيـدي
تفريعة القرناس بأرضن بها صيد


على فكره البيت هذا عالق معي له ست سنين


شكرا يالنرجسيه على مواضيعك


تقبل مروري ...

( النرجسيه )

1000 شكر على نقل روائع .. الشاعر / العلم : بدر الحويفي
في هاتين الدرتين .
إبداع .. بل دروس في الإبداع .

اكرر الشكر .. لك .. ودمتي بهذا الحضور المثري .

النرجسية



شكراا جزيلااا

صح لسان الشاعر / بدر الحويفي

ولاهنتِ على النقل


لكِ الشكر والتقدير

الله الله الله
شاعر كبير
لاهنتي يالنرجسيه

الله الله الله

صح لسان العلم بدر الحويفي

ولاهنتي على النقل الرائع والاختيار الراقي

تحيتي واحترامي

اخوك

النرجسيه


هذي انت قلتيها ( بدر الحويفي )
إسمه يتحدث , ألف شكر لك ولاهنتي .,

فعلاً رائعتين لـ شاعر مبدع ورائع

لاهنتي يالنرجسيّه

هلا اختي النرجسيه
الف شكر على هالنقل الرائع
وصح لسان الشاعر بدر الحويفي

ما من طول النفس وقوة التركيب عند هالعبقري الأصيل ..



ميتين ألف شكر لصاحبة السبق في نقل هاتين القصيدتين ..



سلام’ عليكم

بدر الحويفي


شاعر عملاق ومعروف


حضوره متميز واشعاره مشهوره


لاهنتي يالنرجسيه

مسائك الله بالنور النرجسيه

قصيده رائعه

من شااعر جزل


دمتي بريح الخزاامى