((الوووه)) ((الوووه)) ((الوووه)) مين؟؟

السلام عليكم ورحمة الله



اخواني اعضاء منتدى المرقاب أضع هذه القصيده المتواضعه بين ايديكم واتمنى ان تنال على اعجابكم






[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]خلي طراطيش الكلام وطالعي فعايلك=اليا متى وانتي بحقي تغلطين وتزعلين

تسريحـتك..ميـكئبك..استـشوارك لجدايـلك=تنسيق ساعتك اليسار بلون خاتمك اليمين

أبختصر كثر الكلام المقصد أن استايلك=أقل حاجه ياخذك عند المرايه ساعتين

بس الذي مابين هالثنتين هذي شايلك=ماله نصيب يشوفك الا بين حين وبين حين

زرع المحبه بالحشا منه انتظر حصايلك=ولادريت ان الحصيله من كفوفك طعنتين

البارحه قلبي نغزني لين صرت أخايلك =غيمه تكبّد في سماي وبأرض غيري تمطرين

دقيّت من رقمٍ سوا على رقم موبايلك=ورديتي برقه ولين ((الوووه)) ((الوووه)) ((الوووه)) مين؟؟

قلت الذي وده يطولك مير ماهو طايلك= يالورده اللي في زهاها زينة للناظرين

قلتي يا (خالد) خابرتك وخابره عمايلك=ياحبني لك والغلا والشوق في قلبي دفين

قلت اي( خالد) صاحبك (سطام) بالله سايلك=بالله خالد مين ؟؟والعالم هجوع ونايمين

زانت علومك منهو اللي من ورايه جايلك=قلتي من انت وقلت انا اللي تاه في حلمك سنين

انا الذي يرتاح لامنه قرا رسايلك=واحتاج لك مثل أحتياج الاورده للاكسجين

تارك ظلال المترفات ومحتمل قوايلك=كله لعينك بس بالاخر طلعتي تلعبين

طاح الستار اللي منول عن عيوني حايلك=واللي حصل واقع ولايمديك عقبه تنكرين

واليوم جيت أودعّك ماني بجاي أحايلك=أقولك من صادق الاحساس عندي كلمتين

مادنّس الحب العفيف الا سبب مثايلك= والصبر مفتاح الفرج والمختبي لازم يبين

معذور ياقلبي مادام استنفذت وسايلك=وياعين دمعك غالي وحرام لاجله تدمعين[/POEM]