 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: المرقاب العَام :.. مناسبات و اقتراحات الأعضاء - مواضيع منوّعة |
 |
|
|
أدوات الموضوع | ابحث في الموضوع | انواع عرض الموضوع |
|
#1
14-12-2007, 07:58 PM
|
||||||||||
|
||||||||||
|
في حيّنا (( ملقوف )) .. !!
:
: مع كل صباح تقابله وأنت تهم بركوب سيارتك .. ويسألك وهو يعلم أنك ذاهب ترزق الله .. الى أين تذهب بصيغته الخاصة (( على وين مع هالصبح )) .. ؟؟ وترد بينك وبين نفسك يالله صباح خير .. !! يوقفك لمدة نصف ساعه على الأقل .. يسوق لك تقرير بأهم أحداث اليوم المنصرم .. وتوقعات اليوم الجديد .. البيت الفلاني (( ولدهم )) أوذاني بالتفحيط .. اذا مر بي فالشارع حذف السيارة علي .. والبيت الأخر (( أمهم )) نقلوها للمستشفى لأرتفاع السكر معها .. وراعي البقالة يبيع (( التتن )) على الوراعين .. واللي ساكن بأقصى عاير في الحارة البارح كان عنده عشاء ولاعزمني .. وأنا اقول في نفسي بعذره .. أجل يجيب (( الغثاء )) لنفسه ولضيوفه .. وقبل أن اكمل حديثي لنفسي يفاجأني بقوله : بس أعجبك (( قلطت )) عليهم وتعشيت معهم وأخذت علومهم واحد واحد .. !! حاولت التخلص منه .. وركبت السيارة وقلت عن (( أذنك )) .. وبادرني بسؤال يكرره له عدة أيام : (( الشنطة )) اللي في المرتبة الخلفيه وشهي له .. ؟؟ وجاوبت ذات الجواب وقلت : فيها أوراق خاصة .. !! ويرد : شلها ترا الحرامية كاثرين هاليومين .. بيشفونها ويحسبون فيها (( فلوس )) ويكسرون (( قزاز )) السيارة .. والا أنا خابر أن ماعندك الا (( الضعوي )) .. تراهم كاسرين قزازة سيارة ولد عم لي قبل مده .. قلت ولد عمك هذا عنده (( ضعوي )) والا ماعنده .. ؟؟ قال : أأأأأيه .. بنبرة حادة .. وبدأ يقص لي قصته بالتفصيل (( الممل )) .. ركبت السيارة بعد أنفلاتي منه .. وقررت أني أشيل الشنطة عشان أختصر 10 دقايق من قرقه اليومي .. ومن الغد يصيدني في نفس الموعد .. وبعد نشرته اليومية المعتادة يطل في المرتبة الخلفية ولايجد الشنطة .. فيسأل : الشنطة وين .. ؟؟ أرد عليه : شلتها في البيت عشان مايكسر قزاز السيارة .. فيسأل بأستغراب ممزوج بشي من (( الوجل )) المصطنع : عساك ماخليتها في الملحق ..؟؟ مثل ماسوا ولد خالي ولقوها (( الوراعين )) ورموها في نار المشب .. وأحترقت أوراقه المهمه اللي فيها شهاداته ودفتر (( العائلة )) .. وبعد نطق العائلة (( رقّص )) حواجبه من باب الأستفزاز .. قلت : مافيها أوراق مهمه ولاشهادات ولاعندي دفتر عائلة .. وطبعاً مارقّصت حواجبي مثله .. !! قال : خابر أن ماعندك الا (( الضعوي )) .. !! وركبت سيارتي ومشيت .. !! من الغد تفاجأت أني مالقيته بنفس الموعد .. سألت عنه وقالوا أنه (( منّوم )) في المستشفى .. بعد ألتهاب (( المرارة )) عليه .. قلت من (( المرارة )) اللي سقاها الناس .. ذهبت لزيارته ووجدته خارج للتو من تأثير البنج .. ولسانه ثقيل وأنينه واجد وحيله مهدود .. سلّمت عليه وأول ماجلست قال : الشرطة مامسكوا الولد اللي أوذانا بالتفحيط في الحارة .. قلت : لا الشرطة .. ماعندها الا (( الضعوي )) .. وهنا (( رقّصت )) حواجبي وطلعت .. !! 
|
|
14-12-2007, 08:28 PM
|
#2 | |
|
(*(عضو)*)
|
هههههههههههه هذا يذكرّني بــ ( مادريتتتا ) ..
 أضحك الله سنك يالدحمي ، معنّي ماودي اضحك هاليومين  تشكراتي ، |
|
|
،
|
|
14-12-2007, 08:46 PM
|
#3 | |
|
(*( عضو )*)
|
يا كثرهم يا ابو حمد
و الله يعينك على مثل هالجيران.... عاد المشكله لو ما ترد عليه بيقول لك عسى ما باس ارب منت بمصخّن يا ابو حمد .. شفيك ما تهرج ثم يجيك الترقيص اللي على وذنه صح تحياتي يا عمي |
|
|
|
|
14-12-2007, 10:19 PM
|
#4 | |
|
مشرف عام
|
الله يعينك
صدقني مايقهرني الا العلم ولا السؤال اللي ماهوب من اختصاصي لله درك على مواضيعك الحلوه ياحلو مع أجمل تحية أخوك |
|
|
.
|
|
14-12-2007, 11:00 PM
|
#5 | |
|
الإداره
|
وبادرني بسؤال يكرره له عدة أيام : (( الشنطة )) اللي في المرتبة الخلفيه وشهي له .. ؟؟
وجاوبت ذات الجواب وقلت : فيها أوراق خاصة .. !! ويرد : شلها ترا الحرامية كاثرين هاليومين .. بيشفونها ويحسبون فيها (( فلوس )) ويكسرون (( قزاز )) السيارة .. والا أنا خابر أن ماعندك الا (( الضعوي )) .. هههههههههههههههههههههههههه والله الضغط لكن تدري يبو حمد اتوقع ان مرارته قامت عليه لانه فقد له واحد مناللي كان يوقتلهم ويغثهم في وقت غير الوقت اللي يلقاك فيه .. ومثل ما قال ابومهنا ياكثرهم كثراه سلمت سلمت والله يكتب اجرك في تحمّل لقافة الملقوف وزيارته بعد
|
|
|
|
|
14-12-2007, 11:11 PM
|
#6 | |
|
(*( عضو )*)
|
هههههههههههههههههههههههههههههه
والله الجار البلشه ,, يعني مهما تحاول تتجنب اسئلته !! يلقى له مدخل عليك وهذا النوع تعتبر موهبه بس مالقى من يصقلها له ويوظفها التوظيف الصحيح مثل لاعب الهلال الجديد (( ليلو )) <<< ادري مشاركه مالها دخل بس دابل كبدي حركته واجد وبركته شوي ,, وهي بالواقع ماعنده الضعوي ,, ابو حمد ,, شكرآ وماابرك من هـ الجار
|
|
|
|
|
15-12-2007, 12:26 AM
|
#7 | |
|
(*( عضو )*)
|
ههههههههههههههههههههههههههههههههههههه
الغالي عبدالرحمن الشيباني والله اني ما الووومه جارك ياخي واحد جاره عبدالرحمن وماتبيه ياخذ علومه كل يووم ؟ ما اقول الا الله يخليك لنا ويطوول فعمرك يا ابو حمد . دمت بصحه وعافيه . |
|
|
|
|
15-12-2007, 12:34 AM
|
#8 | |
|
الإدارة
|
هذا والله ( المغثّه )
لكن .. مالك غير تشّد .. وتغيّر رقم جوالك ثم ترسل عليه واحدٍ يعزيّه فيك يمكن تفتك منه .. ويدعي لك بالرحمه |
|
 
|
|
15-12-2007, 09:50 AM
|
#9 | |
|
(*( مشرف )*)
|
.
ههههههههههههههههههههههههههههههه هذا مامنه فكه لن شلت الشنطه ولن خليتها يا سلالالالالالالالالامي على يابو حمد . |
|
|
|
|
15-12-2007, 05:18 PM
|
#10 | |
|
مستشار
|
ههههههههههههه
الا على فكره يابو حمد ليش تكتب باللون الازرق <<- ملقوف ياخي سجل الاعجاب المتجدجد لله درك .. احيي هكذا قلم على هكذا حضور << - متعوب عليها 
|
|
|
|
|
15-12-2007, 06:47 PM
|
#11 | |
|
(*( عضو )*)
|
الغالي ابو حمد _________ (( .. وأحترقت أوراقه المهمه اللي فيها شهاداته ودفتر (( العائلة )) .. وبعد نطق العائلة (( رقّص )) حواجبه من باب الأستفزاز .. )) .. والله إنّك مبدع عسلي أو خليط من الإبداع والدوعني .. أدامك الله لنا وأطال في عمرك .. حتى (( تتزوّج )) و تنجب (( العشرات )) من الأولاد والبنات !. ________________ |
|
|
Email fmq861@yahoo.com twitter falihalhajri
|
|
15-12-2007, 06:56 PM
|
#12 | |
|
(*(عضو)*)
|
وبعد نطق العائلة (( رقّص )) حواجبه من باب الأستفزاز ..
قلت : مافيها أوراق مهمه ولاشهادات ولاعندي دفتر عائلة .. وطبعاً مارقّصت حواجبي مثله .. !! ههههههههههههههه ماهوب من زين حواجبك يوم ترقصها / ياخي حتى قفشاتك ابداع واستمتاع ادامك الله سنين يالدحمي اعجابي بكل حرف اخووك |
|
|
|
|
15-12-2007, 07:25 PM
|
#13 | |
|
(*( عضو )*)
|
ابوحمد
بس علّمنا عن الضعوي هذا ويش هو ! وهل عندك ضعوي مثل ماقال ولا لأ
|
|
|
,,
,, من عطر سيرتك مرٌت علي نفحه = قلت أجيبك لو اني مبعدٍ عنك باخذ الغيم حبري والسما صفحه = وأرسمك وأشتكي لك وأشتكي منك ، Twitter / fahadal3bdan
|
|
16-12-2007, 12:23 AM
|
#14 | |
|
(*( عضو )*)
|
فيسأل : الشنطة وين .. ؟؟
أرد عليه : شلتها في البيت عشان مايكسر قزاز السيارة .. فيسأل بأستغراب ممزوج بشي من (( الوجل )) المصطنع : عساك ماخليتها في الملحق ..؟؟ ههههههههههههههههه ابو حمد .. الله يضحك سنك و يزوجك قل آمين .. عشان مايرقص حواجبه عليك ابو مراره .. متابعتي و اعجابي .. رحيم |
|
|
..
علـّمني العمر وش يسوى بليــّاك ..................... لا جيـت أدوّر عليـك و ما لقيتـك ! ...
|
|
16-12-2007, 01:11 AM
|
#15 | |
|
(*( عضو )*)
|
يا أخي أنا و أنا هنا زهقت من جارك ذا
هههههههههههههههههه لا هنت يا أبو داحم .. عندك كفشات حلوه 
|
|
|
|
|
16-12-2007, 10:06 PM
|
#16 | |
|
مشرف عام
|
فيسأل : الشنطة وين .. ؟؟
أرد عليه : شلتها في البيت عشان مايكسر قزاز السيارة .. فيسأل بأستغراب ممزوج بشي من (( الوجل )) المصطنع : عساك ماخليتها في الملحق ..؟؟ مثل ماسوا ولد خالي ولقوها (( الوراعين )) ورموها في نار المشب .. وأحترقت أوراقه المهمه اللي فيها شهاداته ودفتر (( العائلة )) .. وبعد نطق العائلة (( رقّص )) حواجبه من باب الأستفزاز .. هههههههههههههههه مبدع مبدع مبدع واقعيه يابو حمد دمت للمرقاب |
|
|
،
|
|
17-12-2007, 02:47 AM
|
#17 | |
|
(*( عضو )*)
|
هههههههههه
الله يرج ابليسك يالدحمي |
|
|
|
|
17-12-2007, 04:26 AM
|
#18 | |
|
(*( عضوة )*)
|
[align=center].
: عبدالرحمن حمد .. . موضوع جميل و حبكه أروع .. . .[/align] |
|
|
ليت الزمن ( عتيبي ) ونبخص اسلومه // لا ضاق صدري قلت تكفين يا ( الهيلا )
اسألني ،، ،
|
|
17-12-2007, 04:49 AM
|
#19 | |
|
(*( عضو )*)
|
عبدالرحمن حمد..
هههههههههههههههههههههههههههه نصيحه..شد من((الحاره))لاتجيك((المراره))
|
|
|
:
(استغفر الله العظيم واتوب اليه) : rayath.al_ezz@hotmail.com
|
|
18-12-2007, 01:05 AM
|
#20 | |
|
(*( عضو )*)
|
ههههههههههه
هذا والله النشبه في حيكم نشبه الله يعينكم يا حبني لمواضيعك يا استاذ عبدالرحمن سلامي واحترامي |
|
|
====
|
|
18-12-2007, 03:08 PM
|
#21 | |
|
(*(عضو)*)
|
تضاف مع نهاية بعير عاشق ممتعه يا بوحمد كل عام وانت بخير وعيدك مبارك يا استاذ ، ... |
|
|
|
|
22-12-2007, 09:21 AM
|
#22 | |
|
مستشار إداري
|
ههههههههههههههههه
اضحك الله سنك يا ابو داحم ( في مرقابنا مبـــدع ) تقديري |
|
 سامحيني واطردي همكـ وراي _________ الذنوب كبار والمخطي انا http://www.montada.mergab.com/showth...49#post1226949 للـتواصل ! ben-msoi@hotmail.com
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
