*** روضــة السـلـطــان ***

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
السلام عليكم ورحمة الله وبركاته


للتواصل مع المواهب


.

رسمتك سحابة للعطش بالوفاء هتان = تساقي عروقٍ بالغلا دوم مبتلة
وكملت رسمك روضةٍ في حمى السلطان=سبلها اول الوسمي وساقاه في حله
تشابك زماليق الخضار المروج الوان=حدت من يناظر عشبها ما افترش زله
وسكنتك ملاذ لوحدتي واعتبرك اوطان=وبنيتك كيان احميه وارتاح في ضله
وسهرتك مراسم شوق ياسيّد الديوان=على شان جلسة صلح واحجاجك تفله
وأثر نيّتك تعذيب للعاشق السهران =عسى القلب من تعذيب خلك برد غله
انا ما اعرف اقراء الكف يالغالي الزعلان=على شان اداري خاطرك ما ازعلك لِله
ولا كنت اضن الغيرة الا مثل غلطان=وأثر غيرة الأحباب ماتغفر الزله
تطمن بلاش الغيرة اللي كما البركان= واحاسيس قلب محب وشعورة إتدله
تمكن غلاك بخافقٍ للوفاء ما خان =عهوده موثقها عطاك الغلا كله
ترجّح غلاك بخافقي كفّة الميزان= ولا يختلف ميزان قلبي ولا دله
واخفي همومي عنك واضحك وشاني شان=ولا ابغى يبين الهم تهتم وتشلّه
تبادل مشاعر ود للعاشق الولهان = تنسيه كل الهم من دقّه وجلّه
و اناجيك في صمتى واناديك بالوجدان= تسلطنت في صدرٍ وطن وانت محتله
لك الذبذبات النبض والفكر ماجلان = وبعد ما ملكت القلب ما ارضى انك إتذله


.
[/poem]



.